السامسونج فيه خيارات كثيرة وميزات تقدر انت تفعلها بكيفك لكن الايفون استخدامه محدود ولاتقدر تضيف شي الا يبي ليها برنامج خاص يشغل الخاصية الي تبيها اما السامسونج متاح في كل الخاصيات انا عندي نوت ٤ واس ٧ ايج واجد تمام وسريع وكامرته وااااااضحه

سامسونغ حدها تقلد فقط وتضيف ميزات تافهة...والحين شوي بدأت تسوي شي صح من ناحية التصميم قبل تصميمهم علكه..قلدو ابل في التصميم وعدم إزالة البطارية وطريقة فتح الشاشة الي دفعت سامسونج مبالغ طائلة إلى ابل بسبب التقليد وقلدو في سيري وبذكركم الميزات الي راح تجي في النوت ٨ بيشلون منفذ الصوت وبيحطون كامريتين في الخلف ولمس ثلاثي الأبعاد ولكن في النهاية يبقى نظام أندرويد نظام عقيم أما ابل يميزها نظامها السلس السريع آخر خبر الايفون ٥ يهزم جالكسي اس ٨ في بعض المهام فما بالك بالايفون ٦ و ٧ هههههه

هههههه أكبر صفقه شاشات ابل عقدتها مع سامسونج لانهم تمللو من شاشه جودتها 720 وحنا في ٢٠١٧...غير أنه الجهاز المستخدم في البنتاجون هو سامسونج اس٤ مع بلك بيرير... وايفون يدرسون يضيقونها بعد ماعتمدو هذي الاجهزه يعني كذبه الامان انكشفت...ارجع حق قبل كم يوم شوف مبيعات من تفوقه على من.
على فكره خاصيه الفتح بقزحيه العين كانت فكره ابل عجزت عن تنفيذها وسامسونج ضافتها والشحن السريع وأنه يكون الجهاز كامل قزاز وغيره وغيره ابل تحلم وسامسونج تطبق.

ابو الشباب خلك منطقي شوي...الحين سالفة ابل عجزت عن قزحية العين هاذي شوف غيرها شركة عملاقة مثل ابل تعجز عن ميزة مثل هاذي!!!! وبنسبة الى ابل طلبت من سامسونج شاشات ترا هذا الشي عادي حت سامسونج نفسها تطلب من ال جي هذا شي عادي بين الشركات بس احنا العرب نسوي الشي عار وبنسبة إلى تفوق المبيعات الف مرة نقول ليكم سامسونج عندها تلفونات رخيصة وبتالي الناس الفقراء راح تدور الرخيص وأكثر شعوب العالم فقراء شي طبيعي راح تتفوق في المبيعات يعنى أرخص ايفون سعرة ٣٥٠ بينما سامسونج أرخص تلفون ٣٠ دينار ارجو الفكرة وصلت

كلام مشجع ابل غير منطقي ومتناقض
1- سامسونغ حدها تقلد فقط - مادري من الي مقلد على هواوي في تلفون بكامرتين + السامسونج في الشاشة المنحنية وسالفة ال قلم
2-دفعت سامسونج مبالغ طائلة إلى ابل بسبب التقليد - ماربحت ابل ولا قضية برى المحاكم الامريكية والي متحيزة للشركة الامريكيةوللعلم نوكيا ربحت ضد ابل في سالفة الشاشة الي تقولون ابل اول من طورها وهي النوكيا الي مطورتنها .
3-وقلدو في سيري - من اسمه Google assistant وجوجل مطورتنه وتوها الساسمونج مقكرة تصدر شي عقب ماصار ستاندرد
وباقي كلامك هرار.

ابو الشباب..اولا ابل للحين ماطلعت تلفون شاشة منحنيه ولا قلم إلى تلفون يعني لاتقعد تهر ثانيا انا لما قلت سامسونغ دفعت مبالغ طائلة بسبب التقليد هذا مو اهرار من عندي هذا الواقع الي صار بغض النظر عن أن المحكمة أمريكية ميزة اسحب وافتح التلفون ابل اول من وضعتها وهاذي مايختلفون عليها اثنين يعني لو المحكمة في المريخ بعد ابل بتربحها وإذا صار الموضوع فيه سامسونغ تقلد صار الشي ستاندر عندكم وإذا ابل حطت ميزة موجودة في اجهزة ثانية صارت تقلد عجيب امركم أيها السامسونقيين وسالفة نوكيا ربحت شوف غيرها صديقي

احسن تلفون هو sony z5 premium الشاشة 4k الكاميرا 23mp ورغم مرور سنتين بعده روعة، جربوا

شركة جودتها فاشلة .. عندي s6 و النوت 5 وأثنينهم كل مشاكل واحد منهم أنتفخت البطارية زين ما أنفجر و التلفزيون حدة كمل السنة وطلع لي خط أخضر

أسمح لي شكلك ما تعرف تستخدم التلفونات عدل أنا عندي النوت 2 استخدامه من حوالي خمسة سنوات للحين شغال على أحسن ما يكون

المضحك في الأمر ان التعليقات ٢٠
وهو شخص واحد يناقز من العصر للحين
هو نفسه الشخص اللي يتغدا قهر من سامسونج ويتعشا غضب منها
ههههههههههههههه
صار مينون ودوه المصحه
هههههههههههههههههه
#للأمام لإمبراطورية سامسونج ❤❤❤

مو كل الناس ربشة مثلك.

ههههههه الله يرحم النوكيا بس

اخبار المشاكل موجودة على منتديات الاندرويد بس طبالة سامسونج لو ينفجر الجهاز في وجههم يقولون وااااو خوش ميزة.

انزين وبعدين تبينا نضحك يعني اها
ههههههههه اكو ضحكت

#من يحتاج يضحك
هههههههههههههههه

شكلها سامسونج بتطبع وينهو جلكسي فور خله يتحفنا

خذيت التلفون من سبوع ممتاز ولا واجهت اي مشكلة اتوقع هذي اشاعات اكا التلفون معاي وحسن مايكون تلفون يسوه صراحه وايد كشخه وسريع وكيمرته قويه تعطيك اداء مب طبيعي والجارج يقعد معاي لى يوم ثاني

بعد نجاح الهاتف المنقطع النظير
والطلبات والمبيعات التاريخية الذي يحققها والى الان
طبعا تكثر الاقاويل وتكثر التضخيمات كالعاده
وهذي اشياء برمجيه تمر بكل هاتف ذكي بدون استثناء و تحل من خلال تحديث هوائي عادتاً وبعضها يستبدل

ههههه نجاح !! ليش داش امتحان الاخو ؟؟

وينك يا طبال السامسونق تعال دافع عن ربعك ترى طبالة الابل بياكلونك بقشورك

طبالة الابل
الابل؟؟
هههههههههههههههههه

انا استخدم اس٨ + لا فيه احمرار ولا يسوي ريستارت بروحه هذلين محبين ابل مو عارفين شسون... اهم شي مبيعات السامسونج تعدتهم حتى مع إصدار الايفون الأحمر اضحوكه العصر

سامسونج بعد عندهم اصدار احمر و اصدار باتمان و اصدار ايرون مان و غيرها!! شنو احساسك اللحين

اللي في سامسونج إصدارات خاصه لشخصيات تخص شركه معينه تعاقدت مع سامسونج وليس ابل عشان ينزلونهم الفئه معينه تحب هذي الشخصيات وليس نفس الجهاز بس لضعف المبيعات نزلوه عشان يلحقون عمرهم..خابين السوق واخرتها فقط لون وبعد استفسر.

ماعليه نتعب ويا السامسونجيين شوي.. الشركات الكبيرة مو كل شي عندهم ربح و خلاص .. سالفة جهاز الايفون الاحمر كان لدعم الشراكة مع هيئة RED المختصة بأبحاث الايدز و مكافحة المرض في الدول الفقيرة.

وين محامي الجالكسي

أيام قليلة منذ طرح الجهاز و قائمة المشاكل تطول .. نعذر الوسط لعدم طرح جميع مشاكل الجهاز لأن ذلك سيخلق مشكلة مع الوكيل .. نعيد طرح (بعض) المشاكل
١. بيكسبي ليس جاهز بعد .. كان من احد نقاط الترويج و عليه خدع المشترون.
٢. مشكلة إحمرار الشاشة .. ما زالت لم تعالج.
٣. الشاشه الحالية تعتبر الأسوأ حسب التقارير من ناحية التحمل.
٤. بطارية صغيرة جدا مقارنة مع بقية الاجهزة.
٥. مشكلة اعادة التشغيل التلقائي.

هههههههه
اختلق قصه وفبركها
احمرار الشاشة انحلت بتحديث وهو يقول مشكلة وللأن
افضل شاشة هاتف يقول اسوء شاشة وسماها مشكلة
بطارية حجم3000 سماها مشكلة!

#سمعني ونتك

الاسبوع اللي راح قلت مافي مشكلة و اللحين تقول انحلت !! انفصام في الشخصيه.

ياقليل الدسم انت ليش تطلق عليها كلمة ( مشكلة )
عندك انحراف لغوي هههههه
امر طبيعي تحديث هوائي يحل اشكال بسيط في البرمجه
بنسبه لك مشكلة ذي؟
حجم بطارية 3000 مشكلة ذي؟
مشكلتك ماتفهم في التقنية وراز وجهك غصب
اتعب في تفهيمك لأنك مبتدئ والنقاش وياك لازم من الصفر
#Galaxy

عشانك نسميها ميزة أحمرار الشاشة ولا تزعل.. مثل ما كانت ميزة النوت ٧ الانفجار.

اي انا واجهتني هالمشكلة اليوم اكثر من مرة

لا نرى هذه المشاكل في الايفون

بس يسوي رستارت من فيديو مدته٤ ثواني
بس رسالة تشيره
بس تستخدمه اسبوعين يتقشر لونه
بس رمز علم وقوس قزح يشير ويموت

ما في على الهواوي في هواتف الأندرويد

اضم صوتي للصوتك ،، هواوي وبس والباقي خس

شكلكم ما جبتين السوني

خبيرووو .. إعمل نفسك ميت.

عجزت تبحث عن بطولة
وقمت تتنقز على شي تافه؟
اغلاط برمجيه او خلل عتادي لعشرة هواتف من مليون؟
ههههههههههه
تعرف كم ايفون6s في الامارات فقط استبدل بسبب بطاريته؟
٨٨ الف هاتف
وجاي تناقز على اشياء برمجيه بعدد محدود للهاتف امام مئات الآلاف التي تباع يومياً!!
#سمعني صياحك ههههههه

ههههههههه المستقبل بين يديك

التلفونات الجديدة قلت جودتها اخذت اس 7 ايدج حق زوجتي ماتم اسبوعين الشاشة احترقت انا حاليا عندي نوت 4 ماشاء الله 3 سنوات وللحين صمود وماخذنة مستخدم بعد

صدقت والله الهواتف الجديدة كلها مشاكل غالية في السعر رديئة في الجودة انا جربت ال جي و كذلك الكاتيل كلهم جدد و نظام اندرويد 6.0 بس طلعوا خسسسسس

نوت 4 صار له سنتين ونص من طلع، وانت أخذته مستخدم وتم عندك ثلاث سنوات، هل كيف؟!!!!