(أ) نص يقدِّم نفسه لشاعر هو أكبر من هذا الكلام.

شعر - فهد عافت

قلت انا تبّت يدا ابي لهب

وانزرع دربي بآلاف العيون

لين صارت نظرتي تخشى الهدب

ورعشة اهدابي تخاف من الجفون

وقمت اشك بساعتي وبلا سبب

العقارب من طبيعتها تخون

ويوم في اكلي لمحت مـن العجب

آلة التسجيل فـي هيئة صحون

قلت آسف كان ذي قلة أدب

أعتذر غلطان ياللــي تسمعون

بس أنا يا عمّنا يابو لهب

لي سؤالٍ خل صدرك له حنون

كيف انا أزرع عناقيد العنب

وتطلب إنّي ما أقرب للغصون

ألف عاقل صار حمالة حطب

بس أنا يا عمنا رافض اكون

مهو أنا اللي وان صفعته بالذهب

باس رجلينك على إنّك تمون

اتعبيني يا مشاوير التعب

ولوّنيني يا دروب بألف لون

فجِّري فيني براكين الغضب

ما أهوّنها ولا ابيها تهون

وما يشرفني اكون من العرب

واحمد الله يوم خلاني بدون

(ب) ولا حتى هذه المقدمة كانت ضرورية على الإطلاق!