اني اشتغل بشركة مرموقة بالدولة ويصرفون لنا علاوة رمضان على شكل كوبونات مشتريات من ..... صدقوني من اشتغلت للآن ما عمري شريت فيها اغراض لرمضان . اخذ احتياجاتي العادية من غير لا اسراف ولا هم يحزنون. واذا صار خاطرنا في شي اروح اشتري من البرادة الاغراض الناقصة واسوي اللي ابيه. الناس الحين ارتقى فكرها عن المعدة واشباع البطون. خشوا بيزاتكم لليوم الأسود. الغلاء يزيد والرواتب تقل ومديونيات الدولة بدأت تخرج عن السيطرة. خذوا احتياطاااااتكم وأمنوا لانفسكم.

والله مايختلف عندي شي كأني طابخة وجبة الغدا وخلاص
مااخد الا جيلي وكرميلا واستمل بعد اسويهم
مافي على العيش والسمج الصافي والبقل ولرويد والليمون وعصير او شربت والحمد لله اشبع حتى سحور قليل اتسحر.

امي تطبخ نوع طبق رئيسي و وياه نوع سمبوسه او كيكة ويتم لين يوم ثاني و ثالث ... مايمدينه نتفطر وناكل في رمضان بسرعه الواحد يشبع ... الحمدالله

في رمضان المعدة تصغر و الوجبة تصير من ٣ الى ثنتين. و الوجبة الثانية خفيفة. و وجبة الفطور اثنتين ونت شبعان. انا كل ما اشوف الزحمة على ماجلة رمضان احس اني ابي انتحر لان ما مو قادر استوعب ليش ؟ ليييييش؟ يا عالم ليييش؟ ليش استهلاك الأكل يزيد و هو بالعقل لازم يقل !!!!! ذبحوني بشقق ثيابي مو قادر افهم يا عالم شنو قاعد يصير ؟@

حماتي راحت للسعودية عشان إتييب ماجلة رمضان! بس إهي عندها 3 أطفال وقليل جدا تطبخ!لأنه معتمدة على أمها!!

الاكل والتلفزيون والغبقات اصبح شغلهم الشاغل اهم من العبادة

النعمة زواله وبني ادم طماع

الي يسوي جديه بصراحة يحسسك ان احنا بندخل مجاعة

ايه والله... يشترون وعقب يقولون فلسنا

والله حرام
عدة طبخات وياكلون ربع الربع والباقي كله في الزباله وثاني يوم يطبخون عدة طبخات
جديدة وعلى هالمنوال طوال شهر رمضان ليش حرام
النعمه زواله

اني اشتري ماجله رمضان كماجله اي شهر بس قليل أزيد عليها مثلا الشربت واللحم وشعيرية وكباب جديه لانه الفرق أكون في شهر الله أكون الاكل من البيت والي يضل استخدمه في الفطر عادي

و الله حرام رمضان لازم يكون شهر الاقتصاد ووليس التبذير.

طول السنه ناكل صح بس في اطابق تحلى في شهر رمضان ايسكريم وجيلي وسمبوسه الهريس ساقو عشان جدي تزيد المصاريف وساعد الله قلب كل رب اسرة ع المصاريف

بنكمل شهرين من غير رواتب مسؤلية من

الله يفرج ليكم يا رب ويرزقكم من واسع رزقه ويا رب شهر رمضان خير عليكم

من اجواء رمضان الروحانية

مضطرين نشتري زيادة
الايام العادية ماجلة البيت مافيها هريش دبس قيمات سمبوسة محاشي مثلجة
والزيادة نحسب الاهل والجيران والمعارف اذا جابوا ليش بال10 صحون من كل نوع يستحي يرجعها خالية
غير العزائم اللي تزيد في شهر رمضان صلة الرحم وغيرها
وغير كلماضرب الجوع زدنا في الطباخ والتفنن
ويوم العيد ملابس العيد بالسلف

خب ما يفكر في الغاءها إلا اللي يشتغل ويطير معاشه عليها
هههههه

الحمد لله في شهر رمضان يقل مصروف البيت من ثلاث وجبات الى وجبه الفطور فقط

أكبر خطى تسوق اثناء صيام يعني وهو جائع لان يشتهي كل شي ويكون مثل متلهف متى يوتعي من سباته لما يشتري والاقتصاد زين ماله داعي تعبون عربانات هاي إسراف حرام ومبارك عليكم الشهر

اني مااشتري
يوم اللي بسوي شي اروح اشتري مكونات الطبق فقط اما اني اشتري واكوده وينتهي لا والف لا

طمع.........الحمدالله اشتري نفسه ايام عادي

ما لها داعي السالفة
و لا له داعي الأم تظل طول اليوم تطبخ و اخرتها يحوسون في الاكل و البقية تنرمي في الزبالة. اذا ينامون طول اليوم شلون ياكلون عيش و حلاوة و ووو اول ما يقعدون من النوم؟ الام اللي اولادها ينامون في النهار خلها تسوي لهم چاي حليب و بخصم /بقصم. اني اولادي ما ينامون طول اليوم اسوي اشياء بسيطة مع اني احب اطبخ و طباخة ماهرة بس بعد ما احب افلت جهدي في الزبالة

قال تعالى :
بسم الله الرحمن الرحيم
((كُلُوا مِن طَيِّبَاتِ مَا رَزَقْنَاكُمْ وَلَا تَطْغَوْا فِيهِ فَيَحِلَّ عَلَيْكُمْ غَضَبِي وَمَن يَحْلِلْ عَلَيْهِ غَضَبِي فَقَدْ هَوَىٰ))
صدق الله العظيم
سورة طه - الآية 81
الكل في رمضان يدور الغفران والبركة ومحد يدور غضب الله والله المستعان
تشوف الناس متولين البرادات والسوبر ماركت كل واحد تارس له جاري او اثنين ويقول نهاية الشهر ما عندي ورمضان شهر الأكل والمسلسلات
وبعدين يقول ليش مو متوفق !!!

أعتقد قلت العوائل اللي تشتري ماجلة في رمضان وأكثر الناس صارت تشترك فيه في الأندية وتستغلة حق الريجيم

في شهر رمضان يكون منزلنا شبه خالي من الطعام
وجبة الافطار عبارة عن صنفين.. صنف رئيسي واحد مثلا هريس أو ثريد أو عيش مع لحم والصنف الثاني هو السويت أو الحلاوة وهي أما كراميل أو محلبية أو جلي
والسحور أيضا صنف واحد.. حليب وبقصم أو سندويش أو روب
بالنسبة لي شهر رمضان أوفر كثيرا وفرصة لنقصان الوزن من 7 الى 12 كيلو كل سنة.
طبعا تجي أيام كثيرة منه تكون اجتماعات وعزايم ولكن لمن أفطر مع عائلتي فهذا فطوري فقط.
وللبقية جواب آخر..

احنه نفسكم زيادة عنكم السلطة والطبقين يكون ثريد وبلاليط او ثريد وقيمات بس يمكن تختلف السفرة بمرور الوقت بس بالاصناف ونسوي قليل جدا تعلمنا خلاص
امي قبل تبغي تطبخ اشيا ايدها تحكها بس احنه ما نرضى نقول ليها نطبخ بس الي يشبعنا والحمد لله ليش الاسراف والتبذير مو زين احين خلاص تعلمت مساكين هالامهات كرف في المطبخ على دقايق اكل ارحموا امهاتكم لا تتطلبون

احنا الحمد للّه مو نفس بعض الأسر "المجنونة" اسميه جنون
الأكل طبيعي وما تصرف داك الصرف على شهر رمضان
هدحنه نصوم في غير شهر رمضان (مستحب) وما نچوف نحتاج داك الأكل الكبير
استغرب صدق من بعض العوائل چيفه يصرفون واجد لدرجة ما يتصورها العقل

عن نفسي مااشتري أغراض خاصه لشهر رمضان اذا نويت اسوي شي اروح اشتري الي احتاجه واسوي حرام اشتري أغراض شكثر وفِي النهايه اتضل وتنتهي وتروح الزباله