الحرص يحتم

كلو كلام فاضي ليش تخلوهم يدامو هالسنه

جامعة الخليج لم نقم بفحص الطلاب

صح بجامعة الخليج ما فحصوا الطلاب ، الصراحة هذا خطأ كبير خاصة انه الطلاب فيها يسافرون ويرجعون دايما فالخطر بيكون أكبر.
المفروض انهم فحصوا الكل أول الدوام ، وقصة المعقمات ما عجبتني لأنها ما تكفي وأحس انها بدون فايده.

متى اللقاح !!

ليش ما نطروو لين ما ايي اللقاح .. الله يحفظكم

!!!

لازم يمددون فترة الفحص ..

رسالة خاصة الى الموظفين العاملين بالفحص في جامعة البحرين

رسالة الى الموظفين العاملين بالفحص في جامعة البحرين:
عافكم الله , بس اتحملوا بروحكم , ومن خلال الاقنعة الواقية , والتزموا بدعاء النور لفاطمة الزهراء عليها السلام. الله يحميكم .

سبهللة

غربلونا غربال كل البوابات مسكرة وبوابة وحدة وزحممممة وحرررر وحااالة .. والجهازشكله هرار
واله يعييين

الفحص ما يكفي !!

الاجراءات مو كافية
و يا ريت يأجلون الدراسة
حتى وصول اللقاح
و التأكد من سلامة اللقاح و مفعوله
يعني المدارس يأجلون
و احنا ما يأجلون !!
في الجامعة جنسيات مختلفة
من كل مكان
و لابد من انهم في الصيف زاروا بلدانهم
و بينتشر المرض بسرعة كبيرة
يا ريت لو يتم التأجيل
على ما نتأكد أن المرض ما ينتشر بجامعتنا
و أن اللقاح وصل
علشان نكون مطمنين
بهذي الطريقة نكون في خوف دائم
حتى لو كان يتم الفحص
لان الفحص ما يكفي
و شكرا

لا يوجد فحص باكراً

أنا دخلت الـ>>>>بدون فحص!

100 مره تنفحص ؟

جامعة البحرين تضييع وقت وزحمه ..
لكن جامعتنا كل طالب عنده ورقه فيها بياناته
مع جدول لمدة 5 ايام
وفيه 5 خانات لتسجيل درجة الحرارة
علشان مو كل 5 دقايق تنفحص ..
اهني الترتيب والتنسيق .. والتنظيم واستغلال الوقت..
والبوابات تكون محدده علشان ما احد يشرد بدون فحص
ومافي تجمعات

و الحل يعني؟؟

المشكلة التي واجهتنا هي وجود نقطة فحص واحدة بكلية تقنية المعلومات للطلبة و الموظفين مما ادى الى حدوث ازدحام قد يساهم في حدوث العدوى.

...

اشكر الموظفين على هذا العمل اليوم صج مساكين ماقصروا والله يعطيهم العافيه
بس المفروض الجامعه توفر المعقمات والاشياء الصحيه لان ماجفنه شي

نتمنى أستمرار الفحص

أولاً أشكر العاملين على الفحص و نتمنى أن يكون الفحص أكثر من أسبوع لان تبدأ أعراض المرض حتى بعد 7 أيام .

لزيادة توفير الامان من الاصابة بالمرض

صوتي للجامعه انها توفر المعقمات والصابون والكلينكس في كل الحمامات، حيث انه اليوم الاول من ايام الدراسة والجامعه تفتقر لتك المواد الصحية وهذه المواد تساعد على الحماية من انتقال الفيروسات

مو كفاية

احنا كان معانا في الصف شخص فيه زكام و في صف ثاني طالبة طول الوقت تسعل و تعطس قعدنا في خوف وجل حتى ما فهمنا شئ ، يعني أجهزتكم مو كفاية لحمايتنا

تصرف جامعة الخليج الحكيم ....

نحن في جامعة الخليج لم تقم الجامعة بفحصنا بالرغم من مرور 4 أسابيع من بدأنا الدراسة ولكن الجامعة اكتفت بوضع الكحول السائل للتعقيم في كل مكان ....

بعض الطلبة ماينفحصون..!

بعض الطلبة يدشون من بوابة الخروج ومايكون عليها كشف,

والله حاله

صراحه هرار يعني شنو جذي الحين ما بينتقل المرض إذا اهو اساساً فترة حضانته اسبوع يعني هالأجهزه بتكشف المرض .. طبعاً لا .. وبينتقل المرض من الأشخاص المصابه للسليمه عن طريق كل شي السلام ودوراة المياه وكل مكان
احس ان الإجراءات غير كافيه للحد من انتشار المرض ..
لكن بصراحه نشكر القائمين على الفحص صراحه تعامل طيب وتعب ومجهود يشكرون عليه ..
لكن في وجهة نظري انا انه غير كافي

والله حاله

شهالسالفه ذي بعد اجلو هالكورس وخلاص
او لين يوصل لكم اللقاح يصير خير
يعني خايفين على طلبه المدارس وموخايفين علينه
ليش احنه بعد مو اوادم

نتمنى يكون فيه تنسيق!

فيه طلبة دخلوا كلية الأيتي بدون فحص .. وأتوقع لو يصير تنسيق يكون أفضل.. لأن تمللنا من كثر ما يفحصونا على كل مبنى .. بينما فحص واحد يكفي لكل شخص .. فحبذا لو يصير تنسيق بحيث اللي انفحص ما يحتاج كل دقيقة وكل دخلة يردون يفحصونه

:)

فوق العشرين مره اليووم فحصووني :)

it was normal

كان الفحص عادي اليوم
الآي تي و العلوم ما كان في زحمة واجد عند الباب
خصوصاً العلوم
انا دخلوني العلوم من دون فحص

ليش يأجلوا المدارس عجل ؟!

انزين ليش مايسوون لطلاب المدارس جذي بعد ؟!
يفحصوا وخلاص .. ويش يفرق عن الجامعة ؟!
يأجلوا ليش ؟!!
أصلاً بالعكس كلما أجّلوا منحس إن بعد عندنا إجازة فبنطلع وبنهيم وبنروح مجمعات ..
بصراحة أستغرب ...يمنعون الدراسة والعمرة والحج .. ومايمنون المجمعات والحدائق والفنادق ..!!
ليش ؟!!
هناك مابينتقل !
الله يعين!!

كلية تقنية المعلومات

هناك جماعة من الطلاب دخلوا مبنى تقنية المعلومات بدون إن يتم فحصهم ، أساسا دخلوا للمبنى قبل وصول الطاقم الطبي !!
تأخر وصول الطاقم الطبي ، أو تأخر فتح باب المبنى هو اللذي يؤدي لحدوث تجمعات على الأبواب - كما حدث اليوم - و بذلك ستتوفر بيئة جيدة لانتقال المرض

شكرا للعاملين في الفحص على المجهود

نشكر العاملين على الفحص على مجهودهم الكبير ويعطيهم الف عافية ، لانهم بصراحة يبذلون مجهود جدا كبير واحنا لاحظنا هالشي وانشاءالله يبعدهم عن الاصابة بهذي المرض لانهم اكثر عرضة للاصابة بحكم فحصهم المستمر للطلبة ، وبصراحة العاملين وايد حبوبين ولطيفين في التعامل مع الطلبة مشكورين وما تقصرون

ليش جدى

احسن اليك
3504م

حل بسيط

يوجد حل بسيط على الاقل يوفر لنا حماية الا هو المحاضرات(شرح الدروس) يتم تصويرها وتنزل في موقع الجامعة او المدرسة او موقع الوزارة وينزلونها الطلاب او يروحون يستلمونها اولياء الامور من المدرسة بشكل اسبوعي و الامتحان يكون اخر السنةوالامتحان على الاقل يكون كل صف فيه 10 طلاب مع الترتيب والتنسيق في توزيع الصفوف ومواعيد الامتحانات .. على الأقل أمن لنا

مصخرة

يعني هذي شغلتنا كل يوم نفحص 14 ألف طالب وطالبه يوميا
لا درسنا