عام بعد عام تزداد درجات الحرارة ارتفاعاً في فصل الصيف، وهذا ما يدفعنا للبحث عن كل ما يحقق لنا الراحة من أجل التغلب على الشعور بالحر، تلك الراحة تعتمد بشكل كبير على ما نختاره من ملابس خصوصاً خلال ساعات النهار حيث ترتفع درجات الحرارة.
أول الخطوات لاختيار الملابس كما هو متعارف عليه هو اختيار نوع القماش المناسب، حيث تعد الأنسجة الطبيعية أفضل الخيارات للملابس اليومية خلال الصيف، وذلك للحفاظ على درجة حرارة الجسم وأيضاً لتجنب أي بيئة لنمو البكتيريا على الجلد، بالإضافة لتلاشي الروائح غير المرغوب بها. كما يعد اختيار ألوان الملابس مهماً كونه يؤثر على الراحة من عدمها.
ومع وجود أنواع عديدة من الأقمشة، إلا أنك إذا زرت الأسواق الشعبية هذه الأيام، ستجد أن قماش "الكودري" هو أفضل اختيار لراحة المرأة البحرينية في هذه الأجواء الحارة، فما رأيك؟
قماش الكوري اقمصه تنوره ميني جلابيه وجلابيات ودشاديش وحتى صراولة موديل الخباز سووه بارد ومريح وماينفع لجونا الا الكوري ....
الا على طاري تنوع المواضيع، هابين لنا هبة جديده هالمدرسه اسبوع الالوان الا يوم اخضر يوم اصفر يوم وردي بيسوونا مثل الأجانب مو مهم التعليم عندهم كثر الهرار الي اشوفه ..... ركزوا يالتربيه شوي ولينا على الي في الروضه
عجييب.
بنتي عمرها شهر بروح أفصل لها دشداشة كودري
يبا له وزااار
أقترح على الشباب تخيط وزار بقماش الكودري فضييييع بلاوووي
الكودري قماش مريح .. واغلب محلات جلابيات ودراريع الطبقه الراقيه ياخذون منه . يعني لا شماته مهما قدم ترجع موضته وهبته
أحب خام الكودري و أفضل قماش في الصيف يمتص العرق وباردعلى الجسم الي عندها حساسييه من انواع الأقمشة الكودري أفضل قماش والي تقول يبهدل ويطلع الدبه مع الأسف ما تعرفون تسوون ليكم موديلات اذا محلات زارا سووا منه موديلات لو بس اذا صار قيمتة ٣٥ دينار صار كشخه ما يبهدل هرير بس اكو نكست و زارا طايحين فيه يسوون منه صراوله مديلات اول والشراي يشتري اكو اني اسوي ليي قمصان و جلابيات وحركات كشخه عموماً الشي راجع للفن والذوق حتى الستاير يسوون منها عبايات سيدار ????
أنا أأيدش في الرأي...حتى في الأسواق العاديه والمتنقله يجيبون قمصان وجلابيات موديلات حليوه ومرتبه بس الوحده لازم تنتقي الاشياء اللي تناسبها وتاخذ حجم أكبر لأن مع الغساله يگفض ويتقلص
أفضل خامه لجو البحرين على مدار العام ما أحب إلا البسه
بالعكس أني ماأحب ألبس الكودري يبهدل الوحدة
اني لا أحب الدشداشه الكودري لانها مبهدله وتطلع الدبه
الكودري يقفض؟؟
و لا مره لبست الكودري بس سمعت عنه و اشوفه في المحلات بكثرة خاصة السوق الشعبي في م ع و من عيوب القماش أنه ينكمش اذا صاده الماي يعني دشداشه اكس لارج و بعد تنظيفه ينكمش إلى سمول ..♡♡ ام محمود
مو لهالدرجة؛ اكس لارج يصير لارج ينزل درجة
فعلا من الاقمشة الصيفية المريحة والتي تتاسب مع هذا الجو وباتت تستخدم في كل الموديلات لتتناسب مع المناسبات
لا احب الكودري أحس انه .........
أني صغيره واللبس كودري .. قيتمه قيمه البجامه
قبل كل البس دشداشة كودري الحين من الصغط المالي خد لك بدلة بدلتين من مشوار ارخص ????????????
ويش حلاوته بارد ومال العراق اشكال والوان كشخه هههههه
طبعا وبلا منازع .. الكودري وبس
خلو الموضوع الجاي عن أبو صروال وفانيلة
اموت ع الكودري بارد خاصه جو البحرين اناسبه الكودري فيه انواع الكودري فيه رخيص وفيه الغالي
فعلا قماش بارد وخفيف
الكودري مو بس دشداشة في زارا وفور ايفر يبيعون قمصان وفساتين خفيفة وصيفية من قماش الكودري الكودري افضل قماش هاى الاطلاق ونلبسها بارقى الموديلات
اكتشفت الكودري فيه ريحه مميزه مو حليوه من ينلبس طلعت كنت اشتمها في النسوان ومره جربت لبست والااشتميت الريحه نفسها
الحين الكودري مايقتصر ع الدشداشه يسوون منه موديلات كشخات ليش نبهدل روحنا وجسمنا بدشداشه
حيا الله الكودري بجميع موديلاته ... اني مالبسه الا هو ???? الكودري وبس والباقي خس ،،،، نفوح في الصيف ويش خانتنا بدونه????
فعلا مريح وبارد لجو البحرين .. و احنا ناخد من محل لافينيا كودري عجيب وديزاين يشرح النفس
أغلب المحلات الكبرى الملابس الجاهزه مصنوعه من خام الكودري وتباع بأغلى الأثمان فالمرأه البحرينه ليست بأقل مستوى من النساء الأخرات التى تلبس الجاهز
اكيييد افضل شيء في الحر
حليو الكودري وبارد بس ما احب البسه ..فيه ثياب غيره خفيفة وأنيقة..أحسه مال عجايز حتى لو غيروا الموديل
حليو بس اني ما أحبابس دشداشه ابدا
في اقمصة كودري شحلاتهم باردين ومريحين
اللي ايقولون خلصت المواضيع بالعكس حلو التنويع في المواضيع شنو تبغون يعني لازم موت و حروب و بلاوي و مشاكل ؟؟؟؟ و الا ما تعجبنا مواضيعكم
قماش روعة انتي حطي الموديل الي تبينه مال الموضة يازعم وبتشوفين جان ما ادمنينة اني عن نفسي ما احب البس دشداشة طويلة تعيقني اثناء العمل بس اسويها بموديل ناعم ميني ويش حلاوتها
صح واني ما احب البارزين لان بسرعة يشققون وموديلاتهم مكررة وقديمة وافضل افصل لي الموديل اللي يعجبني احسن
خلصت المواضيع..
????????????هههههههههههه عجيب مافي أبرد منه بس يعني في بدائل ثياب حلوة للصيف ومريحة
الكودري ايسي متنقل
يعني خلصت المواضيع مثلا
بما انكم طرحتون هالموضوع دلوني على محلات زينة تبيع منه واهم شيء نوعية زينة واذا تبيع من المشروق بعد واجد تمام
لافينيا في مدينة عيسى جنب بنك الاسكان ومستشفى انجير
فديت الكودري وصاحبته
بالضبط .. مافي احسن منها ????????
ما اعرف يعني ويش كودري
قماش قطني بارد
واجد ممتاز ، وما ادري ليش مال هالجيل يستحون يلبسونها ويقولون مالت نسوان كبار ، في النهاية هي للبيت
اصلان الي بالصورة مو كودري هذا قماش قطن تايلند والصين
قطع الكودري يجي شكلها غير
في الزمن الماضي كانو يقصون على الناس بالكودري والحين ما يقدرون بالعكس لكثرة الطلب عليه وفرو الاصلي وبأحلى النقشات وجميع الالوان السادة
بس الباعة من يتضرب في اسعاره حتى في سعر الدشادشة نصب واحتيال
نطالب الحكومة تفتح تحقيق لغرفة الصناعة بسبب تلاعب في اسعار دشاديش المرأة الحرينية
عاش الكودري عااش عااش ... عاااش
افضل قماش على الاطلاق لجو البحرين ????????
اي صحيح امي الله يحفظها دايما تلبس دشاديش كودري وحتى نسوان الفريق. ادا عطوني المعاش بشتري لامي جم وحدة ان شاء الله.
اي والله الكودري اعتبره مكيف????
لباس العجايز
الكودري صيف وشتاء
ويش يا الوسط تضربون على الوتر الحساس الكودري يالكودري عيني ملبسو العافيه وبارد ياالله
خاطري البسها بس زوجي ما يرضى
مو لازم دشداشه اخدي قطع ناعمة او ساده وفصليهم فساتين او ميني جلابيه
ويش حلاوته الكودري ولا عاد اذا مديل حليو ????????
الكودري رجعت موضته و بقوة لأنه انسب قماش يناسب جو البحرين. سابقا كانوا يسوون منه دشاديش فقط اما الان فتقدر الوحدة تكشخ بكودري. فساتين و تنانير و ميني جلابيات و مريلات ...حليو الكودري عاش ...عاش الكودري
ما فيه على الكودري????بلااااوي
هالنسوان كشختهم بالهكودر ي
مانجوف شي غير
نعم الكودري اشكال والوان مريح جلابيات وفساتين ودشاديش للبيت ومشامر للصلاه نعممممم الكودري وبس
عطهم نانو وبيكشخون باللى تبغيه
موشرط اني ماالبس كودري مع انه امي تحب الكودري بس اني مايعجبني