الله يهديهم بس

الله يهديهم من سنين مافي توظيف في هالتخصصات يروحون يدرسونهم ،، وبعدين يصايحوون
اختاروا تخصص مطلوب

الرد على زائر رقم (5)

اكيد انت عندك شغل ومرتاح وحكومي بعد.........لكن شنو اقول اللي يده في الماء مب مثل اللي يده في النار..........والعاطين عن العمل من حقهم شغل يناسب شهاداتهم والسنوات اللي طافت من عمرهم في الدراسه والسهر والجهد.....اكيد مابيقبلون باي شغل......(..صوم وافطر على بصله)سمعت يازائر رقم (5) اذا ماتعرف ترد اسكت....

الجوائز

البلد كل يوم تحصل على جوائز وبعد تعليم رسمي أكثر من 100 سنة واستخراج البترول من أكثر من سبعين سنة الخ من الشركات والأعمال كيف فشلت الحكومة في خلق كوادر لتعمل في هذة القطاعات ولماذا تعتمد على الأجنبي وتتبناه بل شهد كثير من أبنائنا توظيف طلبة معهم في الجامعات في الخارج ولما أتوا للديرة وجدوا أنفسهم تائهين وعن عمد وسبق اصرار أوقفوا عصابة التقرير المثير وافتحوا الخيرات لأبنائنا التي يتمتع فيها ألأجنبي ووظفوا ما شئتم من الأجانب في البرادات والبناء لأن البلد بها خير في جميع القطاعات

خريج 95 ثانوية عامة

في هذي الحالة اسأل مجرب ولا تسأل طبيب آنه مع خريجين الجامعه لاترضون بغير الوظيفة الحكومية وانتو قدها ..

والله حاله.

ناس مو لاقيه شغل وناس تتفلفس وتتشرط.
قولو الحمد لله.

حسبنا الله ونعم الوكيل

بعد الدراسة والتعب نطالب بالتدريب والتأهيل احنا خريجين جامعة مو ابتدائي عشان تدربنا وتأهلنا من جديد فحدث العاقل بما يعقل ليش ما تشغلونا في الحكومة تقريبا اغلبية العاطليين تخصصاتهم تخص وزارة التربية وتكدسوا لان الوزارة ترفض توظيفهم فهل يكون الحل ان يعملوا بشكل مؤقت في قطاع خاص وبراتب زهيد وبدعم حكومي فاشل لمدة سنة تطنزون علينا وليش ما تسون مثل تمكين توظف العاطلين في وزارات واهي تدفع لهم الراتب لمدة سنتين ب250 صج ما يسوى بس على الاقل حكومة وفيه امل يتثبتون مستقبلا مو قطاع خاص مذلة وبهدلة

رد الى الزوار 5 و16 و18 وغيرهم من الجهلة ( نرفض القطاع الخاص)

انتوا الظاهر من ذلين الي علة في المجتمع توظفتوا بدون شهادة من جذي حاقدين على اصحاب الشهادات حصلوا وظايف بالواسطة والظاهر انكم يا مجنسين يا طائفيين لكن شنقول اذا الجهل انتشر في هالديرة والسفهاء صار لهم صوت بعد؟واذا عاجبكم وايد القطاع الخاص فنشوا من وظايفكم ورحوا القطاع الخاص و اذا ما تعرفون تتكلموت ليش اترزون ويهكم وتتحجون محد طلب رايكم هذا الموضوع للعاطلين الجامعين وانتوا لا عاطلين ولا جامعيين والرتب الي خارشينه فيه ترى 250 والدعم الحكومي 150 لمدة سنة يعني 400 لمدة سنة يا سفهاء فالله على الظالم

و انتون اتردون على هالاشكال

على فكرة ذيلين اللي قاعدين يتعنترون ترى يقولون هالكلام للفت الانتباه فقط و لان نفوسهم مريضة اتلاقونهم حفي منتفين بس لانهم نكرة في المجتمع فقاعدين يتبعون هااسلوب عشان لفت الانتباه لا اكثر و لا اقل ....(((( زائر 5 و 16 و 18 ))))

اللي ينتقدون مطالبة العاطلين بالوظائف الحكومية عندهم سبب وجيه

هؤلاء الذين اعترضوا على مطالبة العاطلين الجامعيين في وظائف حكومية عندهم اسباب وجيهة: أولا هم موظفين في الحكومة وهم من حملة شهادة الابتدائي ومحو الامية واذا توظف الجامعيين سيشعرونهم بالخجل وسيزاحمونهم في الترقيات وثانيا سيسد ذلك الطريق أمام الواسطات الشغالة واللي جابتهم من المزابل وظفتهم في مراكز لا يستحقونها وسيضطرون للكفاح والدراسة مثل غيرهم وهذا ما لا يستطيعون عليه بسبب عقولهم الصغيرة المصدية اللي خلتهم يهدون الدراسة ويصلون للعمل عبر اقصر الطرق وهي الواسطة..فكيف بعد كل هذا سيوافقون؟

رد على الزائر رقم 21

لو سمحتي لا تغلطين عالعجم
انه عجمية وحالي من حالج جامعية وبطالية من 4 سنوات ومو محصلة وظيفة حكومية وغيري مكثرهم ما يشتغلون
وهالعجم تاج راسج وليش محترة منه؟؟؟
وعلى فكرة اكثر العجم يشتغلون بالقطاع الخاص
فليش ذابحة عمرج ومقهورة منهم؟؟؟

بنت الحجيري

اي والله ندرس ونتعب ويجون العجم والجلف وياخذون اماكنا فى الوظائف الله ياخذ حقنا من الظالم اصلا مكان الجامعى فى القطاع الحكومى وما نبغى غير الوظائف الحكوميةما نبغى القطاع الخاص

رد على محمول ويترفس

صدق ماعندك إحساس أو بالأصح إحساسك ميت طبعا موحاس فينا هذا جزء بسيط من حقنا مادرسنا علشان نتبهدل وننذل ونصبح في عداد العاطلين الله يراويك طعم الظلم والذل علشان إتحس

إلى زائر 5 و16 و18

لو كنتم مكان العاطلين الجامعيين لما تجرأتم ونطقنم بهذه الكلمات فأنتم بكل تأكيد حصلتم عاى وظائفكم بكل سهولة وربما بدون مؤهل جامعي..
وإلى الزائر (18)، أنت لا تريد زوجتك أن تعمل لأن راتبك يكفيك لكن ماذا يفعل من كان راتبه 200 دينار هل يسرق من أجل أن لا تعمل زوجته ثم أننا لم ندرس كي نخزن الشهادة نحن نريد أن ننمي أنفسنا ونطورها فالعلم إن لم يطبق فلا فائدة منه وكفاكم التحدث فيما لا تشعرون به..

ردا على زائر 5 و 13

كما ذكر اخي الكريم الجمرة ماتحرق الا ارجول واطيها وموضوع ان زوجتك درست الماجستير ولن تسمح لها بالعمل شي يرجع اليك واذا على تدريس الاولاد حتى الام حاملة الاعدادية تستطيع تدريس ابنائها افضل تدريس ، راجع نفسك فيما قلت وحس بمعانات السنوات المرة التي تعب لأجلها الجامعيون ولربما ظروفهم جدا مرة تصل الى حد الحرمان والامال واذا كان واحد فقير جدا وانجب كل بنات مو من حق هالبنت اللي تعبت وثابرت انها تحسن من وضع والدها او زوجها اتق الله يااخي واعلم انما الدنيا دوارة وتحسب دعوة مظلوم

شوفوا عاد

جميع دول الخليج فيها عاطلين وما سمعنا يسوون فوضى مثلكم أنتون المفروض مثقفين ولكن مع الأسف أفعالكم أفعال المخربين لأن كلما تحاول الحكومه حل الأزمه عانتون وقفتون حجر عثره شنوا فيه القطاع الخاص و400 دينار شتبون بعد يمكن بعضكم عمره ماحمل مثل هالمبلغ ولكن الطمع والنظر لأرزاق الغير هو اللي دابحكم وبصراحه شهايدكم مو داك الزود يعني اذا القطاع الخاص وافق يوظفكم تكنوا ممنونين

ليش نطولها على روحنا وهي قصيرة

افكر في شي واحد بدل ما يصرفون على الندريب الي احنا ما بنستفيد منه احنا مؤهلين والوظايف موجوده خصوصا طلبة العلوم الانسانية ما يحتاج يتحيرون اي شركة واي بنك واي مؤسسه المفروض توظف بالتخصص مو موقفه على التربيه بس واغلب الطلبه ما يفضلون التربيه وما اعتقد ان الشركات في البلد قليل المشكلة ان الي بوظف لازم يشوف احنا وين ممكن نتوظف قبل ما يحط خطط وميزانيات وبعدين بروح هذا الجهد كله ادراج الرياح

بسكم عاد

كفاكم تعنت ورفض الفرص وبسكم تعطيل لمصالح هالوطن _يوم مسيرات ويوم أعتصام ويوم بيانات تحرضيه ووو-المشروع موجود واللي يبي حياه الله واللي مايبي الله وياه ولا يلوم الا نفسه . وبعدين أغلب العاطلين بنات وش ليكم بالشغل وهالعباله قعدوا في بيوتكم وشوفوا مصالحها وربوا أبنائكم واذا عنكم طاقه وفروها لخدمة أزواجكم فهم أولى بكم وبصرا حه أنا زوجتي عندها ماجستير ولاكن مستحيل أخليها تشتغل ومخلنها تدرس للثقافه فقط ومساعدة الأبناء في المستقبل وهيا موافقه

لا تعليق

قد رضيت بالقطاع الخاص رغم الدوام الطويل
من الثامنة حتى السادسة وبعد اربع سنوات خدمة
رأيت نفسي مسرحة ..دراستي قد كلفتني الشي الكثير من عمري وكانت 6 سنوات وكنت كلي أمل بأن أحصل على وظيفة مناسبة استطيع العيش بكرامة
ولكن ماذا نقول..رأيت نفسي مكبلة بقرض وتم تسريحي
وها انا لهذا يوم ابحث عن وظيفة واراجع وزارة العمل
الا انها لم تتم ترشيحي لأي وظيفة ..!!!!!!!
رغم ان تخصصي مرغوب به ..

إلى زائر ( 5)

ما يحس بالجمر إلا رجل واطيها
لأنك مرتاح البال تقول هاكلام
لو إنك محترق بنار البطالة اللي هالخريجين
ما لهم ذنب فيها لأنهم درسوا تعبوا على أنفسهم
وتخرجوا وعندهم شهادات يمكن إنت وأمثالك ما
عندك مثلها
ومن حقهم يطالبون بوظائف حكومية هم أولها بها من كثير من اللي إشتغلوا بالواسطات

أملي أتوظف مرشدة إجتماعية لكن متى؟؟

اذا كان فعلاً هناك تأهيل لتخصص الخدمة الاجتماعية محد بوافق كفايه السنوات اللي مضيناها في الدراسة نحن نريد وظائف تناسب مؤهلنا وليس تأهيل لتخصص ثاني وإلا أصبح هذا المشروع مثل المشروع السابق,,,,,

دور النواب فى قضية العطالين

اتسال عن دور النواب فى قضية العطالين فى الخدمه الاجمتاعية

عاطلو الفنون التربوية

اني اؤيد ما ذكر وازيد علية اني قدمت في معظم المدارس الخاصة لكن ولا مدرسة حصلت فيها شواغر ياترى وين بخلونا وزارة العمل والقهر دخلنا بعض المدارس , الموظفين من مدرسات و ادارين مصرين ؟؟ ليش مو احنا احق منهم ؟؟؟ مو كافي ان وزارة التربية مليانة منهم حتى الخاص بعد.

عاطل علم نفس

الزائر رقم 4ادا عندك كلام زين قوله وادا ماعندك نقطنا بساتك احنا ماصرفن فلوس وضيعنه شبابنا في الدراسه عشان نشتغل شهرين 400 ودوامين ومعامله زفت واللي ايدة بلماي البرد غير اللي فيدة بلجمر

أحياء ومن غير وظيفة نعيش بها الحياه

يقولونالأحياء يوظفون و هذانا أكثر من 4 سنوات و لا أحن متوظفين محسودين على خرطي للأسف نتعب من أجل البلد و البلد ما يقدرنا ! إلى متى و بنات مثلي واجد عاطلين المفروض نتوزع على وزارة الصحة و التربية مو نرمى في الخاص كياشر و بياعين بالدكاكين و البرادات......لكن أقول لكل مرتزق في بلدي الحبيب هناك رب يحاسبكم لأنكم حاربتونا برزقنا بالرغم من مهاراتنا و شطارتنا إلي تميزنا عنكم جايين بلدنا تعادونا و تحاربونا برزقنا وهمكم الدرهم والدينار الحرام و أحنا همنا الدينار الحلال للعيش الكريم............

إلى الزائر رقم 5

ويش هالقلة الإنسانية ، لو إنته في هالوضع ما قلت شدي , أكيد إنته عندك شغلة زينة ويمكن ما تستاهلها بعد بس حصلتها بالواسطة والله حالة و بعد حاط على الشباب اللي يستاهلون الوظائف العدلة .

يا اسفي على ديرتي !!

يعطون الاجانب الشغلة وتلفون وسيارة وشقة والمواطن العكس تماااما .. ولي شفتة جاميعين يسوقون باصات توصيل وغيرها من الاشغال اين العدل في هذة الديرة ؟

muharraq30@yahoo.com

يا مسئولين الله الله بعيال الديره .. اتقوا دعوة المظلوم فإنها ليس بينها وبين الله حجاب "
فالدعاء سلاح فريد وقوي يملكه المظلوم فما إن يرفع المظلوم يديه إلى السماء إلا و يأتيه الرد من الملك العزيز الجبار الله سبحانه وتعالى : " وعزتي وجلالي لأنصرنك ولو بعد حين "
فأي سلاح هذا وأي قوة أعطاها الله سبحانه للمظلومين والمقهورين والمستضعفين, والله لو يعلم الظالم قوة وأثر هذا السلاح بيد المظلوم لما ظلمه قط و ما تجرأ على

محمول ويترفّس

بعد اشوية "احنا ما نبي راتب يقل عن 400 دينار" ... وعقب اشوية "نبي نتعيّن مدراء" ... وعقبها باشوية بعد "نبي يوفرون لينا حمامات خاصّة في العمل" وعقب باشوية " نبي فرّاش خاص لكل واحد فينا " ..... وش هالحالة ويّه هالشباب؟؟ ... الشرهة على اللي يوظفهم ويحل مشاكلهم والا دلين ما يترس عيونهم الا التراب

والاحصاء؟؟؟؟؟؟؟؟؟؟؟؟؟؟

واحنا ما الينه ذكر يعني صار اليي اكثر من خمس سنوات من تخرجت من الجامعة ول من منادي ؟؟؟؟؟؟؟؟
هذا التخصص مطلوب في الخارج وبمرتب عالي جدا والبحرين ما تدري عن هالتخصص ولا بمخرجاته

7 سنوات في مر العطالة

جميعنا نرتقي للأفضل لما لا و نحن في بلد الخيرات قد لا تترك الكلمة صداها مثل السابق و لكن الله لبمرصاد،، و لعل الذي ابطأ عني هو خير لي ...نحن عاطلو البحرين لا نطلب الكثير من بلد الخيرات غير ما اقره لنا الدستور و العرف بوظيفة كريمة تساعد على كنف العيش الرغيد في وطننا الغالي

مالكم من ناصرين

والله أشاطركم الرأي والبيان ولكن ياعبادالله مالكم من ناصرين
لامسؤلي الحكومة لهم آذآن يسمعونكم بها
ولا نواب البرلمان لهم أعين يبصرونكم بها
فلو كان كذلك لكان تم إستجواب وزير التربية ووزير العمل ولكانوا الآن في عداد العاطلين عن العمل
كم هو مؤلم أن نرى طلابنا يذهبون لمدارس ومعهم المدرسين الأجانب الذين يتمتعون بوظيفة + سكن مرموق + علاوة غربة (وكأن الدولة ناقصه مدرسين ) + مواصلات من وإلى!
بينما أنتم تفترشون حصير البطالة وإن حاولتم الخروج للتعبير عن سخطكم من هذا الوضع راحت عليكم

عاطل علم نفس منذ3سنوات

اي والله نتعب وندرس واخر شي يفلتونه في القطاع الخاص اللي كلمه والثاني عطاك استقاله مافي ضمان الى الشركة الضمان الوحيد الوظيفه الحكوميه