كشفت مصادر عليمة لـ «الوسط» عن انتظار 70 مريضا ظهر أمس في طوارئ مجمع السلمانية الطبي ريثما توفر لهم أسرة شاغرة في مختلف أجنحة المجمع، وأشارت المصادر إلى أن بعض المرضى كانوا ينتظرون في الطوارئ منذ أربعة أيام.
وأوضحت المصادر أن من بين المرضى المنتظرين عددا من مرضى السكلر والجراحة والباطنية والعظام، وغيرها من الحالات.
ويعتبر هذا هو الأسبوع الثاني الذي يستمر فيه تكدس المرضى في الطوارئ بانتظار إدخالهم الأجنحة، وفاقت أعداد المرضى المنتظرين أكثر من 70 مريضا خلال الأيام الماضية وشارف على الثمانين مريضا في بعض الأيام وهو ما عبر عنه أحد الأطباء بأنه «كارثة حقيقية» وخاصة أن هؤلاء المرضى يشغلون أسرة المرضى الوافدين إلى الطوارئ بحالة حرجة ما يؤدي إلى إرباك العمل في الطوارئ واضطرار المرضى القادمين إلى القسم للعلاج إلى الجلوس في ممرات الطوارئ، كما أدى طول انتظار المرضى لإدخالهم الأجنحة إلى توقيع عدد من المرضى للخروج من المستشفى خارج المشورة الطبية على مسئوليتهم بعد إنهاكهم من الانتظار واستمرار تكدس المرضى.
إلى ذلك شكا زوج إحدى مريضات السكلر من انتظار زوجته في طوارئ السلمانية يومين على سرير الطوارئ بانتظار إدخالها الجناح، ولفت إلى أن وضع زوجته «سيئ جدا» في ظل الآلام الشديدة التي لم تبارحها منذ أيام بالإضافة إلى عدم قدرتها على المشي واستمرار تقيؤها وهو ما دعاهُ إلى تكرار جلبها للطوارئ لتلقي العلاج، فيما أخبره مختلف مسئولي المجمع بأن «لا أسرة» وأن لا أحد بإمكانه أن يفعل شيئا لزوجته إلا أن تنتظر دورها في إدخالها الجناح.
وأوضح «مكتب شكاوى المرضى في المجمع لم يكن بيدهم فعل شيء لنا، أما مكتب إدخال المرضى فقد قالوا إن هناك مرضى ينتظرون منذ أربعة أيام في الطوارئ».
وأضاف زوج المريضة «وعندما وصلنا إلى المستشفى لم يكن في الطوارئ أي كرسي متحرك لنقل زوجتي من السيارة إلى سرير الطوارئ وخاصة أنها تعاني آلاما مبرحة وغير قادرة على المشي، وهو ما جعلنا وإخوتها ننقلها جميعا إلى الطوارئ».
العدد 2628 - الأحد 15 نوفمبر 2009م الموافق 28 ذي القعدة 1430هـ
مريضة سكلر
قبل يوميم كنت مسكلرة وحالتي حالة رحت الطوارئ وسحبت كرسي الدكتور وقعدت عليه والله العظيم أكثر من ساعتين ونصف وأني ميتة من الألم لأن مافي سرير أنام عليه عشان يحطون عليي السيلان ويعطوني الأبر بعدين من شدة الألم طحت وزوجي سحب سرير وحط عليه شرشف ودعسه لي وخلاني انام فوقه وعقب ساعة جت الممرضة عشان تتكرم وتحط لي السيلان بعد ماقتلت نفسي من الصياح والألم وبس ارتحت شوي طلعت من الزبالة..والله اخس من الزبالية
توفيت قريبتي في الإنعاش بعد إنتظار 3 أيام بدون سرير
الطوارىء يستصرخ المسئولين ، قربتي في الإنعاش 3 أيام بدون سرير في العناية المركزة ، حتى توفت ، و طبعا الإنعاش في الطوارىءحدث و لا حرج ، كله مرضى حق ترقيد و عناية مركزة ينطرون منذ عدة أيام ، تخيلوا الإنعاش بدون سرير فاضي ، لازم تحل علينا كارثة علشان نتحرك ، امتى يعني نعاني
مسكلر
رقدت في الطوارىء 3 أيام و كان بجانبي مريض المفروض في العزل بس ما في سرير له و هذا المريض فيه إتش ون أن ون ، مسأساة 3 أيام مانمت ، تعبت زيادة، أنهرت بعدين وقعت ضد المشورة و مشيت لأن مرضي زاد ، وين رئيس الطوارىء عن العفسة في القسم ، وين مسئولين الصحة ، عذاب الطوارىء عذاب (مريض سكار مقيم )
والخافي اعظم
اااه يرحم زمان اول لو لا مستشفى الارسالية لكن جميعنا غير موجودين اي سلمانية وانت حسب العلة اللى فيك و حسب حظك تروح بريك و تروح المشرحة و امك دعيتلكم بالسلامة اذا طلعت منها و انت تمشمي ...و الواسطه لها دور و كنت فقيرواه مالك علاج موت قهر واذا هامور و لد هامور ... انت وطواف هلاك بسافر...70 سرير ينطورن ...
الى الزائر 10
هههههههههه اقتراح جميل وكلام منطقي جدا لكن هناك مشكله ........ اذا الغرف مشحونه اسرة والمداخل في السلمانيه مليانه مرضى مسدحين مالهم اسره !!! فوين بتخلي السرير الي بتجيبه معاك ؟؟ هههههههه يمكن ايقولك جيب معاك سريرك بس اتخليه برة المستشفى في الباركات يعني اتخليه وتنسدح فوقه وسو لدكتور رنه عشان يجيك إيعالجك
بنت القطـــــــــــــان
وين النواب والمسؤولين راقدين اذا راقدين بروح اقعدهم
وفي ناس نايمة بالجناح بدون معنى
بصراحة انا رحت قالوا لي ترقيد اوكي رحت ونمت انتظر الدكتوره على ماتيي ويسوون لي تحاليل قالوا بعد بتمين لباجر قلنا اوكي
قالوا لي النتايج لازم يشوفها استشاري الحين نطرش لهم وتميت انتظر متى بيي
انزين ابي اطلع يقولون مايصير
مالي معنى قاعده انتظر في ناس احوج مني لهالسرير انتظرت ليوم ثالث قلت اذا مايه الدكتور بطلع بطلع
يعني اجراءاتهم والتاخيرات الي تصير يخلون مرضى مالهم معنى بالجناح ونفس الوقت في ناس بالطوارىء بحاجة لهالسرير اكثر من غيرهم
شر البلية ما يضحم هه
المجنسين كلهم يروحون العسكري ويتعالجون والمواطن الأصلي ينتظر في الشارع والله زمن
ندااااء الى بوعينين!!!
وينك يا محبي الجلف ياللي تؤيدهم وما ترضى عليهم... اهل ديرتك وبلدك يعانون من الكثافة السكانية في كل الدوائر الحكومية بسبتهم وانت لا همك الا هالفلوس اللي اتحصلها...
لو واحد من اهلك من ضمن هالمرضى اللي ينتظرون هالاسرة اشبتسوي؟؟؟؟؟
والله ماعتقد بتحس في هالشعب دام عندك هالفلوس اكيد 100% بتاخذهم على مستشفيات خاصة... ومن المبتلش المواطن المسكين،،،
رد للزائر 10
ههههههههههههههه والله عجبني ردك وكلامك صح 100%... والمفروض هالشئ يصير من زمان،،،
بدل ما الحكومة تدفع هالفلوس بالهبل حق هالنواب اللي ما منهم فايدة خل اتحقق مطالب الشعب الفقير من أسرة ومستشفيات ثانية ،على الاقل المواطن يستفيد منه ،،بدل ما نسمع كل يوم واحد يموت في مستشفى القصابين
الله ينتقم منك يالأيام
عسل كنتي على قلبي يابحرين ونتي بلد المليون نخله والأن مادري شقول صرتي بلد المليون مجنس
لا والقهر جلف ومتخلفين الله ينتقم منك يالأيام
ابو العيينين حبيب المجنسين
وينك ياراعي الشيم انقدنا شعبك قاعد يحتضر في الطواري وانتم تساهمون في عذاباته بسبب تاييدكم ودعمكم للتنجيس شوفوا امام عينكم 70 واحد ينتظرون اسرة في السلمانية والتجنيس على قدم وساق ترستوا البلد من بوادي الشام ومن مخزني القات اقترح توزيع بعض القات على المرضى لتخفيف الامهم عجبي من الناس اللي ما تحس
رد للزائر 10
ههههههههههههههههههههه
والله عجبني ردك وكلامك صح 100%...
المفروض هذي اللي يصير من زمان،،، عل وعسى هالوزارة وهالحكومة تستحي على ويهه اشوي وتراعي هالمواطنين واحتياجاتهم... بدل ماتدفع هالفلوس حق هالنواب اللي ما منهم فايدة تلبي احتياجات الشعب الفقير
بلد الإستثمارات تحتاج مستشفيات
بدل الإستثمارات اللي تارسة البلد على ما يقولون يسوون للناس مستشفى..
التقهقر
هذه مظاهر الحضاره والانفتاح !!!! تكدس في المدارس وتكدس في المستشفيات وتكدس في الشوارع وووو ....والله الي يجي من خارج البحرين ويشوف هاالفوضى يشك انه في البحرين... اعتقد لن تأتي اغبى من هذه المتقهقره في كل شىء ونشتكي الى الله على المسئول الاول في ادخال التجنيس الى البلد ثم على من ساعد ورضى به (وسيعلم الذين ظلمو اي منقلب ينقلبون )
بما ان
بما ان قد اصاب حكومتنا القحط والبخل والا مبلاء ولا احساس
قررنا الاتي كل مواطن يريد العلاج بالسلمانية عليه حمل سريره معه ونرجو التعاون من قبل المواطنين
لا حول ولا قوة الا بالله العلي العظيم
كل هذا بسبب التضخم السكاني الا معقول وكل يوم نرى ونسمع عن مشاكل وقصص عجيبه وغريبه فإلى متى ستضل الحكومه الموقره ترى الاذلال الدي يتعرض له هذا الشعب الابي الدي عانى ولا زال يعاني ((البطالة - بيوت الاسكان...الخ)) فإلى متى ونحن نعاني ؟
حسبي الله هو نعم الوكيل
أين وزير الصحه ؟
يا جمـاعة اظن ان وزير الصـحة والمسؤليـن في الوزارة ما يقرأون جرايد .. انا اقترح انه يتم طبـاعة هذا الخبر .. وارسـاله عن طريق الفـاكس لمكاتب سعادتهم .. وانا قلت من قبل واقولها الحين .. اتمنى من جريدة الوسط عمل زيارة ميدانيه لقسم الطوارىء وتقصي الحقائق بالصور اذا ممكن .. خلنا نشوف أخرتها وي هالوزارة
كلينكس مافيه . صابون مافيه . معقمات معظمها خلص .. حمامات تلوع الجبد . أسره من دون شراشف .. أرضيه حالتها حاله . ممرضات ما يعطونك وجه . أدويه ما فيه . قطن ما فيه . شراشف للمخاد في الاجنحه ما فيه
الى متى ؟؟؟
الله يفرج عنهم يا حكومة يامؤسسات يافاعلين للخير التبرعات التي بين فتره وفتره تودونها خارج البحرين تبرعوا فيها داخلها على الاقل بناء مستشفى ثاني
هل ضاقت البلاد بأهلها ؟
معيب أن لا يكون بالبحرين - وهي السبـّاقه بين دول الخليج في مجال التعليم , وأولهم لحوقاً بركب الحضاره - معيب أن لا يوجد تخظيط مستقبلي حتى للصحة ! سيقولون إن المسألة مسألة أموال , نعم فالأموال موجودة ولكنها تصرف في غير مكانها ونحن أولى بها من غيرنا وكفانا (فشاراً )
الى متى
ويش ها الحالة الي تفشل حقيقتا مستشفى طول بعض وكل المرضى في قائمة الانتضار شكلها سالفة قوائم الانتضار صارت موضة في الوزارات الحكومية وبدونها ما تشوف الطلة الحلوة للوزارة .
ز
خدمات صحية
بعضهم ينتظر منذ 4 أيام - 70 مريضا في «السلمانية» بلا أسرّة.. ويقولون عندهم قسم إحتياطي لحالات إنفلوزنا الخنازير.. فإن لم يكن به أحد فالأولى إدخال المرضى الحاليين.. بلد يفتقر الى أبسط الخدمات الصحية لمواطنيه فهل يستمر في إضافة العبء عليه بتجنيس آخرين؟؟ سواء بإسم عروبة البحرين أو غيرها.. عجبي!!!!
والله حاله
هذا كل بسبب التجنيس حوادث زايدة مدارس اسواق مستشفيات كل زحمة الله والسبب التجنيس
عليكم بالآتي وسوف....
عليكم بالتجنيس وسوف تتوفر الاسرة استنكر من هؤلاء الناس اللذين يؤيدون سياسة التجنيس هذه ابسط مشاكل وويلات التجنيس فكل المجنسين يحتاجون الى هذه الخدمات اسكان وصحة وتعليم الخ... ولكن من تخاطب والاكثر عجب من الحكومة هل حكومتنا لاتعي لكل هذه المشاكل فالحكومة تعجز عن سد احتيجات شعبها الاصلي ام ان احتياجات الشعب الاصلي همشت واصبح المجنسون هم الشعب اللذين تتوافر لهم كل هذه الخدمات ومن اول وصولهم البلد او بعد اشهر قليلة اسفى على هذه الحكومة واعانكم الله ايها الشعب البحريني على هذه الآفة(مواطن خليجي)..
وين
وين الي أدفعون عن المجنسين أحلون لين هد المعادله ولله قهر