والمعلمه تصور وشوفوا ام فلان وام فلانه وتقوم ام فلان-ه تبي تصير احسن من ام علان|ه وتستمر الحياة

الطفل اذا حب يهدي معلمته بيكتب لها بطاقة او بيقطف لها وردة .. مشمومة .. رازقية .. هذي هدايانا واحنا صغار .. الطفل بيتعلم المادية اذا عطيتوه هدية ثمينة .. خلوه يعبر من قلب وابداع. المعلم قريب من الطفل اكيد راح تتكون مشاعر بينهم. مو نفس موظف الوزارة العادي . مافي مقارنة .. لكن خلوا الهدية بسيطة رمزية ومعنوية

المعلم له كل الشكر و الاحترام . وصاحبات القروب اغلبهم اللي يقترحون هذا الاقتراح لغاية بنفسهم وهذا اللي حصل لقروب المدرسة قامت جمعت الفلوس وتكتب اسامينا علشان تحرج وتضغط على اللي مايقدر و تسوي نفسها قلبها عليهم (خواتي اللي ماتقدر تكلمني خاص!)اساساً انتي ليش تنشرين عالعام اسامي اللي دفعوا و بعد كل هذا اخذت نص المبلغ واشترت كيكة 3كيلو من اختها تطبخ بالبيت بنص السعر اللي جمعته منا يعني نتفة الذهب ارخص من كيكة اختها وبس ثلاث اربع امهات اللي راحوا الحفلة. ان لم تستحي فأفعل ماشئت! هالبدع من سوسات البلا

كله من الامهات ذبحتهم الترزز لو حساب زوجها ماتدري هالبيزات طالعة من عقب تعب واهانة وشقى كلمة شكر او هدية بسيطة كرت او وردة كفاية ومايدافع عن الهدايا والذهب الا (بعض) المدرسين واکيد هم من فئة اللي حصلوا الذهب

يتبع../ الأمر لايستحق هذا التضخيم أبداً هي حرية شخصية ومن لايستطيع المساهمة لم يجبر على الدفع.. لاتحرقوا فرحة المعلمين والمعلمات بكلمة طيبة وهدية جميلة تمنحهم عطاءا وإنتاج أكثر..فما ذهب من الأكفاء الكثير ولم يبقى لنا إلا القليل دعوا الناس يقدرونهم بما يتناسب مع وضعهم وظروفهم ومن لم يقدر على المساهمة ليس من شيم المربي أن يقارن هذا دفع وذاك لا فهم أكبر من ذلك بكثير إلا ماندر.. تحية وإحترام لكل معلم يستحق ذلك.

صح لسانك

لم كل هذا التهجم بحق المعلم لم لايؤخذ الأمر بنوايا حسنة؟ بغض النظر عن المناسبة ألا يستحق المربي أن يقدر ويحترم أليس هو من يتعب طوال يومه ويجاهد لأجل أبنائنا؟ألا يصرف من ميزانته ولو بمقدار بسيط من أجلهم وتحفيزهم وتشجيعهم ببعض من الهدايا البسيطة؟ربما يوجد بعض منهم أو قلة قد تسيء التصرف مع الطلبة بعدم تقديرهم لما يقدمونه لهم ولكن هذا الأمر لايعمم أبداً على الجميع!ماضير لو قرروا الأهالي أن يقدروا المعلم بهدية طالما الشيء برضى ولي الأمر نفسه مادخل التربية بمنع تقدير يسعد المعلم فينجز ويعطي أكثر/ يتبع

يجب على الوزارة التحقيق مع المدارس المتجاوزة وخاصة ان الهدايا وزعت تحت علم واعين ادارات المدارس ومباركتهم

وماذا عن ماتدفعه المعلمه لشراء مستلزمات الأنشطة وهدايا وشهادات الطالبات المتفوقات؟؟؟

حرام شرعا .
من استلم الذهب من المدرسات فهو حرام شرعا ويجب التأكد بأنه كل اولياء امور الطلبه كانو دافعين المبالغ طوعا و ليس حياة . حرام من استلم الذهب من الفقراء بقصد ...... شكرا لمحرر الموضوع

طول عمرهم المعلمين يصرفون على الطلبة وانشطتهم من جيبهم الخاص

كله من وأولياء الامور لو كل وحدة ماودت او عطت المعلمه بس بطاقة شكر انجان ماصارت هالبدعه الي ماليها داعي كفاية طلباتهم حق البحوث وهالهرار

بصراحة الهدية و لو كانت بسيطة تخلي المعلمة تشعر انها مقدرة من قبل طالباتها و اتوقع ان المعلمة انسانة واعية و فاهمة و تعرف اذا كانت الهدية للتقدير او كرشوة .. بالنسبة ليي الهدايا اغلبها ورود و أكواب و حلاوة يعني سعر الهدية لا يتجاوز الدينارين .. صعب ترجعين الهدية على البنت عقب ما تعبت في شرائها ... أوصي البنات انهم ما يجيبون و ان نجاحهم هو احلى هدية بس مافي فايدة ... الاسبوع اللي راح بنت عطتني هدية فقلت ليها يا ماما ما يحتاج تجيبون هدايا فدمعت عيونها .. ما ارتاحت الا لما اخذتها

اني معلمه والهدايا اللي استلمتها بسيطه جدا مثل الورد والاكواب والرسائل الجميله ولو اعطوني الذهب لرفضت ذلك لانها هديه قيمه جداً

بارك الله فيش وعساش عالقوة .. بعض المعلين يستحق التقدير فعلا .. لو اي طالب حب يقدر المعلم وداله هدية بسيطة وبشكل شخصي افضل من الي قاعد يصيران لازم سجمعون من الكل لان مايصير نجبر الكل و البعض وضعه لا يسمح .. طبعا اتكلم بشكل عام بلي قاعد يصير الحين للاسف

اللعام عطوني أولياء الامور مصحف ...و هذي احلى هدية... ما في احلى من كلام المولى

افضل شئ تمنع وزارة التربية والتعليم هذا التصرف خير شر فالمعلم موظف حكومى وممنوع على الموظف تلقى الهدايا ..وليش يعنى المعلم غير!؟

ما فيه داعي حق هالحركات صحيح المعلم ليه كل الاحترام والتقدير ولكن بحدود وضوابط بعدين يا جماعة الخير ترى فيه ناس تتحرج من هالمواقف لان ما يقدر يقدم هديه مناسبه ف يا معلمات ومعلمين التفتو شوي حق نفسكم ولا تشطعون الطلاب على هالحركات

كل بدع يطلعون لينا
نفس يوم يروحون يتواسون حق الخطوبه
طالعين لينا احين يسوون عشا
لا مو اي عشا لزم بوفي بعد
على احساب الفقير المسكين ابوه العروس

المعلم يستاهل وهذا تقدير اليه، واللي ميبيه مو مجبور، وهذي تربيه نعود عيالنا ع العطاء وتقدير المعلم
هو مو كل يوم في الثلاث سنوات مره
حاسدين الفقير ع موتة الجمعة ي

ليش تقدير مادى ! هو يشتغل وياخذ راتب ما يعلم اولادنا مجانا،
الحين هذا الشئ اختيارى مع الوقت بيصير عرف لابد منه

لا حول الله ..اولا المعلم او المعلمه مايطلبون هدايا ولا غيره ..
ثانيا محد مجبور يقدم هديه الى المعلم او المعلمه واذا كانت المعلمه تستحق التقدير والاحترام ليش مانقدم اليهم الهديه ونعلم اطفالنا الاحترام والتقدير المجهود من قبل المعلم او المعلمه ..مهما يكون قيمة الهديه ..الهديه في معناها وليس في قيمتها...واذا كان ذهب بكم يعني بتكون اقصاها ٥٠ دينار وبالكثير مو ١٠٠٠ دينار عشان كل هالسالفه والمسخره...من علمني حرفا كنت له عبدا...

للاسف البعض كلماته تجرح وتهين
محد جبرنا نهدي المعلمات او المعلمين هدايا هدا تقدير لهم ع جهودهم اللي يحب او مايحب محد له حق يتهم اي طرف من الطرفين واذا المعلمه ممتازه وتستحق ذهب واقدر اعطي ليش لا.....
ومااعتقد في معلمه تجبر طلابها ع احضار هدايا فوق طاقتهم .... ومو غلط نقدر مجهودهم ولو بشي رمزي كان او ثمين ... وهالشي من سنين مو توه الموضوع عشان تتهمون المعلمين والمعلمات...

المشكلة الإجبار على الهداية ما يجي بصورة رسمية، يجي من حيث إن بعض الطلاب يجيبون، فيجد الطلاب الاخرين انفسهم في موقف محرج، فيضطرون يجيبون هداية، من وجهة نظري الخطأ من أولياء الأمور الي يجيبون هدايا فيجبرون بقايا الطلاب بصورة غير مباشرة على احضار الهدايا ...

مو بس عيد الام
يوم حفل المتفوقين بعد تقوم ولية امر الطالب الفلاني على المسرح وتوزع هدايا للمعلمين

كل شي يزيد عن حده ينقلب ضده، وتقدير الامتياز والعرفان للموظف اختصاص من الوزارة والدائرة نفسها، ومنا الاحترام والتقدير والعرفان للمدرسين والتعامل الطيب الذي يعكس تربية اولادنا وبلا شكليات زايدة عن اللزوم

مساحة لتفريغ العقد النفسية
كل جهة ترمي الثانية بالاتهامات
عزيزي ولي الامر:
محّد اجبرك تعطي
عزيزي المعلم / المعلمه:
منت مجبور تاخذ
.

بالصراحة بدع ما وراها إلا المشاكل وتحطيم نفسيات الطلاب وخصوصا اليتامى والفقراء من لا يستطيع تقديم هدية لمدرسته ينحرج أمام المدرسين و الطلبة الآخرين ويدخل بحالة نفسية لا يعلمها إلا الله الرجاء كل الرجاء بترك هذه العادة المبتدعه فنحن لسنا بحاجة للتقدير بمسمى هدية عيد الأم ونحن أمهات بدون هذه الهدية فهناك من هو بأشد الحاجة لمبلغ هذه الهدية فتصدقوا بها أفضل تضمنون الثواب والجزاء يوم القيامة ولا زخم وفشار وذنوب بالدنيا

حصل في مدرسة ...
بعض المدرسات يلمحن الى الطالبات بأنه الهديه المعلمه قيمه مثل الذهب . وفعلا تم تقديم الذهب الى بعض مدرسات مدرسة .... لا شكرا لكم يا مدرسات . أناكنت مجبرا على الدفع . فهي في حكم الشرع حرام على اي مدرسه استلمت ذهب . شكرا لكم يا وسط لاختيار مواضيع تخدم الناس

أتمنى من الوزارة أن تضع حد لمثل هذه العادات السيئة كي لا تكون عرف ويحاسب الراشي والمرتشي .

اني اقول وبحكم اني كنت معلمة ان المعلمة من البداية ما تقبل لأن بيأثر على نزاهتها وقت التصحيح ووقت الدرجات متأكدة بتتأثر وبتتساهل في أشياء هي في غنى عنها وبالأخير هي محاسبه أمام ألله ويكفيها معاشها وهدية رمزية من الطالبة بنهاية السنة كشكر للمعلمة يكفي

اولياء الامور اقترحوا الذهب فأمتنعت عن الاشتراك

المعلم/ة لم يقوموا باجبار اي طالب/ة على تقديم هدايا لهم اياً كانت بسيطة او غالية
الاهالي هم من قاموا بهذا الشي و لو حب الطالب/ة بتقدير المعلم/ة بطريقة اي شي كان بسيط
لم ياتوا و يقولون لكم الهدية لم تعجبنا و الموضوع تكبر و ازداد بسبب الاهالي و ليس بقبول معلم/ة للهدية
اذا لم يقوم طالب/ة بأهداء معلم/ة لن يقولون لهم لماذا لم تهدونا
و سالفة الهدايا تقدير للمعلم/ة لا غير و ليس رشوة او ان يحبون هذا الشي
لو تكون ورقة و مكتوب عبارة معبرة عن شعور الطالب/ة تكفي لدى المعلم/ة

كلام رائع .. كفيت وفيت .. جزاك الله خير

علشان تعرفون كلما زادت الاعياد اللي ماليها داعي زادت وياها المشاكل والبلاوي. اعيادنا بس عيد الفطر وعيد الاضحى وعيد الغدير

أناا معلمة ، كنت أفرح حينما تقدم ليي طالبتي الصغيرة هدية متواضعة وبسيطة وفرحتي اكبر بورقة بخط يدها مكتوب عليها أحبك معلمة ولكن انحرج حينما ولي الامر يقدم لي هدية تحفة أو ذهب أو أو .أما الان وقد التهمتنا قروض البناء ودراسة الايناء فأنا لا استطيع أن اعطي ابنتي الصغيرة هدايا لتقدمها لمعلماتها
فأنا مع منع الهدايا ويكتفي المعلم بشكر والثناء والدعاء له من الطالب و ولي الامر ....دمتم سالمين

الذنب يقع ع الأمهات لأنهم من ابتدع هالأمور
هالموضوع يحرج بعض الطلاب ممكن بسبب وضعهم المادي او عدم وجود امهاتهم فيأثر ف نفوسهم واعتقد قانونا ممنوع قبول اي موظف حكومي للهدايا من المراجع او الزبون
يا ريت يوصل هالموضوع للوزارة حتى ينحسم الامر

عساني ماخذيت ليهم بدع وهرير من الأمهات
قاعدين ع بنك نصرف عليهم

لا يصح التربح من الطلاب أبدا ولو كنا في دولة أكثر تحضرا لعتبر الأمر من الرشا ، لا نغفل المشاعر الإنسانية أبدا لكن المعلم موظف يتلقى راتب نظير عمله وهذا شئ
قد يؤدي للأسوأ في المستقبل وشئ قد يثقل على الوالدين ، هذا خلل على وزارة التربية تداركه والتعميم على الجهاز التعليمي بعدم التلاعب بمشاعر الطلاب والكف عن هذا العمل السئ جدا .

من الأمهات هم مسوين بدع لروحهم ومحملين الناس فرق طاقاتهم والمدرس ليه عيد وعدا عن ذاك يستلم راتب

راحت ايام زمان نقدم للمدرسين قلم بنسل ومحايه

كلش ما له معنى الموضوع الأمهات محد جابرنهم ولا احد غاصبنهم هم من نفسهم اللي سووى هالموضوع ومحد مجبور

السﻻم عليكم ورحمة الله
كوني معلم
المعلم وظيفة اخﻻقية ان عمل بها فهو مأجور عن رب العزة والجﻻلة هذا أوﻻ. هو عمل يكتسب منه راتب شهري وﻻ داعي لمثل هذه الرسميات باﻻمكان التعبير عن حب الطالب للمعلم باي وسيلة غير الهدايا وما شابه.

احنا مدرسة بنتي قالوا للطابات الا تبي تكرم معلمتها في الطابور تجيب لها هدية وطرشوا لنا حق تكريمهم وكذلك نجيب هدايا حق نفسنا تكرمنا بناتنا والله مسخرة اخر زمان وكله يصب في كاهل ولي الامر وتعال شوف الاحراجات والصريخ في البيت على الهدايا

اي هاذي المشكلة هههههه ندفع حتى يشترون لينا الروضات هدية او نشتري هدية تعطينا اياها البنت في الطابووور كلا فشار و هرار ...ولدي يوم عيد الام جايب ليي نفس كل سنة بطاقة متواضعة مسوينها في درس التقانة ملصقة بلصاق لماع و مكتوب فيها كلمات نشيدة من سبيستون حبيب قلبي

بدعوها لين ماتصير عاده متداوله على ظهر الفقير قبل الغني ، ومحد شجع هذا الشي غيركم يا أولياء الأمور، ليش في لقروبات محد يعترض ويبدي رأيه بعدم الموافقه ، كلشي يطلع من أي فرد الكل يقلده على غباء ومضض ، انا مو ولية أمر بس الي اسمعه وشوفه بلاوي ، اوقفوا هالمهازل والبدع ، وتقدير المعلمه مو هاي الطريقه.

بقول ليكم ويش شعور المعلمة المخلصة اللي ما تحصل هدايا من هالنوع؟ وولي الامر اللي ينهبون معاشه من كل صوب؟ و الطفلة اللي ما انكتب اسمها مشاركة في الهدية؟ كانت معلمتنا الرائعة تستلم مبالغ بسيطة اسبوعيا من مصروفنا لكي تشتري هدية لكل طالبة لامها و كل على حسب ادخارها وليس بالعكس

نعم لهم الحرية في تقديم الهدايا او لا

كدوها محلات الذهب في عيد الأم

اين وزارة التربية و التعليم
يجب على وزارة التربية و التعليم منع جميع الموضفين لديها و بالخصوص المدرسين و المدرسات من استلام او تقبل اي هدايا بأي عنوان كان لانه باب من ابواب الرشوة ، يجب منع هذه الضاهرة من مدارسنا

اختي مدرسه ولدها مصريه اذا ماتودي لها ماتعطي لا اختي ولا ولدها وجه غصبا عنها تودي ليهم حتي لو تسلف والبحرينيات نفس الشي يحبون هالسوالف

ههههههه واجد مكبرين الموضوع ترى الافلام الي قالوها بعض اولياء الامور هم الي سووها في روحهم المدرس عمره كا طالب الطالب بهدايا وخرابيط لا تسوون لاولادكم ولا تعطونهم وخلاص شنو هالافلام بعد كل يوم تسوون قصة على هالهرار والبصاقة وبعد تلومون المدرس يا اخي لا تشترون وخلاص مثل مرة وحدة جاية المدرسة تشتكي على مدرسة انها طالبة بحث ويش كبره وهرار ويوم واجهتها المدرسة بالطالبة قالت ليها انا قلت ليكم سووا جدي قالت الطالبة لا ترى اشيا واجد تكون شخصية من الطالبات والطلبة فلا تلومون المدرس

ارى مانبالغ لان فيه معلمات هم يقترحون كرموني بالطابور احسن وتقعد تشوف في الصور الموجوده من كرمها ومن لا ماتقولين شذنب للولد اللي ماعنده فلوس ولاكرمها؟؟

شلون المدرس ماله له دخل؟؟لو كل مدرس رفض هالهدايا الثمنية انجان ما استمرت هالبدع

وليش كل شي تحطونه على المدرس ليش ما تقول الاباء والامهات يبطلوه هالعادة وخلاص اما انتون تضحكون صراحة المبدا ان الي يسوي الغلط هو الي يوقف وينلام مو تلومون المدرس ابغي اعرف شلون تفكرون يعني الله يخلف عليكم يا دافع البلاء يخوفون الناس

اني اختي مدرسة مااشوف قالت كرموني وهروني حتى مرة كانت تنتقد الي يطلب طلبات زيادة الغلط يا بابا انك تعمم وثانيا كثير من الي علقوا وقالوا قصص ابصم بالمئة يبالغون لان قوانيين الوزارة ولوائحها تمنع هالشي ولو اكتشفوهم بيسوون ليهم سالفة صدقني 90% من الاهل هم الي حدوا الناس على هالشي لا المدرس طلب ولا هرار حتى المدارس احنه عندنا 5 في مدارس مختلفة مااشوف هالش يولا سووه بس للامانة ايام الروضة كانوا اي يتشرطون ويتطلبون ساعات اما المدارس اكو احنه ما نودي مااشوف سووا شي ولا قصوا درجاتهم الي يجيبون المتفوقين

اني اشتغلت معلمة ٢٦ سنة وكنت اقبل اي شيء من تلميذاتي وبكل رحابة صدر وحب حتى ورقة مكتوبة بخط اليد احبك معلمة ولم الزم ولي امر بجلب هدية بل بالعكس

اكيد حق يضبطون اولادهم

خلنا نشتري لروحنا اول عشان نعطي المدرسات ماشوف لول المدرسات يتشرطون يعطونهم ورده او يوزعون حلاوه ع كل المدرسات والمدرسين وكان الله غفورا رحيما اما الحين تعالي اعطي ذهب ومادري ويش مو ناقص الا تطلعون سياره ليهم بعد هذا واجب المدرسين والمدرسات ويتقاضون عليه راتب ربي يبارك فيه ويزيده الهديه تكون نهاية السنه تقديرا لجهودهم

الخاتم الذهب اخذه ليي ومادري من ابتدع هالهرار

من قال ان المعلم يريد هدية من طالب لم يحسن ولي أمره تربيته ... ولكن المعلم يريد رفع الاذى عنه ....

مجتمع لا يحترم المعلم ولا يقدر التعليم

الفقر مو عايل على احد. ارحموا روحكم له؟ كلش كلش وردة كتقدير مو تقلبونها منافسة فشار ومين يزود على حساب الطلبة الفقاره والله اعلم بحالتهم

احين هو عيد الأم لو عيد المعلمات ؟؟!!!

اني ولية امر طلب مني في حفلة التفوق مبلغ لهدية عيد الام وما كان عندي المبلغ انحرجت وخبرتهم اني بطرشه مع بنتي رغم ان المبلغ بسيط بس ما كان متوافر عندي ما يراعون لظروف الناس

المفروض ممنوع تقبل الهدايا
ما عدا الهدايا البسيطة اللي من الطالب نفسه كالوردة او الكاكو
لان اذا الطفل يهدي
غيره يجبر اهله بعد يهدون
انا وضعي المالي الحمدلله يسمح بس غيري لا
فينحرج الطالب مسكين

كفاكم انتقاد للمعلمات و المعلمين فنحن كالشمع نحترق لانارة الطريق لابنائكم و بناتكم ونتعب و نشقى و نبتلى بالأمراض و تستكثرون علينا هدية تقدير لجهدنا و تعبنا مع أبنائكم هل هذا هو تقدير المعلم و احترامه يا امة ضحكت من جهلها الامم ..... ام محمود

والله تشتغلين براتب مو بلاش عشان تمنين علينا انتين تأدين واجبش مقابل اجر مو صدقه

هذا يعتبر رشوة يا مدرسة وما في احد اسكتثر عليش بس يمكن ناس ما تقدر تدفع غصب الا تعالوا اهدوني هديه أقول بس اشتغلى بإخلاص وخلي عنش هالهرار

انتين الين عندش عيال بتحسين ان هالظاهرة تبذير و اسراف و لا بتدفعين فلس بدعوى الالتزامات المالية و القروض الواحد لين انقرص و حس بالفلس بعدين يقدر مو بارز مبرز ذهب و هدايا على اكتاف الناس بسبب تادية عمل وواجب

نعم.. كلام سليم واختلف في نقطه.. لا اطالب بهديه واقدر ظروف الغير وبالمقابل وجب تقدير المعلم وليس اهانته.. فهو من يتحمل ابنائكم اللذين في معظم الاحيان لا تتحملونهم..

اقول انتين ما تشتغلين ببلاش او تطوع وتستلمين راتبش على تعبش ولو ببلاش محد درس منكم وذاك من ذاك اللي يدرس بذمة وضمير.
واذا تتشكون من التعب والكرف تقدرون تفنشون وتريحون في البيت ترى ما في شغل مريح وتعطون فرض التوظيغ للغير.

ههههه يا حب النسوان للهرار والاسراف
إحراج ما إحراج أو ما خلوا صورة ولدي في قائمة الشرف أو الخرف ما يهم فالمعلمين يستلمون راتب وإنتهى الموضوع.
في مؤمنين فقراء يحتاجون ألف دينار بس للعلاج في مستشفى محد يساهم وحق هالهرار هدية وما هدية يطلعون فيها، زمن مقلوب.
في الختام : لست ملزوم ولا زوجتي بدفع مبلغ حتى لو كان (100 فلس) لأجل هدية وما أشبه من هذا الهراء ولا أهتم بما سيقوله الناس عنا مو كفاية المعاشات في هالديرة ربيتين ونص أروح أساهم حق مفوشر وهرار؟ صدق حجي علي يوم قال النسوان عقلهم خفيف.

تقول احد الامهات وصلت ابنتي للروضة في يوم عيد الام رأيت معظم الاطفال يحملون هدايا مغلفة للمعلمات منها الصغيرةومنها الكبيرة
بس تسآلت ماوضع طفلتي بالنسبة للمعلمات وزميلاتها في الروضة انها لم تحمل معها هدية للمدرسة
فظروف هذه المرأة واطفالها صعبة زين اتغطي مصاريفها

من المعارضين لهالموضوع
يمكن للطالب او ولي الامر اهداء المعلم عند نهاية الفصل ولازم هدية شكر مو هدية مظاهر وفشار
واذا كان في مناسبة كعيد المعلم او عيد الام وحبوا يهدون المعلم يكتفون بتقديم بطاقة او وردة او شكولاتة
في النهاية الناس مستويات وظروفها تختلف واذا وحدة من الامهات طلعت فيها ويبون يقدمون هدية يصير احراج للامهات وللطالبات بحيث انها تجوف نفسها مجبورة تشارك عشان تتجنب هالاحراج فياريت نفكر في الموضوع من كل النواحي قبل ماتاخذنا العاطفة والمظاهر

انا كنت اودي اختي الصغيرة المدرسة ورسمت على مدرستها كانت جميلة ولازالت زتقدمت لها والحين انا وبكل فخر زوج معلمة محترمة وجميلة ونا مبسوط

خوش شي .. الله يخليكم لبعض

ويش دخل هالسالفة ...هههههه عالبركة يا عريس

مضطرين نعطي الهدايا او تنتظر اطفالنا المعامله الجافه والمحاسبه الدقيقة ولله المشتكى على ناس بلا ضمائر

ذهب؟ ويصيحون فقارة وماعندهم ومايكفي المعاش !

مع الاسف بزمنا هذا الكل ينظر للماديات والمباه والشكليات لاغير. نسينا اخلاقيات ديننا الحنيف ووصايا رسول الله ص، تهادوا تحابوا. انا مع تقدير المدرس فهم فعلا يستحقون بغض النظر عن مسمى الوظيفي ورتبتهم ورواتبهم ففي النهاية تربطهم عشرة عمر مع ابناؤنا وخصوصا نظام الفصل. ولكن بالحد المعقول فلايكلف الله نفسا الا وسعها.

اضطريت اشتري هديه للمعلمه بعد مااختلفت معاملتها لأبنتي في الفصل الثاني لانه بعد التكريم الكل أحضر الهديه إلا القليل وكل يوم كانت تحضر بنتي متضايقه من اسلوب المعلمه معاها والي تغير 180درجه فقمت بشراء الهديه على اساس مناسبة عيد الام ولكن الحقيقة هي عشان ترجع تحسن معاملتها ولله المشتكى

بصراحة قيمي ورغبتي في أن أكون عنصرا فعالا في المجتمع تتعارض مع أن أكون دورا في التشجيع على هكذا أعراف ولو كنت مقتدرة ماديا..
في قانون ونص صريح بأن هالهدايا تعتبر رشاوي
فالمدرس الناوي على عمره يقبلها!!
ولو شهدت موقف قبول مدرس لهدية لقمت بنفسي بتقديم شكوى للجهات المعنية.

الصراحا ما يصلح لانه مهما كان الامر ما يستعدي ذهب وفشار وجدي يقدرون بهدايا بسيطه اما سوالف الذهب ماليها داعي لانه اوردي اولياء الامور مو كلهم عندهم استطاعه وبتعتبر رشوه لانه الي بودون مردها المعلمه بتراعيهم في الدرجات وجدي لانه هذي طبيعه الانسان على الوزاره بالتدخل السريع ومنع هالمصخره المدرسين يحصلون معاشات وعليهم انه يدرسون بذمه ويتركون هالسوالف

ابني في مدرسة خاصة
ومنذ دخوله ترسل لنا نشرات بداية الفصل الدراسي ونهايته وأوقات المناسبات
بأنه "يمنع منعا باتا اهداء الطاقم التعليمي أيه هدايا وأن المدرسة قد دربت المدرسين على رفض الهدايا بأسلوب مناسب. لذا ينبغي على الجميع الالتزام وعدم احراج المدرسين والمدرسات".
وطوال هذه الأعوام وأنا اكتفي بوردة وببطاقة يكتب عليها ابني عبارات التقدير وما هو نابع من القلب وكن يفرحن فرحة عارمة لأننا نبدي لهن الاهتمام والتقدير.
ونصيحتي للمدرسين في المدارس الحكومية اذا التربية وصلها بلاغ فمصيركم الفنش!!!

رسميا ممنوع تقديم الهدايا للمعلمين

أنا ضد تقديم الهدايا من قبل أولياء أمور الطلبة للمعلمين وذلك يمثل رشوة وإن يريد أن يقدم هدية للمعلم تقديرا لجهوده فلينتظر نهاية العام الدراسي وبعد النتائج النهائية حتى لايكون لها تأثير في التقييم النهائي

بالضبط هذا الكلام هو عين العقل وأنا اؤيده وكل التقدير والاحترام للمدرسين ولكن من يريد تقدير المدرس فليقدم له هدية بعد انتهاء العام الدراسي وحتى قبل معرفة النتائج وهنا يكمن التقدير الحقيقي لدور المعلم.

جميل تقدير من علمني حرفا .. بهدية رمزية ومن القلب

أني أولادي وأبوهم ماقدروا يعطوني هدية في عيد الام نفس كل سنة لان مايملكون شي يقدمونه وأني أعذرهم
يكفيني قبلاتهم ليي في هذا اليوم وتقديرهم

تحية إجلال وتقدير لك أختي الكريمة .. الله ييسرها إن شاء الله ويهدونش في المناسبات القادمة ما يعوضش عنها بأضعاف مضاعفة .. أعجبني في الرد القناعة والرضا والتفهم لوضع الأسرة .. كم أنتي عظيمة أيتها الأم

المعلمة ماليها ذنب لكن ذنب أولياء الأمور يحرجون المعلمة هي انسانة لها مشاعر فهذا بياثر في تقيم الطالبات بالإضافة انهم يجبرون البعض بالمشاركة كان يقولوا فلانه اله في القروب ماشاركت وهنا الاحراج الأكبر على ولية الأمر وخاصة إذا كانت لا تعمل أو كان زوجها راتبه قليل وعليه ديون

اذا كان بعض أولياء الامور جهلة، فالشره على المعلمة إلا تقبل الهدايا

شلون المعلمة مالها ذنب بعض المعلمات يلمحن لطالباتهن بتقديم الهدايا

في بعض المعلمات يطلبون هدايا والاطفال يجننون الام علشان توفر الهديه حصل مع ابنتي موقف في أحد مدارس البنات الابتدايه ولكن تم تقديم عريضة من الأمهات الى المديرة وبعدها وقفت المهزله

نطالب وزارة التربية بايقاف مثل هذه الافعال التي تؤثر سلبا على نفسيات الطلاب و الطالبات خاصة بسبب اختلاف المستويات المعيشية في الصف اضافة الى زيادة أعباء أولياء الامور في ظل غلاء المعيشة

والله بدات هذة الشهر فلسنا انا عندي بنتين وولد وكل يوم واحد يجيني يبي افلوس عشان يشتري هدية للمعلمه وراتب يادوب يكفي لأخر الشهر .
اامعلمات الي تبقل هداية من الطلاب لابد تكون بسيطة يعني باقة ورد مو ذهب او تلفون او....الخ.. وين وزارة التربية عن هذة المشكلة.

وين الوزارة عن هذي المعلمة اللي تنظر للهدية أولاً

لو أولادهم ضعيفيين دراسيا ماحد بيشترك لان اغلب الي يعطون ولادهم شطار

بدع من امهات الطلاب والطالبات واحراج الى بعض الأسر التي على قد حالها نتمنى من وزارة التربيه التدخل ومنع تقديم الهدايا الى أي معلمه حتى لو كانت معلمة روضه ولكم جزيل الشكر

صح عين الصواب
تكفي وردة يقدمها الطالب أو الطالبة للمعلمة

لا داعي لتقديم الهدايا والمعلمون لم يعلموا أبنائنا ببلاش فهم يستلمون رواتب لو كان بلاش لم يخرجوا من بيوتهم أصلا . أناشد الوزارة بأن تضع حد لهذا
المواطن مضغووووط

اني معلمة و ارفض بشدة هالامور ...و اقول لبناتي الطالبات لا اريد هدايا فقط كلمات جميلة طلبتهم يكتبونها على اي ورقة ممزقة من دفتر في يوم عيد ميلادي و كم كانت فرحتي كبيرة بكل كلمة و احتفظ بالاوراق كالكنز

أضم صوتي مع زائر 2 .

إعادة الرشاوي

أطالب من كل معلمة أو معلم استلم هدايا ثمينه ك ذهب أو هواتف ذكيه والخ... إعادته لإدارة المدرسة فورا فورا لكي يتم بيعه وإرجاع المبالغ للطلبة مرة ثانية ويجب أخذ تعهد عليهم (المعلمين والمعلمات ) أن لا يكرروا هذا العمل الغير لائق.

لا وبعض أولياء الأمور في كل مناسبة مسوين هدية عيد الام عيد ميلاد المدرسة هدية نهاية الفصل الأول و هدية نهاية العام الدراسي يمكن بعد لو يعرفون تواريخ ميلاد أولادها و بناتها ما قصرو .

ولد زويد
جميع تلك الأعمال بفعل غباء الناس يعني واحد بيتقدم حق وحدة يسون بوفيه واحد توفى ثلاثة أيام غداء وعشاء معلمات هاي شغلتهم ويستلمون راتب تقدمون ليهم ذهب وغيرها من الأمور ترى الوضع الاقتصادي بخليكم تأكلون لتراب من يملك كم فلس عليه بالمحافظة من الأيام السودة القادمة

المعلمات خلا يداومون عدل وبعدين يطالبون بهدايه ..
المعلمات مقزرينها ساعات رعايه او اجازة ولادة بالأضافه للإجازات المرضيه والإستأذان بشكل يومي بالإضافه لرفضهن جدول يفوق١٢ حصه في الأسبوع ، وأما من يجلسن بالمدرسه فإن الشاي والكوفي والريوق والأنترنت الموفر لهم هو سبب بقائهم ..واذا تحسب الهدايا الي يحصلونها المعلمات ازيد من راتب موظف يعمل بوظيفه ثانيه ..الله يرحم معلمات أول

كلام فاضي و عكس ماذكر هو الصحيح وعيب هالكلام والكذب كوفي وشاي وريوق ووووو يمكن في دوله خليجه ثانيه اما احنا حتى الماي احنا نشتريه وجداوله ٢٩ حصه على الاقل والهدايه الله لا يحوجنا ليها

من يدرس بناتكم عجل ؟ الطوف مال المدرسة ء ؟؟

احلف عجل المدارس كلها مسكرة والطلبة مهدودين في المدرسة لا حسيب ولا رقيب ويش هالمرض الي انتون فيه يالله صدق ناس مرضى نفسيين في هالدنيا يمة منكم الله يساعدكم على روحكم ويع ترى المدرسة امراة مثل غيرها وتتزوج وتحمل وتولد وتجيها الدورة وتحتاج فترة نفاس مو جارية عندكم ويع شنو هالتفكير

ما شاء الله كل هذا نسويه احنا المعلمات اقول تعال المدرسة و شوف حالتنا بعينك عشان تعرف حجم العمل اللي نقوم به اي كوفي و اي خرابيط الريوق ناكله في خمس دقايق ما نلحق نهضمه بس شنقول اللي رجله في الماي مو مثل اللي في النار

مالت على هالتفكير المريض ولا تستاهل احد يرد عليك ...قل موتوا بغيظكم

صح و الدليل قاعدين ... هنيي خلال الدوام ...من زود الفضاوه شكله

اخخخخ بس لو يتحقق ربع هالكلام.. تاخير في الدوام يعني استقطاع من الراتب.. موبايلات ممنوعه لاخر الدوام.. نتريق اللقمه ف بوزنا واحنا واقفين ونتكلم.. عن جد الله يعينك ع تفكيرم

مايختمون جهد المعلمه ف هديه واحده .. بل كل سنه ؟!! ليش كل هذا ،، بالنسبه لبنتي اشتركت مرة وحده واستانست المعلمه ومنها مااشترمت لان السالفه فيها بعد الطالبه الي ماااشتركت ماينكتب اسمها ف ( الدرع) ليش عاد جاهله تفهم هرار صراحه واسبب حزازيه ومشاكل ،،
حلاوة الهديه ببساطتها مو بالفخامه والمفوشر لان هن انفسهن المعلمات قعدوا اغارون واقولها بالفم المليان لان شايفه هالشي ( مره معلمة ولدي تقول ليش ماتعطوني الهديه ف الطابور )
ياريت الوزاره تنظر لهالامر صار متفشي بشكل كبير ومبالغ فيه

اسمعوني جميعا حتى لو لم تكن الهدية بقصد الرشوة فإنها تضع المدرسة في موقف محرج من التعامل بنزاهة مع التلميذات وسوف يأثر ذلك في وضع الدرجات وكيفية التعامل خاصة اذا كانت الهدية من شخص او عدد قليل من أولياء الأمور .

افضل هدية للمعلم هي رسالة شكر ووردة

نعم نعم نعم في اكروب ومن ظمنها زوجتي مشتركة في الكروب واقترحت واحدة من اولياء الأمور ان يقدم الي المعلمة هدية وهي عبارة عن سلسلة ذهب وان يشترك الجميع في المساهمه من المال واولية الامر ابنتها في الصف امتياز ومتفوقة في المادة التي تخص المعلمة وزوجتي ردة عليها لم استطع المشاركة معكم وفعلا تم شراء سلسلة الذهب بمشاركة بعض اولياء الامور الامهات وتقديمها الي المعلمة وتم تصوير الحدث علامة استفهام الي وزارة التربية والتعليم وبعد التكريم المدرسة لم ترد على زوجتي عند اي سوال في الكروب لانها لن تشترك في

مدرسه ولدي تستاهل لكن المعضله من وليات الطلبه اجي وحده ( مابتعطون المعلمه جايي عيد الام !؟؟؟)
اولا المعلمه هذا عملها .. وثانيا حابه انتين تعطين اعطي بما تجود نفسش .. اما اجين ف القروب تعالوا نجمع فلوس وحتى لو لم يجبروا احد ( اهني اصير إحراج وحتى الي ماتقدر تضغط ع روحها ) ليش هالمبالغه !؟؟؟
والحين موضه الذهب !!
السالفه صايره ( تنافس) منهي الي تعطي الهديه الأغلى
قبل المعلمات تعطونهم ورده يفرحون والكلمه الطيبه بحد ذاتها ( هديه) اما عن سالفه هالمعلمه (قلة ذوق صراحه
شنو خلت للجهال !

جميل جدا التعليق .. صح السانش

ترى بتصير مفوشر

حتى معلمات يستلمون لمدة اسبوع كل يوم هدايا من طالبات بمناسبة عيد ميلادهم بشكل مبالغ فيه و بعضها هدايا غالية و مكلفة و الغريب سنويا هالسالفة بدون رقيب عليهم

للعام شاركت في جمع مبلغ لهدية للمعلمة رغم ان ظروفنا المادية لا تسمح لان المعلمة تستاهل كل خير وحتى ولدي لا يزعل ويحط في خاطره لعدم وجود اسمه وصورته في قائمة المشاركين ولكن السنة رفضت المشاركة

منتشرة هدايا الذهب يلمون من عند الطلاب مبالغ بفكرة طالبة في مدرسة لمعلمة او معلمات الروضات يشترون ذهب في عيد الام لنفسهم من عند اولياء الامور ..صراحة بتصير موضة و تجاوز لمؤسسات تعليمية نرجو ايقاف مهزلة الذهب

جي رواتبهم قليلة الي يطلبون هدايا من الطلاب..المفروض في قرار من الوزارة أنه اي معلمة تاخد هدايا ورشاوي على طول تتفنش

خطير ما يجري وأصبح توزيع هدايا على المدرسات منفذ لتقديم الرشاوى لهم ولم يعد مقبولا ما يجري
الام من تقدم لها هدية في عيد الام وليس المدرسة
هو عيد الام وليس عيد المدرسة
اتمنى إيقاف هذه المهزلة لان المناسبة فقدت قيمتها ولم يعد هناك اهتمام بالام بقدر الاهتمام بالمدرسة حتى يستفاد منها في الحصول على الدرجات مقابل نوع وحجم الهدية
اوقفوا هذه المهزلة

واااجد طالعة هالسالفة و حرام اللي يصير صراحة ابتزاز في مؤسسة تعليمية و بتصير سنويا و الازمة المالية لدى الاسر

بالعكس هذا اقل من حقكهم خاصة معلمة نظام الفصل بنسبه الى مدرسة بنتي اتفقنه احنه الامهات بجمع مبلغ بسيط وشترينه هديه ذهب الى المدرسه يعني جميع الطالبات بهذي الطريقه ما بتكون رشوة اصلا لانه الكل مساهم فيه

ولد زويد
ترى المشاكل والفساد ما تجي إلا من سبب النساء هم سبب الإختراعات الغبية طيح الله حظ هاي النوعية منهم أسمه عيد الأم ويش دخل المعلمة فيه

خفي علينه ليش لا يكون بنتش مكتشفة عالم الذر والله حاله بنتي مشكل

لا حقهم ولا حققت.. التعليم وظيفة سامية وأفضل هدية للمعلم أو المعلمة أنها تجد تلميذاتها متفوقات وأن يحترمنها ويبدين لها مكانتها كمعلمة.. أما الهدايا والماديات فتنزل من قدرها حيث تصبح كالموظفة التي أدت وظيفة ونالت جزاء!!

من قال لش ما يصير...

مبالغة في الهدايا و احراج إلى اولياء الامور ذوي الدخل المحدود اتمنى الوزارة تدخل وتمنعها

مثل بعض الشركات يجب تحديد الحد الاقصى لقيمة الهدية 5-10دينار او ترد حتى لايتم تحولها لرشوة

الذهب الجرام ب 14 و حتى لو شي بسيط بيطلع سعره فوووووق حرام

والي ما تشترك في الهديه ما يكتبون اسم الطفل وغير جذي الامهات يخبرون بناتهم ان فلانه مااشتركت ويانا في الهديه ويصير احراج للطفله واصرار منها على الاشتراك رغم الظروف الصعبه وعدم توفر المبلغ عندهم

صحيح وبالذات المدارس الحكومية للطلب ذوي الدخل المحدود
احراج اليهم
جميل تقدير المعلم او المعلمة ولكن ننظر الى الطلبة اللي على قد حالهم بحسون بإحراج ودونية واذا عطوا وشاركوا في الهدية ..
فهو لرفع العتب والاحراج والله اعلم بحالهم بعدها

مايستاهلون لان ياحبهم للتفرقه وخلق التفرقه والتميز بين الطلاب ... محد يستاهل

كمعلمة أتلقى هدايا رمزية من طلبتي كوردة أو كاكو اما أمور اخرى مبالغ فيها فنحن في المدرسة متفقين على عدم قبول اَي هدية تزيد قيمتها على ما ذكر

بارك الله فيكم هذا هو عين العقل وان شاء الله أجركم الاوفى تاخذونه من الله سبحانه وتعالوا
وقل اعملوا فسيرى الله عملكم ورسوله والمؤمنون

المفروض ممنوع لاانه بدعه وشي مبالغ فيه واكوا الوزارة تعطيعهم راتب يعنى ماااليه داعي كلش هالمبالغه لو هوه نوع من التلصق والرشوة كل واحد يبي يبين انه الافضل يحبون التلصق والمجاملات .. حدهم وردة بس

أكيد الأثر وعن تجربه انه الهدايا في هذا الزمن يعتبر رشوه

برأيي لا إعتراض على تقديم الهدايا للمدرِّسين و المدرِّسات لأنهم هم أعمدة البناء لأجيال مُتَفَوُّق و ناجح... لكن أن تكون الهدايا من الذهب فهذا تبذير مفرط.

صحيح

اذا كانت الهدية بمعناها الحقيقي لابأس والا فلا........

اايد بس كل واحد ع قدر استطاعته. وامكانيته اقد الهديه المدرسه نفس الام

بدعه
والفقير في موقف محرج

يقول الرسول ص :تهادوا تحابوا
للهدية أثر على النفس ..لكن ليس بالمفهوم السائد حاليا من حيث المغالاة فيها ..الهدايا الرمزية فقط

نعم يؤثر كثيرا ...
ومن نواحي كثيره ، نتمنى من وزارة التربية أن تصدر قرار بمنع المدرسات من إستلام أي هدية مهما كان المسمى .

مافي معلمه ترجع شي وعيب اصلا

موجود اللي ما تعجبه الوردة، السنة الماضية رجعت بنتي ودمعتها على خدها في يوم المعلم لانه المعلمة قالت ليها ما امبي ورد، وآخرتها راحت عطتها المديرة المساعدة.
فلا تستغرب من هالزمن وأفعال الناس!!!!!

ماشفت
بس كان تقدير بمدرستي لمعلمه نظام فصل هذي ثالث سنه معاهم وحسوا الأهالي بفرق
فهدوها كلهم طقم ذهب

ماشاء الله
قالوا ليكم الهدية تقديرية مو سعر يكفيها وردة

رشوة وبدون جدال

هذا يعتبر رشوة

هدية ذهب لمعلمه شي مبالغ فيه جداً، يعتبر رشوه غير قانونيه الهدية لازم تكون بسيطة مهما كان دور المعلم واجتهاده الكلمة الطيبة الدرجات الحلوه كلش كلش هدية رمزية تعبر عن الامتنان لا اكثر، والمعلمه الي ترجع الهدايا الي ماتعجبها ع اساس ماتخسرهم؟ قلة عقل ذوق واخلاق ترجعين هدية من طفل صغير متحمس ان وضح فانش انتقائية مثل ماسويتي للهدايا فانتي انتقائية حتى للمعامله بين الطلاب ف انتي خساااارة تسمين معلمه وخسارة عليج الهدية

لم لا؟ من علمني حرفًا صرتُ له عبدًا ، يستحق المعلم ذلك ! كفاية بيتحمل ولدي وبنتي وبيتعب على ناس مو أولاده .. الآباء أحيانا ما يتحملون أولادهم.. بصراحة مشكور هالمعلم اللي يتحمل عدد من الطلاب ويتعب ويدرسهم..

مشكور لان يتحمل؟!! ترى هذي وظيفة وعليها يقبضون راتب فواجب عليهم يخلصون في شغلهم ويحللون معاشاتهم مو عمل خيري نقدر جهدهم وتعبهم بس الي قاعد يصير مبالغة وفشخرة بعدين ويش خص عيد الام

يتعب ويحصل راتب مو بلاش

هذي وظيفته وياخذ عليها أجر مايدرس ولدش بالمجان

شكلش معلمة

مشكل
انها بدعة جديده ويجب على كل معلم او معلمه منع الطلاب وحثهم على عدم تقديم الهدايا للمعلمين.
سوف تكون سنه جاهلية حالها حال حفلة الخطوبه والحنه. كلها عمل جاهليه ما انزل الله بها من سلطان.
اعقلوا يا ناس

كلا لا يؤثر، مع أنه ممنوع

اي من زود الفلوس.
مثل هدايا الزواج وهدايا عيد الميلاد وهلم جرا.
بعدين الكل يشكو ماعدنة فلوس. إسراف بلا معنى.

افضل نعطي الاستاذ او المعلمة الهدية نهاية السنة لمجهوده الشخصي وتقدير منا لصبره على الطلاب ..وليس لتأثير الهدية عليه ليرفع مستوى ابني ..ولو كان مقصد الهدية لرفع المستوى الدراسي للطالب من قبل المعلم سأضطر اهدي الاستاذ هدية قيمة وغالية الثمن

في قانون الخدمة المدنية، يحظر على موظف الدولة قبول الهدايا لانها تعتبر رشوة مقنعة

القلب يتكلم عن كل شى وتعليق

اوافق على اي هديه كانت ولكن بشرط ان تكون هديه جماعيه وليس مبالغ في سعرها..لان الهديه الجماعيه لا تحرج الطالبات بينما الهديه الشخصيه ستحرج بعض الطلبه والطالبات.لذلك تجميع مبلغ رمزي للاشتراك فيه افضل حل.

هدايا الذهب للمعلمه دايما ماتكون مشتركه بين طلاب الصف وشوف الصف كم طالب فيه ولو دفع خمسه دينار صارت مبلغ
وف النهايه المعلمة اللي تتعب وتعتبر الطلاب اولادها تستاهل واكيد محد بيشارك او بيشتري ذهب وهو غير مقتدر

ترى البيوت أسرار محد يعرف عنها عوائل تنام بدون عشا لان مايعلم فيهم الا ربهم
الرجال يطلع بيشتري فاكهة لأولاده يرجع بدون شي لانه ماقدر يشتري الكيلو أغلى من لفلوس اللي في ايده وهذي حقيقة غير مبالغ فيها

الرسول صلى الله عليه واله قبل الهديه ... واذا كانت الهديه بكل حب واقتناع فما المانع والمدرس والمدرسه شيء عظيم وله كل التقدير ما تصور اذا كان بلصق ٤٣ طالب وجنع مبلغ قدره ٣ دينار من كل فرد يعتبر تبدير بلعكس هذا تقدير للجهود ومحد بيعطي معلم او معلمه اذا كان ما بستحق .. اما تكبير الموضوع وجعله كمعظله وعلاقه اتهام للمعلم هذا شيء خطأ مامره شفت او سمعت معلم او معلمه يطالبون بهدايا .. واذا كرمناهم ماهو الا من باب التقدير والعرفان لانهم يستحقون ذلك

بصراحة هالشي سبب لينا مشكلة والروضات عقب كم سنة بطالبون بمبالغ لعيد الأم لإهدائها للمعلمات
صارت السالفة تجارة ومطالع وهذي لفلوس الموزعة مني مناك أكيد بتأثر على ميزانية البيت وفي اخلاص المدرس لعمله وبتوجد حساسية وعداوات بين المدرسات فلانة عطوها وقدروها وفلانة مسكينة ماعطوها وحطت في خاطرها

ولي الأمر اللي عنده ٤ اولاد وكل ولد ما لا يقل عن ٥ معلمين
كم ان شاء الله يدفع ليكم
وهو بعد لازم يدفع لزوجته وأمه هدايا لعيد الأم لو بس انتون تستاهلون وغيركم لا