نام بعيونٍ تهزمْ الليلْ لليلْ
مليانةٍ بالصبحْ يا مطلعْ الصبحْ
***
هذا الصباحْ إنْ ما تبسَّم فيهْ وردكْ مُو صباحْ
أعرفْ مزاجْ الصبحْ منْ عينكْ وانَا اللّي مْجرِّبه!
***
للبابْ جرحٍ ما شكى غيرْ للصمتْ
والصمتْ بهْ علَّهْ من الجرحْ يا بابْ!
***
من هَا السَهَرْ خطِّيتْ عُمْرْ وْشقا ليلْ
لكنْ ضُوا عطركْ تَهيَّا لي الصبحْ
***
ما كنتْ انا الظامي...
لكنْ نسيتْ ان المَصَبْ
يحتاج دربْ وعنفوانْ
خانتني اقدامي...
ما كنتْ انا الظامي...
كِنتْ النَّهَرْ
مذبوحْ قدَّامي...