مها وتتكحل القهوه بعـيونك .. لا رجفت كـفي

لي الله عـودي قهويني .. غـصب يهتز فنجاني

وش الفتنه؟ .. سوى دلّه بشمالك غاويه تلفي

وش الجمره؟ سوى طرفٍ يناظر شب وجداني

مها وبالكيف خصرك .. من يميل يتـوه بي طرفي

أناماعود أنا.. هذا أنا؟! لا.. هذا شيطاني

يراودني بدلال الهيل .. ونـفسي راغبه وتنفي

على الفنجان .. تسجد دلّـتك وابليسي اغواني

عيوني ترشفك .. تغفل .. تساور قهوتك أنفي

تبهّرت بدلالك؟! ولاّ فنجانك تشهّاني

شربتك فاحت سطوري وكتبتك مارتوى حرفي

مها .. وكلما تهجيتك يداعب سكر لساني

تشب بداخلي .. لا ما تشب .. آظنها تطفي

أحس بها .. تشب وتنطفي وتتغير الواني

شفاه تحفّني مرسى .. وشفاهٍ مارست حتفي

تغيّبني بهمسٍ .. واصحى فجر البسمه عنواني

يسمسم ثغرك الفنجان سَم يبوح وسِم يخفي

أنا مادري بـمن سمّيت وربي .. قولي سَم ثاني

تعثرتك .. تلعثمتك .. تبعثرتك وانا منفي

على شط الكحل .. نام الرماد وتسعر أجفاني

مها وتتمايل القهوه بجنوني لا لمست كفي

طرف كفك .. لي الله كيف ما ينكب فنجاني؟