رَدِّيِنِي مِـنْ رَدْ يُوْسِفْ لِيَعْقُوْبْ

عِدْتْ لَكْ يـا مَوْطِنِي بِشْتِياقِى

فِي اْلْسُفَرْ صابِرْ كَما صَبْرْ أَيُوْبْ

آتَحَــرَّىْ شُوْفِتِكْ يــا مَلاكِي

إِنْتْ هَوايا إِنْتِ زادي وُمَشْرُوْبْ

إِنْــتْ مِيْلادِي وِإنْتِـهْ مَمَاتِي

كِلْ حُبٍ فِي حَياتِي لَـهْ إِحْدُوْدْ

إِلا حُبِّكْ يا وَطَنْ يـــا غَناتِي

حَبُوْ اسْمُكْ قَبُلْ شُوْفُكْ يا مَحْبُوْبْ

كِلْ مِــنْ شافَكْ تِمَنَى بِــلادِهْ

اِلْوَطَنْ غالِي غَلاتِهْ فِــي لِقْلُوْبْ

اِلْوَطَنْ قَلْبِي وُغايَــةْ مُــراْدِهْ

( 2 )

عيني رَأت بَلاديــن

ما شافَت مِثل البحرين

مالي صَبُر في الغُربَه

عَنهـا ولالي قَلبيــن

حِس الوطَن في نَفسي

يِشهَد لي يومي وامسِي

ساكِن بِصُوتي وهَمسي

بايـِن بوسط العينيـن

حُبها دَهر في قَلبِـي

نَوّر حَياتي ودَربــي

دِيرتي جَمالْها يَسبي

اقلوب كِل لِِمْحِبيــن

غاليِه وعَزيزِه بلادي

داري ودار اولادي

رَدد وقول يا حـادي

عاشَت بِلادي البحرين

خليفه العيسى