مانجوف لا العلاوة ولانضوق اللحم .. العلاوة تنزل للزوج بس مو شرط يصرفهه على الاهل ... اهيه تنزل في مخباه و الزوجة اهيه الي تصرف و تشتري اللحم

اكيد لااااااا ما تغطي

لو اكلت العشب و شبعت لما احتجت لمذله اللحم

خلها تنزل اول بعدين اسأل ؟؟

ماشاء الله تشتري ذبايح والباقي تتصدق فيه الحمد لله والشكر كفاية مذلة لهذا الشعب الطيب

احنا ما نستلم و لا فلس ، الله الغني

الدعم مو لقيمة اللحم كله، الدعم للزيادة الي صارت، يعني كان بدينار صار دينارين وشوي تخلي مبلغ الدعم محل للزيادة، بس المشكلة مافي احد يفهمكم......

شعب طماع لو عطيتوهم 1000 دينار للحم يقولون ماتكفي : مافي بلاد مثل البحرين حتى اللحم تدعمه

إيييييييه وتزيد بعد...إحنا العام الماضي سافرنا بباقي افلوس الدعم ماشاء الله ما اتخلص!

لا تكفي وخاصة إذا كانت تصرف للفئة العمرية المتقدمة في السن واللي يتجمع عندهم أسبوعيا الاولاد والأحفاد والأقارب ماشاء الله يجهزون على فلوس العلاوة مع منتصف الشهر.

المفروض الحكومة تزيد علاوة المواصلات لموظفي الحكومة بنسبة ٦٠٪‏
بمثل زيادتها لأسعار البنزين

وليش بس تبي موظفين الحكومة يحصلون %60 زيادة بدل مواصلات على رأسهم ريشة ويازين شغلهم الي كل شاردين قبل الدوام ويعطلون معاملات الناس إذا كان فيه أحد يستحق فهم القطاع الخاص الي الاقتصاد يبنى على أكتافهم

مو من وظيفة الحكومة دفع رواتب أو علاوات القطاع الخاص.

بس موظفين الحكومة!!!!!!؟

صار لنا سنه ما اكلنا اللحم وشفنه اللحم ولا دخل البيت المستفيد الاول اللي تنزل له في الحساب انصحكم في دراسة الموضوع

الي راتبه ٢٥٠ دينار صعبة

مستحييييييل

400 و600 تفاجأت 2 شاورما ب1200 فلس صحيح محد طقني على يدي عشان آآكل شورما لكن السوق مفتوحة للناس وما يتناسب ودخلها .. نتمنى اعادة النظر في الدعم ليستمتع الجميع باللحم والعظم والشحم .

لو مايتناسب جان المحل خسر وصك وطلع من السوق لكن طالما موجود معناها في زبائن كافيين

الحمدلله تكفي عندنا لان احنا ماناكل لحم وايد في البيت مانحب اللحم
اذا غدانا مو سمج ماعليه طلب
ربي لك الحمد

لا تكفي للحم الذي نشتريه من القصاب خلال الثلاثة أشهر فضلاً عن اللحم الذي نشتريه من المطاعم في العشيات

طبعا لا ولا الربع الذي يصرف في الشهر الواحد..

صار الينا شهور ما نآكل لحم و لا نشوفه بعد

متا بيعطونا علاوة البترول شان تكفي اشوي

مال اللبن للبن ومال الماي للماي

العلاوة تكفي حق تاكل لحم مرة بالأسبوع.
أسرتنا مكونة من 7 أشخاص, نستلم 78 دينار كل 3 شهور, بمعدل كيلوين في الأسبوع, يعني نصرف 20-25 دينار شهريا, يعني 60-75 دينار كل 3 شهور.
الحمدلله على كل حال.

لاااااا ما يكفي ،، واعتقد اللحم ما زال مدعووووم بس بسعر مغاير وكلها لعبه

استغفر الله .. علاوة اللحم صار المواطن يصرفها في امور ثانيه عشان يستر على نفسه ويستر على عياله من الفقر الي عايش فيه .. يعني يقول لك ما ابي اتغدى واتعشى لحم ابي بس استر على نفسي وعيالي مو هالمصاريف الي تطلع من كل مكان على رب الاسره

في احد نزلت ليه علاوة اللحم اليوم ؟؟

الشاورما 400 فلس كم مرة بتكفي هل علاوة ؟ ؟ ،

الشاورما من زمان يسوونها بلحم غير مدعوم وماتأثر سعرها برفع الدعم

أصلاً محد يخصص مبلغ العلاوة عشان يشتري لحم
هي تكفي حق اللي يشتري في الشهر مرة مرتين والباقي يخشه أو يصرفه في شيء ثاني

ولد زويد
أيه تكفي وتزيد بعد ومن كثر ما تزيد قمت اتبرع في الي يفضل هههههههههههههههه
هي خلها تنزل أول للحين ما شفنا شي
الله لا يقير علينا هههههههههههههههه

انا عائلتي مكونة من اربعة افراد واستلم كل 3 اشهر 40 دينار واشتري لي نصف ذبيحة عشرين كيلو وتكفيني لمدة ثلاثة اشهر يعني اللحم يطلع لي ببلاش

انا ولد قصاب نص ذبيحة عشرين كليو .. هذا ديناصور الله اسلمك .. مو ذبيحة ... نص ذبيحة اليوم ٨ الى ١١ كليو توصلو قيمة الكليو ٢.٥ يعني ٢٧ دينار تقريبا .. و اقول بلاش !!! عجبي في الطبخة الوحدة اتسوي ربع كليو لمدة ٣ اشهر !!!!

كأنها شلخة...معليش...بنطوفها لك....بس لا تعيدها

احنا مانزلت لنا هالمرة من انراجع ......

احنا تعودنا تنزل لنا هذة العلاوة مثل غيرنا لكن هذا الشهر تم قطعها عنا بدون مبرر ولا ندري عن كم من المواطنين تم قطعها عنهم الله الغني عن هذي المذلة .....

لا اتبطون جبدي هالمرة الى ألحين ما نزلوها !! ورمضان جاي - ومن اشوي رحت سوق اللحم اشتريت من بقايا المعاش - وهدانا احاتي .. بعد ويش أسوي ؟!!

الحمد الله كل 3 شهور يعني نشتري لحم ونتغدى ابه اربع مرات على فترة 4 اسابيع وخلاص ننتظر 3 شهور ثانية حق ناكل لحم

ليش نقدر ناكل لحم ????????

تكفي طل.خل تنزل اول ههههههه

لا والف لا لا

لا تكفي

المستفيد منها الجدد .. طبعاً تكفي لسنه كامله والفضيل نتصدق اببببببببببه

لا طبعا لاتكفي
ولبها للعشاء وجان وجبة غذاء مره في الشهر
أفواه وأرانب

السؤال خطأ
التصحيح هل تغطي علاوة اللحوم مبلغ الدعم الموقوف عن اللحوم المدعومة ؟

تكفي شهر فقط

لا ماتكفي شئ ????

رداً على الزائر رقم 8 الظاهر عندك وايد فلوس !!!!!!!!!!!!!

الشخص عنده يعتمد طريقة الاسلوب الساخر - اي المفارقة ( حق تفهم عدل يعني يقصد العكس ) بس انت اسلوبك سلبي و كئيب

خلها هي تنزل عشان تغطي..... احنا لحم ماناكل ولدياج ندور الرخيص

يعني بكرا اسوون لنا بطاقة تموينية أحسن لنا
طيب بدل كل ذي زيدو رواتب الناس والي ما يشتغل شغلوه أو عطوه مخصصات إعاشة وبطالة مثل الأودام وعلى فكرة ما راح تعطوه من جيبكم ترا كل افلوس الدولة من ريع النفط ولا اهي منه من أحد على أحد وكلها افلوسنا في النهاية

بكل صراحه ماتغطي بنسبه لي انا استخدمها حق اكل طيوري و افرح روحي وأعمل مفاجأة حق السياره كل 3 شهور و اصب فول بترول وكان الله غفور رحيم.

تغطي الريش..

لا تغطي بل علينا رادي !

حق ليلة إجازة فقط سندويتشات شاورما ملغوم حق يجبد عليك ليه الصبح وجم عصير أفاكودو بعد نفس الشي يجبد عليك ليه الصبح !! ونرد ننطر ليه الوره إللي بعدها !! وهلم ما جرى ..

لا قيمة لها تذكر

تكفي فقط 6 ايام

اعتقد العلاوة موضوعة كمقياس للحد الادنى للفقراء لتناول اللحم
وليس لحد الكفاية.
وعلى قياس الحد الادنى اعتقد من وجهة نظر شخصيةهي تتناسب كمقياس في صرفها لمن هم يعيشون تحت خط الفقر .
اما نحن في دول نفطية لا ينبغي ابدا ان تصرف لنا على هذا الاعتبار.
اصبح صرفها لنا امام اخواننا من مجلس التعاون موضع تندر ونكتة.وزاد بذلك الهم في القلوب.
اولا قليلة
وثانيا وضعتنا في خانة التهكم.
والله المستعان.

لا ....
والحكومة بهذه العلاوة تضحك على الشعب

اذا بنتكلم عن اللحم مو معناته بس اللحم المذبوح بالكيلو..
عدكم الهمبرقر واللحم المفروم والكفتة والكباب وغيرها من اللحوم..
كل هاللحوم تستهلك في كل البيوت .. ولا تكفيهم بالطبع.

على قولة المثل ريحتة ولا عدمة تشمم الله يعين

تكفى اسبوع فقط

علاوة هزيلة لا تغطي شيء

خلها تنزل بعد نشوف تكفي لو لا يعطونا مرة ويخطرونه مرة مايندرى شسالفه

صراحه انا استخدمه حق مصاريف الكهرباء

متقاعد
نعم تكفي و الحمدلله رب العالمين

لالالالالا مااتكفي ولا اتوفي

بسكم عاد من الكذب وينه تكفي اني وزوجي يعطونه خمسة وعشرون دينار ونص ناخذ عشرة كيلو إلى شهر واحد الله لينا

قولوا الحمدلله تبون كل يوم لحم ؟ في دول صناعية كبرى اسعار اللحم مقاربة للبحرين وبلا دعم ولا معاشات مقبوله حتى ! الانسان طماع

اسمه دعم وماحد قال ليكم اللحم مجان من الحكومه. ١٠ كيلو قيمتهم ٢٥ دينار اذا الكيلو دينارين ونص. يعني مستلمه اللحم مجانا من الحكومة.

صيري نباتيه مو لازم لحم

صراحة وايد الي ينزلونه لان اللحم يخيس كل مرة في ثلاجة المفروض ينقصون المبلغ وايد هاي هدر !!!!!

لا..

لا تكفي

اربع مرات تاكل شوارما مع العائلة خلصت العلاوة

هي لا تغطي لكن ساعدتنا على خفض الكوليسترول والدهون الضارة

لاتغطي

خلها تنزل بالأول بعدين بنجاوب ،، وبالطبع لااااا شنو 15 دينار شهريا ل4 أشخاص حتى االله يعز السامع ياكلون ب أكثر من 15 دينار في الشهر

لا تكفي