محد اوكف عند بيتي
فشيت تيرات إلي ومكفوا وما عاد أحد إعيدها بعد والحمد لله

تعبنا ولا أحد يسمع
الشوارع زحمة
الطرقات مليئة بالسيارات
أجانب يعملون عمل سيارات الأجرة دون محاسبة
أجانب عاطلون عن العمل يطرقون أبواب الناس طلبا للمساعدة
تشجنجات اجتماعية بسبب مزاحمة الأجنبي والأغراب للمواطن برزقه واحتياجاته
وبدل أن تكون العمالة الأجنبية عامل للتنمية في البلاد أصبحت بحد ذاتها مستهلكة لدعم الدولة حالها حال المواطن
.... بلدنا لا تسير في الوجهة الصحيحة أبدا لسوء التخطيط والإدارة المستدامه وهذه جريمة بحق الأجيال القادمة

يبي لنا سيارات قوطية و ذكية واقتصادية و بعد لو تطير و تنزل في البحر تكون الامور طيبة و لا تاخذ مكان وووووو الخ

كلامك صح

تابع للرد
جارنا حاط له مظلة لسيارته وما يبركن فيها
يبركن صوب ثاني
يعني حاجز باركين جذيه

احنا بعد نعاني جدا من مشكلة الباركات
يشوفون مافي باركات ومايوقفون عدل يحجزون اكثر من بارك
المشكلة الناس ماتفكر بضمير وعادي تأذي غيرها

جيران يزرعون امام بيوتهم ويپركون سياراتهم امام بيوت الغير حق الناس ضايع

انا ساكن في بناية في القضيبية فيها باركات راعي البناية موئجر على ناس من خارج المبنى..اقولة عطني بارك انا ساكن عندك يقولي ادفع قروش على البارك ناس كل همها كيف تكسب فلوس حتى ولو كانو مو محتاجين

حسب تفكيري للحل يجب ان يكون نصف الطابق الارضي باركات و تعويض عنه في ال ب 3 بالنصف ببناء ب 4 وخاصة بوجود مواد بناء خفيفة و ذات مواصفات قوية و مجربة

انا جاري عندهم تسع سيارات لغى كراج البيت وتم تحويلة الى مجلس وزراعة داخل البيت تتسع الى تسع سيارات اما السيارات على ابواب منازل الجيران الكل متضايق منة وهو لا احساس ولا شعور حتى بدت الخلافات مع اغلب الجيران ومازال الوضع كما هو علية

التقصير كل التقصير من البلديات. انا ساكن في مجمع 557 وصاحب عماره حولها من 4 شقق الى 12 شقه وكل شقه عندها سيارتين على الاقل. شلون حصل رخصه؟

There is a need for a good and just public transportation.

احنا بصراحة في فريج الحياك بلمحرق نوقف بعيد و نيي مشي للبيت او اذا بنروح الماتم لان نور الامام الحسين علية السلام يجذبنا او المسجد للصلاة نمشي جم كيلو لان كل خطوه لاها اجر عند الله ، المشكلة تقع في الجهلاء من الغير واكثرهم الاجانب الخياط عنده سيارة و البناي عنده سيارة و الكهربائي و البايفيتر و الكواي ما باقي الللا الي يشتغل في البلدية تكرمون خمام هو الوحيد اللي للحين ماشفت عنده سياره وكلهم ياخذون المواقف و يمشون عكس اتجاهنا لان محل سكناهم شوي بعيد / البلد بحاجة الى تعديل في القوانين باقصى سرعة

وما به عامل البلدية
لماذا تستكثر عليه سيارة
هو بشر أيضا

ما اختلفنا انه بشر و له حق حاله حال البقية
بس هذا الواقع الا قاعد يصير ان ازمة الباركات و الزحمة في الشوارع بسبة ان كل الوافدين يجون و يمتلكون سيارة
دول الخليج البقية نفس الكويت و الامارات اذا يجي عامل و في الفيزا مالته وظيفته مو سائق ما يمتلك سيارة و لا ليسن يستعمل المواصلات العامة او الشركة تدبر له باص يوديه و يجيبه

يجب ان يكون هناك قانون يلزم الأجانب والبحرينيين العزب وحتى اابحرينيات الغير متزوجات بركوب الدراجات النارية فقط وترك السيارات للعائلات فقط ، ليس من حق الأجنبي والبحريني الأعزب بسيارة يزاحم بها غيره في الشوارع ومواقف السيارات .

أنا من الطبقة المتوسطة وأعزب ولي كل الحق بامتلاك سيارة خاصة, اقتراحك يضحك بصراحة, بنفس المنطق مالك أنا أقول ان المفروض الحكومة تمنع كل أسرة تجيب أكثر من طفلين عشان مستقبلا مايسببون زحمة في الشوارع !!

هههههه والله اقتراحك يضحك كفايه العزاب حارمينهم من دعم الكهرباء مع انهم يستحقونها اذا كانت ضروفهم خلتهم مو ساكنين مع اهاليهم بعد ما تبي يمتلكون سيارات ليش العزاب ما عندهم اشغال وما عندهم دراسه ما عندهم اهل يودونهم ويحيبونهم؟؟؟

كثير من مشاكل البلد الإجتماعية تحدث لأن البلد ضاقت بأهلها وأصبحنا بحاجة
لخطة اسكانية جديدة فليس من المعقول أن يملك غني مساحة ڤلة تسع لعشرة أو عشرين بيت لأنه يملك المال فقط وليس من المعقول أيضا إبقاء أجانب وبهذا الكم ببلد صغير المساحة وبه أزمة مالية ، وجود الأجانب مهم لكن بوقت الحاجة لكن نصف الأجانب اليوم يخدمون بعضهم البعض ولا يخدمون الدولة ويكفي أن نعلم أن الدولة تساهم بأكثر من ١٢٥ فلس بقيمة رغيف الخبز الواحد لهم لو احتسبنا قيمة الدعم فهل يعقل أن تطعم الدولة أجانب بمثل حال المواطنين.

شرعاً ، مالك البيت لا يملك إلا بيته ، وجميع ما يلاصق بيته للعامه بس اخلاقياً عدم الوقوف امام باب المنزل غير جيد

مايستحون ولايخجلون ولاعندهم احترام للجيران
ولين كلمتهم قوموا الدنيا عليك
چنه مو هم الغلطانين قله ادب وذوق
ف هالزمن ماتشوف جار عدل الا قله وقليل

المشكلة بسبب تكدس أكثر من عائلة في البيت الواحد أو بناء شقق للأجار و يعود ذلك إلى السببين الرئيسيان و هما غلاء الأراضي بالإضافة إلى التأخر في توزيع الوحدات السكنية من قبل وزارة الإسكان

رحت المنامة اليوم مع أم لعيال وتميت ساعة أدور بارك وما حصلت ورجعت مدينة حمد ، ضاع وقتي كله

أنا ساكن في م.حمد وجيراني معظمهم أنانية بالنسبة الى الباركات بس أنا عندي حوش كبير وسياراتنا الأربع كلها داخل الحوش وبعد يشيل أزيد - بس أبغي بعد أطلع من المنطقة وأبيع البيت والسبب مو الباركات السبب ازعاج الدراجات النارية وازعاج السيارات بأصوات الدبات لأن الشارع ورا بيتي مباشرة ومعظم شباب الدراجات النارية في المنطقة ما يعرفون شي اسمه أخلاق والإزعاج 24 ساعة - فمن له الرغبة في الشراء أنا في منطقة دوار 15 وشكراً.

أنا شراي إذا كان السعر مناسب

520 الف

قلة ذوق عن بعض الافراد في الباركات،، وزيادة المظلات في الممرات دون رقابه مع منافسة الجيران في البارك كأنك داخل منطقة صناعية مو فريق

المشكلة إنه كل بيت محطة دار مادار بيته مظلة المفروض فقط امام بيتك المظلة هذى السبب .

جارنا العزيز باني في بيته ٤ شقق ولكل شقة بارك واحد .. وبطبيعة الحال كل شخص عنده سيارة وزوجته سيارة ف زادت ٤ سيارات فالفريق .. بالاضافة الى سيارته الشخصية و كل يوم هذي حالتنا وياه .. مادري شلون البلدية تسمح له اصلاً

قدام بيتي ٢ بيت قاموا ببناء شقق فوق البيت واجروها والحين يقومون يوقفون سياراتهم أمام باب بيتي وما احب اسوي مشاكل معاهم

ماهي مشكله الوقوف امام اي بيت ولكن المشكله اذا صحو على سيارتك او وقفو على باب البيت مباشره ،، وهذي قلة ذوق وعدم احساس

من اسباب الرئيسية في ازمت باركات امام المنازل هو وجود اكثر من عائلة في البيت الواحد ، اذا كان البيت الذي يكفي لعائلة واحدة يضم اكثر من ثلاث عوائل ، يعني اشلون بكون الحال !!! ثلاثة ارباع البحرينين عوائل مكدسة في بيت واحد من وين بكون فيه باركات !!!

المشتكى لله
الغريب له الأولوية عند الدولة

هذه أحد نتائج التجنيس العشوائي!

جارنا وافد عربي ويمكن عنده الجنسية وعنده وعند اعياله سبع سيارات والمشكلة حاجز نصف باركات الفريج وصعب نتكلم له ولغيره

انا ما اظن هذا الحل

عندنا كراجات في البيت لكن مو مستفيدين منها لان يجون ناس يوقفون سياراتهم على باب الكراج فما تقدر اتطلع سيارتك ولا اتدخلها الكراج

يعني اخذتون بالنصيحه و كتبتون عن الموضوع

نصف مليون سيارة نصفها للأجانب وبعد تسألون عن باركات
الأجانب ٧٥٠ ألف والمواطنين ٦٠٠ ألف
فشئ طبيعي كل هالزحمة من الشوارع للباركات وتعالو شوفونا في المنامة اشلون نبقى ساعة كاملة واكثر اندور بارك لركن السيارة لأن الأجانب حجزوها ابكاملها

للتصحيح ٧٦٦٠٠٠ أجانب و ٦٦٠٠٠٠ بحريني

أنا أقول لو فيه احترام بين الجيران لما تحدث مشاكل ولكن مع الأسف مُعظم الجيران لا تكون الأخلاق من صفنهم وخصوصاً الساكنين بيوت الإسكان وبالذات الفئات الدخيلة علينا وأرى أن المشكلة لا يوجد لها حل.

المحرق مآساه حقيقية
نطلع من البيت للضرورة القصوى لأن حتى الأجانب ما صار عندهم ذوق وياخذون الباركات وتحصلهم يفترون العشر فرات عشان الباركات ويكفيكم انكم اتروحون المحطة الرئيسية للنقل العام حتى انكم اشوفونها خفيفة منهم لأن اكثرهم عندهم سياراتهم الخاصة وتكسون ابينهم واليوم عندهم سيارات وزحمونا فيها ويتحاططون ابينهم عشان يشترون السيارة أو يتأجرون سيارة ويشتغلون فيها . وضعنا صعب في المحرق ابسبتهم بس شنكول ومن يسمعنا

جيران بقمة السذاجة والتطفل ومحسوبين عليك من الأهل بعد ما يمديك تحرك السيارة الا بركنو مكانك ولا وعلى بابك بعد وانت ماليك الا أفلت سيارتك في ادنات زرنوق وما تروح ليها الا مشمخة بمسامير من الطول للطول وياريت يخلونك في حالك يعني حتى لو تروح تودي اولادك المدارس يحسبونها عليك طلعة برج مراقبة مو جيران واشكرة عيني عينك يستجوبونك من وين جاي وين رايح قلة أدب بصراحة الواحد مو بس يترك بيته حزتها يترك الديرة كلها

في المناطق القدبمة مشكلة… اعتقد،البلد تحتاج لقانون تنظم المواقف في المناطق القديمة… و فيها مخالفات و غرامات… الناس ما تلنزم الا اذا فيها غرامة

يعني مو كلش لهذه الدرجة أترك البيت والديرة والناس الطيبين اللي داير مداير واللي عايش وياهم طول هالسنين مثلا على شان بس شخص أو عائلته مسوي قضية جزئية وشنو القضية قضية بارك هل هذا منطق أو شيء عقلائي؟!شيء مضحك صراحة، طبعاً مثل هالقضايا وغيرها يدل دﻻلة واضحةعلى أن القوم ليسوا على سواء فيما بينهم أو من أحدهما أو كلاهما فيحتاجون تثقيف في حقوق الجار والجوار أو واحد منهم يتنازل ويخلي الدابة بعيد أوﻻ يطرد الشيطان ويحصل أجر وثواب ورياضة مشي يعني ﻻزم ﻻزم ألزقها ويه جدار البيت أبعد عن الشر وغنيلو
♡العبد♡

وقف سيارتك بعيد عن بيتك ثاني يوم بتلاقيها مشمخه ومعفوسه من الجهال المتروكين في الشوارع بلا حسيب ولارقيب

احنا جارنا ما يستحي و كل مشاكل ويانا يوقف سياراته داخل طبيلتنا و عليه تعهد و لا يفيد لانه صاحب مشاكل و متعود على الحرام

اقترح يمنعون دخول السيارات المنامة و التعويض ب ترام الكهربائي و عربات للاحتياجات الخاصة و إقامة مواقف كبيرة متعددة الطوابق حول المنامة هذا النظام في معظم العواصم العالمية

مشكلة المنامة ليست في السيارات فقط اذهب ليلية الجمعة وسترى العجائب هناك الاسيوين مثل النمل المتجمعين على قطعة سكر

اليمعة بس
المنامة كل وقت الله اسلمك واكثرهم بنكالية

احنا في المحرق الى الاسف الباركات قادتنا لترك منازلنا المشكلة انا في جميع الاوقات تصور راجع من الشغل في الليل او النهار تلف الفريج 7 لفات اذا حصلت مكان تتقلقص فيه زين والمشكلة الثانية يبركنون وراك وانت مستعجل الصبح رايح الشغل صاكين عليك تطق بيت بيت من صاحب تلك السيارة

ياما فكرنا نطلع من فريج الصنكل ابسبت الباركات بس لعيال مو ابموافقين
تصور حتى لهنود ياخذون باراك البيت

الجذر الاساس هو الاراضي والسماح بارتداد صغير بين البيت والشارع حيث يكفي لسيارتين بينما لو زاد سيكفي ل4 او 5 .

في الموضوع نقاط منها ان كثير من المؤجرين وجارنا واحد منهم عنده بناية اربع شقق لكن ما التزم بتوفير باركات بل فيه موقفين عطاهم اهله . نقطة اخرى ان كل شخص عنده اربع سيارات . اعرف شخص وزوجته جيبين وسيارة صالون فطبيعي الباركات مابتكون كافية . نقطة اخيرة احيانا فيه بارك بس كل شخص يبي يوقف على الباب ابدا مايمشي شبر رغم وجود اماكن ابعد بقليل وطول ما العناد موجود والكسل فماكو حل

الحل موجود وهي ترخيص أرتداد البيت إذا كان على شارع واحد أو ثلاثة كل إلى عليك تدخل مكتب وهو يتصرف بس عيبه ياخذ فلوس واجد والترخيص عندك ومحد كفو يقدر يوقف ومن وقف 998 يشيلون سيارته ، والمكتب أحسن من تتحرك انته لان كل اجراء تسويه انته بيتعطل من جدي دخل مكتب ومن خذيت الترخيص الكل ياكل تبن ولا تصير طيب واجد ترى الطيبة في هالديرة ينأكل حقك فيه

الحل بايد الحكومه تسوي في كل منطقه بيوت استملاك من عند المواطنين ومن ثم تحويل هده البيوت الى باركات عامه يستنفع منها الاهالي

الدراجات الهوائية هي الحل ـ شعب كسول لايحب المشي و ممارسة الرياضة

أشلون يعني
اودي يدتي المستشفى ابسيكل

بس خلك قدره ،، بيع سيارتك وخذلك بدل السيكل عشره

بخصوص مواقف السيارات
يشترط في تصريح البناء ان يكون الدور الارض موقف لسيارات العائلة خصوصا ان بعض العوائل لديها اكثر من سيارتين

مو بس الجيران ألحين بين الأخوان وكله بسبب التطور يعني كل بيت فيه عشر سيارات كل شخص سيارتين حقه وحق زوجته ومافي حل لهذه الضاهرة لأن الحل في أيدينا هو التفاهم والأخلاق والتغاضي

تقولون كل بيت فيه سيارتين والسبب ان كل ١٠ عوايل ساكنة في بيت واحد من غلاء الاراضي والعقارات وازمة الاسكان ..

الجيران بعد صاروا ما يستحون وقت نتجمع ويجون الأهل يوقفون في باركات بيتنا يدقون الجرس ويقولون شيلوا سيارتكم، البيت بيتنا والبارك باركنا ويبغونا نشيل سياراتنا والسبب ان احنا طيبين معاهم ومخلينهم يوقفون على باب بيتنا...
الأخلاق بحاجة إلى تصليح

هههه اخر زمن ،،، انا جارنا وقف تحت الطبيله مالتي يعني ويا باب بيتنا ،، وكنت ابغي اطلع لما دقيت عليه الحرس طلع لي يقول اوهوو غربلتونا ،،، شر البلية ما يضحك

صادق...توقع في مدينة حمد جارنا عندهم ١٦سيارة وواجهة بيته لسيارتين فقط

تعالو راس رمان وجوفو الوضع

راس رمان فيها أماكن كفايه لكن البعض اناني حاجز الشارع و مسوي ليه مواقف خاصه بحجه مضيف .. !! و هذا غير اللي حاجزين المكان بطراريد و سيارات قديمه و السفاره اللي بلعت الشارع كله و حرمت الأهالي من مساحه كبيره للسيارات

انا بعت بيتي لعلة ؟ ان بالةعة جاري كل يوم او يومين تفوض على باب البيت و الكراج بعته حتى لا اتنازع مع جاري

عديم الذوق لا حل له إلا العقوبة بالقانون...

الحل عند وزارة الاسكان اللي ما بتسوي حل، يعني ستتفاقم المشكلة.

بالضبط زز هنا المشكلة

وين وزارة الاشغال خل تطلع اصلح الخربان بدل ما الناس تتهاوش مع بعضها

دايما لمة يكون ف خلاف بين الموظفين يطلع مدير الشركة واصلح الوضع ويرضي جميع الموظفين

نفتقد ادارة حقيقية وفعالة في ديرتنه الحبيبة البحرين ..
هو الحنان

اضم صوتي معك

الاسكان المشكلة