رد على: زائر (15)

احترم رايج / رايك ووجهة نظرج/ك
وليش العيب ؟؟؟
انا قلت وجهة نظري وماجرحت بأحد
هذا الواقع ونت خلك/ج مكان الاب او مكان الام ؟؟؟
بس انني ونتكلم بغير منطق هذا لايرضاه العقل ؟؟
والله يمكن السائق يقرب لكم ؟؟
من جذيه الدفاع مستميت !!!!
خل ننظر للموضوع بحيادية وبعيدا عن العاطفة ؟؟!!!
والله يرحم المتوفي ويعين السائق
ودمتم يود

..

قال تعالى : { وما كان لمؤمن أن يقتل مؤمنا إلا خطأ ومن قتل مؤمنا خطأ فتحرير رقبة مؤمنة ودية مسلمة إلى أهله إلا أن يصدقوا فإن كان من قوم عدو لكم وهو مؤمن فتحرير رقبة مؤمنة وإن كان من قوم بينكم وبينهم ميثاق فدية [ ص: 596 ] مسلمة إلى أهله وتحرير رقبة مؤمنة فمن لم يجد فصيام شهرين متتابعين توبة من الله وكان الله عليما حكيما ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه وأعد له عذابا عظيما }

رد على كلام السائق كلا مستعجل

اولا سلام عليكم جميعا ، وعيب هالكلام وانت ولد ديرته ولو كنت انت مكانه وتشتغل بنفس الشغله وعندك ناس غير تبي توصلهم اكيد بتستعجل احنى نفسنا نوصل عيالنا ونكون مستعجلين فما بالك اهو عليه كذا طالب لازم يوصلون المدارس في وقت محدد ؟؟؟ على العموم اهم شي والد الطفل متفهم الموضوع وما عليه من احد والسالفه سالفه ضمير وبس لا غير

السائق هذا كله مسعجل

السائق متهور وانا من منطقة النويدرات مجمع 644 وكان اليوم فيه 12 ساعة موب 24 ساعة كله مسرع ؟؟
من جذيه كان الحادث والله اعلم
ملاحظة: اكثر سواق الباصات اللي يجون داخل القرى مستعجلين ويسوي ازعاج من الصبح بهرن السيارة ؟؟!!!
هذي وجهة نظري ودمتم بود والله يرحم المتوفي

رقم 8 عيب عليك

هذا يترزق منهم بدوسهم بسياره معقوله !!!يعني انا شفت بنفسي وكنت ماخذ عيالي من المدرسه الحدث والحضور شهود اعيان مافي تهور ابد.. وللعلم كان ياخذ ولدي فترة الصباح انسان خلوق ... والله يصبر الكل

مغربيه وأفتخر

سواق الباص غني عن التعريف بأخلاقه وطيبه وما كان قصده 000000000000بس الله كتب ها الشيء والعوض على الله ومعروفين أهل ها القريه بطيبهم وتسامحهم عاشت قريه النويدرات

رد على مواطن بلا هوية

رد على مواطن بلا هوية ترى لو كنت مكان الشخص الي دهس الطفل من غير قصد راح اتقول نفس الكلام ان والد الطفل ما يتنازل لازم يأخذ حقة وجزائة منك لا تحكم على الشخص وانت ما تدري ووالد الطفل الله يعطية العافية وربنا ايعوضة خير في الدنيا والاخرة والرحمة زينة يا ناس

بحرانية وأفتخر

الله يرحمة برحمته والرحمة زينه وأصلآ والد الطفل عارف أن مافي فايده الولد وراح وش الفايده من أخذ الحق من السائق لفلوس يعني الله الغني عنه لو بيأخذه ما يقدر يصرفه كفايه أنه أتعادل دم ولده الله يساعدهم بس

الله يساعدهم

اكيد مو متعمد والله الله يساعده هو بعد مسكين مو بايده والطفل الله يرحمه كان يومه والله يصبر العائلتين والله شي موسهل

هههههه

لأن السايق منكم وفيكم عشان جذي تقولون المسكين و الفقير أما اذا كان أجنبي فقلتوا اعدموا أو حبسوا أو أو أو........ ترى كل الحوادث تصير غير متعمدة!! بس الحمدلله أن الوالد عفا عنه.. وان شاء الله المحكمة بعد تنظر في أمره دام أن الناس شهدوا بحذره في السياقة

مو متعمد !!!

مسكين السائق كان مو متعمد ان يدوسه بالسيارة ،،، يعني معقووولة بيقتل روح بتعمد وهذي يومه الله يرحمه ويغمد روحه الجنة...

رحمه والديك يا والد الطفل

يستحق الشكر والتقدير والد الطفل لانه موت الطفل قضاء وقدر والحادث ماهو لا سبب ادى الى وفاااته هذا يومه ((((تعددت الاسبابب فموت واحد)))
والد الطفل يبن عليه رجل مؤمن والله يعطيه فيه خير ان شاء الله

هذا يومه

هذا يومه يعني شنو الابو بياخذ حقه او بيرجع له ولده خلاص واصلا مسكين السائق ماكان قاصد وصج هذا يومه وحرام اذا كان صبي ومو متعمد جووف جم بيحكمون عليه وخبركم محاكمنا بس في ذي الشي يعطوون الحكم لازم وزياده اما الاغتصاب والا بووق والا حتى قتل متعمد شهر والا اذا قطعوا روحهم سنه بس عاد ليش يطلعون فيها على هالفقير المسكين اللي مايقصد

العفو عند المقدرة

حسب الاخبار الاولية ان الحادثة وقت امام عين الوالد بما معناه انه يدرك تماما اذا كان السائق متعمدا اوغير متعمد متهور اوغير متهور ، اضافة لذلك وحسب ما قيل ان السائق يمتاز بالهدوء والسياقة الحذرة ، وانما حدث قضاء وقدر فيجب علينا ان لانضع النار في الزيت ولاننسى ان من عفى واصلح فأجره على اللله

تفلسف !

ما أظن ان الـ "متهم" داس الطفل متعمد!! . و ياللا عاد الحين كل واحد بيجي ما يدري شالقصة و بيتفلسف!! الله يعين الجميع ~

الرحمة زينة

السائق كان غير قاصد زهق روح الطفل وهذا كان يومة والله يرحمة برحمتة الواسعة وقلب والد الطفل كبير ومتفهم ويعرف بنية السائق اللي من نفس ديرتة والله يعوض عليه كل خير والفاتحة لروح الطفل والمؤمنين والمؤمنات

مواطن بلاهوية

اتمني من الوالد لن يتنازل لازم ياخذ حقة وجزائية وهاي عبرة لغير واطالب ادارة المرور ان تسوي حملة بقوة على هؤلاء الاشخاص الذين
ليس لديهم رخص سياقة واتمني وضع موظف او موظفة داخل السيارة من اجل سلامة الركاب