من كلام الناس... في تعليق على موضوع زوج يشكو من أن زوجته "بالعة راديو"، علقت إحدى الزوجات بالقول: "هناك رجال ونساء بطبيعتهم يحبون السوالف وفي من الجنسين اللي يشوف انه ما له داعي الواحد يسولف إلا إذا في شيء يستاهل تسولف عنه"، وتابعت "زوجي ما يحب يسولف عن أي شيء، عنده التلفزيون والتلفون، سنين واني أحاول أغيره ما في فايدة، في الأخير أني تغيرت وصرت ما أقول ليه عن أي شيء ونادراً ما أسولف معاه"، وواصلت "أسولف في الشغل وبيت أبويي مع إخواني وخواتي وأفضفض في "السويشل ميديا"، هو يعتقد أني اللحين صرت المرأة اللي في باله بس هو ما يدري انه خلاني أكون بعيدة عنه".
فهل السبب هو أم هي؟ ماذا تفعل لو تعرضت للأمر نفسه؟ وهل تعتقد أن هذه المرأة استنفدت كل الطرق؟
اهم شي بالحياة الزوجية التواصل والكلام
مو بس عن الامور الروتينية وامور البيت والعيال وشنو اللي محتاجينه وناقص
هذا يسبب ملل وبرود
لكن يحتاجون يتكلمون بمواضيع عامة مواضيع تخصهم احلامهم خططهم هواياتهم افكارهم
الامور اللي حوالينهم
لان ااذا ما تكلموا مع بعض في هالاشياء
هو بيسولف مع ربعه وهي مع ربعها
وكل واحد يصير بعيد عن الثاني ماتدري شنو افكاره ولا ويش في باله او احساسه
طبعا ا هوه السبب. و لا شلي يخليها تروح تسولف للغير و هي من البدايه حاولت معاه لين طفشها مسكينه ..
كلام جميل ولكن معي انا بالعكس...هي ما تبي تسولف لان ماعندها وقت حقي!
اهو السبب ومايعرف ان بهالطريقه مع الايام بتبتعد عنه حتى عاطفيا . مع الاسف بعض الرياييل واثقين ثقة عمياء ان حتى لو اهملوا الزوجه او ماعرفوا يحتوونها او ماسمعوا لها بتتم لهم نفس ما اهيه .. بالعكس بتتغير وايد ومع الايام حتى الحب بيتغير .. اكثر شي تحبه المرة ريال يسمعها ويحتويها ويحط لها قدر ومكانه وتحس ان في وقت في حياته خاص لها .. بييه يوم بيحتاجها كالمرأه الي عرفها قبل بس مابيحصلها
الاهمال الزوجي و الصمت المستمر بين الزوجين و انعدام الانسجام و الألفة و الحب و أحيانا يكون هناك عنف لفظي و جسدي و عدم إشباع العواطف و الغريزة يؤدي إلى تداعيات خطيرة و دمار شامل .. ويكون فات الاوان ل اي اصلاح ..
اذا قل الكلام بين الزوجين قل الحب بالاخص من طرف الزوجه اذا جفتها ساكته ومبتعده عنك يعني خلاص الحب بدا ينتهي وبدت تكرهك..اذا الزوجين مايتكلمون مع بعض ولا يسولفون ويمزحون مع بعض عجل يخلون كل هذا مع من
كنا كناري ايام العلاقه والخطوبه وبعد الزواج والانجاب ومسؤليات الحياة الممله امسينا اغراب في بيتنا ( صديقنا وحبيبنا هو الواتس اب والانستاكرام والتلفزيون )
الفقير لله.
.... شوفي هواياته و سولفي وياه عنها يمكن يسولف وياش
السبب أيام العلاقة!
دام ابتدت حياتكم الزوجية بتواصل محرّم أكيد ما بتتبارك
استح واستغفر ربك
يعني الحين تزوجوا وتقول ليكم لما تكلمتون كان حرام والحين هذا عقاب ليكم؟
ويش هالمنطق عليك
طبيعة الانسان محتاج من يسمعه بغض النظر عن الجنس واذا حرم منه في الداخل سيبحث عنه في الخارج
هي ساكتة وأنا اسولف واجد ، وشوي شوي قاعدة تتعلم لانها صغيرة، والرجال عادة يتزوج وهو كبير يعني صعب طبايعه تتغير بعكس المرأة تتزوج بعمر أصغر من الرجل ففي مجال روح وتعال وياها. وترى الحياة تمشي بدون سوالف واجد أهم الشي الراحة النفسية والاحترام والحب بين الطرفين.
العقلانية و الكلام الرصين و المفيد هو نعم الكلام/السوالف و اما الهذره و السفاسف...!!! فالسكوت عنها افضل حل.. و مع شديد الاسف أغلب السوالف الملاحظة في هذا الوقت هي كلام فارغ و يحمل الكثير من الإساءات و المضرة و ذنوب تحتطب على الظهور ....
نصيحتي لكل الرجال استمع لزوجتك في كل وقت وحين ومتى ما أرادت ان تتحدث خلك قريب منها واحتويها كن لها المنصت الجيد واثني على حديثها وكن القلب الحنون واستمع لدقات قلبها واجبر بخاطرها. وكما قال والرسول صلى عليه وسلم. رفقا بالقوارير. بحريني اصيل
كلام سليم و نصيحة جيدة و لكن قل من الرجال من يستوعب هذه النصيحة ألتي خطتها أنامك و ألتي تزن كلماتها ذهباً..
تزوجت وحدة تقول عن نفسها مرحة ومزوحة وتسولف وتضحك ، لكن يوم تزوجتها ما شفت شي وتقول أنت هادئ وجدي ، قلت لها يالله على يدج بنشوف ، قلت لها ترى أنا اسولف واتغشمر مع زملاء العمل والأهل .
هذي طبيعتنا ، المرأة تحب تسولف مع الحريم وتستانس والرجل يحب يصحك مع ربعه ، لكن هذا ما يمنع وجود أشياء مشتركة يجب البحث عنها والنقاش فيها ، ومسألة إنها تدور لها واحد تسولف وياه في برامج التواصل هذا مو مبرر واتقوا الله ترى ما كثرة البلاوي إلا بعد ما دخلت هالبرامج .
الهدرررررررررة وعوار الراس.انا اللي عندي هدرة .الا ولدك سو جدي الا بتك تبي جدي الا وصخو البيت اني مو.... .جايبيني ويالله ويش يسكتها هالمرة ...اق.ل ليها خلف جبدي الحياة جدي اولاد وبنات الحين يتعبون.ترد مايتعبون الا اولادك خيب الله حظهم.ارج عليها في غدا لو ويش ...بس هاللي تعرفون بطونكم.تغربلت ويا بنت حاج ابراهيم.خلف جبدي مرتي الوردة ...هديتها في عيد الام والله يشهد الف دينار ومستحي منها خ.وش مرة اجودي قلبها طيب.بس طيبة بعد عمري
مافهمنا لك.. الله يوفقكم ويسعدكم
كل ماوقع و يقع في العلاقة الزوجيه وفي العلاقات الإجتماميه الأخرى من مآسي سببه الأساس هو وسائل التواصل الإجتماعي الإلكترونيه المتطورة الحديثه و هوشرٌ لابد منه و هو سلاح ذو حدين إذا اسُتعمل الإستعمال الصحيح في تنمية المعارف الإنسانيه صار نعمه و اذا اسُتعمل استعمال خاطىء صار نقمه، يبقى الإنسان و توفيقه في اندمامجه في هذه الوسائل، و الخطورة واقعة أساساً على الجيل الحالي الذين هم في سن المراهقه، و هذه المرحلة من العمر مرحلة طرية في كيفية تنمية السلوك ، و المسؤلية الكاملة واقعة على الوالدين
زوجتي من أول ما أخذتها وللحين ما تتكلم واجد بس أذا بغت شي ماتسكت لين تسوية تقول ليها أن شاء الله بسويه لك بس ماتصدق لازم تترك الشغل إلي عندك وتسوي ليها أوامرها الملكة ... خاطري تجي تسولف معاي كل تقول ليي ماعندي كلام
الله يجبر خاطرك.
افتح سوالف وياها بتسولف وياك
انا اقول خراب الحياة الزوجية في هذا الزمان والسبب الرئيسي وفي الدرجة الاولى هوالنت الله ينعل اليوم الذي ادخل البوت.
صحيح و الف لايك لكلامك الصائب
والله فعلها ممتاز والحلو ع حسب كلامها انها اتخذت شي يريحها اهلها هذا شي طيب بعض الرجال ماعنده اي ذوق مع زوجته مو متفهم شنو معنى امرأه اناني همه نفسه مو لان مايبي يسولف لا قاعد يمارس حياته طبيعي مثل ماكانت قبل تلفزيون وتلفون وهذا الله اعلم شنو وراه يحمد ربه ع هالزوجه الي صابره عليه واضح ماعنده اي تقدير لها، بزمنا مثل هالحالات ياتوصل انفصال او تتجهه لطريق ثاني تدور بديل عنه عقبها بتطلع خاينه!! عدل اسلوبك وقدرها ماراح تلقى الا الي يسرك
ما لكم و الثرثره يا احبتي ، فكلما زاد كلام الشخص زادت اخطاؤه ، اجعلوا شِفاهكم لا تنبضُ الا بالصلاة على محمد وال محمد
..
ويا زوجته مايحب يسولف لكن ويا بنات الناس يحب يسولف هذين اهم لرجال مايتغيرون الي عندهم مايقدرونه ولا يثمنونه
اني زوجي نفس الشئ مايتكلم معي أهم شئ عنده التلفون والتلفزيون حتى إذا اكلمه مايسمعنى شنو اقول إذا الوحدة ماتكلمت مع زوجها تتكلم مع من ؟ ؟ وخصوصا ان اني ساكنة في البيت معاه لوحدنا بعد أن تزوج الاولاد
ابحثي عن السر أو السبب الذي جعله هكذا..ربما المسؤليات و هموم البيت و الأطفال جعله ينزوي و يفضل الصمت على الكلام..و ربما أيضا الحب ألذي كان الرابط بينكم قد تلاشى من قلبه بعد أن صدعتي راسه ما أن يدخل البيت كما تفعل زوجتي ..
اهو لازم يتفهم من قبل المحيطين منه اخونها واخوانه واصدقائه.. بترك هذه الاطباع الي تؤدي الى تفكك في الاسرة في النهاية لاسمح الله، اهيا يجب عليها المحاولة في ارسال له من يستمع لهم، ارسال له محاضرات ونصائح باليوتيوب تبين المشكلة وحلها..
انا امرأه واقولها في نسوان صج بالعين راديو ويبون يتكلمون في اتفه اتفه الامور فبعض الامور لا تهم الزوج مثلا شنو شرت صديقتها والثانيه تطلقت وقصه الطلاق كامل الزوج عنده مشاكل العمل وتفكيره كيف يوفر لقمه العيش لعائلته بس ما يمنع ايضا ان يكون فيه كلام معقول بينهم بعيدا عن اهرار المرأه
من ناحيتي أرى انه إذا مات الحب في قلب الرجل أو المرأة تبدلت المشاعر و ابتعد كلاً منهم عن الأخر،فالحب هو شعور ينبع من الداخل يؤثر على سلوك الفرد فإن مات أو تلاشى ذالك الشعور أضحت الحياة بين الزوجين مملة و كئيبة و رتيبه،و إن اعتمر قلبيهما به عندها تعم البيت البهجة و السعادة.
الزوج اذا لم يعطي زوجته ما تحتاجه فستذهب الى ايجاد البديل الى من يسمعها ويشاركها الاهتمام
وإدا الزوج ماعطاها كلشي!بعد بتروح تاخد كلشي من بره ؟
كثرة السوالف عوار راس