أكد مدير عام معهد البحرين للتدريب حميد صالح عبدالله بان قرار إبقاء المدرسين الأجانب في منازلهم لمدة أسبوع جاء تنفيذا لقرار وتوصيات وزارة الصحة بضرورة اتخاذ اجراءات احترازية بشأن الأجانب العائدين من السفر، وذلك للتأكد من خلوهم من المرض الذي يمر في بداياته بفترة حضانة داخل الجسم، وعليه وبحب توصيات وزارة الصحة فاننا طلبنا من المدرسين الاجانب عدم الدوام لمدة اسبوع، مؤكدا بان المعهد لم يسجل أية حالة بأنفلونزا الخنازير حتى الآن.
أنانييين بمعنى الكلمة
طل المعهد يحطون خطط احترازية خل يعرفون بالاول يخلون خطط دراسية عدلة حق الطلبة من قلب فاشيل .. انزين اذا ع قولتهم مافي ولا مدرس مريض !! الطلبة مايسافرون !! .. شالعقل التنك ياربي .. انه بس الي قاهرني جامعة البحرين أجلوا دراستهم لي بعد العيد والمعهد طالعين فيها عندنه 3 آلاف طالب ومانقدر بتعتفس الخطط الدراسية .. والجامعة أضعاف أضعاف عددنه بالمعهد ..شالتفكير الأناني ؟؟.. فكروا في صحة الناس بدل ما تفكرون في نفسكم وخلكم تولون محد راح يداوم بلعنة تاخذ الدوام ولا صحتنه تتدهور بسبة هالمرض
اووووووف بموت قهر
وييي الحين شنو نروح ولا لا؟؟ انا وحدة منبطة جبدي شلون يعني الكل غياب ول يداومون واحنا نداوم حسن دون لحسين؟؟
والصراحة البيت كلهم بيكونون نيام ما في الا انا اروح المعهد!! مستحيل بموت قهر!!
ادا المدرسين موب رايحين وعاطينهم اجازة من بيدرسنا وليش نروح وما كو احد؟؟
الله كريم
نطالب مدير المعهد بتاجيل موعد الدراسه لبعد العيد حالنا من حال المدارس والجامعه احنا بعد عندنا اهل يخافون علينا وسواء اجلت لو لا الكل بيغيب
الثقة !؟
للأسف أن المعهد قد زرع مسبقاً عدم الثقة في قلوب المتدربين ....
sara
أنا أأكد للكل ان ما في اي خطط احترازية و تاركينها علبركة و الحالة أكيدة وني نصيحة للكل لا يداوم الواحد الزم ما عليه صحته
من اول هو جذي
من اول يوم ندرس هو جذي اساسا والحين سامع فيها مرض يعني راحت عليكم يا طلبه المعهد وخاصة ان كل هنود وهندوس في المعهد يدرسون الله يعينكم
الحمد لله اني تخرجت من المعهد
اني انصحكم يا متدربين معهد البحرين اول اسبوع لا تداومون لان اول اسبوع ما ينحسب الغياب وشلون بعد المدرسين ما بداومون قعدوا في بيوتكم ولا عليكم من المدير
هلا
اني اول وحده مابروح لان معظم الي يدرسونا اجانب وقليل بحرينيين بعدين نمرض اهلنا يبونا وليش مايتم التاجيل اسبوع ماراح يخسر رئيس المعهد شي جدي او جدي محد بيروح فليش يعني هل عناد وماياجل
احنا مو مصدقين لان معظم الي يدرسون اجانب وراحوا حق اهاليهم وردوا يعني اكيد فيهم واحنا مابنروح الا بعد العيد
الحين يتاجلون والله لا؟؟!
الحين بتعطون المدرسين اسبوع يرتاحون ما ادري شنو خلص رمضان ومافيه تدريس بعد ليش نداوم؟؟ اجلوا دراستنا لبعد العيد وفكوا روحكم وبتسوون فينا خير والله
!!!!
كاتبين وزارة الصحه ووزارة التربيه
لما شفتو الرد رقم 7 مسحتو وزارة التربيه
وش هذا التناقض !!!!!!!!!!
مستحيل اصدق واداوم
انا وحده مستحيل اداوم ومش مصدقه انو مافي احد مصاب
خلو عنكم اللف والدروان احسن
لا حول الله...
اولاً يا مديرنا إذا الاجانب راح ياخذون اجازة اسبوع يعني ثلت ارباع مدرسين المعهد يعني مو موجودين لأنه كل هنود وفلبينيين
وببعدين شكلك صرت جهاز كشف مرض انلفونزا الخنازير حتى تقول هل الحجي ولا متأكد بعد هل تم فحص الطلاب جميعاً حتى تتأكد خصوصاً انه معروف انا معظم الناس قادمين من سفر او بس تبي تطلع فيها واي خطة احترازية هذه إللي تتكلم عنها حجرة واحده فقط لو شخص بس واحد مصاب راح يصيب المرض معظم القروب إذا مو كامل
وشلون راح يسجل المعهد اي اصابة يا حجي والدوام ما بدأ ولم يتم فحص الطلبة المسافرين
لاتصيح بعدين ياحميد
انا اقول ياحجي حميد صالح استهدي بالله او طلع الطلبه اجازه مو تقول احنا امبرزين كل شي او ماخدين احتياطاتنا بغرفة انعزال
حط في بالك إن لو اكتشفو حالة وحده لما تبدي الدراسة بتكون انت السبب في دمتك هل طلبة
طالب بمعهد البحرين
بسمه تعالى , لمتى هذا التراجع الغير مبرر يا مدير معهد البحرين و يذكر و بما إني طالب أخر سنة بالمعهد أقول أن ثلث المعهد مدرسين أجانب من الفلبين و تايلند و أمريكا و الهند .. و بقاء المدرسين الأجانب إسبوع في المنزل مع دوام الطلبة يعني ان هذا عناد ..لأن بصير نقص في المدرسين و لن يكون هناك نظام دراسي ...
^_^
توهم يقولون فيه
الحين مافيه ترى امي تحبني ^_^
ليش اروح
وزارة التربيه شنو لها دخل بمعهد البحرين
اول مارحنا يوم التهئيه قالوا لنا
معهد البحرين تبع وزارة العمل مو التربيه
جذبو عاد مو جذي
الله كريم
حتى لو مافي في المعهد الكل اجلوا ويش معنى المعهد يخلونهم يداومون واذا صدق كان في وعطوا المدرسين الاجانب اجازه ليش يخلون الطلبه تروح اذا المدرسين ماراح يكونون موجودين والمعروف ان معظم مدرسين المعهد اجانب .
الله يستر
اني وحدة ما بداوم المعهد اخاف على روحي
هديش هذا رئيس المعهد خله يعطينا اجازة ما صار اسبوع
لماذا التستر
أكد لى أحد الموظفين بأن الأجانب أحدهم مصاب
لا حول..
أعلنت اليوم الكويت تأجيل الدراسة خوفا من تفشي المرض، والبحرين تصر على انها على استعداد تام لمواجهة الخطر .. بينما الذين يقومون بالفحص غير مؤهلين اصلا .. ونحن لا نلومهم .. بل نلوم حكومتنا على هذا التهاون بأرواح الناس .. صار الشي ما يستوي الا اذا استنجدنا بالملك ولا رئيس الوزراء .. وعدا ذلك .. لا يتم شي!
في او مافي أنفلونزا الخنازير في المعهد
السلام عليكم ورحمة الله وبركاته
اذا كان الكلام كذب كان لابد ان يتحاكم صاحب المقال لانه عيش الموظفين و المتدربين في خوف
اما كان الموضوع صدق ليش خايفة ادارة المعهد بالبوح به
لو سمحتون افيدونا بالرد
ماصدق
اكيد بيقولون جذيه
الكلام مو من دخان طالع