هل حرمان شخص من السياقة هو الحل ؟!
اخلاق السياقة له دور بس المشكلة ما راح تنحل...
شوارع رئيسية من سنين ما تغيرت و السيارات اضعاف
وين التخطيط و التصاريح عن المشاريع و الجسور...
من متى يخططون شارع البديع و لمتى...
ليش ما يكون في انفاق
و المنامة كل زحمة و نصهم يدورون باركات

الحل الوحيد هو انشاء الجسور أي حل يعتبر فاشل مايحتاج دراسة ولا عوار راس فقط جسور او بس

شكرا صحافيتنا المتألقة
بس جد كلام بحر مو منطقي
انتو مسئولين عن الزحمة بالدرجة الاولى
ترى الناس طفشت من نقعتها بالشوارع

الزحمة ما توقف حتى في أوقات الدوام الرسمي، أمس من كوبري السيف إلى كوبري مدينة عيسى زحمة تخليك تتساءل ... هالناس كلها اللي في زحمة شنو سالفتهم.. ما عندهم أشغال؟!
اذا كل الموظفين في اشغالهم.. ليش ما تفضى الشوارع من الزحمة؟

المفروض المؤسسات والشركات الحكومية والخاصة توفر باصات للموظفين جميعهم وايضا سحب الرخص من الاجانب واعطائة فقط لمن يزيد راتبة عن 700 دينار

يعني يبون تطور و عمران و يبون البحرين تصير نفس دبي و الاجانب بالهبل تجي و ما يبون يطورون الشوارع. اشارات بس يبي له برمجة.... اطوف سيارتين و تبند.... عقب دهر يبرمجونها... المفروض يسوون كل جسور و انفاق.. اكبر دليل على الفشل ازالة الدوار الا في كوبري القدم.

الحكومة هي المسؤولة عن الازدحامات المرورية وهي من سببتها وهي من بيدها الحل لانهاء المشكلة
كفاية ان عدد الاجانب اكثر من المواطنين ويتم تجنيس بعضهم

سبب الازدحام هو الأسيويين او الأجانب. ياريت نجوف قانون نفس السلمانية وبعدها ينكشف كلشي

في ناس يبي ليها تتعلم آداب و أخلاق السياقة. هذي الناس يوجد منها فئه كبيره وتفكر بأنه الشارع ملك خاص لهم. ياريت المرور يكون موجود وقت الازدحام عشان يجوف هالناس المتخلفة.

ما تبيننا نطلع من الديرة بعد ل ؟

هذا حل فيه وجهة نظرك يعني ؟ اذا انته رب اسرة تصرف على عائلتك.. احنا صدق اقل من 25 بس احنا بعد اما ارباب اسر او قاعدين نكون نفسنا ... الحل في التقنين لكن مو على المواطنين، على الاجانب الي تارسين الديرة، صارو ازيد مننا ياخوك

انا اقترح يخلون ويا كل مواطن موتر سيكل مال المرور . بيصير كلشي سألك . و.

انت روح عند ادارة تعليم السياقة في المرور و الله تتخيل انك في الهند جميع جتسيات شرق اسيا يمتحنون ويطلعون رخص سياقه الخباز والعامل والصباغ

متى بتم اعادة تخطيط الشوارع؟
هل الوزراة عندها نقص مهندسين؟
تعاقدوا مع طلاب جامعة مجانا صدقوني عندهم حلول عملية وعندهم دراسات وبحوث

مو يا أخي الحكومة ماعندها ثقة في المواطن ولا تبي تمنحهم الثقة

الزحمة ليل صبح عصر
كل وقت
مشوار بسيط تخيس فيه وتطلع عيونك

اي والله لمستي الجرح يا بتي
الحين اني واقفة في شارع البديع والزحمة واصلة لدوار ماكدونلز
شوفوا لنا حل احنا بنموت اهالي شارع البديع

Traffic

المطلوب سحب رخص النسوان إللي أقل من 30 سنه فورا وبدون تردد وتغيير سن الذكور إلى 25 سنه وما فوق وبالنسبة للأجانب يجب أن يكون كان مقيم في البلد لا يقل عن 5 سنوات وإلغاء تعطيل الإشارات واغلاقها لمجرد عبور موكب VIP على قولتهم..

الحمدلله انك مو في موقع مسئولية .. هدرة زايدة بدون عقلانية او تفكير

هذي البرامج المفيدة يا الوسط
بعض البرامج يا ريت تعيدون نظر فيها ما منها فايدة
الله يقويكم

كلامك مو منطقي يا بحر
قننو اعطاء الرخص
مو الكل يعطى رخصة

بعد خمس سنوات كل واحد ياخد لية سيكل ولاسكوتر

التجنيس أولاً والأجانب ثانياً اعادة هيكلة الشوارع هندسياً فرض قوانين على الرخص السياقة تعديل ضبط وفت خروج المدارس عندنا حلول كثيرة اذا الدولة جادة في الحلول