أغلب شعب البحرين مع تنسيق المرور و لكننا ضد الترصد لناس من اجل اخذ اموالهم من دون توجيه . بصراحة القانون الجديد يزيد الزحمة على الاشارات . يعني المفروض الانسان يطوف الاشارة قبل ما تصير حمرة لكن مع القانون الجديد و السرعة المحددة 50 . تخلي الناس تجوف الاشارة تصير من خضرة الى حمرة و هو يمشي 50 يعني الزحمة زيادة

الفيديوهات المعروضة في الخبر ترى سائق متهور يقطع الإشارة ويشكل خطر على الناس بينما القانون الجديد يضر الناس حتى الملتزمين بالقوانين المرورية والمتعودين على نظام معين وهذه خديعة ومغالطة وخلط للأوراق .

في واحد راد على جميع التعليقات اللي ضد المرور!!
عفية عليك يمه..تابع تابع
حلل معاشك

عفيا على اداره المرور بفرض هاي الغرامات على الناس المستهترين و المخالفين لان في اوادم ما تفهم بالنصيحه و التوعيه الراقيه ان الواجب عليها الالتزام بقوانين المرور و عدم المخالفه بس بجدي لما تفرض عليهم المخالفات وزالغرامات و يحرقه جيبه و هو يدفع للمرور مره مرتين ثلاث راح يفهم بالاخير ان السياقه فن و ذوق و اخلاق و ان البلد فيها قانون واجب عليه يلتزم فيه و بحترمه

حطو اشارات رقميه حالكم حال دول الخليج

و لو ما حطوا اشارات رقميه المستهتر ما يعرف ان الاشاره الحمره لازم يحترمها و يوقف حاله مثل حال خلق الله و ان مو احسن منهم عشان يتعنتر و يقطعها

شكلك مو عايش الوضع
في بعض الأحيان تقطع الإشارة خضراء و تتعدا امتار و تصير حمراء و تصورك ؛ في الساعات الرقمية تعطيك الوقت المتبقي

يلي بيخالف بيخالفونه
سرعه زايده حادث إصابات
قبل أسبوعين تقريبا شخص جاي بسرعه ١٢٠ من جهة السيف و قاطع إشاره حمراء بعد ما كانت مطفية بتقريبا ١٠ ثواني
استهتار

نطالب ادارة المرور بوضع كاميرات سرعه و مراقبه في الشارع الواقع بين اشارات قريه كرزكان و دوار 12 مدية حمد لكثره الشباب المستهترين بأرواح الناس على هاي الشارع

و الله الي يمشي عدل لحد بيخالفه و يخرف فلوسه

و الله زين ما تسوي اداره المرور خلها تقصب المخالفين الي ما تهمهم ارواح الناس و الي يقول عنده فلوس زايده مو محتاجنها عنده روحه يمشي و يخالف و المرور ما بتقصر تشفط فلوسه بس لا يقعد يصيح و يتبجبج علينا .. و دمتم سالمين

زين إذا كان الهدف توعية الناس بالسلامة والقانون ومو الهدف أخذ فلوس ليش ناشرين سيارات بيضاء تتصيد مخالفات على الناس؟ افرضوا هيبة القانون بسياراتكم الرسمية المعروفة لتوعية الناس مو التصيّد عليهم!

تطلع من هايوي السيف وتدخل جهة فندق الكارلتون تتغير السرعة من 100 الى 50 بقدرة قادر .. والكيمرا عند سيتي بنك لخ تصوير

اي والله صدقت لازم ترفع الهند وتوقف , مليون مرة صادتني توني موتعي

الانسان العاقل ماتصيده كيمراتكم انما تضبط الجهلاء الي يمشون علي البركه

يعني قصدك اي شخص صادته الكاميرا يعتبر في نظرك جاهل؟هل هذا منطق برأيك؟

كأنه فخ
الواحد يسرع حق لا تبند عليه الاشارة...

عدل كلامك ..
إحنا ما نصدق تصير الإشارة خضرا تعالوا خففوا .. والله حالة .. ويجيك المرور عن حسب بيضبط الإشارة الضوئية ويأخرنا زود ... كل إشارة يبغى لنا لحاف ومخدة حتى ننام عندها ..

محد قالك خفف دام عندك فلوس تدفع المخالفات

خلو عدادات على الإشارات وبلا فلسفه على الناس

هههههه ..
ما يبغون يحطون عدادات رقمية ..
عجل شلون ياخذون غرامة ؟؟؟

الي يمشي مثل خلق الله و محد بيتفلسف عليه !؟؟

الاشارة خضرا قدامك
وانت تمشي وماقدامك سياره
وراك سيارة
سرعة الشارع ٥٠
وانت قريب من الاشاره وتبي تطوف
السؤال عقب هالقصه ( بتركز ويا عداد السرعه لو ويا الاشاره لو ويا السيارات وراك )؟

هذه أكبر مصيبة ، هذا التخبط يسبب ارباك للسائق وتزيد نسبة الحوادث بدل تقليلها

أنا أقول .. إذا الناس التزمت بكل قوانين المرور في الشارع راح تغلظ القوانين في مكان آخر

أأمر بالمستطاع حتى تطاع ...
بعض قوانين المخالفات المرورية مو منطقية .. عجل زيادة عداد السرعة درجة وحدة تدفعك مخالفة 100 دينار ؟؟

و ليش ما تدفع ؟؟ دام مخالف تدفع ؟؟!! و اذا تحس الغرامه وايد امش نفس الاوادم و محد بيخالفك

يا حبيبي قيمة الغرامه على وضع رواتب الناس واجد