تجاره

السلام عليكم..... صحيح أن السكن صار نار وأنه قلق وهاجس الحاج لأن المقاول يرفع الأسعار عشرات الأضعاف من جراء هذه الأسعار؟؟؟.. ولكن بحق خجماتهم لاترقى لأسعار التي يضعونها بأستثناء كم حمله قليله وأل الحملات المميزه هى >>>>بلانقاش في كل شيء وهى التي تستحق أن نقول عنها ممتازه بالنسبه لخدماتها للحاحج وهذا عن عمل ورؤيتي المباشره للمقاولين في مواقعهم... أما عن الربح فهى تفوق الأربعين الى الخمسين الف دينار والموظفين يعطون رواتب حسب قربهم ونسبهم للمقاول؟؟ وهذا مالمسته وعرفته من أكثر الكوادر

اتقوا الله يا جماعه في المقاولين

نصيحة لوجه الله ياجماعة، انا صديقي صاحب حملة 50 سنة تصورا ياجماعة ماعنده حتى بيت ملك ولقرابتي به اغلب أموالهم الي يكسبونها ينفقونها اما في ماتم أو في اعمال خيرية، ويعشون طوال العام من خدمة الحجاج والزوار يجماعة كيلو الهامور 10 دينار الحين والعيش 30 سعره جت على المقاولين بس.

ياحليلكم .... الطرارة صار له أصول وإجتماعات

يعني لو حجزتم على طائرة وإلا صار تأخير في الرحلة بعد بتطالبون الملك تعويض .... .. والله صج ناس متربصة وياعين استحي

يمن طمع طبع

بالرغم من قلة عدد الحجاج الا ان اسعاركم مازالت نار اعرفوا انكم محاسبون امام الله لانكم تصعبون السبيل للحج وتزيدون الناس اثقالا لايتحملها ويظل يجمع في حجته سنين لين يجي هالوباء ومايقدر يحج والا يصاب بامراض تعجزه عن الحج حاسبوا انفسكم يا طماعين

سالفه والله

اكثر مقاولي الحج عندم بنايات وعقارات ولا هم راضين
والفقاره حتى قبر ماعندهم ومساكين ساكتين
الحين ضوقو مانمر به من مصائب يوميه وانا متاكد ولا واحد فيكم يشعر بما نشعره نحنوا الفقاره
يعني مقاول اذا ماربح ثلاثين الف دينار فى السنه يعتبر له خساره اقول على الدنيا السلام وهذا درس لجشعكم فى الدنيا وفى الاخر حساب اخر

تابع الى المقال

واذا قاموا اصحاب السكن في مكة برفع سعر الشخص من 70 دينار الى300 دينار واصحاب الفنادق من 40 دينار الى 140 دينار للغرفة ىالثنائية في الليلة الواحدة اضف الى اسعار الباصات ورواتب الموظفين واجارات المكاتب لسنة كاملة والاعلانات فاذا حددت راتب للمقاول فكم ستعطيه على هذه الجهود
ثمنوا كلامكم والكلمة الطيبة خير من هذا الهرا

الله يسامحكم يا اخوان

قرأت نعليقاتكم وسمعت باذني وانا مع كل من يقترح اقتراح جيد مثل الاخ الذي يناشد الملك بالتسعيرة انا معك يا اخي العزيز انا كمقاول اقترحت على البعثة من زمان بتوحيد الاسعار دون تميز بحيث تقوم البعثة هي التي تستاجر السكن وهي التي ترتب المخيمات في عرفات ومنى ويبقى علينا الخدمات الاخرى ولكن الرد جاء بلاء فماذا علينا ان نفعل اذا قامت البعثة بترفيع سعر المخيم من 25 دينار الى 125 دينار

بسكم

بسكم يا اخواني اياديكم مو نفس الشي ارحمو المقاولين انتم قاعدين اتحطون عليهم ولا تدرون ويش الي يصير البعثه عليهم السعوديه عليهم ومصيبة الاجار عليهم وانتم عليهم الي يبي يعرف مشاكل الحملات اروح الى مقاول ويقعد ويه وشرط بيقتنع وانت يا صاحب حملة عمره انت لا تفهم شيى عن قوانين الحج انت حدك ليسن خفيف وارحم المقاولين ولا تكون ظلام يا اخوتي

اقتراح

اذا تقولون بان العمل هو خدمة لوجه الله و ليس تجارة ........ تعاونو ولتندمج كل ثلاث او اربع حملات في حملة واحدة , هذا افضل ليكم .

حوبة الفقارة

هذه حوبة الفقير لان اذا يب اروح الحج لازم ياخد اليه قرض واذا خمسه يخلص ويجدد هالقرض وهذا احنه ديون في ديون

مقاولين الربح

اطالب جلالة الملك بتسعير حكومي موحد غير قابل للتبديل وخل المقاولين يربحون ربح معقول لان معاشاتنه مو مثل معاشات دول الخليج واتقو اللهفي اسعاركم يا مقاولين تبون تربحون واتخسرون الناس اييييه دارت الايام

بسكم طمع يا مقاولي الحج

ليش المقاولين ما يقولون حق جلالة الملك ان الاشخاص اللي سجلوا ودفعوا مقدم حق سفرتهم واللحين الغوا الحجز ما يبون يروحون مو راضين يرجعون البيزات لهم مو هاي عينى عينك سرقة ويقولون مقاولين حج أي مقال يكتب في العقد عدم ترجيع المبلغ اهو اكبر حرامي وين الذمة والاخلاق يا مقاولي الحج بس لانه الخساير لكم صار رحتوا حق الملك ومين يتحمل خسايرنا ليش ما ترجعون مبالغنا

المقاولين كل واحد سعره مختلف

المقاولين سعر كل واحد يختلف باختلاف الخدمات على ما اعتقد
والمقاول الرسمي حسب ما اعرف انه عليه التزامات من قبل البعثة والسعودية بعد
اما الي يبي يقارن حجاج الرصيف بالحملات الرسمية فهذا فرق واضح
واسمحوا لينا عاد

ما أسهل الحرب عند المتفرج

هل عندكم علم أن المقاولون ليسو سواسيه ولاكن الجميع مطالب بخدمات وشروط إجباريه تبهض ، كذلك هناك عدة مصاريف مطالب بها المقاول وهي المواصلات والعمال والصحه والتأمين وغيرها من المصاريف ، (( فلا تفكرون أن المقاول ياخذ البيزات كلها ))
وبرايي الخاص أنا أقول بصراحه يستاهلون الفايده إلي يستفيدون منها .

على فكره أنا سمعت أحد الشباب يقول أنا نسيبه مقاول يساعد الفقاره ويودي بعضهم الحج .
وهذا كان يصير عن طريق الصناديق الخيريه

وشكرا

اللهم زدهم خسارة فوق خساراتهم

اذا تمادى الانسان في طغيانه أرسل الله عز و جل عليه من يذله و يخزيه , فأصحاب الحملات استغلوا هذه الشعيرة أسوئ استغلال و جعلوا منها بابا لغناهم الفاحش . ارحموا من في الأرض يرحمكم من في السماء

بسكم عاد !!!!

بسكم طمع ,, حطوا أسعار معقولة خلوا الناس تقضي دينها , وش هالحالة , يحاتون البيزات مو أرواح الناس , انتون أرباحكم فاحشة حرام عليكم , وين شرف خدمة الحاج ؟!!! الحين لا خدمة ولا هم يحزنون , همكم تبلعون كد ماتقدرون من فلوس هالفقاره

كلمة حق

يا صاحب حملة الحج والعمرة لقد اخترت تجارة فيها ربح في الدنيا والآخرة ولكن لاتطمع في حظ الدنيا وتنسى الآخرة وكن عوناً لأخيك المسلم يكن الله فيعونك .. انتهى

حرآآآآآآآآآآآآآآآآآآآم الي اتسوونه

لقد ذهبنا الحج مرار وهو غير مكلف ولولا التعقيد الذي افتعله اصحاب الحملات بسبب جشعهم واضطروا الحكومة لوضع قوانين تعيق الحجاج البحرينيين عن الذهاب للحج الا معهم ازيحوا هذه القوانين الصادة لعباد الله عن اداء واجبهم فالحج احقيقتا لايكلف الحجاج اكثر من 200 دينار تتوفر بها احسن الخدمات اذا لم تصدقوا فافتخوا الباب اللناس لتروا مع من يذهبوا ومن يختاروا ومن يصدق ان تذكرة الحج وصلت اكثر من 1200 دينار ولم تكفي بعد !!!حرآآآآآآآآآآآآآآآآآآآم الي اتسوونه

الناس مو كلها مثل بعض ...

اخواني ترى المقاولين مو كلهم مثل بعض ، و محد يجبر أحد أنه يروح للمقاول إلي سعره غالي ، و ثاني شيء ترى المقاولين يدفعون مبالغ ما تتصور للسكن في المملكة العربية السعودية ، و أقل مبلغ لفندق يتم حجزه لحملة يصل ربما إلى نصف مليون بحريني ، فما بالكم بالمصاريف الأخرى ؟
و في الأخير أنا أعذرهم و أعذركم و أفضل ان يتم وضع رقابة على الأسعار في البحرين بالاضافة إلى أسعار السكن بالسعودية بالتنسيق مع الجهات المختصة .

ليش

ألحين ما صار تطعيم اللي بيسافر إجباري إلا لحجاج بيت الله، ليش ما يكون إجباري على اللي بيروحون أمريكا وغيرها، والله اللي نيته سليمه يتوكل ويروح بيت الله عند الشافي وماعليكم منهم هذلين يبون يقطعون اللج.

لا أراكم الله مصيبة كمصيبة المقاولون

أخواني إلي حاطين على المقاولين أحب أنوه أنكم ماتعرفون المعاناة التي يعانيها المقاول من تجهيزات قبل الحج إلى أن ينتهي ، لأن كل من يريد القص فيه قام يقص ، وثاني شي أنتوا تعرفون طرق العرض والطلب في السكن في الأراضي المقدسه سابقا كانت مرتفعه تصل إلى 45 إلى 6 ألف دينار ، والآن تصل ل30 ألف وأقل ليش ؟! لأن المرض الغريض إلي طالعه فيه أمريكا لمنع الواجبات المقدسه ، فلاتكونوا يا أخوان أنتوا مع الكفار على أخوانكم

بسكم ربح على ضهور الفقارة

انا قال اليي مقاول حج معروف اذا ما اربح 30 الف دينار في موسم الحج اعتبر روحي خسران
حرام عليكم شذيه

ليش ما تنزلون أسعاركم (مقاول عمرة وعارف السوق)

بسكم جشع ونزلوا أسعاركم، مو إنتوا تقولون السوق عرض وطلب؟؟؟
ليش ما تنزلون أسعاركم يعني لازم تربحون أربع أضعاف تكلفتكم؟؟؟

حملات الحج تستاهل اكثر

حملات الحج هم من الناس المتربحيين على ضهور الفقارة وكل سنة ورفعون الاسعار والحكومة ساكتة عنهم والحيين يصحون الي الملك لين بيخسرون وينكم يوم كنتم تربحون الالوف من الدنانير ما قلتون هذولة الناس فقارة ويجب ان نراعيهم في الاسعار حك اتروح اتحج.

حملات الدنانير

اصبح الحج عند اصحاب الحملات تجارة اذا ربحوا سكتوا واذا خسروا لجأوا الى الملك كأنهم اصحاب عقارات وهل كل من كسدت وخسرت تجارته يلجأ الى الستعطاف والى الملك ؟

تستاهلون

وأقول قليل في حقكم

إنه طاعون العصر وهل حياة المواطن تساوى حفنة دنانير

التطعيم لم يتم عمل إختبار عليه كما أن له عواقب وخيمة حسب ما تم تداوله بأنه يحوي مادة الزئبق كما أن حياة المواطن وروحه لا تساوم على حفنة دنانير والا وش رايكم