هذا الزرنوق ما يصلح لمرور السيارات أصلاً. الممرات الضيقة مثل الذي بالصورة يجب أن يمنع على السيارات دخولها.

قرية سلماباد كل واحد ما خذ له طريق و مسكرنه مع ان يوجد مواقف ، بس لان الطريق صوب بيتهم يفكر انه ملكه

البعض للأسف عنده قلة وعي او جهالة بهذه التصرفات ، واحد يوقف يقفل الشارع وواحد يمشي بسيارته في الشارع ووقف يسولف مع صاحبه وانت وراه تبي تطوف ، والبعض يخمس ويصيح عند بيوت الأوادم ويش تخلي ويش تقول ، البعض منهم يتقبل النصيحة والبعض يتعنتر غلطان ويتعنتر !

أوقف بعيد أحسن من أزعجه في نصف الليل( يمكن نايم) ، و يوم ثاني أخبره أن لا يعيدها

اذا كنت مستعجله والأخ ساد الطريق اول شيء بسويه بتصل لتكسي تحت الطلب وإلين ما يوصل اكون امطلعه سجين ومقطعه توايرة الأربعه

او وووو المشكله الجار يسويها في جاره عناد وتكبر ولا المصيبه انه يعرف جاره قعيد ويحتاج الخروج للعلاج بصوره يوميه واكثر الاحيان يستلزم الذهاب للطوارئ شنو بتقول غير تقديم شكوى لمركز الشرطه بعد استنفاذ جميع الحلول

اذا عارفين سيارة من بنروح بيتهم نطق الجرس والي يقهر لين طلع معصب انت غلطان وتعصب بالذات اذا ابي اطلع حالخ طارئه ادعي عليه الله يحطه بنفس الموقف عشان يحس

افشش التواير واتصل شركة الردمي مكس واصب سيارته وبعدين اتصل فالمرور

اهلي ربوني ان ماسوي شي مارضى ناس تسويه لي
مستعد اكنسل روحت مكان مهم او اوقف بعيد ولا اصك على احد
اذا صكو على سيارتي وحاط رقم استعجله
اما شي ثاني المرور يقوم بواجب ولوع جبد المرور لين مايجي
وماطلع بسياره غير اطلع بسياره الي ابيها مو على كيفه يصك علي وخليني اطر سياره من البيت

مجمع 812 طريق 1205 ناس معندها احساس يسكرون طريق توه مسوينه خسرت عليه الدوله الاف الدنانير

لا حول ولاقوة إلا بالله.
احترام الجار، و آداب الطريق من الأمور التي فُقِدَتْ في أيامنا هذه!
و إذا كانت المشكلة متكررة و يُسد الطريق بلا أبالية وعدم اكتراث فيجب أن يتم التحدث مع الجار بأسلوب مؤدب.
إن لم ينفع! فرجال المرور أخبر بعملهم.
يُقَال: مَنْ أَمِنَ العقوبة أساءَ الأدب.

الاتصال بهم او طق الجرس
و اذا ما اتجاوبوا الاتصال بالمرور
ليش المشاكل

كله تصير فينه يتصل فيهم المرور ما يشيلونه واذا شالوه ما يجون يحركون سيارتهم

انا اشوف الحل تاخذ سجين وتشقق التواير اربعاهم بحيث ما يتصلحون وتحاول ما يبين من المجرم كانه واحد مجهول وبعدين شوف الشخصص يتأدب والله لا اذا خسر ١٥٠ على التواير شرطك يوقف بعيد طول حياته

اعلق سيارته فوق السطحه وخل يدورها

أنا أستغرب من أسلوب الي يشمخون أو يكسرون السيارة أو يبطون التواير، لانه أسلوب غير راقي والله يهديهم.
الشغلة ما يبي لها شي أذا جت من جارك أو حتى غريب، لأن غالبية الناس ما تحس لروحها بسبب هموم الدنيا أو العجلة، وقليل إلي تتعمد الأذية.
بس خذ لك ورقة وأكتب للشخص، أنا الجيران الحمدلله نفع معاهم الأسلوب. وأذا ما نفع أتصل للمرور أو البلدية (أذا من فترة) يشيلون لك السيارة.

أذية الجار شئ متعب جدا وقد تضطر لبيع بيتك بسببه

اي والله الجار قبل الدار

نفس الشي في فريقنا،، لا وصاحب البيت واقف عنج بيتهم يوم بنمر دخل البيت ولما طقينا هرن طلع معصب وحالته حاله رجل بتي نايم ومابقعده وسوو الي بتسوونه بالله هذا رد رجال شكبره ! يعني نتاخر ع دواماتنا ع حساب رجل بتك خامد !!

اكسرها اسويها عربانه

فريقنا نفس الشي
بسبب عدم الباركات
طبعا رايي لا وبكل الاوقات
ولا احد يسد على احد ولا شي
اني ابركن بعيد بس ما اسد على احد مستحيل
لكن هم يسدون عادي
مع انهم مايعرفون ظرف غيرهم
خروج مفاجئ مستشفى عمل سفر ولاي سبب
فعيب احد يسد على اي احد
وعقب عاد دور سيارة من وطق الجراسة
مو كل وقت المرور يردون عشان يتصلون في صاحب السيارة

مدخل قرية الدراز المقابل للمستشفى مغلق بالكامل بحاجز من الخرسانة وكبار السن لا يستطيعون الذهاب للمستشفى الا عن طريق ابعد بسبب اغلاق المدخل جت على هالفقير يعنى .....

شتقارن انت ؟؟؟ شالمقارنة.

دااااااعوس انا ماحب الدواعيس كلش, مرة دخلت بلغلط الى منطقة في المحرق الشوارع ضيقة كلش و وايد ناس يمشون و وايد محلات

هذا الممر لا شيء مقارنة مع نقاط التفتيش واغلاق مداخل هامة بالتراب والحواجز الاسمنتية

كل ما في الأمر عليك الاتصال بإدارة المرور والمرور رايحين يتصلون به إذا رقمه موجود وإذا ما قدرو يتواصلون معاه
خصوصا في حال الضرورة يضطرون يطرشون دورية ويعطونه مخالفة وتنسحب السيارة من المكان وعلى ما أظن تنقفل
بعد أما الي يقول فشش التايرات وشمخ السيارة أو جم حجرة من فوق السطح تدرون أي واحد يتصرف مثل هذا التصرف
الدولة رايحة تحاسبه وربما يوصل إلى السجن ترا البلد مو خراطة لأن يعتبر تعدي على ممتلكات الأخرين مو جذي وبس
ورايح يتحمل تكاليف التلفيات كاملة

غلطلن المرور مابيسحبون السيارة ولايعطونه مخالفه من جديه يسوون هالافعال لانه عارفين انه المرور مجرد بيتصل لهم بس ومابيتخذ اي اجراء
ضدهم فتلاقيهم على طول يسوون هالحركه لو المرور يسوي هالشي جان محد سوى جديه

"عامل الناس كما تحب أن تعامل..."....

قلة احساس

ترى في ناس واجد يسوونها..حتى بالنسبة للي يعرف احد يوقف يسلم ويسولف وياه..او ناس يوقفون لك بوسط شارع ما تقدر تطوف منه الا سيارة وحظة..كل هذا عيب...في ناس هدفهم يسهلون على نفسهم طول الطريق وما يعرفون انهم جذي يعسرون عغيرهم

لاننا فى البحرين نشعر ويشعر نواب الشعب معنا بالنقص فى نواحي كثيرة من حولنا إلا ان نواب الشعب لا يستطيعون ان يتكلموا فى البرلمان حسب الوقت المخصص لهم أكثر من حسبي الله ونعم الوكيل ثم يمسحون دموعهم بمحارم ورقية كتب على علبتها صنع فى البحرين! . ولأن العين بصيرة واليد قصيرة لا تتدخل الجهات المعنية فى حل مشكلة مواقف السيارات فى الشوارع والطرق والممرات ويتركون الناس لوحدهم يحلون مشكلات المواقف فيما بينهم بطبيعتهم وتربيتهم ودينهم وعلى المتضرر ان يلجئ الى القضاء وليس أزعاج المرور او النجدة او النائب؟!!

مشكلجي

لأن ماعنده لا شعور ولا إحساس ويحب يسيطر

اتصل للمرور يتصلون فيه اذا ما عندي رقمه او حتى لو عندي لأن اذا ما باعدها بجيب ونج وبشيلها لو اخليها على طابوق

هذا العمل يتكرر بشكل يومي في الاحياء الصغيرة وهو غير مقبول

المطلوب تثقيف ديني على حق الطريق وتفاهم الجيران

هذا اعتداء على ممتلكات الاخرين لايحق لك شرعا ولاقانونا

احنا نطق الباب و نخليهم يحركون سياراتهم... ما نكسر ممتلكات العالم

اللوم يقع على ادارة المرور لانها لاتتعاطى بجدية مع هؤلاء
كل مره يسكرون علي اتصل للمرور محد يرد
فالحين للمخالفات وشفط فلوسنه
اما عندك شكوة موت قهر لان التلفون يحترق وهو يرن مايردون عليك
مهزلة

بتصل الى المرور
بس في ناس ما تستحي نهائياً
كانه الشارع شارع ابوها

زائر 17 هو قبل على نفسه يسوي هالحركة البايخة لو شخص يبغي يروح مستشفى ومضطر ويش يسوي يعني يموت عشان خاطر ان ما يرضيه اساسا هالحركة قلة ادب وتربية عيب والله
الله اعلم اسباب هالشخص شنو بس عموما هالحركة عيب ما يصير الوالد يسوي جدي

وادا بتطلع ضروري شوف لك سياره ثانيه.ما حصلت ثانية كسر بابهم لين ما يطلع.. وأتوكل على الله

استدعي المرور اولا ثم اكلمه شخصيا فاءذا استجاب كان بها وكفى المسلمون شر القتال اما اذ عاند وتسخفن فالقانون!!!

ارجع البيت ومن فوق السطح البيت بكم حجر على السيارة

حلو بارد عنده ..واذا كلمته باللتي هي احسن بيقولك::انزين ويش صار الحين

اتطقطق بابهم لين يشيلونه
ان عادوها نفس الشي وان عادوها شمخ السياره وان عادها شمخ السياره من مكان ثاني وعقبها ان عادها فش التايرات

جيراني بكرزكان حاجزين شارع مو ممر بعد ليل نهار ولا مفتكرين بأحد

تخيل زوجتك حامل ومحتاجة المستشفى ضروري، أو عندك أي حالة مستعجلة، متخيل أن هذا الكلام "بعد منتصف الليل"، يعني شلون الإنسان يقدر يوقف سيارته ويدري أنه حاصر أكثر من جار كيف ترتاح وتنام؟!

اتصل لمرور يجي يسحبها .. هذا القانون

اكنسل مشواري .. وافشش تواير السيارة واكسرها .. وارجع انام

انكسر السيارة وبعدين يقولون عمل ارهابي ويتهمون راعي السيارة بالارهاب ويسجنونه
مع تحيات مخرج افلام بوليووود

للأسف الاسلام يحق ويحرص على احترام الجيران، كيف تقبل لنفسك أن يتأذى جارك بسببك؟!

ضرب بابهم حق يشيل سيارته

شوارع في النويدرات تم حجزها من الجيران واصبح الشارع منسي لانه ما تقدر اتمر عليه

عندي جار نفس السلوك أبناؤه ما تحلى توقيف سياراتهم الا عند البيت فيصبح البيت محاصر لا أستطيع إيقاف السيارة خارج البيت

خخخخخ
هذا الشخص ليس بعاقل

قلة أدب وذوق ويش يعني !! عجل احنا في الفريق .. واحد من الجيران ماخذ الباركات كلها ليه ! وفوق ده مأجر ليه شقه في بيتهم بدون ترخيص ! واللي ساكنين في الشقه يجون يبركنون ويسدون الشارع ويضايقون على باقي الجيران !! ويش يتسمى دا بعد!! ... وهذا فيض من غيض ... خلونا ساكتين بسس !

اذا كان الامر طارئ .. سوف اقوم بكسر الزجاج الامامي وارخي مكابح الوقوف ، ثم ادفع السيارة عن الطريق وامضي في طريقي وبعدها اصلح له الزجاج اذا أراد ذلك

اتصل بالمرور وعطهم رقم السيارة وبيتصلون لصاحب السيارة وبتصرفون وياه وراح يغير مكانها بنفس الوقت غير المخالفة اذا وجدت

اتصل على مرور ١٩٩ واعطيهم رقم رقم سيارة وهم يتصلون اليه

إن لم تستح فافعل ما شئت..
طالع وقفتك وش وراها من تبعات! تخيل لو انت صاحب الكراج!

احنا عدنا في المنامة في كل وقت تحصل من هالوقفات مو بس في نص الليل واذا جاك صاحب السيارة طبعاً يكون من الي خبركم وبكل برود يقول لك sorry ويركب السيارة وهو ماشي وبعضهم مو عاجبة الوضع انك كلمته يرد عليك بكل وقاحة

الحل العقلاني والصحيح الاتصال على المرور الله يعطيهم العافية وهم يتصرفون مالة داعي تدخل نفسك في مشاكل.( مجرب)

أروح أزلزل بيتهم .... لما يطلع/ و اذا ما طلع اتصل المرور يتفاهمون وياه????

تخيل ان يكون الساعة وحدة بالليل، تقبل يا اخي هذا الشي؟

اذا ما كان عندي امر طارىء مو لازم اطلع بكلمه اليوم الثاني في وقت ما يسبب له ازعاج وبفهمه لانه هذا الشي خطأ و وقفته سببت ازعاج لي لكن طبعاً بزعجه وبدون احراج لانه ما احترم احد وهو غلطان وانا عندي امر طارىء يعني ما بستحي بقعده لو نص الليل

جيرانه مو مقصرين ليل و نهار هذا حاله و اذا كلمتهم تعالو باعدوها يتأخرون او ما يجون
و بعض الأحيان في باركات وبعد يصكون الشارع !!
و كل هذا باسم الحسين و القرائه

ليش عاد عناد. توقفها لاسمح الله صار شي فيه الجيران طارئ ويش اسون ينتظرون لين حظرتك تطلع اتشيلها. يااخي اتحرم حقوق الجار. ولا تخلق لك مشاكل