ترا ما فيها شي إذا زوج صار حبوب و متفاهم و خير و يسمع لزوجته و يلبي حتجاتها و يطلعها ..
مو منقصة ترا بالعكس مفخرة.
الفشلة العظمى إذا الرجال فكر بالتفكير.
الحجي الي عندي ما يحضر وياي النناسبات العائلية يقول عشان الناس ما تحسدنا.عشتو لايكون مسوي شيء عظيم الناس ما تسويه!!!
و يتفشل إذا ناديته لازم يرد بخشونة و حمقية يعني حمش.
و سلوكياته وحش قدام بيتهم في المواقف الروتينة الي بيني و بينه يعني غصب يبي يستعلي قدامهم.بينما هو في البيت لا يهش و لا ينش

انا شاب دخلي لايقل عن ١٠٠٠دينار وزوجتي تتحداني باني لا استطيع الزواج عليها بالرغم من خيانتها الزوجيه وكثرة مشاكلها في البيت ولما بحثت عن زوجه ثانيه المجتمع وقف ضدي بالرغم من اني لا احصل على حقي الشرعي.

اعمال السحر الاسود

يا جماعة فيه اربع انماط للشخصية وفيه بعضات الناس من رجال او نساء يكون يستخدم ربع من الدماغ اكثر وهالناس تحب الدور القيادي على عكس بعض الأرباع الأخرى الي مالها بالقيادة والمسؤلية --- فما المانع ان يكون احد الشخصين هو من يتخذ دور القيادة لدفة البيت!! طبعا ً هذا لا يعني ان يكون ضعف احترام لطرف مقابل الآخر لإن إذا فقد الإحترام حتى مع وجود الحب لا يمكن الصب اطلاقاً

حسسد فالناس الي يقولون جذي عادة وليش تنقهرون خلهم زينين مع بعض منقهرين لانه زوجكم مومعبرنكم الواحد اذا حصل تفاهم وماتطحن ع راسه لازم بيحبها ويسوي كل الي تبيه

فيه رجال يسمى زوجته الحكومة وصاير خيشة في ايديها مع ان هو شخصية ومصلح علاقات زوجية لكن يوصل إلى زوجته ويصير طرطور ويخاف منها ويعطيها آلى تبغى حتى لو يتسلف

ماله علاقه بالسحر ،، اسم رجال بس شخصيه ضعيفه ،،، مثلما يقولون سكانه مرته

مهزوز ونص وأما مسحور هذي يمكن تنطبق على الأجنبية

اذا تزوج من المغرب او الفلبين او تايلند أيضا يكون عبود و مسحور و مجنون .... و الفلوس كلها تطير على الزوجة .... ♡♡

خلها تصير ادمية وانا اصير قلادة مو خاتم الله يحفضها ويهديها ويهدي جميع المؤمنين

أي واحد تشوفونه خيخة ويا مرته جيبوه الديرة شرط يخلونه الشباب يستوي رجال من النوع الفاخر

ما أكثر الخرفان الي يخافون من المدام في هذا الزمن، ما نقول لك اذبحها ولا نقول ليك رخ الحبل معاها ولكن لا إفراط ولا تفريط يالخيخة.

وقاية من مرض السكري

ازيد من سحر .. اتيينا قضايا صايدهه تلبس في الفاحشة مع واحد ويتنازل .. عقب ينقطع عنه لانهه تأمرهه تقوله نشوشه عليهه .. انزين والتلبس .. عجب

اذا كان زوج بنتهم يحبها ويتحمل فيها ومايخلي في خاطرها شي ولا يقدر على زعليها قالووا عنه "حب"
إذا كان ولدهم متزوج ويسوي لزوجته كل ماسبق قالوا عنه "مسحوووور"

اني ولا مرة صار رجال خاتم في أيدي وفِي هالزمن ماكو والله الا الي ينعدون ع الاصابع وجان زين زوجي خاتم في أيدي جان سويت كل شي براحتي بدون اعتراضات وتدخلاته منه في لبسي ومكياجي

زائر 41
شلون يعني تبين تاخذين راحتش في لبسش ومكياجش؟؟!
ماعتقدر تقصدين لبسش ومكياجش الا داخل البيت!
برى البيت المكياج حرام واللبس اذا مو خالنش على راحتش معناته لبسش فيه خلل، لان احنا كنساء محجبات طبيعي مانقدر ناخذ راحتنا في اللبس لان الشرع يلزمنا بشي

تحجوا المطاوعة

الى زائر 61 شنهو يعني تحكو لمطاوعة ترى الرجال ماقال شيء غلط الحرام حرام ولا شرايك يعني؟ انت/ انتي شنهو معتبر نفسك!! اذا انت مو ملتزم هل هذا هو الصح - قل خيرا او اصمت ... قوة عين مو طبيعية اخوي

ليش مانقول حب وتفاهم , ويفتكرون بكلام الناس الي حواليهم. الحمدالله كل حال

هاذا مسحور عدل وراكبنه جني اكيد

في واحد تزوج من غير عرقه
ومن دخلت عليهم الغريبة خربت العلاقات بين افراد الاسرة وخصوصا بين زوجها واخوه إللي اصغر منه بسنتين . والى الان حوالي 27 سنة مقاطعة بين الأخوين..
وكل هذي بسبب انصياعه ورى اوامرها

انا و زوجي متفاهمان و منسجمان و يشاورني في كل شيء وكل خطوة يخطوها وينفذ اوامري ويلبي طلباتي لكن الناس يعتبرونه خاتم بيدي و مسحور وهذا من الحسد و الغيرة لايريدون لي الخير

قاتل الله الجهل .

كالعادة اختيار غير موفق في العنوان
ما هو تعريف ضعيف الشخصية والمسحور في نظركم
هل هو الذي يراعي زوجته ويساعدها في اعمال المنزل كما تساعده في نفقات المنزل
الحسد هو الذي يولد هذه المصطلحات وكذا ذكورية المجتمع التي تريد الرجل متسلط على زوجته ولا يساعدها

يالوسط .. ترى ما اذت عيشتنا الا هالمقولات .. اذا الرجل قام بواجبه وساعد نصفه الثاني قلتون مسحور وضعيف شخصيه .. الامام علي ساعد فاطمة الزهراء .. هل هو مسحور لو ضعيف شخصية

اسد في برا وعندها حمامة

في الشق الاول يمكن نقول حب .. بس في الشق الثاني بالموضوع انه يضرب اهله عرض الحائط هذا شخصيته قدام زوجنه رايحة عليها يطلع حرته في اللى يحبونه اما النسرة اللى وياه ما يقدر عليها

ضعف شخصية
اعرف واحد صار جد
و للحين اذا قالت مرته كله بس خلاص ما تتثنى
لو ع اتفه الاشيا
المهم راي أم فلاااان

ولدها اذا حب بت الناس صار خاتم في ايد مرته و مسحور و مشرب و مسوين ليه الطبوب
بنتها .. لو رجلها يعطيها عيونه كل مايعطيها مايسوي ليها ما يسفرها مايشتري ليها حق تغطي العيون
معظم العمات جدي
اهم شي سعاده بتها
فيختلف عندهم مفهوم الازواج الخاتم المسحور

ما أدري شنهو أقول مع نسيبي شخصيته مع أهله قوية ومع زوجته سنور ... خله يحب زوجته مو مشكله بس أنه يعادي أهله ليرضيها وبدون سبب لمجرد أتباع أهواءها ويش تقول عنه

ما في شيء ايسمه حب هكذا يعني الى درجه 24 ساعه فالته العيال على هذا الشاب المسكين وتكلع وتستانس و الريال لا يكلع عند ربعه زلا يىوح مكان وتصارخ عليه يخاف منها اشويه زيوقف قلبه عبد هذا الرحال مثل ذليل اي حب هذا استعباد .. الخب تفاهم اشيلك وتشيلني صح تعاون ورمنسيه عندي ايمان في قلبي بهذا لكن يصبح المسكين مثل سغاله مقلوبه في امرها لا ولامثل ما قال امسويته لوح ولا ما تحترمه عن الناس تصارخ عليه و الرجل يرتعد و الكل يضحك على المسكين

فلم هندي هههههه خفف الله يعطيك كل محروم زوج

ههههههههههه ماضحكني غير تعبيرك عن الموضوع بكلمات حروفها طايره

هههههههه

تعليق طريف..هههههههه

دبحتنا من الأخطاء الاملائية خوك صار ليي ساعة اضبط الكلام حق يدخل الراس
لكن عجبني السيناريو مالك يصلح لمسلسل مصري أو مكسيكي

هذا يسمونه حسد و غيره من الناس. مايجوفون ازواج مستانسين و منسجمين مع بعض الا بدأت الاحقاد و الأمراض النفسيه.

ولد زويد
إلى كل لوح قصدي زوج لاتسوي روحك عنتر بين ربعك وفي الشارع وأنت في البيت خيخه يا سكان زوجتك ويا خاتم صبعها تبا لهذا نوع من ما يسمى الرجال طيط

هذا يسمونه عبووووووود

زوجي من نوع سي سيد كلمته هي المسموعة و مستحيل يكون خاتم في الإصبع لأنه شخصيته قوية و عنيفة و لكن عندما أذهب إلى محلات التسوق 3 مرات في اليوم اشوف الأزواج الذين مع زوجاتهم مثل الخاتم ينفذ الأوامر و يملأ 3 عربات و بعد تقوله أذهب و احضر المزيد و هو يرتعد أمامها و لا يتكلم من الخوف ..

عشرة لايك ل ولد زويد .. لا يعجبني الرجل او الزوج الذي تتلاشى شخصيته و هيبته أمام الزوجة و يكون خادم لها في كل وقت من الأوقات ...

ف بعض الحالات فقيرووهربين الناس وخلوق ومع بيته بلااخلاق

انا حاب اصير خاتم في ايد ام محمد مو حاصل لييي كل مااحاول افشل

شكلها من النوع العنيف والخشن خوك
الين استمر الوضع جدي نهايتك مذبوح على ايدها

لاحب ولا شي .. لو فيه خير حب امه وابوه قبل زوجته مويحب زوجته ع حساب اهله.. وبالله فيه واحد يحب زوجته يتطاول ع اللي ربوه .. اي يحب زوجته يحترمها يقدرها لكن مو لدرجة انه يمشي وراها حتى في الخطأ .. مايسوي جذي الا اللي ماعنده شخصيه وتكون شخصية زوجته اقوى منه بحيث انها تسيطر عليه

ضعيف الشخصية هو الشخص اللي يطبق كلام غيره الغلط والغير منطقي ويرجع لعدة عوامل في نظرنا والله أعلم:
١- تربية الأم لولدها على الاتكال في الفكر، أي انها ما تعطيه مجال يفكر او يقوم بعمل خفيف في البيت او شراء حاجيات بسيطة، وهذا مسبب قوي لضعف الشخصية لأنه جاهل في امور والمرة تمشي اللي تبغي حتى لو خطأ لان هو ما يفهم فيعتقد انها صح
٢- ان كانت الزوجة تملك المال مع عدم وجود الوازع الديني بيفقد شخصيته أمام مالها
٣- الخوف من الزوجة وأعصابها أو من اخوانها لمواقف سابقة
٤- يسجل البيت باسمها فيخاف ينطرد

خوف وضعف شخصية طبعا لا اقصد الكل بل هناك استثنائات البعض من كثرة الذنوب اصبح ك قول الآية الكريمة
((على قلوبهم اقفال ))

باعتقادي التوافق بيني وبين زوجتي وانسجامنه لايعني تن يكون هناك سحر او ان اكون خاتم في يدها.بالعكس فبدورها تكون معظم الوقت في المنزل ومع الاطفال فمن الطبيعي ان يكون لها الدور الاكبر في المنزل .وكما انها لاتحبذ تدخل اهلها بالمشاكل الداخليه لنا فاني لا احبذ تدخل اهلي كذلك وهذا لا يعد عقوق.

ادا الزوج حس بالحنان والحب من زوجته اكيد بيكون طول الوقت معاها كل واحد بيروح المكان اللي يريحه والناس من الحقد والغيره يسمونه سكانه مرته وما فيها شي لو ساعد زوجته التعاون واجب بين الزوجين تخيلي انتي هلكانه والزوج قاعد فاضي وما يجي يساعدش اكيد بتنقهرين

المفروض كل طرف يثمن ويعطي استقلالية الطرف الآخر وعكس صورة الرجل المثالي كما تحب ان تكون المرأة نموذج مثالي وعكس انوثتها وهذا يعتمد على فن التعامل من قبل الزوجة للزوج.. اما غير جديه الرجال يطلع باااااااور....

وااااو رد مقنع

تكنس تطبخ غسل و........ياريت كنت مرررربلاشخصيه واخرشي ويش صويتلي قهرررر...

ضعف شخصيه ١٠٠٠٠٠٠%

اذا تزوجت المراءة رجل ضعيف الشخصيه تقول الى حياتها وعلى الدنيا السلام وكل امراض الدنيا تصير فيها لان واايد الحياه لاتطاق مع رجل ضعيف شخصيه لاااستقرار وكل مشاكل تصير وووراثه الى الابناء ياحرام تصير.

احنا متعاونين في كل شي خصوصا بعد التقاعد انا اغسل المواعين واغسل الثياب واكنس اضيع وقتي بس هي ماتطلب مني هشي اذا انا اطالع المبارة هي تسوي هالشغلات توصيل الجهال عليي وعليها عادي والحياة ماشية

الله يخلي هالسحرة وبالذات اللي كل عليها خاتم علاء الدين لانه شغال في جلب الحبيب تخاف تنساه يوم واحد وغالي وووووايد مبالغ في السعر بس للجلب الحمار اللي عندها لاضمير ولاحياء.

سحر الخواتم وجلب الحبيب وتحضير الجن الله يخلي اللي يبيعون الخواتم اللي حجرها شغال للجلب اكيد سحر تشوفه مثل ???? وياها بنات هالزمن ينخاف منهم كلشي يسوونه عادي لاضمير ولاحياء.

اكيد ضعيف شخصية

الرجل إذا ما صار صلب و ذو شخصية في البيت راحت الأسرة وطي ، إلى الزوجات لا تجعلن ازواجكن خواتيم في ايديكن بل اجعلوه يحس برجولته وقيموميته

سﻻم عليكم/ الزوج له عدة ادوار كما هو للزوجة ﻻكن في حدود المعقول ، والوالدين لهم مكانتهم الخاصة ولهم اﻻحترام كما أن الزوجة تخدم زوجها كدالك الحال عند الزوجة ﻻكن من غير المنطقي أن يصبح كلخاتم او الخادم ﻷنه سيفقد شخصيته كرجل لهو الوﻻاية وطاعته واجبه والتعاون مطلوب في حدود المتعارف وﻻ يراضي زوجته على حساب والديه يكون عاق عند الله سبحانه وتعالى.

100/% ضعف في الشخصية نعم احب زوجتي ولكن ليس على حساب اهلي

صح كلامك كل واحد له مكانه ،،، وضعيف الشخصيه الي يرضى بكلام زوجته عن أهله وما يوقفها عند حدها

الناس لما تشوف في اثنين متفاهمين في حياتهم على جميع الأمور ويتشاورون وكل تحركاتهم مع بعض قالو خاتم في يد زوجته ولا سكان مرته ،،، يا اخي مو عيب ان الزوج يكون تحت امر بيته وعياله وزوجته ويؤدي كل واجباته بدل ما يترك كل شي على المسكينه تتحمله واهو يسرح ويمرح ويسافر ولا يدري بشي

اذ احبها قالو ساحرتنه اعوذ بالله نفسيات مريضه وساعات بالفعل يكون ماعنده شخصيه

وين هالحب دلني عليه ،،، بس تدري يستاهلون بعض الرجال تسحرهم لانهم خاينين وما يجي في عينهم شي عبالهم المره خدامه تدرس وتوصل وتفعل وتمشي كل الأمور واهو واجبه بس يشتغل ويجيب بيزات ولا في حب ولا تقدير لها

ضعف في الشخصيه

الرجال قوامون علي النساء بس الحين اقلبت الاية المراءة هي المسيطرة والامرة والناهية في كل شي والرجال نفس الطرطور اهم شي يلبي رغباتها مو مهم راحته وحتي اهله مو مهم اهم شي اهلها وهو نفس المسير يمشي وراها. امك ابوك جنتك ونارك اخوانك خواتك وين موقعهم من حياتك وفي النهاية الي مافية خير لاهله مستحيل في خير الي زوجته.

الرجال الا اصير خاتم فيه يد زوجته تمشي كيفها هي مورجال خلك قوي شخصية ياعنتر. مو ارنب