(أ) منذ وعينا على هذا الصوت الاستثنائي، ونحن نغرف من بحر ذهابه العميق. مسفر الدوسري ظاهرة شعرية على الكثيرين أن ينحنوا لها.
وشلون أقول إن انتي غير؟
وشلون أقول
إن انتي تغرين النوارس بالغرق
فالأزرق الفاتح
وشلون تغرين الرصاص
يحب ويصافح
وشلون تغرين الشتا
يدفّى ريشة طير
وشلون بعيونك مساى
دايم مسا خير
شلون أقول إن انتي غير
شلون أقول إن انتي غير
غير البنات
وشلون أخلّي للحكي عنّك
طعم سكّر نبات
شلون أقول إسمك ولا
يصير لساني... نعناع
وتصير حروفى غزلان
ويصير قمر صوتي صلاة!
شلون أغنّيك
وماتصحي عصافير الفجر
ولا يطول عشب البحر أو تزهر بدربي حصاة!
وشلون أقول إن انتى غير كل البنات
وشلون أقول إن انتى غير
غير البشر
ياللى إذا تبسّمتي
يفزّ
من سدرة الليل... النهار
وتقرب سما
ويكبر قمر
وإن قلتى للدنيا مسا الخير إنولد
من شفّتك
مليون نجمه
وإنتشى فيك السهر
شلون أقول إن انتي غير
كل البشر؟!
(ب) تعلمنا منه أن نكون واثقين من القلب، ومن الأمكنة التي يرتادها الأحبة. ونحن بعضهم.
العدد 1634 - الأحد 25 فبراير 2007م الموافق 07 صفر 1428هـ
