لــــو ما ســـليتك ما نسيت وتــذكـــرت

ولو ما انجرحت من الجفـا ما بريتـك

للغــــــيـث دارك لو قسيت وتكبـــــــرت

ياللي كتـــبتك من غـلاك وقـريـــتـــك

يا ما نــــزفتــــــك يا هواي وتكــــدرت

ويا ما غفت شمس الهجـوس وسريتك

وان لاعني هجـرك جحدت وتصبرت

وان سولفت عنك القصايد حكيتـــك

قلبــــــي مقيلــــك يالغزال ان تذيـرت

والله يبـــيحك يالقـراح ان ظمــيـتك

يا صاحــــبي ياللي قسيت وتكـــــاثرت

وصلك علي ومهجتي سقف بـيـيــك

انا حبيبك لا انتـــــشيت وتحــــيـــرت

وانا جفاك ادمى حشاي وجفيتك

والا انت جبري لا انهدمت وتكسرت

فـوق الورق لابحت فيك وكـنــيـتــك