زرنا طبيبا باطنيا في مستشفى السلمانية للاطلاع على نتائج بعض الفحوصات لزوجتي بموجب الموعد وكان في 25 من أغسطس/ آب الماضي.
وأخبرنا الطبيب بأن النتائج كلها سليمة، ثم طلبنا منه تحويلها على أخصائية مرض السكر، بسبب معاناتها من المرض نفسه، حتى أنها تأخذ إبرة الأنسولين ثلاث مرات في اليوم.
فقام الطبيب مشكورا بتحويلها، وفرحنا كثيرا، وعندما ذهبنا لأخذ الموعد تفاجئنا ببعد الموعد، الذي سيكون في العام المقبل، وتحديدا في10 من فبراير/ شباط المقبل، (يعني بعد خمسة أشهر).
سؤالي إلى المسئولين في الوزارة: هل هناك أخصائية محددة لعلاج ما يحدث من تراكمات سلبية لأي مريض؟ أم أن القدر كتب علينا أن ننتظر مدة طويلة حتى نتمكن من الحصول على موعد لعلاج مرض أصبح من الأمراض المهمة؟
(الاسم والعنوان لدى المحرر)
العدد 2558 - الأحد 06 سبتمبر 2009م الموافق 16 رمضان 1430هـ
والله حاله
والله ماادري شنو اقول ...السلمانيه موووت انا عطوني موعد بعد شهر ويوم رحت وقاعده يازعم من الصبح وانتطر دوري واخرتها تقول لي الدكتورة ماطلعت النتيجه بكل برود وانا جايه من اخر الدنيا ويم هي ماجهزت ليش تعطوني موعد !لا وبعد عطوني بعد شهر!!الي ماعنده افلوس يموت احسن .والفاتح خلوة على جنب ماايشرفون الا طباء الا 9 وشي واحنا قاعدين ننطرهم من صباح خير وياريت بعد نحصل كرسي نقعد عليه المجنسين اولى منا من قدهم!اي بلدهم
عــادي وطبيعي ..
بعد هالمقال بترد السلمانية برد تافه على الاكيد بانها ماطنشت احد وانه فيه ازدحام شديد..
اوكي فيه ازدحام من شنو ؟ مو من خيابه وقله اهتمام الاطباء وخروجهم في وقت البريك وغيره ؟؟ روحو شوفوا الفاتح مايجون االاطباء الا الساعه 9 او عشر ويتعطلون الااوادم ومن زود هالجلف ماميش محل وين نروح؟
ههههههه
عادي
ياما ناس ماتت و هم ينتظرون مواعيد السلمانية
و المضحك أنه بيوم الموعد يتصلون عليك: ترى عند فلان موعد اليوم و يردون عليه فلان مات وهو ينتظر!!!!!
لا حول ولا قوة الا بالله!! و يقولون ليش نتحلطم!!!!
انا عطوني موعد بعد 11 شهر للقلب
بنتي تعاني من ضيق بالنفس واجسمها يزرق ومايطلع لها صوت من ضيق النفس وعطوني موعد بعد 11 شهر ؟؟؟؟؟يعني يمديها تموت وندفنها وندفن الموعد وراها
يمكن السبب من الدكتور المعالج
عادة ما تعطى المواعيد على ما هو مطلوب في ورقة الموعد نفسها لعل الطبيب اعطى موعد الكشف الطبيعية و هي للسكر بعد سته اشهر و هذا طبيعي
الحمد الله على الصحة والعافية !
مستشفى بحجم الكرة أرضية وبه نقص في ممرضين وممراضات والــخ !!! ( أي العاملين بالمستشفى ).. وان طرحنا هذه مشكلة فسوف تجلبون لنا عمال اجانب بحجة عدم توافر لكن كلية العلوم تحدد مقاعد محددة فما هذا التناقض !
نرجو زيادة المقاعد كي تزيد الشخوص العاملة.وتمنى ان نرى بعثات دكتوراه ، لأننا نريد عمالةبحرينية وليست اجنبية أو مجنسة في مستشفى.
وشكرا
السلمـــــــــــــانية سايــــــــــــــــبـــــــــه
يا انك تدفع مابجــيـــبك او انك تنتظرسنين ليماتموت , نقص ادوية في الصيدلية,تباعدمواعيد,زحمة اشعة,تأخرنتائج مختبر,تلكؤوتباطؤ بالعمل لكن من يحاسبهم ؟ بكرة بعدشهر رمضان بعد موضة الريوق بكل جناح , والمريض اخر اهتمامات الاخوان , الله يكون بالعون , بس نسمع شعارات ودعايات بالاعلام واحنا لطيبتنا نصدقها بس اللي يدخل يوم بهالمستشفى ممكن انه يحكم بنفسه ويشوف بنفسه , وبعض الامراض ماتتحمل التأجيل فوين يروحون ؟ واللي ماعنده يدفع ؟ حتى معاملة استشاري لك لمن تدفع غير وانااول شخص جربت هالشي برى غير وداخل غير
الواسطة لها دور
اذا عندش احد يشتغل في المستشفى حتى لو اكلينر بقدم ليش الموعد خلال اسبوع
موعد في القلب لطفلة معاقة بعد 3 أشهر
طفلتي المعاقة تحتاج العديدمن الاختصاصيين و منهم أخصائي في القلب و الموعد بعد 3 أشهر!!!!!!!!!!