ترى تعبنا وصرنا نحلم بالكاميرات ليليا .. خفوا علينا والي يرحم والديكم... ماعندنا فلوووووووووس

راحت عليك يل مواطن البحريني بيعو سياراتكم وشترو ليكم حمير

توقيت اشارة سلماباد يحتاح الى تعديل و اعطاء وقت اكثر للشوارع الفرعية و اعطاء كل ذي حق حقه في الوقت. و ايضا الشارع الي بجانب فخر البحرين يحتاج الى توسعة.

سؤالي لإدارة المرور
كنت اسوق سيارتي مع زوجتي بسرعة 70 كيلومتر.. وفجأة كانت سيارة المرور تقود مسرعة والتقطت سرعتها الكاميرا الخاصة للسرعة.. فمن يدفع قيمة هذه المخالفة وهل سيتم عقاب رجل المرور على هذا التجاوز، أم لا
يرجى الرد على هذا السؤال وبكل وضوح

برز مخباك

طبعا لا

عدلوا التقاطعات اول، تقاطعات واجد غلط، يا انك تطلع في المربع او تخيس محلك، و لو تسوون حل حق اشارات مدينة عيسى الا صوب النفق مرة وحده يكون احسن

صادنا ابو صفار من هالقوانين كلها مره وحدة
على الا قل خطوة خطوة

المربع الاصفر ضروري الالتزام فيه لكن في نفس الوقت لازم يكون في خطة مستقبلية لتطوير حركة السير ووسائل النقل لان هالاشياء حلول مؤقتة وترقيعية،

أنا ما أعرف شلون أتصرف مع المربع الأصفر!
متى أوقف ومتى أمشي؟

اخوي لازم قبل مادش المربع الأصفر حط مسافة تقديري بينك وبين السيارة إلي أمامك بحث اكون أنت في الوسط بين السيارة الي أمامك وبين المربع الأصفر على أقل يكون نهاية سيارتك عند نهاية المربع الأصفر في حالة وقف سير السيارات

نصيحة بيعوا سياراتكم وركبوا النقل العام والا عنده استطاعه يشتري ليه بدل سيارة قاري حمار اعزكم الله وطلعوا للدوام بعد صلاة الفجر سوووا مثل الاوليين الا يطلعون لسعي رزقهم من بعد صلاة الفجر احسن ولا وجع راس

سوو الا جسور مب مربعات وتقاطعات حق حلب المواطن

ليذهب الى الجحيم الخط الاصفر

الشرهه على النواب اللي وافقوا على القانون الجديد
دّوروا من ينتخبكم اقول

جاكم الخير يا ادارة المرور...
جاكم
على كم كيلو المخالفات؟

خبرك عتيق هذاك الاول تنقاس بالكيلو الحين على ثقيل بالاطنان

تبون الناس تعدل سياقتها وانتون ماتعدلون الشوارع ولا الاشارات ولا تحطون حلول جذرية لهالزحمة والبلد بتنفجر من الاجانب وغير الاجانب الا يرفعون الضغط في السياقة

.
هالمربع الاصفر بجيب لينا ابو صفار وبكمل الحسبة .

نظام ممتاز يقلل الازدحام
مشكورين ياادارة المرور على الجهد الي تبذلون

مع تحيات موظف بإدارة المرور يسوّق لقوانين تهدف لتنشيف جيب المواطن و توسعة خزينة المرور

بالذات عند اشارة الريجنسي

احنا مع قانون المربع الاصفر ويعطيهم العافية رجال المرور كل شي تبون تتحنطمون عليه

يعني احتفالا بيوم العمال بيسحبون بيزات العمل...صراحة خوش عيدية... كل شي غير

بيكون يوم اجازه له

بيزات
الظاهر حتى لو توقف سيارتك مب سيده داخل طبيلة بيتكم بعد بتصير عليك مخالفة وغرامة !!!! بسكم يا المرور بتنبطون بيزات.

يعني من تاريخ عيد العمال تبدء مخالفات المربع الأصفر ...

انا مع هذا القرار قلبا وقالبا لردع بعض السائقين عديمي الاحترام والتربية

و هذا موظف نشيط بإدارة المرور
شغلته يصوّر بإن جيش من عامة المواطنين قابلين و راضين بكل طيبة خاطر ان المرور يشاركهم نسبة ليست بالقليلة من رواتبهم بكل شهر
و كل هذا بحجة القوانين اللي تهدف لحمايتهم

لا أحد يزعل من كلامي خل المرور يطبقون هذا القانون عشان في بعض الناس يعرفون اشلون يحترمون القانون
يا أخي من البداية واقصد من أول ما الواحد ياخذ الكجة(رخصة تعليم) وقبل لا يركب السيارة مع المدرب لازم
يدخل محاضرة في مدرسة السياقة وهناك قالو له لازم تلتزم بقوانين وأنظمة المرور وبالفعل لين طلع مع مدرب
السياقة اثناء التدريب ومع المرور أثناء الإمتحان تلاقيه صاير سائق مثالي ويتبع أنظمة المرور بكل دقة لكن
من ينجح ويحصل الليسن خلاص تبخر كل شي وداس على القانون وقام يخربط كأنه بروحه في الشارع

الصراحة أنا إزعلت من كلامك
يعني ابسبب المستهترين تعاقب الجميع
انا سنين ولا مخالفة وحده وألحين مخالفتين على سرعة أقل ما يقال عنها اعتيادية ومعتبرة

أفضل حل انه ياخدن راتبنه ويرجعون الباقي وخلاص كل يوم قانون للمرور

موضوع المربع الاصفر هذه حلول ترقيعية لأزمة الازدحامات في البلد
افضل لكم ان تجدوا حل جدري لعشرات السنين القادمة
مثلا قطارات داخلية (tube ) كما في سنغافورة
وجسور وانفاق للسيارات كما للمشاة
اخراج الوزارات الحيوية من العاصمة
تطوير الحكومة الإلكترونية
التوسع خارج المدن
يعني بإختصار يبي لكم تصرفوا فلوس شوي على البلد

وحضرتك مستعد تركب باص أو مترو أو قطار مع اعيالك وأم لعيال جدام خلق الله ، مو عيب عليك هالكلام

شدعوة عيب !!!! يعني لين تسافر ما تركب باص او قطار ؟ او بعد بتقول ليي حرام و اختلاط !!! هالعقلية ما تنفع خلاص

حبايبي ادارة المرور ماتبون تركبون كاميرا عند بيتنا؟
يمكن وقفة سيارتي غلط شوي طالعة عالشارع
يمكن ليت البترول مولع
يمكن التاير شوي ناقصنه هوى

أقترح فتره تجريبيه يا إدارة المرور مجرد تنبيه برساله نصيه دون غرامه لمدة شهر او إعطاء فرصه لمرة واحده وبعدها غرامه عشان الكل يتاقلم مع قانون المربع الاصفر وبعدها الناس مالها عذر

زائر 18 كلامك صحيح لكن يعتمد ذلك علي نية ادارة المرور هل جمع الأموال ام ترتيب حركة المرور وتوعية السواق

نأمل من المرور الّا تخالف من يتفاجأ بالوقوف على اطراف المربع الاصفر دون ارادته مع اتاحة انسيابية مرور السيارات من الاتجاهات الاخرى كما يحدث الآن في بعض الاشارات بالتقاطعات ان تتحول من الاخضر للبرتقالي للأحمر بسرعه لدرجة انها تلتقط السيارات التي على مشارف الطواف بأطراف التقاطع. و شكرا لادارة المرور.

بغض النظر من إذا كان الهدف مادي بحت ام ماذا. كثير من الاحيان تتعطل مصالح الناس بسبب كم شخص وقف عمدًا على المربع الاصفر وهو يدري ان الشارع زحمة. والشارع الي عند رأس رمان خير دليل.

قبل ما تنفذ هالقرار أسمع على الاقل ..

قبل لا تطبق هالقرار .. ركب إشاراة الى تعد الارقام من 30 الى 0 .. حق السائق ينتبه .. لمصلحة الجميع

لا محد بيتفاجئ كفاية المفاجآت الي طافت. قلتون 10% و، 20% و30%" ولا ندري ويش موضوعها لين ما تراكمت علينا المخالفات علشان مرينا اشارة فاضية وخضرة بسرعة 90 كيلو متر والشارع 80 كيلو متر وانصدنا فيها عدل عدل من 25دينار صارت 50 دينار كل وحدة ويلا كل واحد مخباك.

بوق عيني عينك، بعد محد يبونه يتكلم ولا شي، كانهم داشين حرب

خطوة موفقة

شكلها الفلوس اللي طلعوها ماتكفيهم الحين هذي ادارة مرور لو مالية ؟ يلا شوفو بعد كم مخالفة جديدة وضيفوها قبل نهاية الشهر

والمراد
السلامة المرورية أم افلوس الناس
والله حيرة نبي انصدقكم يامرور بس صعبة

مش فاهم شي

عدل شغلهم احنا واجد نعاني من الاشخاص اللي يصكون السيد عليهم وعلى غيرهم ويسببون بزحمة اضافة بس لانه ما يبى ينتظر شوي زيادة. المفروض بعد زيادة مناطق المربع الاصفر او يطبق على كل الاشارات بدون الحاجة للمربع

ها القفص الاصفر جديد بعد

الظاهر ادارة المرور بيركبون عداد حق ذخول المنازل بس هاذا الباقي ..

انزين الحين الإشارة فاتحة أخضر وتفاجأت بزدحام وتبي ترجع ورا الا وراك مليون سيارة شلون الوضع

الله يسلمك ما تتقدم الى الامام الا اذا كان الطريق مفتوح

اشلون تتفاجأ بالازدحام
ما تشوف قدامك ؟؟
تشوف زحمة اوقف مكانك

بعض الاوقات التوقف المفاجئ هو سبب الوقوف في المربع الاصفر خاص في الطرق السريعه

المربع الاصفر مو موجود في الطرق السريعة
عند الاشارات بس

لاحول ولاقوة إلا بالله العلي العظيم
راحت عليكم أيها الشعب ..........

بالعكس قانون حلو تخيل ان انت تبى تمر في الطريق والاشارة خضرة والشارع مسدود بالسيارات لا هو يقدر يطوف وانت مكانك والاشارة خضرة ولا قادر تتحرك من مكانك
نقول شكرا لادارة المرور على هذا القانون

الحمد لله
والله لوهناك شبكة مواصلات جيدة كما في الدول الأخرى لكان الواحد استغنى عن السيارة وبعها
أفضل من التوتر اللي الواحد عايش فيه