اااه يابلدي

تدرس وتدرس وتجمع الشهادات وغير شغلة التنظيفات ماتحصل .. اااه يابلدي خيلك للغريب المجنس

جفيرية

حسبي الله ونعم الوكيل..تكفي

مراض العصر

انفلونزا موامرة انفلونزا المجنسين الله يحفطنها من هل الامراض

عاطله

لو لوزرة بشغلنا برواتب عدله شان فبلنا اني عاطله جامعيه تخصصي جغرافيا تمكين عرضت علي لعمل في لمركز لصحي برتب 270 يستقطع منه 30 دينار لى لتامينات غير لمواصلات في النهايه بيصفي لراتب على 200دينار مين بيقبل بهذه لوظيفه

عاطلة

لله يساعدكم ويساعدنا .واني اوجه ندائي الى الملك حمد حفظهالله لنا هو اصدر بتوظيفنا على راتب لايقل عن 400 دينار الى ان تمكين تبعثنا الى شركات ومؤسسات يكون الراتب فقط 270 دينار لمدة سنتين بعد السنتين يتم طردنا من الوظيفه ايا ابانا انظر الى حالنا نحن من خريجات جامعة البحرين ونحن اولى من اي غريب بعمل في البحرين في اشغال تناسب مؤهلتنا وبراتب يناسبنا

ردا على الاخت ام زهراء

ردا على من تدعي انه النقص في عدد المرشدين الاجتماعيين وتقول انه رأي . هل تعلمين ياختي الفاضلة انه هناك العديد من المدارس التي تعاني وتعاني من شدة النقص في عدد المرشدين ابرزهم مدرسة السهلة الابتدائية الاعدادية للبنين ومدرسة المحرق التجارية للبنين ومدرسة جابر بن حيان وغيرها وغيرها ... لايوجد الا مرشد واحد فقط .. قبل ماتقولين كلام يبط الجبذ راجعي معلوماتك ولا تستفزين غيرج .. الكلمة الطيبة صدقة واعتقد لو تحطين نفسج مكانهم ماقلتي هالكلام البايخ

رد على اللي ضدنا بالاخص زائر 8

اللي ما يعرف يتكلم لا يتكلم ، وبعدين شنو الشي اللي عرضوه علينا واحنا رفضناه، وثانيا ما عطونا لا امتحانات ولا مقابلات علشان تقول احنا ما نجحنا، وبس هذا اللي انتوا فالحين فيه تبون تتهربون من مسؤوليتكم وكل من يرمي المسؤولية على الثاني واحنا ما قصرنا بين كل فترات متقاربة نتوجه الى وزارة العمل وشنوا الكلام اللي يقولونه (لا توجد شواغر لخريجي العلوم الاجتماعية) واقول ليك فيه شواغر بس مخبينها للي مني ومناك بالعربي غير المواطنين وبالعامية ((الجلف)).

تحية تقدير

والله لقد أدمعت عيناي لشباب بلدي و كأنه يتوسل العمل ..
الله معكم و يوفقكم و ينصر مواقفكم ، إن الله مع الصابرين ..
تحية تقدير عظيمة لاصراركم ..

اكتبوا ما تريدون واتركوا عنكم المرتزقة المندسون

هناك مأجورون تدفع لهم فلوس للجلوس أمام النت للرد فقط ولبث الفتن ولتقصي المواضيع وأغلبهم جلبتهم من الأردن بالذات وأنا أعرف الكثير الكثير عنهم... لذلك أقول للجميع علقوا رغما عن أنوف الحثالة التي نذرت نفسها للانتقاص من حقوق الآخرين في سبيل الدنانير التي ترمى عليهم كما يرمى العظم على الكلب... واعلموا أيها العاطلون أن الملك الجبار العزيز المقتدر وهو الله عز وجل يراكم ويعلم بحالكم وسينصركم رغما عن الحثالة التي تكلمت عنها فاكتبوا وطالبوا (

والله عيب

بلد يهين أبناءه ويكرم الغرباء .. .. متى ينتبه الغافلون ..

رد على رقم 17

اقرا التعليق عدل بعدين علق

لزائر 9 و8 المدفوعين الثمن

زائر 8 أرحم منك وترى أنت شخص عديم احساس كيف يكون تمثيل والأعتصام في الشمس ؟ ويمكن تكون المريضه مصابه بشيئ تتأثر من حرارة الشمس، والحاله الماديه والنفسيه بسبب البطاله أجبرتها على الأعتصام . ما في أحد يعمل بوظيفه بالقطاع الخاص-المقاولات و الشركات الصغيره- ومرتاح كما يزعم زائر8 (واتقوا الله) ولكن عتابنا على الحكومه اللي خلت اللي يسوى واللي مايسوى يشمت ويستهزأ

تحليل ولا اروع ياسيادة المحلل زائر9

الى زائر9تحليلك ما عرفناه لانك ذكي وفهلوي وتعرفهاعلى الطايرليش ما تروح الجزيرة الرياضة علشان تساعدفي تطوير حالات النظرة الثاقبة في كشف حالات تمثيل الاعبين والله عندنارجال في هالبلديعرف يحلل.شوفو ياجماعة تقولون العرب ما فيها ناس اذكياء من شاف الاسعاف عرف ان الطالبة تمثل صج ريال ذي. أقول ابو الشباب أنا لي نية أوظفك سنسر عندي لحالات التمثيل وش قلت وبعطيك راتب 250فلس عن كل حالة تمثيل وفوق هذا علاوة مواصلات وسكن ومنظف عند الباب علشان ما تعب روحك تصدم الممثلين واحد يمش ليك العرق من التعب طبعا وش رايك

"النار ما تحرق الا ارجول واطيها "

ردا على الزائر رقم 9 المحترم اذا تعرف المثل اعتقد ان هالمثل مفهوم و ما في لزوم اشرح لك لأن من ردك واضح انك تفهم و عندك عقلية واسعة بالله عليك تتوقع ان في هذي الظروف و مع الشمس الحاااارة و التعب و انت ما تعلم عن الحالة الصحية لهم يعني مو كل العاطلين أصحاء و حتى لو اصحاء يمرضوا من وزارة التربية و هم عاطلين لكم سنة و كل عاطل يحلم انه يكون في وظيفة محترمة و يحقق له مستقبله

رد على زائر 8

والله انقهرت يوم قريت وش كتب يعني اني جغرافيا بالله عليك في وين التوظف غير التربية واما شركات خاصة ما ادري خرابيط ما حصلنا لو محصلين براتب زين ما على الا راتب ما يسد الجوع واحنا محتاجين للشغل ورحنا وزارة العمل وتعبنال واحنا انروح بس الظاهر الوظيف للناس وناس واحنا لين رب والله الكريم بجي يوم وننصف فيه والله عللى الظالم

اذا لم تستطع تشخيص الواقع مشكل

الى الزائر8-9 اذا ما تعرفون توزنزن الكلام لاتتكلمون الشباب كيفه يبي وزارة التربية لانه دراسته تركزت على الطلاب ومن سخافة العقل انك تقول على كل شي اعتصام احد يحب يعتصم جديه لكن شكلك من الناس الطائفيين الي محصلين شغله وماتعرفه تتكلم لو تعرف تتكلم ماوظفوك روح تعلم ليك كم كلمة وبعدين شخص الوضع، والله واحد يعتصم ليش لسواد عيونك وبعدين تتكلم عن امن الوطن اهم شي. شايفهم ناس مايعرفون ويش يسوون وانت تستخدم اسلوب مع احترامي لشخصك الكريم حقير في نفي 76شاغر لان من وين ليك تشخص انه رأي والجماعة تقول تعبت فيه

ان الله يمهل ولا يهمل

من كان همه بطنه فقيمتة ما يخرج منه .... هذه عبارة توجة الى جميع من يستطيع خدمة المسلمين ولا يحرك ساكنا... والعاطلون امانه ... ووتوظيفهم واجب شرعي ... فيامن تجلسون في كراسيكم اتقوا لله عزوجل في امور الرعية ... كم وكم من استقدام للاجانب والمواطن يعاني منحه بنفسة لا ينعى معه في مصيبتة غيرة... الله يوفقكم ويوفقنا وياكم لوظيفة مناسبة.

رد على ام زهراء

فعلا ما تعرفين تتكلمين وشكلش انتي مو معى العاطالين واحتفظي برايش حقش افضل ما نمبي كلام فاضي بلا معنى لو سمحتين ومن الحق الجميع يطالب بحقه
الساكت عن الحق شيطان اخرس

رد على زائر رقم 8

إذا ماعندك معلومات لاتتكلم لأن أغلبية المعتصمين لم يتم إجراء إمتحانات القبول لهم ....ومن قال لك أن ماراحوا وزارة العمل حتى إن بعض هالمعتصمين مقدمين على وظيفة سكورتي أو وظائف أقل من شهاداتهم الجامعية

طالبة عاطلة

حرام عليكم لمتى يعنى الواحد ايحصل حقه في الدنيا قاعدين في كراسيكم ولا عليكم من غيركم

عزتكم وكرامتكم والا راتب وزارة الطائفية

الله يوفقكم ان شاء الله بس صدقوني انتم غلطانين تتعبون أنفسكم عشان تدخلون جهنم من أوسع أبوابها!! في أحد عاقل يتمنى يعمل في مدارس البحرين حرام عليكم!! انقدر اصراركم وتعبكم بس صدقوني بتندمون اذا توظفتون في وزارة التربية ترى عزتكم وكرامكم محفوظة طول ما أنتم بعيدين عن وزارة الطائفية!!

رد على تعليق 8

في الدول المتحضرة الطالب مايدرس عشان يطلع عاطل لانه قبل لايدخل التخصص شايفين وظيفته يعني ما يتخرج الا والوظيفة جاهزه .. وليش الوزارة تخلي الناس تدرس وتضيع عمرها دام ماعندها شواغر هذي نذاله ما بعدها نذاله
أما اهني الوظايف جاهزه حق ناس وناس اعرف واحد في المستشفى العسكري لما مافلح في كلية ... قالو له اختر اي تخصص ثاني يناسبك وراح اخد حقوق بعد في تمييز اكثر من هالشي الله ينتقم منكم

اما أن تقل خيرا أو أن تصمت

اخي الكريم 8 تحياتي :
اسألك هل انت من منتسبي وزارة التربية فمن خلال كلامك يتضح عكس ما تقول من أنك تعمل في القطاع الخاص .
فإذا كنت في القطاع الخاص ، لماذا هذه الكلمات الرنانة للدفاع عن وزارة التربية وكأنها وزارتك .
اخي الكريم إذا كنت تشكك في تلك الدراسة بشأن نقص مرشدين الاجتماعين ، ما عليك اخي إلا أن تتجه بنفسك إلى تلك المدارس المذكورة للتأكد من صحة الكلام من عدمه ..
ختاما استمروا اخواني واخواتي المرابطين معنا امام التربية حتى تحقيق مطالبنا المشروعة
بالتوفيق -امينة الفردان

لزائر 8 حرام عليك

هولاء مواطنين من أبسط حقوقهم الوظيفه وهم أختاروا هذا المجال والتخصص مو عشان يشتغلون بالقطاع الخاص مثل ماتقول هم أما مشرفين أجتماعيين أو مدرسين والقطاع الخاص لايلبي رغباتهم ولا يستطيع سد الفراغ ، واذا أنت تحب القطاع الخاص على قولتك غيرك مايبي و مستعد لمواجه صعوبات التدريس والمدارس كما تزعم. ويكون في علمك أن أغلبهم بحاجه ماسه للوظيفه بسبب الفقر المصطنع على هذه الطائفه المسالمه وسينصرهم الله عما قريب و سيوظفون بالوزارات

اللي ايده بالماي غير اللي يده بالنار

ردا على الزائر رقم 7 لا تعتقد ان الاعتصامات اللي نقوم بها رغبة وسعيدين بها نحن جامعيين ولنا كرامتنا لازم الوظيفة تجي لعندنا بس احنا اصحاب حق ولازم نطالب بحقنا واحتجاجاتنا ليست لمجرد الاحتجاج بل نطالب الوزارة التي ابتعثتنا وفتحت تخصص تراه غير مرغوب وليس به شواغر دون تخطيط نحن درسنا من اجل الوظيفة وليس للاحتجاج والوقوف بالشمس واي شخص قاسى وعانى ما نقاسيه لما قال مثل كلامك.
ان كنت مدسوس فعلم اننا اصحاب حق ولن نسكت الا بعد الحصول على حقنا ولا تتحدث فيما لا تدري به

حركات جديده

هي حركات جديده للفت الأنتباه (فقدان الوعي عند الأعتراض) ما أعتقد هالسالفه تنطلي على الحكومه وهاردلك جربوا وحده أقوه المره الجايه... ومع ذالك ألله يوفقكم

وبس هذا أحنا

مع أحترامي للمعتصمين : كل يوم ليكم أحتجاج وكل يوم أعتصام وكل شي ما يعجبكم و على كل شي تحتجون .1000 مرى تسمعون أن التربيه ليست بوزراة العمل وما يصير توظف فوق طاقتها خصوصا أن أغلبكم ما أجتاز أمتحان القبول !! وبصراحه مافي شواغر حاليا واللي يقول في 76 شاغر هذا مجرد رأي .وبدل هالوقفه بدون فايده روحوا وزارة العمل ودوروا ليكم شغل بالقطاع الخاص كاهوا أحنا متخرجين ونعمل بالقطاع الخاص و يكون في علمكم أصعب وأتعب الأشغال التدريس والمدارس وألله يهدي الجميع و أهمشي تحافظون على أمن الوطن من الفتن

الله يكون في عونكم

اين الوزير عن هؤلاء المعتصمون الا يعلم انهم يعتصمون من اجل الحصول على الوظيفه لماذا يتم تجاهل هؤلاء المعتصمين متى سوف يحصلون على الوظيفه ومتى يبنون مستقبلهم؟ لين راح نصف عمرهم بعدين بتوظفونهم حرام عليكم ياوزاره اتضيعون مستقبل هالشباب

هولاء الأشخاص هم ثروة يجب أن لا نضيع أحد منهم

نحن فخورين جدآ بكم أستمروا في أعتصامتكم
ونرفض كل من يتلاعب بمستقبلنا ( إعادة التأهيل ) ..صدقت يا أختي في هذه الكلمة

يعطيكم العافية

كفوا ياشباب واصلوا عشان الكل يعرف المهزلة والاستهتار في مستقبل ابناء البلد من قبل مسؤولين لاعندهم ضمير ولا غيرة على ابناء بلده العاطلين عن العمل فالحين بس يقولن لينا مانجحتون في المقابلة والامتحان وكيف يصير اللي يقيمونا ناس ماعندهم مؤهلات جامعية يقيمون خريجين جامعيين خل يعطون موظفينهم مؤهلات وبعدين يقيمونا وليمتى بنظل بدون شغل وحسبي الله ونعم الوكيل

76 شاغراً في «الإرشاد الاجتماعي» تحتاجها 102 مدرسة للبنين

كشفت دراسة أجرتها جمعية الوفاق الوطني الإسلامية وعكف على تنفيذها عدد من الباحثين والأكاديميين المتخصصين في مجال الخدمة الاجتماعية عن وجود نحو 76 شاغرا في وظيفة الإرشاد الاجتماعي في 102 مدرسة بمحافظات المملكة الخمس ‘’المحرق، العاصمة، الشمالية، الوسطى، والمحافظة الجنوبية).
ويتساءل خريجو العلوم الاجتماعية عن الحجة التي تتبناها وزارة التربية والتعليم الآن بشأن عدم التعجيل في توظيفهم !!؟؟

ما ضاع حق ورائه مطالب

تحية اجلال لكم يامن تسطرون التاريخ
واصلوا على خطاكم وما ضاع حق ورائة مطالب

بالتوفيق

الله يوفقكم ويتوب عليكم من وقفة الشمس ويسوون لكم حل

Zeez

no comments

الله على الظالم

والله كسرتون قلبي بس كل ظالم واليه يوم وان الله يمهل ولا يهمل واحنا جعفريات ولازم نقتدي بأهل البيت عليهم السلام ونتمسك بصبر السيدة زينب ,,

تحياتي اخواني واخواني عاطلو العلوم الاجتماعية

نحن عاطلو العلوم الاجتماعية ( علم اجتماع _ خدمة اجتماعية - علم نفس ) مستمرون حتى الحصول على مطالبنا ، حتى آخر رمق فينا ، نحن مستمرون للمطالبة بحقوقنا المشروعة ( حق الحصول على وظيفة تناسب مع مؤهلاتنا ، ونرفض كل من يتلاعب بمستقبلنا ( إعادة التأهيل ) .. وأدعوا جميع العاطلون بنفس هذه التخصصات ) التواجد المستمر معنا كل يوم ثلاثاء وبنفس المكان _ تحياتي للجميع - لن نيأس أبدا - بالتوفيق جميع والشفاء العاجل لإختنا العزيزة وعساكي على القوة
معتصمة متفائلة - أمينة الفردان - بكاليوريوس علم اجتماع ..

وقفوهم إنهم مسئولون

قل متاع الدنيا قليل يا وزير الهم تنعموا وغيركم يعاني المشقة في تحصيل لقمة العيش وين الغيرة على بنات المسلمين حسبي الله عليكم