هذي مملكه المخالفات صارت
مب ديره

بسنا افلوس ياحسين بسنا

با مرور توجد كاميرات في شارع الشيخ خليفة بن سلمان للمخالفين ولا داعي لأن ترعبوا الناس بمطاردات هوليودية للمخالفين وتعرضون حياة الناس للخطر ،،، أرجو أن يقرأ مدير المرور تعليقي المتواضع هذا ولا يسعى لأخذي لما وراء القمر

بدل مايكون في حل جذري لمشاكل المرور يقوممون يحطون قوانين زيادة تزحم الشوارع زيادة وتضيع وقت المواطن وتستنزف جيبه
عدلوا الشوارع والاشارات
واهم نقطة ان ماليه داعي تجيبون ناااس جدد للبلد زيادة
البحرين غرقت وخلصت منهم
اخرتها السيدات بتوصل لبيوتنا

في لمحرق وصلت ياخوي

هههههههههههههههههههههههه

مع احترامي لإدارة المرور أنا شخصياً متشائم من سالفة ما سيجري في تلك المربعات بعد بدء المراقبة وتصوير الكاميرات - ستكون ربكة بسبب التخوف وحتى الذي عنده خبرة سنين في السياقة سينصاد من هذه الكاميرات ومثال على ذلك يا جماعة خلونا انفكر بالعقل مدخل مدينة عيسى من ناحية الجنوب هل معقول أن الإشارة تفتح والإشارة الثانية مغلقة والمسافة قصيرة جداً بين الإشارتين كما أن هناك عدة مناطق مماثلة - وخصوصا وجود سواق غشم وسواق يخافون من المخالفات ومع الأسف الشديد توقعاتي بأنه ستقع حوادث كثيرة بسبب التردد وشكراً

على الدولة أن تأخذ ضريبة ١٠٪ من رواتب الموظفين والعمال والمؤسسات والشركات ولا تأخذها من جانب آخر ، هى لعبة مكشوفة ويريدون تحميل الناس.

سوف نلتزم ولكن هل إدارة المرور سوف تلتزم بقانون المرور فمثلا أجاز قانون المرور للسائق أن يزيد على سرعة الشارع ٣٠% بمعنى الشارع الذي سرعته ١٠٠ يمكن للسائق أن يسير بسرعة ١٣٠ دون مخالفة واذا كانت سرعة الشارع ٨٠ فيمكن للسائق أن يسير بسرعة حدها اقصى ١٠٤ دون أن يدفع مخالفة

لا تطلع كلام من عندك, مافي شي في القانون يجيز لك تمشي بسرعة 30% أكثر من سرعة الشارع, اذا الشارع سرعته 100 مثلا فبامكان المرور انهم يخالفونك على سرعة 101 فقط اذا شاءو.

الشوارع صارت غابة من السيارات وعلينا انسوي مطارات وطيران داخلي اجنبنا الزحمة خاصة للمكانت البعيدة ، تصوروا واحد يطلع من الزلاق رايح لمحرق يحتاج ساعة او ساعة ونص ، حان الوقت لإنشاء طيران داخلي وإنشاء مطارات داخلية في مدينة عيسى ومدينة حمد ولبديع والسهلة

ضدهم
من خلال التعليقات اعتقد انه يوجد كم واحد من موظفي المرور
عموما الخطوط الصفراء هي بحد ذاتها مفيدة ولكن كما قلت حق يراد به فلووووووس بالغصب
يعني بالله عليكم الإشارة الضوئية خضراء والطريق سالك وفجاءة صار حادث لاسمح الله او تعطلت سيارة امامنا وسيارتي صارت في مابين المطرقة والسندان شنو يكون الحل؟
ياوزارة الاشغال ويا إدارة المرور شوفوا لكم حل للشوارع بدل ماتخرفون الشعب المنطحن .هو الحل مابيصير من الا فلوس المواطن .مقيولة .

زائر ٥٤ عذرك بايخ، إذا صار حادث أو شي خارج عن إرادتك، الكاميرة بتشهد لك.
أما إنك تقعد تتعذر بس عشان تكون دايما معاكس للمرور ف الأنظمة هذي قصة ثانية.
الدول المتقدمة تطبق هالقانون قبل لا تنولد أنت و كل شي ماشي سلس

الشارع المؤدي لمجمع السلمانية الطبي مرورا من شارع البديع تقاطع الحواج بحاجة لإعادة نظر خاصة وأن مرتادي السلمانية ومنهم حالات طارئة بحاجة للتدخل الطبي بسرعة للعلاج فنرجو تعديل الشارع ليخدم الناس خاصة مع استخدام المربع الأصفر هناك .شكرا لجهودكم ووفقكم الله لخدمة الناس .

كان دوار ومريح والآن غابة من الإشارات الغبية

من وين طبت علينا هذه الأعداد المهوله من السكان أمس مار من صوب بسيتين الا الشارع محشر من السيارات واقفين بطريقة غير قانونيه حق صلاة الجمعه بسيتين اللي عمرها ما صار فيها زحمه من وين ما تصير زحمة مرور ما ضل باكستاني ولا بنغالي ما استوطن ارحموا الشعب المسكين ...

زين قانون المربع الاصفر

اهم شي تدفعون ولاشيء غير.... كلام واضح تدفعون بالتي هي أحسن ! يعني لو في حالة طارئة وبغيت تنقذ إنسان رائح تأكلها وتدفع جزاءك فالمرور قبل الآخرة.

السلام عليكم اشكر ادارة المرور على القوانين في مصلحة المواطن الكل يلتزم بالقانون ولحد يخالف
اخوكم ع البدر سلامتكم

انتظر دورك ويجي الْيَوْمَ اللي تروح المورو ومخالفاتك اكثر من قيمة سيارتك ! هناك نبي نسمع شكرك!! ياانك من الناس إليّ ماينطبق عليك القانون يا انك مو بحريني وتسوق حالك حال خلق الله

عندي ملاحظة ليش مايحطوا عداد في اشارة علشان نعرف متى بتصير حمره والفلوس مخالفات ليش مايسوا هالشي في اشارات البحرين

يقولون لك ان التوقيت مايصلح للاشارات ... خف ريلك والتزم بالسرعة المحددة

يا اخوان في المرور شوفوا لنا حل مع السواق المستهترين احنا نلتزم في طوابير السيارات عند دوار الساعة في الرفاع وغيرها من شوارع البحرين حتي يتسني لنا عبور الدوار بسلام ولكن !!!! هناك الكثير من السواق لا يلتزم فتجدهم يتخطون كل الطوابير حتي يصل الي المقدمة ومحاولة حشر سيارتة بالقوة وبعضهم يتعمد ان يدوس العواميد البلاستيكية التي وضعت كحاجز وللأسف الكثير من هذة العواميد مسدوحة علي الارض او اختفت من المشهد... رجاء يا اخوان نرجوكم انزال الغرامة التي يستحقونها هؤلا عديمي الضمير ولكم جزيل التقدير ...

يا أختني منت مجبور تدفع مخالفة و لا هي ضريبة عليك
امس سيده مثل الناس المنتظمين مو كفو احد ياخذ منك دينار واحد، تحبون تكونون فوضويين و متهورين و لا تلتزمون بالأنظمة و القوانين، و إذا خالفوكم قمتوا تتشكون و تذمون.
قسماً بالله منت مغصوب تدفع دينار

اسمع شنهو يقول يقولك في مخالفات كيديه يعني لو على السرعه بالشوارع الرئيسية بنقول اشعاد ومايخالف بس يتخششون في كل مكان وكل زرنوق هذي مب خوف علي الا نهب مخباي

حتى في الهايوي حطو هالمربع عشان المخالفات

بغض النظر من هو الرابح ومن هو الخسران يا جماعة بتطبيق هذه النقطة التي لا نختلف عليها جميعاً وياما انقهرنا عندما يكون السيد لنا ونرى كم سيارة توقفت في وجهنا وعطلتنا - ولكن يا اخوانا في المرور أنا شخصياً وربما غيري الكثير يتوقع حوادث وحوادث خطيرة لأن الخوف من السائق المقبل على المربع يجعله متردد هل يتوقف أو يواصل حتى لو هناك مجال عنده وبسبب ذلك التردد ستقع الحوادث فنرجوا التفكير في طرق أخرى أفضل من المخالفات - مثلا : لماذا لا يعمل مرتفع قبل المربع لكي يلزم الشخص بالتخفيف والتوقف لكي يكون له مجال؟

شلون يحطون لك مرتفع في شارع سرعته 70 ولا 80 !! بالعقل يعني !!

يجب إعطاء الرخصه للسائق الدي قدم إلى البحرين بتاشترة سائق وإلغاء الرخص العشوائية وسوف تحل مشاكل كثيره مثل الحوادث وفرص العمل

وين تروح هلفلووووس هههه

سؤال خطير وقد يأخذك الى ما وراء كوكب بلوتو
حاسب لكلامك

ومن حقى اذا فتحت الاشارة الخضراء امر ..
مايصير الاشاره تفتح وتقفل مرتين ولا اطوف .خففوا الزحام باى طريقة حتى لا تتسرع الاوادم ويتصرفوا بعصبية

سؤال: اين يتم ادراج قيمة المخالفات في الميزانيه العامع للبلد؟
نسمع عن ملاليين تم تحصيلها من المواطنين والمقيمين.. بس ما نسمع كم غطت من عجز الميزانيه؟؟؟؟؟

يتم ادراجها في ايرادات وزارة الداخلية في الحساب الختامي لكل سنة.

وصلتني معلومات انها تصل لسويسرا فما ردك

في سنة 2015 أي قبل زيادة المخالفات كان دخل الوزارة 100 مليون دينار تقريبا وهو يشمل الجمارك والمرور وغيره, هالـ100 مليون ولا شي جدام العجز السنوي اللي يقدر حاليا بـ1.5 مليار دينار بحريني.

اتوقع المدخول اكثر من الكهرباء

مافي شي اسمه أتوقع, افتح الحساب الختامي وشوف وين تروح الفلوس ومن وين تيي !!

مش عدل ماعليك وين تروح قيمه المخالفات

خطوة ممتازة من الادارة العامة للمرور, لأن التقاطع اذا تم تسكيره من قبل السيارات التي تنتظر الاشارة الحمراء راح يسبب وقف الحركة المرورية في جميع مسارات التقاطع, أما اذا تم تطبيقه راح يغلق المسار اللي فيه الازدحام فقط وهذا فائدته.
واللي يبي يجوف تطبيق عملي حق فائدة المربع الأصفر يروح تقاطع السيف في وقت الازدحام, راح تشوف السيد مايتحرك والسبب ان السيارات في المسار الآخر أقفلو التقاطع بسبب عدم صبرهم وجهلهم.

السبب طال عمر التخطيط الغلط للشوارع وكثرة الاشارات اللي مالها معنى ... المصيبه انهم ما يعترفون بأخطاؤهم ..

اقول بسكم هرار، هذا النظام معمول بكل دولة متقدمة مو انتون كله مفوشر في الاعراس والثياب و السيارات ولين قالوا ليكم لا تخالفون قمتون تصيحون بالويل عيايرة وجمبازية

احلى رد والله .... صدقت

حسبي الله عليكم سبع التحاسيب وش هالقرارات الفاشله سووو شوارع زياده مثل الامارات شارعين لشاحنات و3 لسياير خففو من الزحمه في الشوارع وين ذيك لسنين اللي نطلع الظهر او الليل والشارع فاضي اللحين حتى بنص الليل الهاي وي مليان اشدعوه ياعالم رواتب هالفقاره 240دينار اشبيخلي وش بيسدد يامعين الفقراء والمظلومين انصر هالشعب المضطهد على هالعاقب الجماعي واللي ينوح والاماينوح ياكل عبش لحسين

الجلوس في البيت أصبح الأفضل والخروج للعمل وللأشياء الطارئة هو الحل ومن الصبح لم أخرج إلا لشراء الخبز فقط

انا مع هذه المخالفة اللي هي المربع الاصفر . مثال امس في شارع الملك فيصل قرب اشارة الشيراتون في كذا سيارة واقفة في نص الشارع و اشارتنا اشتغلت خضرا و لكن سدوا علينا الطريق لانهم واقفين في النص . و يتكرر هذا الامر في شوارع كثيرة . و الموضوع سهل اذا مسارك سالك اطلع من الاشارة بس اذا السيد واقف حتى لو اشارتك خضرا لا تطلع و بدون مخالفة محد بيتلزم .

خطوة ممتازة ليس من المعقول ان اقف في الاشارة نصف ساعة لاجل عدة مخالفين واقفين على المربع الاصفر واذا فتحت اشارتي لا استطيع المرور لان حضرتهم مستعجلين وانا انقع ياحبذا لو تكون المخالفة ١٠٠ دينار

لا هدفهم السلامة ولا شي هدفهم الفلوس وبس

اذا صارت حوادث بسبب المربع السحري المرور والكراجات في الفائدة ، وإذا صارت مخالفات المرور في الفايدة ، وإذا صار هواش المرور والشرطة في الفايدة و في كل الأحوال السائق متضرر .

اذا تردد السائق في اجتياز المربع الأصفر تكدست السيارات في المسارات !
ما الفرق ؟
أين هي الانسيابية في الحركة ؟؟
هل تقصدون في المربع فقط ؟؟

.
يا اخوان احنا بعد ضروري نسوي توعية لبعضنا البعض لعلى وعسى نفلح وما تصيدنا هالمخالفات . هذا الموضوع عن المربع الاصفر واتمنى الكل الا يعرف اي اشارة فيها مربع اصفر يذكر موقعها لإفادة الجميع .

مسكين المواطن……. راتب قليل و مخالفات غير معقولة….. اول شي حلوا مشاكل الزحمة و الاختناقات و بعدين طبقوا…. الناس،تخالف لان الشوارع كل زحمة… ١٠ كيلومترات تقضيها في ساعة…. صرنا نكره نطلع من البيت…. هي زحمة و هي،مخالفات…

كل الانظمة ان كانت لصالح المواطن وفي خدمة انسياب المرور جيدة والنظام افضل من الفوضى لكن احياناً يكون في النظام فوضى في التقنين من حيث تحديد السرعة وتحديد الغرامة ، الغرامات الحالية تناسب شعب معدل لرواتب للمواطن ١٥٠٠ دينار على فرض نسبة البطالة ٥٪‏ ،عندما يضج المواطن فانها اشارة يجب ان يفهمها المسئول ،ومن جانب اخر عندما تحدد الا يزيد تجاوز السرعة ١٠٪‏ عليك ان تضبط السرعة المناسبة للشارع ففي هذه الحالة فان الشوارع التي تكون فيها السرعة القصوى ٥٠كم/س سابقا يجب ان تكون حالياً ٦٠كم/س ولا تتجاوز ٦٦كم/

يله جهزو حالكم لمخالفات جديدة ودخل جديد للمرور

ابغي جواب .. اذا و انت عارف ان مسارك سالك بس العلة اللي جدام وقف وقت في مجال ان تمر و عطل السير لان مخلي فجه شكبر .. بتخالفونه .. ثانيا .. اذا بتنتزر مسارك يفضى بس فيخط داخل من جهه اليمين .. بتم واقف طول عمرك لان اللي داش يمين بخليه مشغول على طول ..

المشكلة في بعض السائقين ما عندهم صبر يزعج الغير من كثر ما اطق هرن ويعصب على الاخرين بس الحملة التوعوية نسمع عنها بس ما شفنهاوضعيفة والمخالفات مبالغ فيها

انتبه للطريق واترك التليفون ..تفتح الاشارة وانت راقد و تطوف انت وغير يتم فى الاشارة ويتعطل بسببك

توقعاتي بتكون حوادث كثيرة في هذا المًوقع ( المربع الأصفر )

وكأن المواطن في هالبلد جاهل ما يسوي واجباته وأبوه قاعد له بالعصا على كل شي يسوى أو حتى ما يسوى

مافهمت الشرح

ليش يا مسؤوليين ما اتحدون من اللياسن والسيارات الاجانب ؟؟ واتقومون بعمل شركة حكومية ونقل خاص وعام للاجانب ؟؟ للحد من الازدحامات يا جماعة !!
هلكنة واحنه انقول شركة وتدعم اقتصاد البلد ؟؟؟ليش ما تتبناه الحكومة ؟

المواطن المغلوب على امره كل البقرة الحلوب ...

المربع السحري سيخلق مشكلة الي بعض المسارات وتسهيل على بعض المسارات الاخرى وتعطيل وخدحق من غير وجه حق الي بعض المسارات التي تشتغل الاشارة بنور الاخضر وعند الانطلاق لايستطيع وتطفاء الاشارة الي النور الاحمر وهوا مكاةه

باختصار ...
المربع الاصفر نفس الحفرة
اللي يطيح فيها وما يطلع يدفع فلوس ????
بس الكل يهدي ياجماعة جاي رمضان وعن الهواش اللي يظل في المربع ويخسر لا يزعل هذي اللعبة تحتاج تركيز وشوية أعصاب ????

ويش الحل في نظركم يا جماعة اتقلل السيارات او ازيد المخالفات للحد من مشكلة الازدحامات المرورية ؟؟؟
نحتاج اجابة وافية من الجهات المعنية ؟