انا ولية امر.. في نظري الروضات جزاهم الله خير هم صناع المستقبل والدور الاول لهم في تأسيس وتهيئة عيالنا لدخول المدارس.. ما بتفرق سعر شهر لو ضغطنا انفسنا.. والله لو نموت ما نقدر نقعد عيالنا خمس دقايق ع بعض نعلمهم حرف واحد.. ومساكين اصحاب الباصات مو من حقهم اجازة وراتب.. والله بس اذا احنا نشتغل نبي راتب ع اجازتنا.. خلنا نكون متعاونين ونيتنا الخير للجميع الله بعينا وبيرزقنا

حتى الباصات الخاصة
يوصل جم يوم بس ياخذ مال شهر
حجتهم تعب و قلة المعيشة
انزين ترى حالنا من حالكم
كلنا محدودي الدخل و تبوقون منا!

في دولة الكويت رياض الأطفال تابعه لوزارة التربية وهي مجانية لكل المواطنين هذا ما نرجو تطبيقه في بلدنا الغالي

انا ولي امر طالب مب صاحب روضه لأكن انا أقول من يدفع مصاريف الموظفين في الروضة عن شهر سته حرام عليكم ترى والله يتعبون مع اطفالنه ولا تنسون اهما أساس التربيه في الروضة مب حرام لو دفعنا حقهم وترى يداومون الجهال في ايّام هاده الشهر وشكرا

????صدق الرسوم مبالغ بعد فيها. والنهب بداية ونهاية السنة. ونصف السنة بعد اجازة الربيع وكل روضة طالعة بزي وزي رياضي بقيمه مبالغ فيها. من يدخل الطفل الروضة يصبح في الميزانية خلل عدل. ومن الرحلات بعد مبالغ في الأسعار. أصبحت بعض الروضات مادية في الدرجه الاولى. وآخر أهدافها التعليم ومافي الا بس صراخ على الجهال وكرسي العقاب وإذا ما صرت زين بنلبسك بالطفل الحفاظة. تحقير له ????????????

نصب واحتيال بعد شهر 5 خلاص خلصوا المفروض ماياخدون طمع وجشع

اولا الروضات يأخذون مقدم لشهر يونيو و يرتفع التسجيل كل سنه ولي الامر الذي لديه اكثر من طفل من أين يدفع هذه المبالغ
ثانيا الواجبات المنزليه بكثرة الطفل في هذا العمر لايتحمل الضغط الدراسي و الأطفال في المرحلة الابتدائيه لا يكون لديهم هذا الكم من الواجبات المنزليه

اني روضة بتي يقولون هذا قرار من الوزارة ان يدامون الاطفال الى شهر 6 ولازم تدفعين
هذا شكله كلام من عندهم عشان ندفع حتى ما قدرت ادفعه قسطته اليهم
وين الوزارة عن التلاعب ولا بس تبي تتحجج على الحمام كبير والصف صغير

دام السالفة جشع
نقترح على وزارة التربية استحداث سنتين "تمهيدي" بالمدارس و تكون برسوم رمزية (مقارنة ب ٤٥٠)
نقول ٢٠٠ دينار للفصل
و بذلك تحل الوزارة مشكلة العاطلين من التربويين
و يرتاح أولياء الأمور من مسلخ رياض الاطفال
و بالمره تحصل الوزارة على مدخول يتكفل بتغطية مصاريف هالسنتين

قرأت بعض من التعليقات
و تبرير ان الرواتب لموظفين الروضه و مصاريف تشغيل الروضه تندفع ل ١٢ شهر من قبل القائمين عليها ليست مبرر بصراحة
هذي حتى الجامعه ما تسويها
نتمنى تحكيم العقل قبل ما تتدخل مقصلة وزارة التربية و تطيح اللي شايل العقل بكبره

زين أصحاب الروضات يتحججون بالاجارات و المعاشات زين و اصحاب الباصات و التوصيلات الخاصة بالمدارس يبوقون عيني عينك يأخذون شهر واحد على تلميذة ما داومت يوم واحد من شهر يناير يعني نايمين .لا و يوم تسافر و يوم عندها ظرف خاص ما تخصم منها شئ!!! و تزيد الأجر من جيسها على ناس وناس ...ما يخافون من الله بوق عيني عينك مو حلال فلوسهم خل يراجعون نفسهم يوم لا ينفع مال و لا بنون ...راجعوا نفسكم يا أصحاب التوصيلات و لا تحطون ايدكم في ايد بعض على الظلم و التعدي على حقوق الآخرين و عجبي !!!

كلامك عدل بس مولكل البعض

روضة صار لها سنين تأخذ زيادة شهر امخلينهم على كيفهم

حت روضة ولدي بداية السنه طلبو قسط شهر 9 و آخر شهر من السنه الدراسيه وهو شهر 6 غير رسوم التسجيل مقصبه صراحه ه الروضات صايرين مثل مكاتب الخدم بالضبططط كلما جا ليهم يرفعون الأسعار مستغلين حاجة الناس ولا حسيب و لا رقيب عليهم

كل شهر ادفع 65 دينار رسوم
وبنتي يمر عليها الباص الساعة 7:40 تقريبا
ويرجعها الساعة 11:20
ابغي اعرف ثلاث ساعات 65 دينار ليش
ساعة ريوق و ساعة لعب و ساعة دراسه
وأنا اقول ليش بنتي سنتين في الروضة
ما تعرف تكتب الا بس حرف ب و B
وبس

ويريدون رياض اطفال بالمجان... من اين تدفع رواتب الموظفين في الروضات لعام كامل اذا كانت الرسوم المدفوعة لتسع شهور فقط؟! وتغير الدوام لنهاية مايو بدعة يجب ايقافها لتفادي خسارة الروضات

صحيح الروضاات الأغلب تمددون وقت الدراسه لشهر 6 لو عساه بيوم عشان تدفع شهر 6 الانه طالب دوام بروضه لو يوم هل يعقل هدا الكلام اللعام بنتي أقل من سبوع و خلصو ودفعت شهر كامل عشان بس جم يوم راحت وسنه اخدو 15 دينار فقط لصورة لحفل التخرج فقط لتصوير صورة واحده وعادي حياه تمشي

بنظري هي قوانين خاصه
هالقوانين صارت لأن الأهالي مايدفعون آخر شهر ويهربون فمن حقهم يطالبون بحقوقهم ويضمنونه ولو أخذوا مال الكورس كامل الأهالي بيتوهقون وماعندهم فاحمدوا ربكم

كل الكلام صحيح حتى المواصلات اذا من عندهم ادفع ليهم مال شهر ست وتسع ليش هذا الاستغلال نتمنى يكون هناك اجراءات شديدة

بغض النظر عن بعض السلبيات... ولكنهم يستطيعون جعل الرسوم بالفصل يعني الفصل الاول 400 دينار ولا دخل لذلك بالاشهر والفصل الثاني 450 دينار مثلا وايضا ما اليه علاقة بالأشهر..

٤٠٠ ويش؟
بأي عمله هالرقم!
كورس الجامعه ما يكلّف هالكثر !!

الروضات العاديه اذا بالكورس يكون المفروض اقل شي٢٠٠ دينار للكورس الواحد

...

حتى رسوم شهر تسعه الجهال يروحون الروضات بعد تاريخ 15 وندفع رسوم الشهر كامل واخر شهر 6 ندفع رسومه مع التسجيل علشان اتضيع السالفه

الله كريم
عندي اطفال توم في الروضه .. يعني الدفع لشهر سته بكون دبل .. وهم جالسين بالمنزل .. اتمنى يصير حل

أني أشتغل في روضة وأعرف عربدة أصحاب الروضات. .المديرة تلزمنا نخلص المنهج شهر مايو ليش عشان بعدين الأطفال يغيبون.. وحتى لو داومو الأطفال تقول إلينا خلوهم يلعبون وانتون قعدو ساعدوني في الإدارة وترتيب الصفوف

روضة ...تشترط عند التسجيل أن تاخذ شهر جوان مسبقا ..... علما ان شهر مايو ما يكملونه ... اخر شهر 5 يسلمون الجهال الشنطة فيها كل الكتب ويقولولهم : خلاص ما في دوام من بكرة ,,, هذا اضافة الى نوعية المدرسات اللائي يدرسن ... تقريبا مستواهن بالكثير 3 اعدادي ... بس يعرفون يحطون STAR على الدفتر حتى يستانس ولي الامر ويقول ما شاء الله الفلوس راحت في مكانها ... بس لو يشيك مستوى الجاهل ينصدم فعلا من المستوى اللي موش موجود أصلا ... باختصار أنا هنا لا أعمم وأتمنى ان تكون حالة شاذة ..

الروضة اللي نتعامل معها كانت رسوم التسجيل واضحة بالتفاصيل، وبعدين ألغوا مسألة التفاصيل وفي نفس الوقت اعتبروا نهاية الدراسة في آخر شهر مايو.
يعني لا تعورون راسنا وتسألون عن مبلغ شهر 6، لأننا نقفل نهاية شهر مايو، والتسجيل هذا سعره، تبي حياك، واذا ما تبي غيرك عشرات يبون.
.
يعني الجمبزة أنواع واشكال، واصحاب الروضات شاطرين في شفط الفلوس.
والمفروض يكون للوزارة رقابة ادارية ومالية على هذي الروضات وتلاعباتها

الشكر للوسط على تسليطها الضوء على هذا الموضوع .......فعلا شيء مخجل ان تقوم مديرات الروضات بأخد رسوم شهر يونيو بحجة أن الوزارة لا تصرف لهم الراتب .....ايعقل هذا؟؟!! ..ام ضحك على العقول؟؟؟ ...هل سألتم عن أحلية ذلك؟؟ ...انتم تأخذون الرسوم بدون رضا اولياء الامور....أتمنى من الوزارة ان توحد اسعار الروضات .وأن تنظر في هذا الموضوع

اخدوا طلبات الروضة
كلينكس علبتين، علبة صابون سائل ،سماطات يعني سفرة اكل شدة كاملة؛معقم ايد، الوان، دفاتر عادية ودفاتر رسم، ساعات رحلة مرتين في الشهر ، حفلة الحيوانات وتعال اشتر زي حيوان ولين مابتشتري بيصير الطفل منعزل، زي حج في موسم الحج ، زي قرقاعون حتى لو صادف القرقاعون في فترة العطلة بيعوضون، زي الالوان نصرف عليكم؟ ؟ ...

خخخخ
روضة ولدي في كل كورس يطلبون شدة كلينكس يعني لو نجي نضرب عدد اطفال الصف أربعة وعشرين طالب ضرب شدة كلينكس فيها خمس علب بيساوي ميه وعشرين علبة كلينكس و بنقول كل أسبوع يفتحون للصف 3 وهذا واااجد على صف يعني تقريبا بيطلع 48 علبه انزين باقي العلب72 علبه وين تروح؟؟؟؟ أتمنى مديرة روضة تجاوب سؤالي ناهيك عن مبلغ الرحلات احسبو و شوفو كم في جيس المديره مو علينا يا مديره

وآله حاااله
كل مايقدرون كل يشكون قعدوا ولادك بالبيت ولاتعورون راسكم

زين سويت في هالناس اللي مايعجبها العجب
ولو تقول ليهم الطفل بعده صغير على الروضه خلوه يكمل ثلاث اربع سنوات ويا أمه في البيت
قالوا ليش انخليه يزعجنا في البيت خل انوديه الروضه ونرتاح
ويبغونها ببلاش
العن ابوها من ربيتين اللي بيدفعونها للروضه ومايقدرون المجهود

احنا ما نبي نودي اطفالنا من عمر ثلاث سنوات بس الطفل اذا دخل في عمر خمس سنوات ما راح يعرف يكتب مثل باقي الأطفال لان يمشون الروضات نفس المدارس مستوى اول يتعلم يمسك القلم و يتعاون مع الأطفال مستوى ثاني يكتب الحروف و الكلمات مستوى ثالث يكون يقدر يكتب جمل و يعير عن الصور

بالضبط احنا بعذ اخذو من عندنا حق شهريونيو ونهايه الدوام شهر 5

مثلا مثلا
متأجرين شقه وسكنتون فيها اسبوع وانتون مسيو عقد فلام تدفعون مال شهر وبسكم جمبزه

مثلا مثلا
أنت مستأجر شهر وطلعت قبل نهاية الشهر بس الشهر محسوب عادي مافي مشكلة، ولكن اذا طردك المؤجر وطلعك وفرض عليك تخلي الشقة قبل نهاية الشهر فأي حق يأخذ عليك الشهر كامل؟! علينا هالحجي؟!

للي يحب يعرف السبب
معظم الروضات ليها حقوق ورسوم مااندفعت على الأهالي لأن بشهر 6 يهربون ومايدفعون وهذا في ذمتكم حرام وبعد يطلعون الروضات غلطانه وهم اللي يهربون ولايدفعون ويقفلون تلفوناتهم

بعض الروضات سوا حل بانه اعتبرت هالمبلغ مقدم لشهر 5
اذا الوزاره بتلزمكم فاضن راح تلزم كل الروضات مو روضه وروضه
وانتو عارفين انه شهر رمضان راح يكون نهاية 5 يعني من الفاضي الي بودي جهاله شهر 6
انا اقول في حل بس الروضات ماتبغي تحط هالحل قدامها لان دفع اولياء الامور احسن ليهم

في بعض الروضات يستمرون فتح الروضة الى شهر 6 وبعضها الى 5 ..اهني الروضة تلزم ولي الامر بدفع رسوم الشهر الاخير لان عليها التزامات من رواتب للموظفات وغيرها ..وولي الامر هو اللي يأجز طفله من نفسه والروضة بابها مفتوح ..فلا يتحجج ولي الامر .. اذا لم تلزمه بدفع الرسوم بيأجز طفله والموظفة من وين بتستلم راتبها ...اني وحدة من المدرسات وشفت عيارة اولياء الامور وبعدم دفعها للرسوم نهاية الشهر في السنوات اللي ماكانت رياض الاطفال تلزم بدفع اخر الشهر وكنا نعاني بالسالفة هاذي ومن حقها تلزم بالدفع .

اني يتصلون فيي يقولون ليي تعالي اخذي بتش لان روضه ما في اطفال

انا ايضا استغربت من احدى المدارس فقد طلبت مني دفع مبلغ 30 دينار سوم للرحلات.. فقلت في نفسي انه من الافضل دفعها الان حتى لا اضطر لدفعها على عدة مراحل طول السنة... لكني تفاجئت بهم من اول رحلى يطلبون مبلغ 5 دينار رسوم الباص!! سألتهم عن مبلغ ال 30 دينار التي دفعتها لكنهم اجابوني انها رسوم الرحلات وليست رسوم الحافلة.. لا اعرف من اين لهم هذه الخطط لاستنزاف جيوبنها.. ولا حول ولا قوة الا بالله.

????????‍♂️????????‍♂️انا مطرشين لي ورقه يبون ٢٥ دينار حفل تخرج حسبته متخرج من الجامعه

شعوب
انا قرطاسية بنتي لمدرسة خاصه 100 دينار فليش الكذب

فعلا هالموضوع زين من ناحيه
على الأهالي دفع قيمه الفصل كامل أفضل

حتى المدارس الخاصة لازم الوزارة تحاسبهم على دفع رسوم شهر كامل والدوام فيه بس سبوع

حرام الصراحه ، من قال نسافر او نروح مطاعم ، احنا ندفع عشان يتعلمون اولادنا ، ولان مدارس الحين يبونهم يدخلون المدرسه وهم يقرأون ويكتبون و بعدين عندي ٣ اطفال جم ادفع حرام واصلا حالنا ما يعلم فيه الا الله واللي ايده في الماي غير عن اللي ايده في النار وحسبي الله ونعم الوكيل

مايبون بلاش
بس معروف الروضة الدوام بس لكم يوم من الشهر وياخذون الشهر كامل والشهر اللي بعده
اللي عنده ضمير
يشوف جم ياخذون على القرطاسية لكل طالب
والروضة ماتكلفها هالقرطاسية حتى ربع المبلغ

مو بس جذي، ياخذون من ضمن مبلغ التسجيل مبلغ للكتب والقرطاسيه ولما تسجل يعطونك لسته فيها القرطاسيه المطلوب تشتريها، لما سألتهم قالوا لا ذاك المبلغ بس للكتب!! وفوق هذا اشوف طلباتهم واجد، كل يوم والثاني لازم تجيبون نشاط، ومره حيوان اليف، او كل مره لون ولازم تلبسهم اياه وتشتري ليهم شي بنفس اللون يوزعونه، وحتى لو الشي مو اجباري ولي الامر يضطر ياخذ عشان ما يكسر بخاطر طفله قدام باقي الاطفال.. بعض الاسر تكون هالاشياء واجد مكلفه بالنسب ، واللي يقولون اللي يبي يودي ولده يدفع! ترى كل الناس تبي عيالها تتعلم

بالفعل واجهتني هذه المشكلة حيث طلبت المدرسة مبلغ 150 دينار رسوم قرطاسية لكنهم بدأوا بطلبات عديدة كلها قرطاسية.. فوق كل ذلك لم يستلم ولدي اي كتاب لنهاية السنة بحجه عدم توفر الكتب من الناشر.. ورفضت المدرسة ارجاع المبلغ.. في السنة التي تلتها اسلتم ابني الكتب ولكن مطبوعه وصغيرة الحجم .. اذ ان سعرها لا يتعد العشرة دنانير.. لا اعرف لماذا طلبوا مبلغ 150

احسن حل للروضات يسوون الدفع بالفصل الدراسي بدل من الدفع الشهري ومحد بيتحلطم بعدها

موضوع جدا ممتاز
ولي الامر مجبور يدفع في التسجيل مع انه هم يدرون ان المنهج بيكون مخلص ولا بعد يقولون للاطفال ناموا يعني شنو لاتجون فكونا .. البيزات الي ندفعها حرام عليهم كل واحد ينهب من صوب ولا يوجد رقابه

والله حرام
ترا في أماكن تاخد حساب شهر 6 ومبلغ الرحلات والأكل مقدم ليش ماتتكلمون عنهم وشهر بالوضع ومن حقهم تتبجحون عليهم

قليل من التفكير
المدارس الخاصه ليش تدفعون ليهم لشهر 6 ؟؟؟؟؟والاهلى رأسهم ريشه

كلام كذب
لأن الأطفال يداومون شهر 6 وهذي الحركات بعض الأسر اللي ماتبي تدفع مقدما لأن بعدين تتهرب من دفعه وتغلق هاتفها هالحركات معروفه

هههه الي يقول كذب يعني اكير مديرو روضة ،، اني سجلت ولدي توني اول سنة و تعقدت من المصرف صراحة لان ماديين الى ابعد الحدود يشوفون فقط مصلحتهم الماديه في الامر
و بنخلي ولادنه يداومون لآخر يوم في الدوام بنطلعه من عيونهم !
و كل فلس خذوه حرام و مو مبريين الذمة

فعلا حرام

فعلا الايباد رقيب على هذه الروضات

شهالكلام الغير صحيح
الأطفال يداومون شهر 6 وبلا كذب

لا يداوم الطفل ولا يتم استقباله

تحدد الروضة نهاية مايو لاستقبال الاطفال ويرفضون استقبالهم في يونيو

الموضوع يحتاج الى ذمه اذا اخذ المبلغ من ولي الأمر وهم يعلمون بأن الروضه سوف تقفل ولن يحضر الطلاب فالفلوس حرااااام وهنيئا لهم

طبعاً احنا يا مديرة بندفعها لا اتحاتين دامنا موجودين ارقدي وامني افا عليش ما طلبتين شي غالي والطلب رخيص ????

كفاكم ظلما
هالقرار حتى المدارس الخاصه تسويه فلماذا التشكى والاعتراض

والله حاله
وبعدين لون لشهر 5 وماتبون تدفعون ؟؟؟؟
أو بجون نص الشهر وماتبون تدفعون ؟؟؟؟....

سؤال
هل تبون ببلاش؟ ؟؟؟؟؟

عجيب أمر هاللبحرينين
كل شي مايعجبهم يبون يطلعون فيه عيب عشان لايدفعون؟؟؟؟هي قانون قديم ومن حق الروضات تضمن حقها مافيها شي اما تدفعون للمدارس الخاصه بالسنة ماتعترضون ؟؟؟؟؟تدفعون ابيال شهريا ماتحتجون والا بس على الفقير

شهالتخلف
حتى المدارس تاخذ وهذا قانون والاابوي مايقدر الأعلى امي يعني هالناس من وين يدفعون التزاماتهم اللي يبي يودي ولده يدفع بس استاذين للسفر والمطاعم عندكم

صاحبة أي روضة لو سمحتين

الى كل من يحاسب المديرات
بس دقيق سوال
انا كمديرة روضة مطلوب مني من الوزارة اشتغل الى شهر 6 اجباري
ممكن تقولون لي لو سمحتون من بيدفع رواتب المدرسات؟؟؟

و ما هو ذنب ولي الأمر بخصوص رواتب المدرسات ؟ ؟ جواب فيه الكثير من الاستخفاف و الخداع

اذا الوزارة اجبرتكم خلها تدفع ليكم وش ذنب الاهالي، مو مجبورين يدفعون ليكم معاشاتكم هم جايين يدرسون اولادهم مو يصرفون عليكم عندكم مشكلة مع الوزارة تفاهم وياها مو تقصون عالاهل وتبوقونهم ترى الناس فاطسين يتعبون وهم يوفرون الفلوس الازمة لحياتهم وانتون على بارز مبرز تاخذون فلوسهم الي شقو فيها بس حق يدفعون معاشاتكم؟!

تقدرين توفرين معاشاتهم من تحصيل الفؤائد الشهر ية وتضمينهم لهم لنهاية السنة مو تخلينهم يداومون 5 ايام من الشهر وتلتين لفلوس وتسافرين وتتونسين فيهم انتي وغيرش انتين من صوب والباصات من صوب وبسكم تطلب وفشار كل روضة روضة تفوشر على قد ميزانيتها هذي ضريبة العمل لازم كل شهر تبون ارباح ما عندكم شهر خسارة حنا عندنا التزامات اكثر منكم استحو شوي حسو في بعض روضات هم الجودة في التعليم مو لم الفلوس
والي يقول عندنا 3 و2 بالروضة اذا مو تؤام شالي حادك يا اخواتي وأخواني في شيء اسمه تخطيط مو بس تعال وجيب أطفال

المدارس الخاصة نفس الشي ياخذون رسوم شهر يونيو وبعضهم بيخلصون شهر مايو

نطالب من الوزير حل هذا الموضوع مثل ما تم حل موضوع المشاريع المدرسية التي لا فائدة لها ... ما فائدة دفع المبلغ والطفل بالمنزل طبعا المستفيد الاول هي الروضه فمديرة الروضه بتقول لكم بدفع معاشات المعلمات كأن اتقولون بزيدون معاشاتهم وهي هرار الادارة اتحط المبلغ في جيسها

كفو يالوسط ع تسليط الضوء ع الروضات

بعض الروضات ياخذون رسوم اخر شهر ويدرون ان هالوقت المنهج بيكون مخلص والاطفال ثلاثة ارباعهم مابيحضرون.. ولين وديتين ولدش هالفترة يقولون ترى مانعلمهم وترى الاطفال كلهم غياب.. يعني ينغزون حق لاتجيبينه.. عجل ليش لزمتونا ندفع رسوم اخر شهر؟؟ والقهر لين اخذوا رسوم قرطاسية وبعدين يعطونش لستة بطلبات فايلات ودفاتر واقلام وغيره!! ورسوم القرطاسية!! ولدي يوم وديته مدرسة خاصة ياخذون رسوم كتب بس يوفرون ليهم كل شي من دفاتر وفايلات واقلام والوان ولايتطلبون كثر هالروضات

اي نعم .. انا اعاني من هذه المشكلة .. مما يزيد من الاعباء المالية .. وطفلي يكون نايم في البيت في شهر يونيو .. والروضة ماخذذن الرسوم مقدما .. ياريت يصير حل لهالموضوع .. شكرا..

طفلتي مستجدة اي انها لن تبدأ دراستها الا في سبتمبر القادم والزمت بدفع رسوم يونيو اصحاب هذه الروضات الا يخافون الله

ولماذا تكون رسوم التسجيل

اي للأسف الروضات ياخذون رسوم شهر 6 مع ان مايداومون فيه الاطفال ولازم الوزارة تضع حل لهذا الموضوع ،....

اي والله زيادة اعباء على الاسر ولاحسيب ولارقيب من الجهات الرسمية

كذا لك اليوم في بعض المدارس الحكومية بعض المدرسات يبيعون الطلاب الذرة و الطبخات و الحلويات بحجة مشروع بمناسبة عيد الأم و كل مناسبة يتم حلب أولياء الأمور .. حتى لا يتنغص و يهضم الطالب أمام زملائه في المدرسة

بنتي في الإعداي، يطلبون عليهم كراسات بو 100،يستهلكون فقط مو اكثر من 10،ورقات، والفصل الثاني يرفضون المدرسات استخدام نفس الكراسات

عمك اصمخ

كل روضات البحرين والوزارة ما تقول شي عن هذا الموضوع
هذا رب الاسره ماذا يتحمل

كل الروضات تاخذ رسوم شهر يونيو مقدم مع التسجيل لان يدرون مقدما انه محد يداوم و الله ليش ما يخلونه حال حال باقي الاشهر .. خصوصا السنة بيكون شهر رمضان يعني اكيد محد بيروح

صحيح حرام بعض الروضات الزامي فمثلا كنت ادفع رسوم الشهر الحالي الايسجلونه لي برسوم شهر يونيو اجباريا واني مطالبة بعد برسوم الشهر الحالي

في بعض الروضات الله يسامحهم في بداية السنه تقول لك هذا سعرنا وبعد مرور شهرين ترفع على السعر بحجه مصاريف الرواتب والى اخرى هل هذا يجوز

الحين طالعين طلعتهم هالروضات تعالوا ادفعوا رسوم شهر ٩وشهر ٥ لسنة الياية ويا التسجيل وين احنا قاعدين مافي حسيب ولا رقيب ولا كل يوم يتصلون مادفعتون احنا كالاولياء امور من وين نقدر ندفع اليكم مال تسجيل ورسوم اشهر لسنة مقبلة نرجوا النظر لهالروضات

اني روضه بتي عند التسجيل قالو الرسوم الشهريه 40 دينار بدون المواصلات وعقب ما سجلناها بشهرين اتصلو علينا رفعنا السعر لان الاجار والكهربه ارتفع ويش نسوي في ذي الحاله نظفع والله تروح فلوس الا دفعناها للتسجيل

ليش مايتفق جميع أولياء الأمور في روضة معينة بعدم الدفع؟ اهني بتخلونهم امام الأمر الواقع، ويمكن خوفاً على سمعة الروضة يتأدبون

اي حت يستلمون ثلاث شهور مقدم غير رسوم التسجيل
يوم أسجل بنتي ماخذين مني رسوم شهر سبتمبر وأكتوبر ونوفمبر ونص شهر يونيو????؟؟؟؟ التعليم الخاص يعطيهم الأحقية في هذا الإجراء

كل واحد يبوقنا من صوب معاش٢٠٠روضه ٥٥ويش يفضّل ٣اطفال نلحق على ويش ونخلي ويش حسبي الله ونعم الوكيل