طالبت عائلة الشاب عبدالعزيز عبدالرضا (23 عاما)، الذي اعتقل يوم أمس الأول بمقر عمله من قبل أفراد الأمن الوطني، الجهات الأمنية بتسليم سيارته وأغراضه.
وذكرت أخت الشاب عبدالرضا أنهم تفاجأوا بعدم عودة أخيهم إلى المنزل قبل أن يأتيهم اتصال هاتفي من مقر عمله يفيد باعتقاله من قبل أفراد الأمن.
وأضافت أن أفراد الأمن اعتقلوا شقيقها، بالإضافة إلى السيارة التي يستخدمها وهي مسجلة باسم الوالد، مشيرة إلى أنهم لا يعلمون إلى الآن عن سبب القبض على شقيقها، كما أنهم لا يعرفون موقع احتجازه على أمل أن يتم السماح لهم بزيارته والاطمئنان على صحته، مطالبة في الوقت ذاته بأن يم تسليم العائلة السيارة وأغراضه المحتجزة لدى الجهات الأمنية حتى اليوم.
العدد 2637 - الثلثاء 24 نوفمبر 2009م الموافق 07 ذي الحجة 1430هـ
شر البلية أنتم :)
مع فائق احترامي للجميع .. شر البلية في هذا المجتمع هم من يفكرون في احتمالية أن تكون قطعة حديد أغلى من المعتقل في قلوب محبيه .. ألا يخزيكم أن تقرأ والدته مثل هذا التعليق ؟!! أما بالنسبة لمن قالوا بأنه مخرب ويستحق العقاب ان كان دستوركم المصون ينص أن المتهم بريء حتى تثبت ادانته فمن أنتم لتلبسوا شخص تهمة التخريب دون اثبات .. ملاحظة : ليس كل ما ينشر هو ما صدر عن أفواه المعنيين بالضبط فعمل الكاتب يمكن في تحوير المقال واتوقع اخت المعتقل أو ضحت ذلك .. ولكن لا يسمع نداء الحق أطرش الضمير :)
اخت المعتقل عبدالعزيز عبدالرضا
احب اقول لكم ياللي تبون بس تتصيدون اي شي على الاوادم ان احنا ماطالبنا بالسياره قلنا للشخص القضية كامل وهو اللي صاغها باسلوبه هو .. لكن احنا ماطالبنا بالسياره والسياره يكون في علمكم ماتهمنا واكيد عبدالعزيز اغلى من السيارة وغير السياره ماعتقد في احد في يفضل المادة على ضناه ,,, وثانيا ياللي اتقولون يخرب مايخرب هوماخذينه من الشغل مو من الطريق وفوق هذا راحوا مقر عمله يبون سيدي كاميرا المراقبة وقت القبض عليه !! بالله عليكم يعني ليش يبون السيدي ؟؟؟
؟!
شنو هذا كل يوم نجوف ناس ساجنينهم ؟ ولا معروفة الأسباب !! يدخلون عليهم ببيوتهم وسط غرفهم وياخذونهم ولا مذكرة اعتقال ولا شي وهذا في شغله ! أي قانون هذا اللي يعتقل ولا معروف ولا واضحة الأسباب ؟ شنو جريمته شنو تهمته ؟ أقولكم من الآخر اخذوا كل البحارنة مرة وحدة وفكو عمركم ماله داعي كل مرة واحد او اثنين
غريبين!
شلون يطالبون بممتلكات ولدهم بدل ما يطالبون بالإفراج عنه!
اعتقلو المخربين
اللي يخرب اعتقلوة وحاكموه
علشان
مايخرب مرة ثانيه
انشري ياوسط
كلمة ناشط سياسي
يا جماعه إنتون جذي تذبحون المعتقل لما تقولون ناشط سياسي ... ما يمدي الحكومة تعتقل واحد إلا نزلتون سيرته الحركية و الجهادية ؟؟ و قلتون ناشط .. جذي إنتون تثبتون عليه التهمة و تعطون الداخلية حجة عليه ...
الله يفرج عنك يا عزيز و يفكك من أسرك يارب
فهمو ياحبايبي
السلام عليكم
اهل هذا المعتقل اطالبون اب ابنهم لانة ابنهم اعتقل من مقر عملة وسحبو السيارة وياة واختفو كل مكان اروحون اسئلون مافي خبر عنة
او اهل المعتقل ماعدهم الا هسيارة الي عند المعتقل وانتون فهمو عدل قبل لاتكتبون
ونتون يلي اتقولون عن اهلة جدي تعالو عطوهم سيارة عشان يتنقلون من مركز الا مركز
لانة ابوة ايروح اويرجع في النقل الحين
انا اعرف عبد العزيز معرفة شخصية
اللحين اهله بس يهم السيارة يعني؟
يعني جوفوا ولدكم اول وتطنوا عليه عرفو ويش السبب الاحتجاز وحاولوا اتطلعون بعدين حاتو ا السيارة الي باسم ابوكم يعني الي محبوس مو باسم الابو بس السيارة؟
والله الحلال اغلى من الظنى ؟
الله كريم ويفرج عنه ويفك ضيقه ويرجعه الى اهل سالم غانم
بعض التعلقيات اصحابها ما يعرف شلون يصير الامر
من الطببعي ان تكون المسألة مطالبة بارجاع السيارة وفي ذاته الوقت السماح لهم برؤية ابنهم والاطئمنان على صحته .... يعني ضرب عصفورين بحجر واحد .... السالفة سهلة مول
الله يفرح له
عليكم بالدعاء له والفرج انشاء الله مايجي العيد هو بين أهله وأحبابه يالله تخلصه وترده بحق محمد وآل محمد (ص)
الله يصبركم الله يكون بعونكم
يارب فرح عنهم كربتهم يارب ورجعلهم ولدهم سالم غانم معزز مكرم اللهم اننا الضعفاء اليك وانت القوي القدير ان ترجع ابن هذي العائلة سالم غانم ادعوا ان يرجع الولد بين احضان اسرته الساعة عليهم بسنة يارب عجل فرجك وانزل رحمتك على هذا الشاب وعلى عائلته الكريمة يارب ادعوه له عسى ان تكون ساعة اجابة
السيـــــــــــــــــــــــــــــــــــــــــــــــف
ناشط سياسي
أنا أعرف عبد العزيز شخصيا وهو ناشط سياسي - الله يفرج عنه.
اكيد مسوي شي
مادم بيطلبو في السياره اكيد مسوي شي
والسياره اقلا من الشاب
إلى زائر (2)
زائر رقم 2 < انزين انت عطهم سيارة من عندك اذا كان الامر في غايه السهولة بالنسبه لك
وهم ماطالبو بولدهم لان عارفين مابطلعونه بس مو من حقهم يحتجزون السيارة بعد
ناس ياتتكلم عدل والا لاترد صدق تخلف من قلب
حسبي الله ونعم الوكيل
لما الحملان تسمح للذئب يدخل ما بينهم .. لابد ويجي يوم ويفترسهم واحد ورا الثاني .. وهذا اللى قاعد يصير لينا .. ولاحول ولاقوة إلا بالله العلي العظيم ..
الجوهرة
الله يرجعه لاهله سالم
الدنيا تخوف
حتى في العمل يقبضون عليهم بدون اندار سابق ؟؟؟ الفرج من عندك يارب
ستراويه
بدون سابق انذار ليش معتقلينه والله الدنيا خراطه يمكن مشتبهين اتعرفون الشرطه شنو معظمهم فا يمكن مايعرف يقرا او مايعرف الشكل او يمني ولا باكستاني ولا سوري مساكين اشدراهم اخذوا اي كلام اومشوا الله اساعدهم المهمه صعبه
بحرانيه
الله اقوه علا الظالم حسبي الله ونعمل وكيل حرررررم عليهم هزمن مافي امان الله يرد اليكم
طالبوا بولدكم قبل السيارة
ههههههه .. شر البلية ما يضحك .. يجب عليكم ان تطالبوا بالافراج عن الشااب قبل ان تطالبوا بالافراج عن السيارة .. اللي جابها يجيب غيرها !!!
غريب عجيب ... يعتقل من موقع عمله ولا يعرف السبب لإسرته
كثير من هذه الحالات اليوم تصدر من قبل رجال الشرطة فيقومون بالقبض على الأشخاص مع عدم إبلاغ أهاليهم بذويهم المحتجزين ولا بسبب الإعتقال ....فهل يعقل ذلك من رجال الشرطة أن تقوم بهذه الممارسات الغير أخلاقية والمهنية؟؟!! .....ولماذا التكتم على الأهل عن الاحتجاز واعتقال التي تحدث في هذا البلد؟؟!! أليس يسود في هذا الأمر حالة من الخوف والهلع على الأبناء فهل يرضون ممن يعمل هناك أن يأخذ أبن من أبنائه بهذه الطريقة من غير سبب أو عله يعرفها الأهل باتأكيد لا