س: ها بو تيله ... ويش رايك في إللي قاعد يصير ؟

ناشط سياسي

ج: سمعت عن " ضربني وبكى ... وسبقني واشتكى " !!

****

س: إشرايك في خدمات وزارة الكهربه ... شنو الحل من وجهة نظرك؟

مشترك

ج: سمعنه عن الخصخصه ... واحنه في جميع الحالات قاعدين ندفع فواتير، خل ندفع إشوي زياده ولا هالحالة إللي احنه فيها ؟

****

س: جم تتوقع نسبة المشمولين في بنك الفقراء إللي بيسوونه؟

فقيروه

ج: كل البحرينيين ... ما قدم منهم وما جد !!

****

س: ما جفنا لك رأي في موضوع قروض الاسكان ؟

توه محدث طلبه الاسكاني

ج: من بداية الاصلاحات الى اليوم ما إستفدت من شيء ... والاخيره هذي ما لي علاقة بها لا من قريب ولا من بعيد .

****

س: كل شيء إرتفع سعره ... وين نروح، ومن وين نأكل عيالنا ؟

خلها على الله

ج: سياسة التقشف إللي تسويها الحكومة دائما، فرصة أن نطبقها في بيوتنا.

****

س: ما تعتقد إنك بحاجة الى أن تسكت إشوي، ما تعتقد إن زياراتكم كصحفيين الى النيابة زايده هالايام؟

قارئ نهم

ج: هذي علامة من علامات حرية التعبير إللي سمعنا عنها في الفترة الاخيرة!!

****

س: ناس جايفينك داخل بلدية جدحفص ذاك الاسبوع ... عجبك؟

صديق دراسة قديم

ج: كل إللي عجبني في المكان هو أنك تحس أنك داخل مكان يحترمونك فيه على الاقل ... عكس أوّل!!

****

س: سيارتك يا بوتيله دائما نشوفها وصخة، وإللي يشوفك يقول داخل فيها بحر مو قاعد تمشيها في شارع؟

مُتضرر

ج: إنت روح طلّع لي شارع في البحرين ما فيه نقعة أكبر من بيتكم، وإللي يجوفنا يقول في سيريلانكا مو في المحرق!!