الخيار المضمون بوصول الصدقة لأهلها ومستحقيها هي عن طريق المؤسسات الأهلية أو الخيرية.. أما في القرن 21 فقليل جدًا من يطرّ وهو مستحق أو محتاج فعليًا، أقل شيء يقدر يسويه يحفظ ماي وجهه ويطلب مساعدة بشكل رسمي من أحد الصناديق ويحفظ كرامته !!!
الطرارة لازم تكون آخر الخيارات المطروحة لأي شخص !!!!

قبل نص ساعه في إشاره الريجنسي بعد خروجي من فندق شاب بحريني يقول ساعدني ربيتين ثلاث و هو معروف بالمنامة .. قلت له احمد ربك قادر تتحرك و تنطق روح اشتغل

الواحد بصراحه مايدري بظروف الناس. ساعات لين عندنا نعطيهم لو مئة فلس دفعة بلا. وساعات لين ماعندنا نقول ليهم الله يعطيك.

الا يبيع عند الاشارة نوع من الطرارة، اشمعنه يختار الظهر شبة الشمس ويقعد يفتر بين السيارات، يدري ان اغلب الا يشترون من عنده مو محتاجين الا اشتروه بس لان كاسر خاطرهم في هالشمس، في الاسواق الاسبوعية السبت والاثنين والاربعا الا في القرى يبسط هناك ويبيع بكرامة

الي يبيع عند الاشاره شريف ماجبرك تشتري من عنده وشهاداته وتميزه مو كفو انت تحصل نصها بس للاسف عايش في مجتمع فاسد .. مثلك بالضبط

قاعدة ومش عليها، الا يطر بشكل مباشر او غير مباشر لاتعطيه، اجنبي او بحريني، لازم كل شي بنظام وياكثر الصناديق الخيرية التبرع فيها اضمن

لطراره انواع عند البحرينيين
نوع عادي يدور من مكان لمكان ويطر
ونوع يتواصل مع التجار و الوجهاء ليطر منهم
ونوع يطر بشهادة موقعه من رجل دين او شخصية معروفه
ونوع طرار على باب الله كل يوم مكان
ونوع حديث طراره vip وهالنوع خطير كشخه
عنده كلام مصفف و ما يخاف وكل شي عنده بالذوق و النظام و ويحجز موعد للطراره مع كبار القوم و يجبرك تعطيه المقسوم من أسلوبه وذوقه المحترم
هالنوعيه عندهم شي واحد غلط
فشلونه مع تجار الخليج يروحون لهم في شهر رمضان يطرون عندهم

احنه في عالي غربلونه إلى يمر صوب مخبز ....و أجوفهم لا تعطونهم دلين من ... و مو محتاجين روحو جوفو جم في حساباتهم من لطراره

اذكر مرة كنت عند مخبز في عالي وجت طرارة لابسة اسود في اسود خوفتني لاول وهلة يوم تباعدت شوي طالعتها من منظرة السيارة كانت لابسة جوتي "سكجرز" هههههه

اعطاء المتسولين المال هو تشجيع لاستمرار التسول
يجب اعطاء الصدقات والمساعدات الخيرية لمن تثقون بهم او للجمعيات الخيرية

بأختصار الطراره مو هي الحل اذا كان الشخص بالفعل محتاج ، اشتغل اي شغله شريفه وترزق منها والله بيفتحها عليك كلش كلش روح الجمعيات الخيريه ، الشغله الثانيه هذا اللي بخير و يطر هالقد نفسك هاينه عليك الا تهينها بهالطريقه سبحان الله

بغض النظر عن مدى استحقاقيتهم للصدقة ولكن الضمير الإنساني يحتم ان نعطيهم وعلمونا ان لا نرد سائلا فلعله فعلا محتاج واما اذا كان غير محتاج فذنبه ع جنبه.. الي عليي سويته وهو اعطائه

صح كلامك لكن اعطيه مبلغ معقول يكفيه حق ياكل اذا كان جوعان

مو محتاجين بس يحثلون وااجد من الطرارة حتى لو عرضت عليهم معاش شهري يقولون اليك يحصلون أضعافه انزين وين كرامتك يادافع البلا

الصناديق الخيرية مساعدتها ضعيفة جدا

الغنى غالبا مايكون سببا في البخل والفقر سببا للكرم
فاللهم لاتبلينا بدائه واستر علينا بسترك

أعرف ناس حافين لكن عزة نفس ولا يسألون أحدا .

في واحد ياني المكتب وتمسكن بأنه مفصول وحصل وظيفة ويحتاج لو بس لحفاظات العيال .. عطيته المقسوم .. عقب كذا شهر سوى نفس السيناريو وبأنه نهاية هالشهر بيبدي وظيفته في شركة عودة .. عطيته ويه يابس .. انصدم وغير نبرة الطرارة وبأنه محتاج حق الأكل والدوا .. بعد ما فاد .. مشى وعقبهه ما رجع ابدا .. في ناس عنده الطرارة مرض والمشكلة يوميته يدخل أكثر من بروفيسور في الجامعة

سؤال الفقير اللي ما يروح مكان ولا يتكلم عن الفقر للناس ويش يسوي اذا ما يعجبكم يبيع او يطلب ما هو الحل يموت من الجوع يعني

يروح جمعيه خيريه ويثبت انه فقير وبيعطونه بدل مايهين نفسه و يطر

ما حد ضرب الناس على يدهم وقال لهم اعطوا المتسولين فلوس

بعضهم غير محتاجين للاسف بس اتخذوها مهنة
ومرتين صادني نفس الموقف بالضبط
مرة عند مستشفى وافدة عربية طلبتني واعطيتها اخر مبلغ معاي خمسة دينار كونا نهاية الشهر
ما عجبها !!
تقول بس خمسة واني محتاجة و و و و
انقهرت حدي لاني محتاجة جدا بس قلت الله يعوضني وتوها قبل اسبوع
هندي طب على سيارتي يصيح ويراويني صورة طفل صغير مريض
عطيته خمسة الا يقول يبي نفسها ثنتين بعد
كسر خاطري بس ماكان عندي غيرها !
يعني اقبل بالقليل وخلاص
لان ماتدري اللي تطلب منه يمكن اردى حال منك وساكت وحامد الله

لو خليت خربت موجودين بكثرة لكن الفقير العفيف لايمد يدة للغير عند المحلات والمساجد وتوجد عصابات يتناوبون في لطرارة واخر الوقت نفس السيارة تاخذهم من نقطة وحدة بأم عيني شفتهم.

مستعجب من طرار مايخلي بيت الا يطقه و ياتي من مكانات مختلفة و يقطع مسافات و متنقل مرة تشوفه في السنابس و سترة وعدة مناطق و سنوات علي دا الحال و تساله ليش ما تعمل و يرد عليك ظهري رجايلي كتفي كل الالام ومركب حديد في ركبتي يعني شاطر في قطع المسافات مشيا ايضا الا العمل صعبت عليه .

مرة من المرات كنت مار مخبز في منطقة جدحفص
شفت برادو موقفة ونازلة منها خدامة
فتحت الصندوق ونزلت الول چير شوي إلا نازلة من السيارة مرة مغشوية وقعدت ع الكرسي
والخدامة ودتها صوب المخبز بسرعة ومشت عنها

هالايام البنقالية والهنود الكناسون في الشوارع وعند الإشارات ينظف ويطالع السيارات ويتمسكن دالع رقبته وهذا فةلت عليه ربية وذالك روبيتين وعند البيوت لين مةتعطيه مايجي ينظف وذي مع التجربة

نفس اللي صوب بيتنا بالضببببببببط بس منها ماعطيته
يضحك ومن اطلع بوز وسوا شكله درامي ويكنس واعطيه ونفس الحركة سواها لخواتي وابويي
وكل يوم !
مو معقولة بعطي نفس الشخص كل يوم
واذا ما تعطيه يخلي الكلينس او اللي يسوي روحه يكنسه ويمشي

ولد زويد
هاذي مي غلطة عامل النظافة هاي سببها البحرينين بشكل خاص والناس بشكل عام لأنه هو كان ينظف واحد عطاه والثاني بعد عطاه مما شجع عمال النظافة على القيام بتلك الأعمال عندما أكتشف انه الي يحصله يفوق راتبة الشهري .

سمعتق قصة عائلة تتكون من 3 خوات يتوزعون على المناطق ويتسولون،، والآن لديهم فلة فارهة !

بالنسبة للوافد لم يأتي الى البحرين أو الخليج الا عن طريق كفيل سواء فرد أم شركة ويفترض وظيفته وراتبه ومسكنه وجميع حقوقه مؤمّنة له مسبقا ولا يحتاج الى التسوّل ، واذا تسوّل يلزم دراسة الحالة . أما المواطن فقد اختلط الحابل بالنابل ولا تعرف المحتاج من غير المحتاج وذلك بسبب الوضع السيء في البلاد بشكل عام وضعف مداخيل الناس .

بيع الماء والقصب السكر والكنار وغيرها في إشارات المرور هي العادة التي اكتسحت مجال الطرارة السنوات الأخيرة، سمعت عن شخص يسوي نفس الحركة، اشترى له ولزوجته سيارات جديدة من الوكالة ويصرف على عائلته من طرارة بيع الكنار

حبيبي التسول غير وبيع لكنار غير

صدقت طرارة مقنعه بالبيع في الطريق ويازعم مستعف

ليش طرارة؟ هذا واحد يسعى لرزقه احسن من الا يمد ايده
كثير من الشباب البحريني العزيز النفس يشتغل لو شغلة بسيطة مثل بيع لكنار والماي وخبز التاوة بدل مايمد ايده ويطر فلوس.. في فرق اخوي

إذا أحد يبيع يعتبر طرار؟!! يعني البيع طراره!!! وبيع لكنار يجيب سيارتين جدد!! سبحان الله

شدخل الطرارة في الكسب بالطريق الحلال ؟؟؟ تحتاج تثقيف

ويع تفشل شنو هالتعليق اصلا مهنة بيع الكنار وهالسوالف مهنة شريفة والله مبارك اليه فيها لكن انتون من كثر ما قلبكم اسود تشوفونه عايش وساتر عمره سميتونه طرار والله عيب عليكم باجر سبحانه وتعالى يبتليكم بمصايب ما تقوومون منها ودعوة هالفقراء ما بطوفكم حسبي الله ونعم الوكيل
صدق صدق ناس حقودة وتفشل للهدرجة وصلنا بالحسد والحقد يا دافع البلا يا دافع البلا الله يهينكم على نفسكم بس ويبعدكم عن المؤمنيين

ولد زويد
يعني الي يبيع سمك ويفتر بسيارته الفريق في نظرك بعد طرار والي يبيعون على جانب الطريق من خضره وسمك بعد طرار والي يبيعون صوب المساجد بعد طرار أقول الله يشافيك شكلك مريض عدل هناك فرق بين البائع والكسب بعرق جبينه بالحلال والمتسولين ...

ولد زويد
هناك فئة من البحرينين غير محتاجين ولكن فيهم مرض لطراره والآن أيضا توقف صوب موقف أو دكان يطوف عليك بنغالي السلام عليكم يعني يطر بس بطريقة ثانية والمشكلة أنه أغلب الناس لمن تشوف عامل نظافة صوب الإشارة أو الفريق تعطيه فلوس مما يشجع على إبتكار نوع جديد من لطراره

الفقر موجود احنا ناس على قد حالنا ولكن لنا عزت نفس ما نتكلم احاول ابيع او اشتغل ولا امد يدي الى احد أحيانا ننام بجوعنا والحمد لله عشنا الفقير صار ما يتكلم ولا الناس تدري فيه الغني هو اللي يدعي الفقر والحمد لله على كل حال

مرحبا

مع الأسف بعض البحرينيين شغلتهم التسول وغير محتاجين ويعملون كل يوم في بمنطقة حتي حفظنا اليوم والوقت

لو صدق السائل لهلك المسؤل

وعلى هذا القول 99 من المتسزلين الدجالين معتمدين...في القراءن مذكور( واما السائل فلا تنهر) ماقل ليك لازم تعطيه فقط لا تنهره

إذا شفت متسول رجال طول وعرض و صحه وعافيهو لحيته ابيض واسود و يتنقل من بيت ل بيت الي يشوفه من بعيد يقول هذا شباب من مشيته العدله وفي الاسبوع يطق باب فريقنا مرتين إلى ثلاث مرات كل أسبوع كل أسبوع هذا فقير محتاج؟؟؟ أنين لنفترض فقير إطاره يوم كامل اشتر بها ماي وحب شمسي واكسب رزقك بتعبك .. ترى الفقير والمحتاج عزيز نفس جداااا و في كل ديرة بيوت ناس فقراء يأخذون صدقات من عند المسلمين بس ما يمدون يدهم لحد و لا يتسولون من عزة نفسهم

من التسول بيع الماء عند الإشارات الضوئية لتشويه سمعه الديره بينما هم يملكون العقارات

الي كان عند السيف ههههه هذا اشتهر

بيع الماء في الشارع ولا طلبت الناس اللي يبي الحلال يسوي اي شي ويش فيها بيع الماء في الشارع شغل شريف او لا

كلام مشارك رقم 7 مضبوط، هذا المتسول الذي يبيع الماء و الى يتحايل على ارجاع بعض المشترين باقي الخرده حتى تفتح الاشاره كان يعمل معي في شركة اتصالات عريقه و عند غزو الكويت ذهب لبنك البحرين و الكويت و سحب مبالغ أتى بها في كيس طحين أبيض خوفا من أن ينهار ذالك البنك و يخسر نقوده..

اي شغل شريف اي هرار تعريض حياه مستخدمي الطريق للخطر يجب مسكهم كلهم قبل كا تتحول البحرين لبمبي او القاهرة تصرفات دخيلة على المجتمع

ويش تبغيه يسوي اذا مو محصل رزق بالديرة يروح يطر من اشكالك الي الفلس ما يطلعونه الا بالعزر دام تفكيرك جدي خلهم يترزقون انتون بعد واجد شطحتون قمتون تتفلسفون سنوات طويلة والناس تبيع في الشوارع سواءااكل او سمج او ماي وجاي وخلافه احين صارت غير حضارية اقول استريح بس وفكنا من شرك خلينا الحضارية اليك ياابو حضارة
حسبي الله ونعم الوكيل قاعدين للعباد بكل زاوية ومكان قال ويش حضارة عطه بيتك وسيارتك وحياتك وخل يعيش الحضارة على اصولها شر البلية ما يضحك ناس تعبانة تحتاج ضربة على راسها ومصيبة عشان توتعي للعباد

ولد زويد
لو كانت الدولة موفرة حياة كريمة للمواطنين جان ما شفت أحد منهم يبيع في الشارع في هاي الجو الحار والرطب والمطر والغبار نحن ما زلنا نتظر ...

لحين الا اشوفه ومنتشر بكثرة لهنود في كل مكان اجون اسلمون ودلعون الرقبة حتى لاحظت في المجمعات الا يشتغلون مستشفيات نوقف السيارة اي مكان ماندور الا واقفين وواجد منتشرين عدل مع انهم في مكان عملهم .

اغلب الطرارين من الجدد وهذا واقع ملموس ويجب وضع حد لهذ السلوك الغير حضاري

لاتزعل فيه من الجدد والقديمين والسكند هاند بعد وحتى مواطنين اصليين

صباح الخير يابحرين.
نعم هناك عصابات .واكثر هذه العاصابات تتكون من عائلة كاملة واكثرهم مقيمين ...والبحرينيين الجدد

اكيد غير حضارية فهناك جمعيات تقوم بدراسة هذه الحالات

مره من المرات شفت بنت أطر وحاطه مكياج

المكياج لاقناعك بحجتها باللتي هي احسن خهه

طراره كشخة عادي

فيه ناس متعفيفن مايطرون. وهم بامس الحاجه. للفلس ونا س اخدوها عاده اخربون ع. ناس