ياربعنا مايعتذر كود غلطان
وانا عجزت القى خطا في خطايا
ان قلتوا اني ماتعوذت شيطان
نفسي لاني شفت سود النوايا
قدامكم ربي بلاني بمن شان
فعله معي لين اظلمت بي سمايا
زل وكتمت وزل وازددت كتمان
وازداد في غيه وجاني بلايا
اعطيته الصافي من العلم خلصان
من غير ما اسال من معاه ومعايا
وان كان هو من رشفة ابليس سكران
سكران انا بغبار خيل الطنايا
عاداتها تقبل تقل مالها ارسان
وعاداتنا نهدي ضحانا ضحايا
من مثل شمر علقوا يوم الاكوان
ارواحهم عقد بجيد المنايا
حنا الضياغم والزقاريط نيشان
في جبهتي زاد المزايا مزايا
وانا ولد عافت سلايل كحيلان
على اسم جدي والاسامي وصايا
ياشين يوم الطيب نجر وضيفان
منا العطايا تستمد العطايا
ياشين يوم العز خيل وفرسان
ربعي عصا موسى وربعك حيايا
ويومك قنعت بسقف واهي وجدران
الضيغمي للشمس حث المطايا
لاانته بجنبي طيب اوعز او شان
ولاانته بقدامي ولا انت بورايا
الله بلاني بك ولاني ببلشان
لاشك ودي ينطحوني قوايا
العدد 1939 - الخميس 27 ديسمبر 2007م الموافق 17 ذي الحجة 1428هـ
زائر
كفو ي الضيغمي ؟ صح الله لسانك
ابن عمك احمدالشريفي الشمري
كفو يالطنايا يالسناعيس
وان كان هو الزدي من رشفة الكاس سكران
سكران انا بغبار خيل الطنايا
عاداتها تقبل تقل مالها ارسان
وعاداتنا نهدي ضحانا ضحايا
من مثل شمر علقوا يوم الاكوان
ارواحهم عقد بجيد المنايا
تسلم يابعدي راسي
ابن عمك عزوز الحسيني الشمري