من ضمن الأبيات المنسوبة إلى الإمام أمير المؤمنين علي بن أبي طالب (ع ) :
لنَقْلُ الصخْرْ من قِلَلِ الجبالِ * أحبُّ إليَّ من مِننِ الرجالِ
يقولُ الناسْ ليِ من الكسبِ عارٌ * فقلتُ العار في ذُلِ السؤالِ

ها كو أنا سنة في شركة كل ودور والطامة يجيك من يتدخل في شؤونك "في وين تشتغل؟"، أرد "في شركة كل ودور" ناس مو حاسة فينا عمبالهم مثل الأول انزين اذا فيك خير شغلني، سعادني بدل لتفلسف علينا أنت "عيار" وأنت"جمبازي"، آخير شي منصير نفس السكارة في البارات من زود اليأس والاحباط ههههههه شر البلية ما يضحك.

حسبي الله ونعم الوكيل في من ضيع البلد
الموظفين الاجانب والوافدين عرب كانو لو اجانو
في الي يسون فري فيزا باستهتار
في يقلبون بطايقهم والي يعطيهم مجال للقلاب والي يتستر عليهم
حسبي الله ونعم الوكيل على كل شخص يشوف غلط ويسكت عنه
حسبي الله ونعم الوكيل في يكسرون حمامات ويخربون الحدايق ويبوقون ادواتها الصحية ومكيفاتها
حسبي الله ونعم الوكيل بالي يبوقون بالوزارة
لا احلل من ساهم في دمار وطني وشتت شعبي وفرق الام عن ولدها

بله حقيقة هذي الشركة فعلا موجودة وخلفها خلية تجارية بحتة والضحية هالموظف الفاشل المستهتر عديم الاحساس والمسؤلية حبه لنفسه اولا وأخيرا تبون تعرفون شنو اسمها الشركة (( شركة كل و دور )) خاص وسري .. ولا تعلم احد .. لا حد يطيح علينا .. والسبب كثرة الرشاوي .. وقلة عدد مفتشين .. ورقابة والواسطات .. والحين القانون الجديد مصيحنهم هالآوادم الي قلابة بطاقاتها على شركات ومحلات ومطاعم وغيرها .. الرجال يستلمون 100 دينار كل شهر بالاضافة تأمين ماشي له والبنات يعطونهم 50 دينا وتأمين ماشي ...
حسبي الله و ن ك

يا جماعة سووا ليكم مشاريع سووا ليكم مشاريع لا احد يقعد جدي العمر قاعد يمشي روح بادر انت عليك بس شيء واحد فقط تسويه: عليك بس تتخيل فكرة المشروع (يعني ويش تبغي تسوي) بشكل جدي ومعقول ومقبول حتى لو مو نفس مجال تخصصك بس انت خطط بجدية أو سو وياك مجموعة وشوفوا أفضل طريقة لمشروع واعد ورايح تنجحون 100% بإذن الله "وعلى نياتكم ترزقون" روحوا هية تمكين بساعدونكم حتى لو المشروع موجود وتساعدوا مع بعض ورايح تؤسسون مؤسستكم \\شركتكم الخاصة واذا كنتم متخصصين في(مجال)هذا بعد أقرب للنجاح والله الموفق
*العبد*

ياريت لو تخلون صفحة حق الوظائف الشاغره حق تساعون الشباب اتوقع احسن بواجد من هالموضوع

أول عبارة كل و دور ، الحين قلاب بطاقة
نفس الهدف حب الكسل

عبارة كل ودور يستخدمها العيايرة والجمبازية اللي يحبون الرباقةً والكسل ، والحين بدلوها بقلاب البطاقة لنفس الهدف وهو القعدة في البيت بدون شغل لكن الفرق أن قلاب البطاقة فيه شوية خردة وتأمين و ثغرات القوانين هي السبب في استفحال هذه المشكلة

الله يعين الجميع

الى زاير ١٤

هاي لهجة أهل البحرين ونفتخر فيها وكل شخص له الحق بالتكلم بلهجة ابائه وعلى الجميع الاحترام، تنين وإلا فنين كيفنا

حبيبي بكيفك في بيتك و قريتك لكن في مكان العمل أنت مقيد بنظم و قوانين وكل شيء محسوب عليك تعاملك و سلوكك ... الخ و اذا هذا اسلوبك لاتصيح تقول ماشغلوك

فعلن صعب الواحد يحصل وظيفه ... بس الواحد مهما كان عنده منشهادات ماينطر شي يناسبه .. يشتغب اي شي يبيع يوصل يحرك روحة الخبرة مو شرط نفس التخصص و قليل الي يشتغل نفس تخصصه و ان شاءالله التوفيق من ربع العالمين ... ننقهر نجوف تمكين متروسه كورسات وكلهم هنود الي يدرسون و البحرينيين في بيوتهم ينطرون الوظيفه

الدراسة بكل مستوياتها هي لأجل التحصيل العلمي ومن ثم تنتهي هذه المرحله ويبدأ الشخص بالعمل في أي شي إلى ان يكتب له الله الرزق للعمل في ما يريد
المشكلة اننا نجهل فلسفة العمل وهو ان تعمل في شي يرضي الله سبحانه بغض النظر ماهو العمل لكي تجني رزقك وتعيل به على نفسك واهلك وتؤدي حق الله سبحانه. ولكن بعض العاطلين يريد فقط العمل في تخصصه وهذا يسبب مشكلة كبيرة لان قد يكون لا تتوفر الوظيفه الا خلال خمس سنوات, وهكذا وجودك في البيت بدون عمل واهدار وقتك هو مخالفة للشرع!

إذا واحد متخرج طبيب تبيه يشتغل شنو مثلا سكيورتي والا يسوي سندويجات في كنتاكي؟ !! ههههههههههه

كل شخص يتخرج في باله ااحلام وامنيات
بيتوظف وظيفة تناسبه وبيكون حياته وبيستانس وبيحس بالرخاء ولا يحتاج لاحد
وبيقدر يتزوج ويفتح بيت ويواصل دراسة ويسافر
لما يشوف ان عمره قاعد يضيع سنين بدون وظيفة النفسية تتعب جدا
فالوضع صعب
ونصيحتي اشتغل باي شي وفي الحركة بركة
اهم شي ما تمون قاعدين

شركة كل ودور شركه عالميه (جعفر الخابوري

أقول لهم قال الله تعالى: (ألم تكن أرض الله واسعة فتهاجروا فيها) و (ومن يهاجر في سبيل الله يجد في الارض مراغما كثيرا وسعة)

خوش حل تبغينا نترك بلدنا

البنية المتزوجة بعد تهاجر !!!

اي اني متزوجه واشتغل في قطر الحمد لله وأجي كل أسبوع وش اسوي يعني

عبارة كل ودور يستخدمها العيايرة والجمبازية اللي يحبون الرباقةً والكسل ، والحين بدلوها بقلاب البطاقة لنفس الهدف وهو القعدة في البيت بدون شغل لكن الفرق أن قلاب البطاقة فيه شوية خردة وتأمين و ثغرات القوانين هي السبب في استفحال هذه المشكلة

قلة الشغل مو عذر للخيابة والسهر البطالي والنوم للظهاري
استغرب شلون هالفئة عايشة عالة عالمجتمع بدون هدف لايسعون ولا يطورون من نفسهم ولا يسوون شي مفيد في حياتهم
يطلعون من المدرسة من المرحلة الاعدادية او الثانوية ويقعدون علة على جبد اهاليهم
بعدين يصيحون مافي شغل زين ومافي رواتب زينة والنتيجة ياخذون مصروفهم من امهم وابوهم ويطحنون يبون يتزوجون!
الواحد اذا مالاقى شغل يسوي لروحه شغل ولا القعدة والتحلطم
بضاعة بمبلغ بسيط ويتاجر فيها
كشك ذرة وعصاير ونفيش
بيع خضار من السوق المركزي
وغيره

كثير من المواطنين عاطلين سواء حملة الشهادة الثانوية او الدبلوم او البكالوريوس او الماجستير وغيرهم
والكثير منهم يعمل في وظيفة اقل من مؤهله التعليمي او في غير تخصصه

مافي شغل عدل ولين انحصل يكرفونك كرفك يكرهونك في الشغل
او يطلع ليك مسؤل عربي او منك وفيك ويكرهونك حياتك

انا بصراحه من واحد يسالني ويش تشتغل اقول ليه سكورتي في البيت .
من كثر مافقدنا الامل بوضيفه في شركة كل ودور .

البطالة عجز للمجتمع , الله يلطف بهم.

هذا الكلام صح خصوصا العاطل الي تعب وماحصل شغل لين يقولون له الناس وين تشتغل يرد عليهم بهذا الكلام
على العموم هذي الشركة الي هي شركة كل ودور خلاص سكروها الحين في شركة ثانية اسمها برنوصكو والي يبغي
يروح يقدم فيها.... ههههههه

تخرجت وتميت سنه في البيت والله العالم بالحال شلون كان مزري جداً ، الوضع ابداً مو نكته او مزحه تنقال

ناس واجد تتخذ من هالعبارة تبرير لقعدتهم في البيت بلا اي شغل.صح ان التوظيف صعب والوظايف اغلبها مردودها قليل ومتعبة لكن هذا مو عذر حتى يوقف الادمي حياته ومايحاول يشتغل الين ما الله يفرجها.منك الحركة ومن الله البركة. اتركوا عنكم الربادة واشتغلو والله بيفرجها ويرزقكم الحلال.

الله كريم

هؤلاء الشباب لو كان لهم الحظوة في العمل مع الشرطة والشركات الوطنية الكبرى ، لما سمعنا عن شركة كل ودور التاريخية ما شاء الله صار لها سنين ومنين تستثمر في الشعب البحريني .

يشتغلون اي شي للين ما يحصلون شغلة عدلة حتى لو عندك شهادة

للاسف هذه الشركة حقيقيه وعريضة ايضا فالبحرين

المشكلة لما يجي ليك رجال طول عرض ما يبغي يشتغل لأنه ما يحب يتقيد بالوظائف و زوجته هي اللي تشتغل و تصرف على البيت و الجهال و المدارس الخاصة و فوق هذا كله يصيح ان زوجته مو عاطتنه كل احتياجاته و محتاج زوجة ثانية ... هالنماذج كثرت في المجتمع

المره تتطلق وترميه احسن حقها وتخلي اولاده عنده بعد

صح لسانك

زائر 16
صديقتي جدي يشتغل موظف بالكهرباء فنش وقعد على ظهرها
لو منها طلقته صار ليه أكثر من 14 سنه

اصلا طلعت ليها هالشركة منافسين واجد واهمهم موسد كمبني وبرنصكو

صباح الخير يابحرين.
انا عندي ولد خال كل مره يشتغل شهر شهرين ويفنش.وكل ما اساله ليش فنشت قال الراتب ضعيف.انا ابي شغله راتبها فوق ال500 دينار واشتغل بس ساعتين وامشي.والقهر ماعنده شهاده اعدادي ويبي شغل ب 500 لا وساعتين دوام..احمد ربك في ناس مو لاقيه شغل

انا جامعي و اكو مو لاقي وظيفه صار لي سنتين .. اظاهر ماكو غير هاي الشركه العريقه اتوظف فيها حتى اشعار اخر

هذه الشركه مديرها من ذوي الأطباق الطائره و اعضاء مجلس ادارتها هم من نفس النوعيه و لبهم وظائف و مناصب كبيره فيها و محتكرين التوظيف عليهم فقط

شركة كل اودور
من الشركات القديمة اتراويك كيف كانة المواطن يعاني من قلة الوظائف من بعد مايشوفون النور

بلا نصيحة
على الحكومة توفير عمل للمواطن بدل تجنيس الاجنبي وتوظيفة
خلاص يعني الى متى حرام عليكم

أكيد مدير الشركه واحد من إلي على راسه عش بلابيل ابيض و كبير

للعلم هاذي الشركة موجودة في البحرين بس او ماليها أفروع في أي دولة.

حقيقة لان المواطن ممنوع من حقه حقوق المواطن الاصيل اخذها الدخيل والاجانب فصار المواطن عاطل والمواطن محرم ومتعب
المواطن اذا اشتغل يكون عمله في القطاع الخاص اما المواطن الدخيل في يعمل في القطاع الحكومي وشتان بين العمل في الخاص والحكومة

حقيقة. اعرف شخصين يعيشون هالحالة و صايرين يسهرون بالليل و ينامون الصبح. حياتهم مسلسلات و افلام و لا يسوون حتى رياضة. و حلمهم six packs بالبطن. مع وقت فراغتهم فهم لا يبحثون عن العمل و يفضلون البقاء هكذا بلا عمل و لا مشغلة.

اني عندي
اللي يبغي يشتغل يشتغل
والله ماشاء الله ناس يخلطون جبن ابيض ويبيعونه على الانستغرام وشغلهم ماشي احسن من الحكومه