الحل ايقاف الجشع والمبالغة بالاسعار شي طبيعي الواحد بيشتري على قد حاله بس سوق سترة مصخوها بالاسعار

بعض الناس همها مصلحتها ولكن تجهل أمور غائبة عنها منها البنغالي الي تحب تربحه هو ما بتزوجه ابنتك ولا بيساعدك اذا محتاج ولا بيشاركك في احزانك وافراحك ولا بيشيلك اذا طحت وأكبر غشاشيين الأجانب يوزنون الربيان والأسماك بالماي والبعض منهم ميزانهم قاصر الي يبيعونه اغلى من ولد ديرتكم الي منكم وفيكم.. اعقلوا يا الي تحاربون الناس في ارزاقهم عدلوا من خطابكم وزنوا ما تكتبوه

انا مواطن منكم و فيكم ، انا ماقدر اشتري هامور و لا جنعد ولا صافي، مثلاً اشتري القرقفان الطري كلش ب 500 فلس من البنغالية، وانت ياالبايع لبحريني تقول لي دينار و نص!! معقولة. اهم يشترون من السوق وانت هم تشتري من السوق، شها الجشع اللي فيكم.انتو تجبرونا نتعامل من الآسيويين

والله البائع الاسيوي هو نفس ابناء ستره مخلي صيادين يبحرون اسيوين معاه ويبعون له ويحصلون قلاطه انا اعرف الصيادين انتو السبب وتشكون منتو على قلوب وحده ما تشغلون اهل الديره معاكم وتبكون

الاسيوي ارحم

لا تروح ابعيد اليوم سوق سترة سعر كيلو الهامور 8 دينار هذا ذهب مو سمك

فرق بين المركزي وسوق جدحفص أما سوق سترة لا تتكلم

انا واحد من أهالي سترة اقول انتون مو جزازيف انتون قصاصيب

لازم جزازيف سترة يراجعون روحهم في الأسعار

بخصوص أسعار السمك في سوق سترة واجد يرفعون من السعر والناس تبغي تشتري على حسب ميزانيتها وبالسعر المقبول

ليش اطالبون بالحل وهو بين يدكم بصراحة احنا ما نقدر نشتري من عندكم اسعاركم نار ولا فية عندكم مجال للتخفيض ....

انا اتعجب من بعض العقول الي يقول نزلو السعر يا أخي إذا أنت ما تفهم في السوق لا تحشر روحك يا أخي ذلين مو
بحارة جزافة يعني يروح المنامة أو لين وصلو البحارة من البحر صفو الثلاجات وقامو يحرجون عليهم على سبيل المثال
الجزاف يشتري الثلاجة بـــ 100 دينار والثلاجة والسمك الي فيها وزنه حولي 40 كيلو لو قسمنا 100 دينار على 40 كيلو
يطلع سعر الكيلو دينارين ونص بالله عليكم يصير الجزاف يبيعكم الكيلو بنفس السعر أو أنزل مايصير خسران على
الأقل يبيع الكيلو 3 دينار عشان يستفيد في الكيلو 500 فلس فهمو عاد

من حقهم البياعين البحرينين يقلقون .... بس في نفس الوقت من حق الناس أنه تشتري بسرع يناسب مصاريفها و الكل يعرف الوضع المادي من سئ إلي أسوئ ... مع اني ضد فكرة الشراء من عند الأجنبي بس بحسب الضروف الحالية ما نقدر نشتري بسعر غالي ف علي الباعة البحرينين إعادة النظر في الأسعار

عدة مرات اشتري شغلات كهربائية وغيرها واكتشف ان الاجنبي يبيعها ب 50 بالمئة انا افضل اشتري من البحريني لكن احيان كثيرة يخلونك تهرب، بس موالكل سوى في بحرينيين محترمين وبالنسبة للاسماك انا ما اشتري من الاجانب لانهم يبيعون الاسماك اللي موفرش

اوه عاد سوق سترة لسمك كأنك مشتري ذهب واسعار واجد مبالغه ولكن ما انصح احد يشتري من الفري فيزا وتقدر تشتري من بحريني يبيع في عدة اماكن

السماكة كل مارفعو السعر فتحو مجال للشركات للاستزراع لان السعر فوق يسوه وبعدين بيتوفر بكمية هائلة وبيخسرون تنزيل السعر في صالح السماكة مستقبلا

اجيبونهم فرى فيزا وتاخذون فلوس وتهددوهم هذى النتيجة

كل الي تحجج بان الاجنبي يبيع ارخص، ترضى يبدلونك باجنبي في شغلك لانه ارخص منك؟ اذا قلت لا، جوابيي ليك: ..ب، اول حرف مافي بالعربي بس ينطق بالانجليزي ch

للاسف كل اليي في السوق يبيعون جشعين والطمع عامي عيونهم يستغلون الناس

الحل في الاسعار هو تفعيل التسعيرة الحكومية وتغريم المخالفين، بس بعد ضبط الاجنبي المخالف ايضا

التكسي الأجنبي ارخص للمواطن
السماك الأجنبي أرخص للمواطن
المقاول الأجنبي ارخص للمواطن
واكيد الناس راح اتروح للأرخص
حتى لو كان الأحنبي غير مرخص

راحت عليكم فتحون عيونهم عليكم .. راح يشيلونكم و يخلون الاسيويين.

الصراحة في احيان كثيرة الهنود يبيعون بسعر واجد مناسب اكثر من البحرينين الي يغالون بزيادة والفرق مو ربية لو ثنتين ساعات الي داخل يبيعون باربعه او ثلاثه ونص والي بره يبيعون بدينارين ولو مافي فرق جان ما اشترو من عندهم الناس وجماعتنا واجد يغالون في الاسعار والبحرينين دوبهم على روحهم نفس ما انتون ما تبغون يزاحمونكم لا تغالون في سعر السمج عشان الكل ياخد من عندكم مو من عندهم

لأنهم أرخص منكم. أنتون ماترحمونا احنا أهالي ستره

رخصوا اسعاركم راح ايجونكم الناس ولا راح اروحون للأجنبي
اذا كان الأجنبي يبيع سمك صافي او ربيان أرخص منكم راح اخذ من عنده
أكيد

ألأجنبي أو ألآسيوي ليس أرخص منا ولاكن هناك عدة عوامل فرق جودة السمك هل هوطازج انظر للميزان أللذي يستعملونه ابوا عقرب أستطيع أنزل الاسعار وأقصر في الوزن والزبون يذهب للبيت وهومرتاح ماإحس ولاكن هناك ضمير عند ألانسان ياجماعة دققوا مع ألاجانب من هذه ألناحية

تعليق

الخبر بكبره هرار ومردود عليه

أسعار سوق سترة تفوق الخيال أسعار لا تصدق