قلة زوق، صارت معي للاسف، بس انا ماسكتت له بعد ما نتعني بقلة الادب لاني قلت له انت قليل زوء

المشكلة الديرة انملت مافي مكان للبارك بالذات المحرق بصراحة ماساة
كان عندنا فاتحه بفريجنا لفيت المحرق اربع مرات عشان البارك بس ولا فكرت اني اصك على احد واعطلهم ولما حصلت بارك يم بيت وما كنت صاكه على احد ولا كراج والمسافه من البارك الى الفريج 20 دقيقة وبالاخر يتصلون لي المرور ابعاد السيارة

قبل سنة بالضبط حصل لي موقف مشابه حين ههمت بالخروج من البيت وتفاجئت بسيارة عند مرآب البيت وطبعا اتصلت بالمرور لكن بعد ساعة كاملة حضر وحرك سيارته لأنه لم يرفع هاتفه فورا عند الإتصال به حسب كلام المرور لكن النتيجة إني خسرت موعد عظام في السلمانية انتظرته سبعة أشهر كاملة وللأمانة لا أكرهه ولم أحقد عليه بل رديت عليه السلام يوم أتى معتذرا لكن لا أعلم إن خالفه المرور أم لا وحقيقة لا أتمنى له الأذية أبدا لكن بلادنا تصبح أفضل لو إلتزم الجميع بحسن السلوك والإنضباط في الشارع وفي كل مكان نتواجد فيه

هى مخالفة مرورية وثانيا تعدي لفظي على السيدة وكأن البلد قد خلت من النظام ، التصرف تصرف غوغائي وفيه استهتار غير مقبول ويجب أن يحال أمر هذا الرجل الى الشرطة والنيابة والقضاء لأنه وبكل بساطة عطل مصالح الناس وهذه تهمة مدنية بحقه للدولة وحدها الحق بها حتى لو تنازلت السيدة عن حقها لأي سبب وثانيا تعديه اللفظي الجارح على سيدة محترمة وهذا خلاف عاداتنا وتقاليدنا الأصيلة ، إن كان في البلد قانون فعليه أن يحاكم وإن لم يحصل فلا قانون وعلى أهل البحرين السلام

بنت جاءت الى زواج ووقفت سيارته في كراج البيت وانتظرتها الى الساعة 12 ونصف ليلا الى ما تخلص من حفلة الزواج. قلت ليه ليش موقفه في كراج البيت الي تقول انا جايه زواج ما لي شغل وين اوقف ( بكل وقاحة ) .

و السكيورتي الي مامنعاه يوقف سيارته ويش كان يسوي !!!!

بصراحة هذه الحالات تحدث كثير بس على الاقل صاحب السيارة الخاطئه يعتذر لقاة المواقف لكن اللي يحدث العكس في كثير من الأحيان انا عني إذا يعتذر انسى حتى لو كنت مستعجل لكن بطة الكبد إذا يجيك الغلطان يركب سيارته ويمشي

ضربني و بكى ، سبقني و اشتكى

اللي يقهر ان المرور ما يهتمون بهالمسائل، كل اللي يقدرون عليه انهم يتكرمون بمحاولة الاتصال على صاحب السيارة وبس ! المفروض الدورية اتجيله وتخالفه وتسحب سيارته وتحوله المحكمه عشان يكون عبره. لكن شنقول بس، كل يوم قهر ونكد واعصاب !!

ياريال خلها على الله

المشكلة تنتهي بكلمة اعتذار من صاحب السيارة، بس الظاهر الرجال راعي مشاكل

قليل ادب مو متربي عديم اخلاق ذكر عديم الرجولة تفف ع اشكاله
المرور قصة انكم بس تتصلون لصاحب السيارة تخبرونه يوخر سيارته وانتهى الموضوع هذي مو حل
مثل مانزلتو المخالفات عن الحوادث الله يحفظ الكل نفس الشي بمثل هالموقف وجب على دورية مرور تكون حاضره الموقع فرضاً طقها؟ لو مب هالريال يزاه الله خير شكان راح يسوي اللازم تكون في اجراءات تحمي هالفئة من قليلين الادب بالسياقه

المفروض من المرور تضيف المخالفة هادي وتسن عليها مبلغ محترم من ضمن المخالفات وقوانين المرور الجديدة اذا ثبت انه احد تهجم على احد في مثل ها المواقف وبدون مبرر ومخلي الناس مكب لامراضه النفسية لانه مثل ها الناس ما تفهم الا بهادي اللغة وما يعور بطنها الا البيزات ولين يتكرر اسمه يحطونه على البلاك لست ويتحول يا نيابة يا طب نفسي.

وقت الناس حرام يضيعه ما ندري وش ظروفهمً، احسن حل تكلم ونش يجي يشيل السيارة ويفلتها في ادناة براحة ، وتخليه يدفع قيمة الشيال بعد . وتصور للمرور وترسل الصورة للمرور والحريدة ، احسن من الكلام وياه

المفروض يجودونة ويفركون راسة في الشارع.

ي شخص ينفخ صدره على النساء (الأعراض) ما ليه إلا الچراخ، قبل فترة صك واحد بسيارته على سيارة اختي واتصلت للمرور وجا صاحب السيارة وركب سيارته وقعد قرابة الربع ساعة إلى 20 دقيقة فيها بعدين تحرك، أقول حق أختي ليش ما خبرتيني إلا يوم جيتين چان نروح ليه ونعلمه الرجولة على أصولها.
زائر 93 كلامك هو العدل إذا البلد غابة وما في قانون نعرف چيفه نتصرف ويا أشباه الرجال.

متقاعد
عجبني تدخل المواطن الذي دافع عنها بكل شجاعة فهذه أخلاق البحرينيين

والله محد عديم اخلاق الا هو و امثاله عديمين اخلاق واحساس وتربيه

اي والله صدقت ياخوي

انا بضرب اخويي وانا بزعل ههههههه ،، يمكن عنده شهادة من الطب النفسي لا تظلمونه

لماذا تطرح لهجة البحارنة فقط عندما يكون الموقف سلبيا؟
هل نحن الطوفة الهبيطة؟

تعرف واعرف والكل يعرف السبب

والله مشكلة الشرطة الي عندنا لو بلد ثاني اقل من نص ساعة وجوا شالو سيارته وغرموه بعد وهي تمشي مرتاحة قلة أدب عديم التربية والله لو ايسوي لوحدة من اهلي جدي وتتصل ليي حزتها يشوف ويش يصير فيه اذا البلد غابة وما فيها قانون خذ حقك بيدك عديم الاخلاق ناس تربية شوارع

عجبتنی خوك
100 لايك

لا تلوم الشرطة
الدفان جعل البحرين بلد كبيرة وصعب أن يصلوك في نصف ساعة فقط

صدقت

صح كلامك والحل بسيط قانون سطر واحد إثبات المخالفه بالوقت و التاريخ و المرور يتصل الي احد الروافع القريبه و يلتزم المخالف بدفع التكلفه والمخالفة ولا تبوق لا تخاف.

خخخخخخخ
بلد كبيرة

يوم الأحد الفائت حصل شئ لم نكن نتوقع أن يحصل خاصة من رجل تجاه شابة مريضة حيث كنت اتهيأ لأحجز موعد في مركز الشيخ جابر الصباح الصحي الكائن في باربار واذا برجل يسأل عن أحد ركن سيارته بالقرب من كراج تصليح السيارت المقابل للمركز وعندما تم اخطار صاحب السيارة حضرت مريضة وقالت إنها صاحبة السيارة واذا به ينهال عليها بالصراخ والشتم دون أن يراعي إنها بنت شابة ومريضة وكانت تتهيأ للدخول على الطبيب لكن الأغرب لم يردع أحد هذا الرجل لا من المرضى ولا من رجل أمن المركز وتمنيت حينها لو كنت رجل لكني إمرأة مثلها

مكان هالكراج غلط والمفروض اسوونه باركات لمرضى المركز نفسه

الكراج كان موجود سنين قبل إنشاء المركز. لكن العيب على صاحب الأرض اللي سوّر أرضه من ثاني يوم من بعد فتح المركز بحيث تشتريها وزارة الصحة لما تشوف الزحمة على الباركات. والسموحة لأني خرجت عن الموضوع الأساسي.

لكن المركز اليوم موجود وتوجد حالة من الإرباك بالنسبة للمرضى عند ركن سياراتهم امام سور المركز والحل هو أرض الكراج نفسه كون لا مواقف سيارات داخل المركز الصحي وللعلم هناك حالات انسانية طارئة قد تحصل وهدر ولو دقائق معدودة على ايجاد مكان ركن لسيارة مرافق مريض قد تكون نتائحها وخيمة وقد تصل لحد الوفاة لا سمح الله وفي النهاية الناس في المنطقة هم أهلك وجبرانك أو من قريتك

هادي أزيد بعد رجال يتهجم على مريضة تتعالج وجنا البحرين ما فيها قانون

عادي.. انا كلمره احد يحصرني اشمخ السياره و اسوي روحي مو مستعجل عشان مايشك فيني ههه

أحسن حل في هالديره الواحد ياخذ حقه بأيده ...

عيب
البلد فيها كانون

يعني وش فيها لو قال ليها " بالشوفة ... ما يصير خاطرش إلا طيب ".
وبعدما يحرك السيارة ويباعدها يترجل من السيارة بكل شهامة محتشما إياها ويقدم لها اعتذارا ، ويبدي استعدادا للمساعدة ..
لكن أفهِّم فيك لو أفهِّم في الهندي يا سعد !

هذا حالنا كل يوم في باركات السلمانية

اسجنوه احسن

اييي اني عندي واحد من الرفاع يلعب سباق هو بالدراجات النارية وكل يطنزون على المرور واشكره يصورون روحهم سناب وهم مو مفتكرين في المرور ويغيرون لوحات والسرعة وحتى مرة صور اشلون عاطينه مخالفة وهو مو مفتكر لان يدري بيطلع مثل الشعرة في العجينة

لو يصيدني الموقف ويستفزني بهطريقه الله يعلم ويش بيصير فيه انسجن علئ حسابه فوق ما انت غلطان ومعطل الحرمه عندها اولاد عندها اشغال تتطلع مرجلتك مابتباعد السياره

سهله جدا جدا مجرد تصور السيارة توديها للمرور اقلها مخالفه وقوف خاطئ

المفروض يحكمون عليه يكنس موقف السيارات لمدة شهر ليكون عبرة لغيرة

ما عنده ذرة اخلاق

انا كانت سيارتي في كراج منزلي وتوجد سياره تسكر الكراج وبعد عناء البحث عن صاحب السياره أتت بعد ساعة تقريبا ولم تعتذر او تصمت بل جاءت وهي متضايقة وقالت بأن توجد مساحة لإخراج السياره هنا فقدت أعصابي وطلبت منها اخراج سيارتي ولها مني عشرة آلاف دينار وبصراحة غسلت شراعها من الزين

اي بيتنا صوب مدرسة وتكرر لي هذا الموقف عشرات المرات سواء من المدرسات او اهالي الطلاب حتى اني مرة صدمت سيارة بالخطئ ومرة شمخت سيارتي نفسيتي تعبت بس الحمدالله بعد ماعدلو ووسعو الشوارع خفت هالظاهرة بشكل كبير الله المعين

هذا على قلة الأدب ما يبي ليه مرور ما مرور هذا على طول التحقيقات الجنائية جم طرق يسنعونة ويطلع عبود ليكم

ثقافه مافيه الله المعين

سود الله وجهه

لو انا منها اعرف شلون أتصرف ايود مفتاح سيارتي وارسم على سيارته واقول له محد شاف الا انا وانت ما تقدر تثبت اعلمه درس عمره ما ينساه ناس مع هالاخلاق يبي لهم صيانه

في كاميرا قبال البنك يحظي

المفروض تتصل للمرور او تاخذ رقمه و ترفع عليه قضية تعدي ...مثل الأشكال ما عندهم احترام للاخرين.

المرور موبفاضي حق المواكنين المتعطلين... المرور فقط لجبي الاموال من الخالفات..

شخص عديم الاخلاق ساعة موقف سيارته سبحان الله وراها شغل عندها مريض ولدها ينتظرها

انته ماعندك اخلاق حصرت المره. وبعد. تتلفظ علبها صدق ولله ترضها احد اسويها لاحد من اهلك

للاسف موقف يتكرر يوميا صارة السيارات اكثر من اي مواقف . ادارة المرور متهاونة جدا في هذا الموض و وخاصة في مستشفى السلمانية الصحي المرضى يغلقون مواقف الموظفين ولا من محاسب

راحو الطيبين للاسف الاسم مسلم والاخلاق مجرم

لو أني مكانه اشتكي عليه في الشرطه وعلى طول احوله النيابة لأنه قليل أدب اهناك يسونه رجال يعرف اشلون يتكلم مع الحريم

هذي المفروض على إدارة المرور إحضار الشخص و توبيخه واعطائه مخالفة وتحذير آخر مره يوقف جذي لأن في شهود وشكر خاص للرجال الذين وقفو مع الاخت المحترمه

فوق شينه قواة عينه
صدق قليل حيا

اللي عندهم ظهر قوي دائما هم اللي اكثر شي يسوون مخالفات. لأن يدرون ان مابيدفعون شي. وهم اللي اكثر شي في قلة الادب في السياقه

من الصورة يبين عليه شاب طايش ومغرور

الحل يخلون دوريات مرور في المجمعات دام في اشكال مثل عديم الاخلاق هذا

من الصور يبين ان الموقع محطة البترول اللي في سلماباد
و هذا الشارع يعني المرور بس فالحين يوميا يسوون فيه حملات للمخالفات
زين، هذا بس يمسحون عليه و يقولون له حرّك السيارة!

الله يهداكم يالمرور بس
ترى
في شهود
و في توثيق
المفروض مخالفه لصاحب السيارة
تحويل للمحكمة للتطاول على صاحبة السيارة اللي مسكر عليها الدرب
.

المشكله انا احنا محسوبين على الاسلام والاخلاق زفته

الشباب لا يحترم صار لي موقف في الشوارع الداخلية لمنطقة السكن كنت اقترب من الشارع الرئيسي و اذا ب شاب يغلق علي الطريق بسيارته و انا سيارتي جيب كبيرة تحتاج مساحة و عاندني و عاندته و أغلقت مفتاح السيارة و تجمعت طوابير من السيارات خلفي و خلفه إلى أن كلموه الرجال و حرك سيارته للخلف

لو فيه رادع من المرور لهالاشكال ان اي احد يسوي هالحركة يسحبون سيارته تكفي صورة للمخالفة و يتم استدعاءه و سحب السيارة محد بيتجرأ يسوي هالشي . لكن للأسف اذا غاب القانون تنتشر مثل هذي الظواهر المزعجة . للاسف الجماعه في المرور يتشدون في القانون لو زادت السرعة ٥ كيلو في شارع سرعته خمسين لكن مثل هذي الاشكال تسد على ثلاث سيارات و مافيه اي اجراء رادع لها .

انا مستغرب ليش المرور ما يكون لهم اجراء مع هالاشكال! ادارة المرور تكتفي بالاتصال بصاحب السيارة بدون مخالفة او عقاب

المفروض تتصل في المرور عشان يعطونه مخالفة ويكون عبره لغيره

سمعت انهم اتصلوا بالمرور فقالوا لهم (الرجاء ضبط النفس لحين عودة السائق) وشكرا

انا بيتنا مقابل مدرسة وكل يوم يوقفون قدام طبيلة بيتنا اشلون تكلع السيارة مو بني ادم بيطلع منها وهاي شغلتي كل يوم اتهاوش ويا واحد تعبت من هالحركات بس شغلتي انزل وكلمهم يباعدونها ويش الحل برايكم!!!

كلم المدرسة و عطهم رقم ونوع السيارة .. احنا مرة معلمة سدت ع الجيران فكلموا المدرسة .. سيدا نبهوا المعلمة.

انا صادتني هالحالة, المشكلة ان كل مرة سيارة جديدة تنبه من وتخلي من...

اقترح عليك تحذوا حذو الشركة اللي اعمل فيها حيث يقوم كثير من موظفين الشركات والبنوك اللي حوالينا باستخدام باراكات الشركة رغم كثرة اللوحات التحذيرية اللي موجودة، إلا أننا مؤخرا قمنا باستخدام صمغ ولصق أوراق تحذيرية على الزجاج الأمامي للسيارات والحين ما عاد أحد من برة يبركن في باركاتنا ولله الحمد.

حطوا كبوس الشارع البرتقالي الي يحطونه المقاولين

مسامير

انثبر ويا وجهك

اليوم اذا فعلها احد وحصرني أصبر لأن البعض عديم الإحساس ولأني كنت أتلف اطارات السيارات واخدش سيارات من يفعل ذلك اذا وقف عند باب البيت ، اشعر بالندم ولازلت ولم يكن ينبغي ان افعل ذلك

في من هالاشكال واجد. اني مرة سكر عليي واحد ولما رجع عصبت عليه وهذا من حقي لانه عطلني عن شغلي وبدل ما يتأسف غلط علي ..ناس ماعندها اخلاق

كلمة اسف صارت صعبة عند بعض الناس اللي شايفين غيرهم ولا شي وهم كل شي.

والله عيب رجال يغلط ع مره وقدام الناس هذي مو رجوله وفوق هذا هو الغلطان بس فعلا السياقه يبي لها برود اعصاب وتحمل وصبر لان تجيك ناس عزكم الله بهايم مادري شلون يحصلون رخصة سواقه يغلطون ويهرنون بعد ويع

البنت غلطانة لان المفروض هي تعتذر منه لانهم ازعجوه بالاتصالات وخلوه يعطل شغله المهم عشان يجي يباعد السيارة. وويش فيها لو صبرت ساعة او ساعتين او يوم او يومين. في النهاية لازم بيرجع لسيارته. الناس صار ما عندها صبر... احم احم

و انتي ما تعرفين وش ضروف المرة... الاصبي غلطان المفروض يوقف سيارتة في الموقف المخصص مو يسد ع الاوادم

من قال لك ان البنت غلطانه انت تقرأ عدل لو شنهو ؟؟ الرجال موقف سيارته قدام المره وتقول غلطانه ؟؟ عيني عينك تقول غلطانة !! هالاشكال اللي نفسك لازم تختفي

وانت مين علشان اتقول اهي غلطانة؟ اهو غلطان من فوقه لتحته للشركة اللي عاطتنه السيارة... لو انا؟ جان سطحة وتايرات مشققة

شدخل غلطانه ساد عليها تقولين غلطانه
اقرأو عدل رحم الله والديكم

شكلك وايد خفيف .... الظاهر انت واحد من هالاشكال.

البحرينين طيبيين يقولون

اي والله عاد بس البنات .. لصبيان شر لابد منه

حركات سيلز

ويش هالأوادم والله يطلعون ليك من وين صاك على المره وبعد مايحترمها

هاذا الحبيب حتي البطل أذكي منة؟

عديم الاخلاق ومخطأ هذا الكلام قبل عدة سنين صحيح اما الان فلا ففي العرف السائد الان في الشارع ان من يلتزم بالقانون وأخلاق السياقه هو المخطأ عندما يرفض تجاوزات الاخرين او يحاول تنبيههم بأخطائهم

احنا بمجمع ٢٠٨ في المحرق نعاني من نفس المشكلة يصك عليك ويمشي لا حاط رقمه ولا لين اتصلوا فيه المرور رد. مشكلتنا كثرة الباصات والسيارات اللي توقف ولا اهي من سكان المنطقة هذي غير البنغالية اللي تارسين الفريج بوقفاتهم غير المحترمة

عند مستشفى السلمانية بعد يسدون علينا في المواقف اللي برى عند الرمل وفوق تعب الدوارة والانتظار في المستشفى بعد ننتظر اللي ساد علينا لين يتكرم ويجي ويحرك سيارته

انا قريت وتنرفزت من الموقف. كان الاولى انه يعتذر بس زين سوو فيه الاخوان حق يكون عبرة

أنا شفت الموقف وانقهرت لما قال للحرمة يا قليلة الأدب وركب سيارته بس الرجال ما قصر فيه هزءه تهزء قدام الخلق

نفس قضيتي
من شهر دعمتني وحده ويوم رحت المرور زوجها سباني في المرور ان اني مو متربية وتربيتي خايسه وبنت رزول عشان رحت المرور

تربيته
كلامه يعكس تربيته

عذريه مو صاحي

وين المرور عن هالاشكال البايخة .. هالاشكال اللي يبيلهم مخالفات كبيرة

لو كنت موجود ما اخليه بدون ما اادبه .. قليل حيه

هذا يبغي ليه يجون ليه مجموعة شباب ويچفسونه عشان يتربى مرة ثانية

لا وبعد نافخ روحه اخ لو انه موجود وصايم اليوم ومن دون جقاير لا بالله امسح في الارض

لاحق جاينك شهر الله ان شاء الله يصيدك موقف وتاخذ دور البطولة

عدال لا تتبطط عضلاتك

إن لم تستحي ففعل ما شئت، هذا ما عنده لا غيرة ولا نخوة
زين يسوي فيه رجاااااااال

قلة ذوق
نفس الموقف حصل لابني وصديقه ،،،،هي سكرت مدخل البناية بسيارتها فلما عاتبوها اتصلت بأخوانها وسدد أحدهم لكمة محترمة للصديق فانكسرت نظارته وتشخشخ أنفه وحصل على تقرير طبي ....والأدهى من هذا الجميع ينكر الضربة ....والواقعة في التحقيق

شفيك!! قالوا لك اتصلوا بالمرورو شركة تأجير السيارة! ركز يالنسيب
ماكو فايدة

المرور موب متفرغ الا حق المخالفات !

عديم اخلاق الصراحه وشايف روحه هدا يبا ليه كير غروره ويسجنون جم يوم يتادب

بصراحة في ناس قليلين ادب ويفكرون انهم بس اللي عدهم مصالح ويقدرون يوقفون سياراتهم في اي مكان وبدون محاسبة للغير ولين رجع يركب السيارة ولا كأنه صاير شي ومايبغي احد يكلمه قلة الأدب منتشرة بكثرة في الشارع

الله يدفع البلا فوق شينه قوات عينه !!!!!

في ناس چذي
ما عندهم احساس ولا ذوق
ولا يهمه احد
لو متصلة بالمرور سووا اليها حل

اتصلو المرور السيارة ملك شركة واتصلو في الشركة والبدالة رفضوا يعطون رقم السائق. راجع المقال مكتوب فوق

اتصلت في المرور بس ما جاء يباعد السيارة

قليلين الادب واجد في كل مكان
من قلتهم لااول واحد يسوي جذي ولا اخر واحد

زاير
ابشربيخير

عادي 5 دقايق لكن ساعه

لا خمس دقايق ولا ساعه هذا يسمونه قلة ادب و ذوق و سلامتكم *wine*