معاناة المرأة من هو المسؤل عن حال الزوجة التي وصلت الى هذا المستوى ؟؟
تعمل في النهار كموظفة ثم تعود الى المنزل وتستلم الوظيفة الأخرى واي وظيفة ؟؟!! مربية ،، مدرسة ،، سائق ،، مديرة منزل ،، طباخ وكل ما يتعلق بشؤن المنزل ،، وايضاً عليها ان تمارس الوظيفة الأساسية وهي " الزوجة " كل هذا والزوج ما عليه الا الأكل والأوامر والممارسة وكأنه اشترى جارية لا زوجة ..

دام الشرع مو جابر الزوجة تطبخ سدو حلوقكم وفكونه للاسف اغلب الازواج لا اخلاق ولا احساس ولا ضمير يبي بس يترس دبته مالت بس

احب اطبخ واتفنن وكله يعتمد على المزاج والنفس
بس زوجي ما يحب الطبخ في البيت ونظام حياتنا للاسف ما يساعد
فاكلنا من برى بشكل يومي ودائم

صراحه هذي مو عيارة الزوج ما يحس الا في نفسه مسكينه الزوجه تعمل ليل ونهار مو حرام اذا ما.طبخت عندها مسؤوليات الاولاد وتعليمهم ومسؤوليه المنزل تعمل ليل ونهار فيه او هو جالس عن الكرسي ويطالع التلفزيون شلون ما تتعب الزوجه صراحه هي مو مكينه تدول للتنظيف او للابناء او لزوجها او للطباخ كل واحد ما يحس الا بوجعته وثاني شي الشيوخ يقولون ان مو اجباري الزوجه تطبخ لزوجها او ابناءها على الزوج هو اللي يطعمهم ومالت على اي رجال يقول عيارة ????????????

عزفت بعض النساء عن الطبخ لما عزف الرجل عن مسؤولياته المنزلية من تصليح وتغيير لمبات وغيره ...
لو ما يبين في عيونكم غير هالموة المنطحنة من الخدمة داخل وبرة البيت؟ مع التربية والمذاكرة ، أضف الى ذلك انها مطالبة بحسن التبعل!! يعني لازم تكون مرتاحة نفسياً وجسمياً وعلى سنقة عشرة!
ساحرة؟ لو امرأة حديدية؟؟؟

للزوجة العاملة، المفروض مسؤوليات البيت والأولاد متقاسمة بين الزوجين، بس اذا الزوج حده شغله وما يحط ايده الا ماندر الزوجة بعد مو مكينة ولا رجل آلي، واخرتها تهلك ويحل عليها المرض

اذا كانت تعمل معذوره ..اذا كانت لاتعمل فهذه عياره ورباده وكسل

لا وقت للطبخ، استيقظ م الفجر لتجهيز الفطور وحقائب الطعام لأطفالي ومن ثم أنطلق للعمل وعند رجوعي تستقبلني حقائب أبنائي، عند انتهاءي منهم ابدأ مشوار الغسيل والتي والتظيف وتجهيز الملابس، عادة تغمض عيني وانا أقوم بكي الملابس

الحمد لله على نعمة التدبير باختصار شديد

عيارة وجمبزه ودعالة بالمختصر المفيييد

مسؤوليات العمل هي العائق

وهذا يعتمد على التفاهم بين الزوجين فأنا عن نفسي اطبخ في يوم واحد فقط في الأسبوع

عشرين سنه اخدم ما عندى احد يساعدنى اغسل اكوى واطبخ اشترى كل شئ من برا بروحى اوصل الاولاد وادرسهم ومااقصر فى واجباتى الزوجية الحين مللنى يبى يتزوج وهذا جزائي !

زائرة78 الحلوة المتجددة النشيطة:
ابتدي صفحة يديدة في حياتج/اهتمي بجسمج و صيري رشيقة..إكلي أكل صحي و مارسي رياضة وإن كانت خفيفة...غيري قصة شعرج..ولبسج..تغيري؟

زائرة78 :
التعاطف وياج ما ينفعج إلا دقايق!
جددي أيامج
تغيري للأحسن

زائرة 78 المثالية:
الرشاقة اهي الحل لإستعادة زوجج!

لانه طايح حظ

كثرة المسؤليات

أنا من هواة الطبخ وأجيد أكثر الطبخات البحرينية مال ضرب بخمس ، وطباخي لذيذ أحلى من طباخ ربة البيت

الحمدلله كلشي نسوي نطبخ نغسل انظف نكوي بعض الاحيان من المطاعم كتغيير ووقت الضرورة فقط

زوجتي تعمل وتطبخ الغذاء في الليل ليوم ثاني والشغاله تقوم بتسخينه قبل دخولنا البيت الحمد لله والشكر لله سبحانه وتعالى بانه اعطاني زوجه تستحق كل التقدير والاحترام

زين الحمد لله. . وجود الشغاله مسهل عليها .. في موظفات ما عندهم خدم و يرجعون لشغل البيت و تدريس الجهال متى يمديها بعد تطبخ فقيرة اكيد تحتاج راحة

اي اني چديه .. قبل كنت اطبخ و كان وضعي صعب .. ارجع من الشغل سيده المطبخ و عقب الواجبات و التنظيف و مشتريات ... اللحين صرت ما اطبخ ... يوم اللي اقدر اطبخ و اذا ما اقدر اشتري جاهز فصار وضعي أفضل خصوصا اني بلا شغالة و اولادي صغار في المدارس ... اللي تشتغل اكيد تفضل الجاهز بس اللي ما تشتغل ما عندها عذر

كل هذه السعادة لانك بتاكل غداء مال امس ؟
وبعد عندكم شغالة !

معناها ان زوجته ما تعتمد عالشغالة كليا .. و اكل امس حرام ؟
عالأقل اكل نظيف

زائر 77:
تعليقك...أحلى تعليق
تعليقك...ذبحني من الضحك

عياره وجمبزه
بنات هالزمن ياكلون ويشربون من المطاعم
حتى غسيل الثياب مايغسلون يودونهم الدوبي ههههه

خيابة وهذا الجيل معتمد نفسيا على المطاعم. . انا عن نفسي أساعد امي دائما في المطبخ وهذا ليس عيبا .. ويمكن لزوج تشجيع زوجته لطبخ ومساعدتها في ذلك.

كيف ستُقابِل بعضُ نِساء هذهِ الأمةِ ربها في يوم القيامةِ ، و هُن مقصرات عن واجِباتُهن الكُبرى و التي على رآسها حُسنَ التبعُل ، الا تعلم الزوجة ان حُسن التبعل كالجهاد في سبيل الله ، راجعوا ما قالوه المعصومين في حق الرجل على حليلتِه ، ارجوا ان يوضع تعليقي

عجل خل زوجتك تاخد هالحسنات
مستغنين عنها

صباحكم فل ياما طببخنا وتعبنا نرجع من الشغل تعابه ومطالبين بعد ندير امور المنزل من تربية وتنظيف وترتيب وسي السيد حاط رجل على رجل ويش استفدنا من هذا كله وبعد الوجه عابس لو شوي تغير طعم الاكل حتى كلمة تسلم الايادي مافي لكن الان بنطبق هذه القاعده مع وجود كثرة المطعام احنا لازم نريح واذا مو عاجب سي السيد يرد بيت ابوه ملفوف ومغلف وعليه شريطه حمره ووردة وتحياتي لكم جميعا يا معشر المعلقين

بنات الحين صعب جدا التفاهم معاهم فاضين للشراء والنزهة والمرح ما يبون يتحملون المشؤولية الزوجية حتى وهي ربة منزل اما المراه التى تعمل هي معذوره حتى لو قصرت في الواجبات المنزلية

خيااااابه مع وجود المايكرويف و دلفري المطاعم وعلى بالها سندريلا وناعمه وهي مسمار محلي معوووج مركب في لووووح

انا عن نفسي بعض الايام ام لعيال تطبخ من اليل لانها تداوم من ساعه ٧ وعندها مسئوليت تدريس الاولاد في هذا وقت اطلب من مطعم ومعدوره اهي الدوام وشغل التنظيف وتدريس الولاد والله يعطيهم العافية وماتقصر ام لعيال تستاهل تقدير والله.

وانتون يالرجال ليش ما تطبخون بس تبون المراة خدامة ليكم وبعدين ما ينعرف ليكم تبون وحدة تنظف وتطبخ وتمارسون الجنس واختاروا واحد لا تختارون كل شي لان المراة مو آلة بعدين تتعب وتنهار واني وحدة مااطبخ ولا انظف ولكن زوجي يحبني لاني اريحه جنسيا

زائرة39:
شلون تعيشين في مكان ما تنظفينه؟! ليش ما تنظفين نفسج والشقة اللي إنتي فيها؟! شنو هذا؟
عيب عليج....
اليوم جمعة...قومي هزي طولج و نظفي شقتج
والله شي مقرف اذا سمعت انه وحدة قاعده وماتنظف و تتفاخر بالقرف الثاني!!

عندي شغالة بابا

زائرة39 :
إنتي تتفاخرين إنج ما تنظفين...سمعيني عدل
الفيروس اللي يسبب سرطان عنق الرحم من أسباب الإصابة به... الحمامات غير النظيفة...يعني التواليت الغير النظيف اللي تستخدمينه إنتي في شقتج الغير النظيفة يمكن يسبب لج هالإصابة
أوكي..فهمتي؟

ليش اني الي انظف وزوجي وفر لي شغالة

لتصحيح الفايروس ممكن ينتقل عن طريق الزوج

لان دور المرأة في المجتمع اختلف سابقا كان شغلها مقتصر على البيت اما حاليا فالمرأة مدرسة وطبيبة وموظفة فزادت مسؤولياتها بينما الرجل قلت مسؤولياته

بصراحة بنات الحين ... لا يغرونكم اشكالهم واناقتهم حدهم فالصو لا يطبخون ولا شي فالحين في المكياج والمجمعات ولتشري بس والله قهر ماشفت أمي جذي

حتى المكياج ما فلحوا فيه
كل مره تزف في الفليبينو و الهندو. .. يا بنت الناس دام شكلج جدي ليش تلزمين عليهم يقلبونه؟ طيب ما جربتي مره بحياتج تمكيجين روحش، على الاقل ما احد بينزف

بلا هرار المكياج اشطر من العرب مافي لا الهنديات ولا الفلبينيات ولا التايلنديات يعرفون يحطون

الحين تبي البنات هالوقت نفس قبل!!
هلو اصحى امك من الزمن القديم والبنات من الزمن شي طبيعي ف اختلاف
لكل زمان ليه جيل غير ثاني
تبون ترجعون نفس زمن القديم
حتى هذا الهاتف الا تستخدمه مال جيل الحين !!

كثرة المطاعم والكفتيريات لها دور في ذلك والناس تحب اليوم الراحة أمراه كانت او رجل لاخلاف .

من اتزوجنا لحد الحين انا اطبخ ولازم اطبخ وحاليا حصلت لي عمل مؤقت بعد لازم اطبخ والله ينفخ الوجه

الا بياره وعياره وتقصير وابتعاد عن واجبها تجاه بيتها وزوجها .. الرجل يفرح وما تشيلة الدنيا لو سوت له ام عياله بيض وطماط تكبر في عيونة لكن شنقول مسلسلات ومكياج وهياته مع ربعها وتسوق لا والمصيبة لو تسوق سيارة عاد كملت وين تصيدها ودش عليك البيت ماتم شي ما شرته جنها حمالة الحطب وتصارخ كماريه حولي لغراض من السيارة كمارية شسويتي غدا وترد عليها ماما مافيه ودام اليوم ،،،وكل يوم اكل من المطعم هذي احد يسميها مره امحق مره.....

متعاقد معاها من ايام خطوبتنا مو شرط ادخل والأكل يستقبلني

واتس اب انستغرام سناب هيامه نوم وطول الوقت تسمع اغاني وصلاه مافي وفي الاخير تقول غير مطالبه شرعاً ان تطبخ او تعمل في المنزل ههههههههه نفس عيد الام. من يجي كل واحد سو روحه بار بامه ومن يخلص تصوير الكيكه والهديه. مايشوفها اله بعد ثلاثة شهور يالله الحين زمن العجايب

أتفق معك تماما.. زمن العجايب.. فاهمين التطور خطأ.. قمة التخلف.

وله مرة زوجتي طبخت من 20 سنة الى الآن .. دائما انا اله اطبخ من اول ما اتزوجنا .. كل الأشغال انا اله اسويها .. حتى في بعض الأحيان تمد ايدها عليي وقت اله نتهاوش بالكلام .. تعطيني كف على خدي.. لكن اظل احبها من 20 سنة واحنا على هال الحال

امباااااااااع امباااااع

متلازمة ستوكهولم. Stockholm Syndrome لما يحب الضحية الي يظلمه.

بللل الى هذة الدرجة عاد والله ما اقول الا مالت على البمبرة......هههههه

مو صدق ... هذا مؤلف قصة للإثارة . مو عيب الواحد يساعد في البيت و يطلع فنه في الطبخ احيانا لكن يُضرب و يُهان هذه كبيرة لا يقبلها الا الناقص

عياره
ودائما حجتهم شرعاً غير مطالبه او ملتهيه في التلفون. الحياه الزوجيه تعاون واحترام بين الطرفين بس كل واحد يقوم بدوره اذا الزوجه تشتغل وتساعد الزوج بجب على الزوج ان يراعي تعبها بس اذا قاعده في البيت وكله في هالتلفون وطلعات اهني المشكله

انا زوجتي تشتغل وتهتم في عيالي. ما أفرض عليها تطبخ عشان تربي العيال، مع أن طباخها روعة.

#

نسوان الحين، ، لا عيارة ولا كثرة مسئوليات كما تدعي ،، بل ما تعرف تطبخ تماما ولا تعرف حتى تسوي (بيض عيون ) !!!

ليش قاعد وي الكل
اصابعك يدك مو سوى!!

زائر

راحو الاوليين في منهم اللحين قليل جدا من الاجيال الجديدة ، اما البقية فنسئل الله لهم الهداية والرجوع الى العادات والتقاليد التي تربو عليها من زمن ابائهم واجدادهم ، حبذا يتم تغير كلمة (عيارة الى خيابة ) لان كلمة عيارة تطلق على الرجل بحسب علمي .

ارجع عيش مثل الزمن القديم بعد ولا تستخدم التكنولوجيا

اي راحو
قط تلفونك بعد لان مال هالزمن الحين
ارجع للزمن القديم يمكن ترتاح

ليش ما ننظر لها من زاويه ثانيه ليش ما نقول قلة اهتمام الزوج خلها تنفر من الطبخ لما هي تتعب نفسها. تطبخ يا يتحلطم ع الاكل يا ما يعجبه يا ياكل وهو ساكت حتى يعطيج العافيه ما يقول

4

زائره 4 = مخش يبقي له غسيل من الزين ومن ثم إعادة تأهيله مره ثانيه لأنه مقفل حده وما فيه ذرة عقل !

مافي عيارين قد الرجال خصوصا اللي يعتمد على زوجته في راتبها

المسؤليات زادت اقلها دراسه الابناء لم تعد كالسابق كل مدرس يطلب كذا مشروع والدراسه صعبه وممله والي عندها اكثر من شخص بتدرسه وفوق كل هذا هاي مو من واجباتها الشرعيه انها تطبخ بالعكس واجب على الزوج. توفير الطعام لها فهي زوجتهر
وليست خادمته

امركم غريب يالرجال .. اذا يبي يخطب لازم يخطب ليه وحدة تشتغل علشان تصرف عليه .. وفي نفس الوقت تقوم باعمال البيت .. ترى هي مومكينة

اي يبغيها تشتغل أهم نقطه
زوجي ما يبغي إلا براتب
أقوله تعبت بستقيل
قال روحي بيت امش

فيه ناس عيارة لازم الرجال يأكل من ايد زوجته حتى لو ظروفها ماتسمح دائما على الأقل أحيانا اني زوجة ولدي ابدا حتى بيضة ماتطبخ ليه اذا اشتهى يوم الجمعة أو السبت بروحه يسوي ليهم فول أو بيض وهي نايمة تجلس من نومها الفطور جاهز

شرعا هي ليست مطالبة بذلك،،، على الزوج أن يفهم انه ليس من واجبات الزوجة الطبخ والكنس وما شابهها، نعم هي تقوم بهذه الاعمال تفضلا وتكرما،، والزوج هو المطالب بأن يوفر للزوجة والأولاد هذه الامر، اما بنفسه أو بتوفير عامل او عاملة للخدمة،،،

كلام صحيح .. وعلى الزوجة ان تفهم أيضا ان الشرع حلل اربع .. ف ما لها حق تعترض اذا جاب الثانية والثالثة والرابعة

للاسف هاي بس الي يعرفونه الرجال من الشرع ، ويامه نساء تطبخ وتنفخ ما لذ وطاب وهم يتزوج عليها ع الاقل يتزوج وهي ما تطبخ ليه احسن من تتعب نفسها بشي هي مو مطالبه فيه شرعا وتالي يتزوج عليها

انت اعرف الواجبات والحقوق الا لك والا عليك
بعدين تعال تكلم عن شرع حلل اربع هذا الا عارفينه شرع حلل اربع وبقيه الآيه نسيتوها

منو قال ليك بنعترض
الشرع حلل ليك أربع
وحلا تصرف عليهم
يعني مو اني اشتغل تبغيني اصرف على الجهال

فعلا المرأة غير ملزمة بالطبخ والزوج له الحق في الزواج على 4 ولكن ليس المنتف واللي زوجته عليها قروض البيت والسيارة

حلالك الزواج
وحلال انك تصرف على الأربع باولادهم
حافي ومنتف وبتعرس بعد تصرف

...ويش أسوي في حرمه مقعده في البيت لا تشتغل و لا تسوي شئ اترك عنك ها لهرار احنا ما شفنا امهاتنا قاعدين يأكلون و ينامون__ ...

كانت أمي رحمها الله تنظف البيت و تحلب البقر من الصبح و تغسل الثياب و المواعين في العين و تجيب الماي على راسها للشرب و تسبحنا و تنظفنا و تلبسنا و تقوم بكل واجباتها ما سمعنا ها الححي الى لما اختربت الدنياء و زاد لطيوع و لتزمت و طغت اللحيه على الوجوه و صارت سوده

بعض الفقهاء يقول بأن عمل الزوجة يتضمنه العقد بشكل ضمني بمعنى أني وكذلك المجتمع يرى بأن عمل البيت واجب على الزوجة
نعم عمل البيت يتضمنه عقد الزواج بشكل ضمني على الزوجه . كل مرأة لاتريد العمل بالبيت ينبغي عليها الإشتراط مسبقا حال العقد

شوف الزحمة عند محلات الكرك راح تعرف الى اين وصلنا الى الاسف

لسبب تراكم الوتس اب والانستغرام والباقي ابتعدت الزوجة عن المطبخ

مادام الزوج يبغي وحدة تشتغل لازم يشاركها في اعمال البيت مو بس مصلحة افلوس هي مو مكينة ضغط العمل خارج البيت وداخل البيت كفاية ضغط زحمة الشوارع ومخالفات المرور.

راحت نساءٍ همها في عيشتها.. وجتنا نساءٍ همها في كشتتها

وراحت رجال ترفع الدروازة وجتنا رجال المطنزة والعازة

عجبتني اختي في ردك صح لسانك اني زوجي اطبخ ليه واغسل ثيابه وأربى الاولاد كل هذا مايتذكره حتى دينار مايعطيني مصروف لكن الحين يوم تركته وعشت مع ولدي حس بالوحدة والتعب وجاب ليه شغالة يدفع ليها راتب

الاول تحول. مافيه. ع نسوان لول اجيب درزن جهال وتقوم باعمال البيت كامل. الحين فالحين فيه لتعدل ولهياته جيب واحد تتعب لا تتطبخ كله. تعبانه

والله تضحكون تطنزون على نسوان اول انهم ما يتعدلون والحين تطنزون على بناتهم لانهم ما يطبخون وما ينعرف ليكم ما تبون الا مصلحتكم وانانيتكم يا رجال همكم المراكض ورا النسوان بس من وحدة لوحدة قال شو تغيير يبي يغير واحنا بعد نغيركم مو بس انتون وتصدق اني اتملل اذا أقابل بس وجه رجال واحد

عفيه عليش
41
يبغون يعرسون ومايصرفون
هل كيف

أمي تطبخ صفاري كبار
الحين روح دور جان حصلت بنت تعرف تفتح الصفرية الكبيرة مو تطبخ اللي فيها بعد
هالزمن النسوان معتمدين على الاجانب سواء الرجال أو النساء الجميع خايبن

يا جماعة الرجال صاروا اتكاليييين ... ويبون الزوجة تعطيهم مهر وقلبوا الاية
\nانا ارملة وموظفة ف الصحة واربي ابني اليتيم تخيلوا يتقدم رجل يبي يسلط ع فلوسه لا ويبيني اعطيه المهر !!!!رجال مهزلة واخر زمن
\n
\nبتتزوج امرأة او بتبوق بنك يا اتكالي يا حرامي