للاسف بالنسبة ليه متوكله على رب العالمين انه يسر اموري ويرزقني والحمدلله صابره والله
رحت للبنك تسليف مارضوا يعطوني لازم يكون عندي عيال طيب انا مطلقه فردي وعندي راتب ماشى حال والحمدلله اما لموضوع الاصدقاء كل وحده ونفسها ارسلت رسايل طالبة سلف شى بسيط بس ماكو للاسف ف نقول الحمدلله على كل حال

كنت امر بضيق مالي ... ودايما كنت استعين بالله سبحانه و بكل الاوقات اطلب من الله ان يفرجها علي ولله الحمد فرجت ... وثاني شي بالامانه لجئت للاهل والاصدقاء برساله قصيرة عبر الواتس اب .. وبصراحه ماقصروا معاي جزاهم الله الف خير .

طبعا القروض بس تكون الحاجة ملحة مثل شراء سيارة بيت اما التدين لاجل الحاجات العادية مستحيل لا قرض ولا سلف وعلى قولة المثل مد رجولك على قد الحافك

من البنك فقط أفضل وأحسن ليي لان الناس اليوم يعطيك وعقب شوي الا هو قاعد يسولف وياك يداوم على راسك !!!!!!1

اتسلف ولا ارجع ههههههه
يمكن من اللي علقوا في ناس اتسلفت مهم .

مشوا بوزكم

برز روحك في القبر لا تفكر لين طفت منها في الدنيا راح تفلت منها في الآخرة ما أدري شلون الناس الي تتسلف شلون تقدر تغمض عينها وتنام أنا 5 فلس للخباز ما أقدر أرتاح وانام واوصي زوجتي وأولادي إذا صادني مكروه أو توفاني الله أن يردو عني الدين الحمدلله لست مديون إلا إلى البنك

ماشاءالله ذمتك وسيعه عليك بالعافية

بصراحه لا قرض ولا اتسلف مرة تسلفت من زوجتي وماسكتت وحتى حساب قديم اتذكر فتحته مال سفرتنا بما ان هي قالت السفرة عليي هالمره ماتوقعت انها تبي من عندي نص المبلغ
عاد من يومها حرمت اخد ربية من عندها وحتى لما نطلع تقول عازمتني انا ادفع لما نخلص اكل اروح احاسب وارجع قبل الفاتورة عشان لاتعايرني
اشتركت في جمعيه ورجعت فلوسها كااامل
والله الغني عن السلف
قرض ولا ابطل وجهي لاحد

شخصيا ... ما أبطل ويهي على أحد

أشخط الكريدت كارد وأسددها في موعد الاستحقاق

اخوي يوم يبي يشتري سيارة كلنا جمعنا المبلغ وعطيناه اياه وبعدين يسدده حقنا افضل من البنوك والفوائد

الاهل الله يخليهم ما يقصرون

استعين بالله عزوجل

غريبة ام العريف مالها مشاركات في هذا الموضوع العادة ماتخلي موضوع..

ليش اتسلف احاول اصبر نفسي واعيش على قد الحال ظروفنا كله صعبه اكلنا غذاء الحمد الله مالنا عشاء او العكس

شكراً للوسط هذا الموضع كان قبل فترة طويله ويعود بصورة مختلفة لن أكون في موقف محرج مع الاصدقاء ولن أكون عبد للبنوك ولكن يوجد أشخاص أعرفهم يحبون يأخذون فلوس على أشياء غبيه مثلاً سياره آخر موديل بسعر غالي خذ سيارة جديده ولكن بسعر معقول .

قرض يعزك ولا مخلوق يذلك

عن نفسي لا أفضل السلف من أي شخص ولله الحمد الأمور طيبة لكن كثير من أصدقائي يلجؤن لي وقت الحاجة وأعطيهم المبلغ الذي يريدونه ولكن الشخص الذي لا يسدد أجعله في قائمة البلاك لست وأغلب أصدقائي يسموني البنك من باب الفكاهة ولكن زوجتي لا ترضى أن أسلف أحد ودائماً تغضب اذا علمت بقيامي بتسليف أي شخص مهما كانت علاقتي فيه أو صلة القرابة , المهم أن أي شخص يستطيع سد حاجة صديقه لا يتردد فمن فرج عن أخيه كربه فرج الله عنه ألف كربه وسلامتكم .

الله يجازيك خير و يبارك لك في رزقك... و ان يصيب ببرك مواضعه

الصراحة مثل الوجيه أبو جعفر منصور عايش في هالزمن مافي خله على يمناك تاج راسي هالغالي

مافي صديق مخلص في هذا الزمن... هناك صُحبة وليست صداقة

صحيح ... هناك اصحاب للسهر والسفر وهم ليسوا اصدقاء

قروض للاسف ادا مبلغ صغير اتسلف من اختي او الوالد الله ييسر الأمور والله يرفع الراتب الاموراضي يرتفع

القروض طبعا .. الناس كفاية عليها همومها ومصاريفها على الاقل البنك تلتزم بالدفع ومحد بيحسب عليك معروف

المشكلة ناس تخرب علي ناس تحاول تسلف ناس مايرجعون حتي عند المقدرة و يواصلون في تحسين معيشتهم و يرمون الدين وراء ظهورهم لذلك فالبنك (الجئن ) علي وزنها بمعني (( احسن في اللجوء اليه)) يعطي اكثر و مؤمن عند الوفاة

ولد زويد
الحياة جدا صعبة وفي الخليج البحرين أسوء دولة تدفع رواتب للمواطنين سواء قطاع العام أو الخاص المواطن فقير في ديرتة والمتنعم بخيراتها الأجانب طبعا مبلغ بسيط ممكن تاخدها من الأهل مع أنه الكل حالته صعبة أما إذا مبلغ كبير أكيد قرض

لا هذا ولاذاك ... لا بنوك ترضى تعطيني ولا الأهل أو الأصدقاء يحبون يسلفوني بصراحة عاذرنهم راتبي قليل متى أقدر أرجع ليهم فلوسهم وأنا بعد ما أحب أسأل الناس أي شي ربك كريم كل ضائقة تنفرج بأذن الله ... الحمد لله على كل حال

أنا من النوع الي أخطط ولا أحب القروض ولا الأسراف، والأولوية عندي الزوجة والأبناء.
في حالة الحاجة للمال أروح للبنوك حتى ما أكلف على الأهل أو الأصدقاء، مع أني أوقف معاهم وقت الضيق.
أذكر موقف جميل ما أنساه من مدير عمل في شركة خاصة، حيث سمعني أتكلم في التلفون أستفسر عن إجراءات قرض مبلغ 1500 دينار مقدم للدراسة العليا، ويوم سألني وعرف السبب أصر أنه يسلفني المبلغ في نفس اليوم وأرجعه أي وقت أبغي، وأنحرجت من طيبته. كما أنه بعدين نسق مع أصحاب العمل لدعم الدراسة بالكامل وبدون شروط.

مديرك خش رجال

في ميزان حسناته .. للحين الدنيا بخير .....

الله يجازيه خير...

الكريدت كارد عز المؤمنين

لا هذا ولا ذاك.. القناعة كنز لا يفنى.. والحاجة لغير الله مذلة

الصراحة اذا كان لابد فانا اروح البنك لأني دوم اتصور لو اطلب من احد و يرفض فهذا يكون لي احراج و من باب عزة النفس اتحمل هم البنك احسن من الناس

يطاقات الكردت يلجأ لها الكثير من الناس مع أنهم أكبر حرامية

أنا أتسلف من بناتي الله يحفطهم وقت الحاجة
بس يومين ثلاثة وأرجعهم

انا اخر شي افكر فيه القرض مع اني كنت افكر فيه قبل شهرين بس الحمدلله تيسرت الامور عندي اصحاب ولله الحمد لو يدرون اني رحت اسأل عن قرض يزعلون مني يوم احتجت قبل فترة جوني اثنين من ربعي و كل واحد عاطني المبلغ اللي محتاجه و زود و يوم اخدت من واحد زعل الثاني ليش اخذت من فلان ما اخدت مني قلت له ما اخدت منه محتاج منك اخدت منه وسددت للأول و الحين اسدد للثاني بدون علم الاول الله يحفظ لي هالصحبة و لا يغير علينا.

و نعم الرجال... الله يديم الصحبة الطيبة

لا الأولية ولة الثانية اتوكل على الله و الله كريم.

لا اخو يفيدك بهالزمن ولا ابوك مايفيد غير في مخباك بوك

القروض

اذا محتاجه اخذ من خواني يعطوني من الف الى 10 الالاف وما يرضون ياخذ قرض يعصبون علي يارب احفضهم من كل سوء واحفظ كل من عنده اخ واخت نفس خواني

و النعم... الله يخليكم لبعض و يديم عزكم

اخذ قرض ولا اروح لأحد واخليه يذلني عقب، ولو أن فيه ناس مايقصرون!!

السلف تلف، بس ما في اليد حيله

القروض مشكلة والسلف من الاصدقا بعد مشكلة والصديق وقت الضيق لا يوجد حاليا في ْ هدا الوقت الاعتماد علي النفس بدون الحاجة الي المدكور اعلا تعيش مستقر الحال وبصحة وعافية وكرامة

اذا المبلغ بسيط اخذه من الاهل ..اما اذا كان المبلغ كبير فأكيد ما بيتوفر الا في البنوك وخاصة البحرينيين رواتبهم ضعيفة

اذا كان المبلغ بسيط اتسلف من الاهل .
اما اذا كان المبلغ كبير فآخذ قرض من البنك ..وخاصة ان اغلبية البحرينيين رواتبهم ضعيفة فما يستطيع اقراضي مبلغ كبير وفوق طاقته

مافي لا صديقات ولا اصدقاء يساعدون في الفلوس بروحهم الا يتهربون وكل واحد همه نفسه وشي ثاني الحياة صعبة ومافي احد يقدر يعطي في هالزمن

في الضائقة المالية أرجع للغالي العزيز تاج راسي الوجيه منصور أبو جعفر ما يقصر

في الضائقة المالية أرجع للغالي العزيز تاج راسي الوجيه منصور أبو جعفر ما يقصر

طبعا البنوك الدين هم بالليل وذل بالنهار وهذا في أقصى الظروف.لكن انا كم مرة سلفت ناس وقعدت اركض وراهم علشان يوفون بالدين مافي .يسافرون ويتشرون والتيلفونات بالثلاثة والثياب يبدلون فيها والدين منسي.بعدين حلفت ما اسلف .وناس شترد علي والله ماعندنا نعطيك علينا قسط الجيب وايجار الشقة اذا عطيناك من وين ناكل شريتو لكم سيارة عادية مالازم جيب حتى قسط 20 دينار ما يدفعون راحت فلوسي اجلتها ليوم القيامة وتبت

لا هذا ولا ذاك
استعين بالله واتوكل عليه الى ان يفرجها الله فهو الرزاق