مريم وتضحك يرق الما ويصفالي زماني

والمكان يطيب والرمان يتكدس هنيا

قلت رحلتنا تبي سكر وترنيمة أغاني

جاوبت هات الأغاني واترك السكر عليا

من شفايفها صباح الخير شكل وطعم ثاني

آه لو تدري وش اتسوي صباح الخير فيّا

تاخذ الما من يديه توصله شط الأماني

واهنيي كل ما مريم خذتني من يديا

اذكر أول ما تلاقينا تسمرت بمكاني

حاولت عيني تشوف الدرب مير القلب عيّا

الحلا فيها من أقصاها ولا للزين داني

كل ما فيها خلقه الله من طلعة محيا

كل ما عز الطلب عندي وقالت لي عشاني

قلت من هذي قبل هذي وجابتني حميا

قبلها ما طاعت اقدامي طريق إلا عصاني

بعدها ما ظل حلم أخضر بصدري ماتهيا