لوين بتوصلون البلد؟ محد وصلنا لهالحال والاحوال غيركم ياوزراء المشكلة في خالنواب اللي همهم الفلوس ومناصبهم حسبي الله ونعم الوكيل

يادافع البلا

كل شي اليه حد ونهاية

وانت يا وزير
بتدفع ضرائب 7 دينار لين بتسافر
او عائلتك بتدفع
تطلعون قرارات ما تكون في مصلحة المواطن
مو كل المسافرين يستخدمون المرافق وحمامات المطار
وما في تسهيلات اللي تقول عنها
شنو هذي التسهيلات. ادخال الشنطة على السير اللي بيوديها الطائرة واعطاء البوردنك
هذول الموظفين يسونها ياخذون عليها راتب شهري
بسكم قرارات تثقل كاهل المواطن الفقير
راتبه ما يكفيه... حرام اتقو الله
ارحموا من في الأرض يرحمكم رب السماء

صدقت أخوي . أنا اعرف فلبيني يشتغل في مطار البحرين في البوردنق كارت راتب 400 دينار + شقة مفروشة + مواصلات مجانية + تذكرة مجانية كل سنتين في احسن من هلون

أقول راحت فلوسك يا صابر! الخزينة فلست.. والسنة القادمة بكون في ضرائب بعد.. وسعر البترول وقف على 40 دولار.. 800 مليون دينار تقريبا عجز من وين تتحصل؟

ههههههه
خل الخط الاحمر ينفعكم الحين؟؟؟!!!

نواب النايبة.. نائمون عمي صم بكم لاينطقون
إلا لزيادة رواتبهم وما يخص مصلحتهم فهم ينبحون
وفوق ذلك فهم لين يسافرون لا يدفعون ضرائب ولا يحزنون
فزيادة الضريبة تكون في صالحهم وتزيد مكافئتهم ولا انتو ما تدرون؟
وراح ينفذ هذا القرار الغير صائب غصب عليكم يا شعبي المغلوب على أمره
واللي بيحتج مصيره السجون
ودمتم

يازين الخدمات ماعليها قصور
خصوصا الحمامات تلق تلمعععععععع

ياجماعة الخير
احد يفهمنا شنو مرافق وتسهيلات المطار اللي يستخدمها المسافر؟؟؟؟

يا وليدي وبحجة أن الأسيويين اذا واحد بسافر أو واحد جاي يروحون له المطار درزن نفرات بيقولون لك ادفع لدخولك المطار - عاد بتسافر أو ما بتسافر كيفك ادفع - والقادم أعظم بعد - وفي المستقبل حتى اذا مريت على أي سوق لازم تدفع عاد شريت أو ما شريت ادفع لأنك شفت السوق والقادم أدهى وأمر - بس بعد زين عشان يخففون الطلعات ويخففون زحمة الشوارع لأنك بعد في المستقبل مجرد اتفر سويج السيارة لازم تدفع واللي جاي بعد أعظم وهلم جرا. ومن يتذكر قصة الفقير اللي وقف عند راعي الكباب ياكل خبزته وطلب راعي الكباب أن يدفع له؟

مرافق وتسهيلات شنو؟؟؟

ياناس خلاص من اليوم ورايح نطلع نسافر من سعوديه 2.5 جسر و4.5 حق البترول ومر وحده شراء او مزاولة زيارة

مابروح حتى اجيب او اودي مسافر الي المطار اخاف يقولون لي عليك ضريبه انك دخلت المطار !

هذا القرار عشان المطار الجديد, ما عندهم ميزانيه ويبون يطلعونها بالطراره

لا يا حبيبي دولة الإمارات العربية المتحدة دافعة فلوس حق الحكومة البحرينية من أجل المطار الجديد مو إحنا مدارسنا ومستشفياتنا كله على حساب دول الخليج ما ادري خير البلد وين يروح

حسبي الله ونعم الوكيل ..حتى السفر اللي نغير فيه جو الحكرة قاموا يدخلون فيه ....

هههههههههههههههههههههههههه من حلاته مطار يعني ؟! ولا من فلوسنا الزايدة مانعرف وين نقطها ،، وخب عاطين لكل المواطنين اشغال و كل واحد معاشه يزيد عن 2000 دينار ما اقول الا حسبي الله عليهم ،، لا قرارات عدله بلد خيرها كله رايح للأجانب

من مشت علينا 1 بالمئة كل شي الحين بيمشي ..حسبي الله على من سن هالسنة..

يا ريت لو اننا ندفع على خدمات متطورة و ممتازة. لا...

أنزين والهواء إلا نتنفسه ما تبون عليه ضريبة

قرار خاطئ زرنا عدة دول ما عندهم رسوم مغادرة وفي بلدنا ندفع

الوزراء يتنافسون في زيادة الأعباء على كاهل المواطنين ٣

بعدنه فى بداية الطريق الجاي أعظم ما فى شئ حق المواطن اليوم الحكومه تأخذ مااعطت المواطن من حقوقه الله المستعان الله يفرج عن المواطنين

طالع
من زين مطاركم والاخدماته. . قوطي طماط وحالته حاله وضيق وقديم

.... . وين تروح هالفلوس ماندري

الحين لو التذكرة صارت 200 دينار بدل من 150 دينار في أحد بيتكلم شوف الفرق لكن الواحد ويش يقول

بالاول كانت الرسوم المغادرة ٣ دينار وتم الغائها والحين رجعت وصارت ٧ دينار ؟ والسؤال يطرح نفسه اي خدمات يلي تتقدمها المطار وبالإضافة اي مميزات عشان الواحد يستخدمها المسافر ؟ حمامات وانتوا بكرامة وصخه والأرضيات وصخه ع العموم مطار البحرين من آراء المطارات وشكرا جزيلا

المواطن صار كأنه دجاجة مشوية وحاطينها بين صايمين توهم بيفطرون ولا بيحتاجون صماط لان حتى العظام بتختفي

إذا كانت الرسوم على استخدام مرافق المطار،
ايش يفرق المغادر عن الترانزيت؟ ليش هذا ب 7 دينار و الثاني ب بدينار؟

من المعروف بان دول الخليج لا تفرض ضرائب. لكن لو حسبنا الرسوم المفروضة علي كل صغيرة و كبيرة تجد في المجموع بأنها اكثر من الضرائب التي تفرض علي المداخيل.
خوفي من فرض رسوم علي الهواء عند كل شهيق و رسوم تلوث البيئة علي كل زفير.

يس عاد من كل صواب وينكم يانواب أو بس تخصص طماطم

وينكم يا نواب ليش ما تتكلمون عن اللي يصير .. أو بس شاطرين في زيادة رواتبكم

هههههه لو يقدرون ياكلون من لحمنا أكلو ...
هي جت على ال 7 ...
الجااااااي اكثر يا شعب بلدي

هاي حق تغير زولية المطار

في وين قاعدين احنا....ننتظر شركات الطيران تسوي تخفيض وتطلعون لينا انتون ب 7 دينار رسوم المغادرة

هههههههه لا عاد امصخت حدها

الظاهر فلوس توسعة المطار ماكفت يبون فلوس لايتورطون ..لو مقاول فري ويزا خلص التوسعة وما يحتاج تفرضون ضرايب لجني فلوس البناء والتوسعة

هي جدي السالفة توازن علاوة لحم مني تنشال مناك في المطار

چان سووها 10 دينار لأن الصراحه الواحد يستحي ياخذ باقي الخردة

هاي اكيد بدل دعم صلصل الطماطم

الحين لازم يكون بوفيه مفتوح حق المسافرين حق يحللون لفلوس شوي

الله لا يغير علينا !!!

والجسر
ياريت بعد على الجسر وتكون الرسوم على القادمين الى البحرين عشرين دينار والعبور ١٥ دينار
والأجانب ١٠٠ دينار تفيد وتستفيد
شيل من روفه وخل على البغوه

يعني شنو باقي ما رفعو السعر فيه.

هل سيطبق على الطائرات الخاصة
و هل ستكون نفس الرسوم ام اعلى

بسكم عاد ذبحتونا ذباح ارحمو المواطن لو اشوي بس اشوي!!

1.. مستخدمي مرافق المطار هم شركات الطيران. وهل من توضيح للمرافق التي يستعملها المسافر
2... ما سمعنا من اي دولة انها تاخذ رسوم علی الترانزيت. واذا طبق فسلام علی المفروض انها الناقل الوطني
3... يجب ان تكون هناك افضليه للمواطن البحريني بان تكون الرسوم اقل من الاجانب.
في البلد ما يقارب المليون اجنبي عشرة دنانير من كل مسافر. .ولا تفكر انهم مساكين فالتحويلات الماليه دليل عدا ما يحمل من عملات صعبه عند سفرهم

ليش 7 دينار دينارين حق معاشات موظفين علا حسابنة

ها لمواطن امنتف من كل صوب الله كريم بكم عااااد

وانتو مو موقفين من السفر لو تخفون سفر شوي كان ما سوو ضرايب بس الله يهديكم كل يوم تسافرون

ويش نسوي طياراتنا ماخديها بقروض نخليها واقفه يعني ؟ حسبي عليكم وعلى قراراتكم .......لا ترتجون النواب ... ذولين مااستفاد منهم الشعب ولا مقدار شعرة ....

شكرآ يباشه كامال المساله طينت فين الفلوس اللي الحكومه بتفعها للمطار بلملين كل سنه

على قولة المثل عندك تاكل قال لا ، عندك تغرم قال أي.

هههههه

ويش هي السوالف بسكم ترى المواطن مو قاصرنكم الفقير يبي يروح يتعالج ما عنده فلوس وانتون تبونه يدفع اليكم

نتمنى مع أرتفاع رسوم المغادره نشوف تطور في خدمات المطار ومرافقه.

ارتفاع الرسوم مقابل خدمات ممتازة أما أن الخراطيم محدودة والحمامات قليلة والكراسي تعور الظهر فهذا لا يجوز بس لو عندنا برلمان عدل

لا أنا سؤالي ليش هذه الرسوم مرة ثانية ؟
كان في رسوم سابقة ثلاثة دنانير و أضيف هذا المبلغ على قيمة تذكرة السفر و انتهينا
شنو اللي رجع لنا مرة اخرى رسوم مغادرة

علينا دين عام ولازم انشارك الدولة في الدفع..مثل ما عيشنا الرفاهية و والرواتب العالية و شاركنا الدولة في الثروة القومية في الظفرة الاقتصادية ..صار لازم علينا اطفرنا من كل صوب ..عارف اشلون

اوكي كلش م اخالف هالشي ، بس ليش المواطن يتحمل هالشي؟؟ هبلان انتوا دول برع تتنافس علشان راحة المواطن و انوا الا اتخوفونة تبون انقصة و نعطيكم عادي ترا

هههههههههههههههههههههههههههههه

مب مشكلة بندفع اذا المرافق اللي يتكلمون عنها مثل مطارات خلق الله يعني دبي اللي هي دبي مرافق صح وحمامات ودك تفرش وترقد فيها ناهيك عن حمامات الدش قبل السفر واماكن التدخين الجديدة كل ذي وتدفع 35 درهم بس والبحرين تروح الطيارة في الباص ربع ساعة لين توصل ومافي الا 4 حمامات في المطار كامل لا و2 منهم خرطوم الماي خراب وتدفع 7 دينار ???????????????????????????? على شنو

طيب انا اشتغل خارج البلد وكل أسبوع أو أسبوعين اروح وارجع يعني ادفع 28 دينار شهريا؟ أقل تقدير... وهل هذا القرار بيخدم البلد سياحيا لما الأجنبي يدفع وهو داخل ويدفع وهو خارج هل هذا منطق سياحي؟ نناشد رئيس الوزراء وولي العهد بالتدخل!!

الحين ادفع سبعة دينار على شنو يا حسرة؟ من زينة من مطا

بعد هالقرار الزفر شيسوي اللي بيسافر مع العايلة اذا كل واحد 7 دينار عيل مالنا الا نسافر عن طريق مطار الملك فهد ابرك لنا خدام هالقرار ما ميز البحريني من الاجنبي كلنا في الهوي سوا ونعم البحرنة.

كل ما سبق تعليقا
إلا يكفي إنسانيا ؟ !

خل كل هاالامور قولوا من كثر سفراتنه حتى سفرنه بقروض كل يوم طالعين ليك بزيادة ضرايب والرواتب تعبانه والقروض والالتزامات العائلية زايدة والنفسية خربانه الميت ماتضره الطعنه سوها ب20 دينار ندفع ماكو مشكله لكن زيدو رواتبنه 150 %

لا حول الله

بنموت ...مصيتون دمنا نشفتون ماي وجهنا كسكيتون عظامنا..ذوبتونا في قرارتكم سحب وفرض و زيادة من كل صوب شلون يعيش الفقير

الأسعار كل يوم تزيد قاعدين في حرب الجقاير غلوهم المخالفات المرورية غلوها والبترول غلوه الخ وبعد المطار خافووووو الله

امس دافع لي 50 دينار مخالفة من سنة 2010؟ ولما سألت قالوا لي توه طالع القرار من النيابة وبالقوانين الجديدة! .....

يعني فرض الضريبة بلمح البصر، مصالح الناس يبي ليها جلسات بهلوانية وفي الاخير ما تقرونها

هههههه هذه رؤية 2017 للحين ما وصلنا بحرين 2030! انتوا أول عدلوا معاملة موظفي جماركم وعدلوا حمامات المطار شغلوا البوابات الالكترونيه غيروا الزل اللي ريحتة ماتفرق عن الحمام حطوا خراطيم للطاءرات شغلوا المكيفات عدلوا المصاعد نص السنة خربانين... مافي طريقه ندخل الطاءرة بدون ماندخل المطار؟ حتى مواقف السيارات غالي عالفاضي حالة من الفوضى وسعره اغلى من لندن! صار يصيدني اكتءاب يوم اللي اسافر

ههههه

من زين المطار عاد ، استخدام المرافق والخدمات مادري فندق خمس نجوم . كراسي حديد تقعد 5 دقايق دكس يصيدك حمامات حدث ولا حرج قاصر الكتابه اللي على الباب. تنظيم ممتاز ماتعرف من اللي داش ومن طالع . عاد احلى شي الباركات تحس انك داش لعبة المتاهه

اي صوب طريق المطار

الجيب يصررخ

الحمدلله انا مأركب طيارة اخاف

الحين لو هالمطار يسوى ماعليش الا حمامات السوق المركزي انظف! مطار للحين مافي جسور للوصول أو النزول من الطائرات! المصاعد دائما عطلانه! صالة القادمون وكأنك في محطة باصات بومبي! بارك السيارات أغلى من باريس! على أي أساس أو دراسة حضرة الوزير أصدر هذا القرار؟ وهل الوزير بيلتزم وبيدفع لما يسافر مع اولادة؟ أو هو معفي؟

هذا مطار يسمونا بعد ولا الحمامات ماتنطب .. مادري على شنو تبون فلوس

انا اقول لو يشيلون الاجانب الموظفين في المطارالا يستلمون رواتب ضعف البحرينين احسن من هل 7 دينار

اي يشيلون كل الوافدين من المطار ويشغلون مواطنين
100% توطين إداريين حمالين وووو و.

الله لا يغير علينه
ما شاء الله. التطور زين يا جماعة . بعدين السفر متعب ويش ليكم.

حسبي الله ونعم الوكيل
الناس ما عندها تاكل عنده تدفع

وش هالخبر اللي يسد النفس..سديتون نفسنا الله يسد نفسكم..مالينا الا نشتري لينا سيكل وندور فيه بالديره وخل مطاركم يخيس

والله طرطره قبل ٣ دينار محد يرضي يدفعها

والله العظيم ادفع ١٠ دينار مو بس ٧ بس بشرط احترام مسافر مو كنك باقي فلوسهم و تفسيه خايسه

يا دافع البلا

التقشف على المواطن المطحون، أما الوزارات ولا عدهم أي تقشف.

اول بدأ التقشف بدأ على موظفين الوزارات

على قولة سعد الفرج في مسلسل درب الزلق من كثر الفلوس إللي يعطيها إياه عبدالحسين عبدالرضا : بسنا يا حسين ، بسنا بسنا . بسكم ما تشبعون من الفلوس ؟!! ، و المصيبة تطيح على رأس المواطن المسكين

شكلكم بتعدلون المطار على حسابنه هههههههه

احنة يالله نسافر بعد زيادة ...زيدو المعاشات زيدو الدعم الصراحة احنة ميتين وتقولون لا تعتصمون

يا حكومة ... لا نبي برلمان ولا هم يحزنون ...

هههههه ويش صاير في الديره ياجماعة الخير..انا ببيع السيارة وبشتري لي طيارة احسن لي

خلاص ياجماعه شكلها قريبا حتى اللي رايح ياخذ حد مسافر او راجع من المطار بقولون له عليك رسوووم استخدام مرافق المطار جوووفها عاد كم هذه الرسوووم وانا اقولها لكم من الحين لاحد يتصل فيني ويقول تعال اخذني من المطار لان اخاف تالي يقولون لي علي رسوم استخدام مرافق المطار غير رسووم المواقف اللي كل بين فتره ترتفع

اشوف الحكومة تطر في كل مكان ما خلت المرور ولا خلت ماي ولا كهربا والحين المطار بقت بس المراكز الصحية والمدارس وعلى الدنيا السلام

المبلغ يضاف على قيمة التذكرة لما تشتريها مع شركة الطيران.

يامنتقم كل هالضرايب والراتب 250 دينار ..المشتكى لله

الحين الكل بيزيد الاسعار بحجة رسوم المطار
كيلو الطماط و الكوسه بكره بيزيد من هذا الخبر لا احد يسالني جيفه لاني ما ادري بسال الخضار بكره

هاي انتو يا شعب البحريني قاصين عليكم وانتو ساكتين بس تقولون حرام عليكم و مادري شنو .. ساكت عن الحق شيطان أخرس .. كل ما تسكتون بزيدون عليكم ههههههههه

و القهر ان كل موظفي المطار أجانب!! بدل ما تكون واجهة البلد من أهل البلد تشوف فلبينيين بنقالية بلوش عكس الدول المحترمة

والله صدقت اخى

يخلونكم عشان تتشكون وتتحلطمون وهات يا مظلومية ويا ردحة فقر وتمييز بالباطل.

يعني انت تعترف ان اكثر موظفي المطار اجانب، لا يكون انت واحد منهم و حاقد على اولاد البلد

انزين والى مابيسلم كيفه يسوون اله طريق من وراى المطار مولازم يدخل داخل المطار كل واحد ع راحته بيدخل مابيدخل مو اجباري خلوه يروح من وراى حتى يركب الطايره استادين مص في الفقير ومافي رفع رواتب واحنا امكلفين نتحمل جهل ادارتكم الفاسده وتدهور اقتصادكم ياكلها اامواطن الى محاربينه في العيش وفي التوظيف وتقرضون في لحمه اما تخجلون لابه امدحنه ولابه الخليج رواتبهم تتغير احنا لاقصب بلا تغيير ولاارتفاع

يا خي ذي الي باط جبدي دبي عدد سكانها اقل من 80 الف ولما تروح مطارهم الموظفين الي عندهم نسبة كبيرة منهم اماراتيين وهني عددنا 800 الف وما يقدرون يشغلون بحرينين علما بأن رواتب البحرينين ولا شي جدام الإماراتيين

عندي اقترح ليش ما يخلون كيشر على باب الحمام واذا واحد يبي يدخل الحمام يدفع 7 دينار واذا ما يبي ينتظر لما يركب الطائرة وبعدها يستخدم حمامها ببلاش وش رايكم يا جماعة

المفروض ما تعلمهم. الحين بيطبقونه من بكره

ولا مره دخلت حمام المطار

شر البلية ما يُضحك ????

واللي ما يحتاج للحمام بعد يدفع؟

إفلاس

ويش بيجي من وراكم يعني زيادة رواتب والا رخص الاسعار مستحيل تنتفون هالفقير من كل مكان

لا تخافون المعاش ما صار يكفي حتى نسافر يادوب ناكل إلى نص الشهر والباقي نمشيه بروب حتى قبل كنا نروح البحر لأن ببلاش الحين نحاتي فلوس البترول وما نروح

توي مأكل روبة

الروب صحي

ما ابغي استخدم المطار ابغي سيدة اركب الطيارة
بروحه الواحد لما يسافر بيرجع مفلس .. النفسية الزفتة هي السبب الا تخلي الواحد يضطر يسافر .. والا الافلاس ضارب

حسبي الله ونعم الوكيل

خافوا من الله بسكم عاد وين وصلنه كل يوم اخس من اللي قبله الناس تعبت

هبي نيو يير ياشعب البحرين ????

ما شاء الله، إدارة متخلفة، خبري يخدون الرسوم على شركات الطيران، وشركات الطيران يخدون الرسوم من غير ما تعلم بسعر التذكرة،،،
فية خلل إداري كبير وطريقة التفكير والإدارة معدومة، والدليل إختفاء الموظفين البحرينيين من المطار.
يعني السائح إلي جاي البلد داخل دافع خارج دافع هههههههه
سترك يارب على هذا البلد المنكوب

هههههههههههههههه

ما ادري شلون بنعيش كل شي في زدياد كل شي فلوس وين ما تروح تدفع فلوس وهالنواب يتحچون عن الصلصل تصلصلت مصرانكم

ماقصرتون .. الصراحة هدية سنة جديدة مبهجة .. الناس تتفائل بشي يفتح النفس .. لكن للأسف هالديرة كلشي فيها يضيق الخلق .. والاحلق قادم للأسف .. وعلى فكرة انا من اليوم ورايح طلعة من البحرين مانا طالع .. بكنسل السفر ـ اللي كل شهر مطيح في لندن وباريس بكنسله هااا .. قلت ليكم

وين مجلس الشعب ????

بالمناسبة بناء المطار الجديد متبرعين فيه حكومة ابوظبي مليار دولار !!! مستشفياتنا ومدارسنا الله يخلي الكويت مشاريع الاسكان تبنى من المارشال الخليجي!!! بحريني خليجي بسبب الموقع الجغرافي بس!! استحوا اشوي!!

ذكرت (( الكويت))....ديرتي
نور عيوني....دفا عمري هالديرة
ربي يوفقك على ذكرك للكويت

احنا ما ننسى هل الكويت الطيبين ونشوف اخواننا في قطر والأمارات متنعمين ومن تطور لتطور وعندنا مشاريع تنرصد لها ميزانيات بالمليارات وفي النهاية ما نشوف إلا الهم والغم

انتو اشغال مب راضيين تشغلونه بعد تبون بيزات من عندنه ، والله حاله .

ليه زعلانيين من إرتفاع الرسوم
ع اساس فقارى ومفلسيين ماعندك بيزات تعيشون وتسافرون ليه محتريين

لامومحترين ولاشي عايشين في نعيم كل شي رخيص الي اشوفك امريح مافوقك فوق شكلك موقادر متنفس من القروض اللي فوق ظهرك

ليه القروض واما بنعمت ربك فحدث
وإذا ماميش إلزم بيتك لاتسافر

.فيه ناس تسافر شغل ، دراسه ، علاج ، زياره أهل البيت ، مو لازم تروح تصيف في لندن

حسبي الله ونعم الوكيل........اعتقد السبب ازدياد التعداد السكاني مما سببوا في استهلاك وسائل الراحه الموجوده بالمطار

البلد يحتاج تبرع .. ساعدوه يا جماعه ..

تبرعوا للحفلات الصاخبة الي ما منها فايدة

اتگل على الله وشتغل رآصه الساعة بخمسه چنيه والحسابه بتحسب

حسبي الله ونعم عليكم

يا ريت تطبق الرسوم على الأجانب فقط ويستثنى المواطن

قصدك العكس صحيح

لك الله ياشعب البحرين

7 دنانير وبعد الربح تستزداد الي 10 دنانير وهاهي العجلة تدور

يااخي بعد لو مطار عدل كان بنبلعها بعد إلا مقبره ورسوم بعد؟
أقوول بق بق عيل ????

الله اكبر على الخدمات عاد

طيب اقتراح..
ليش ما يحددون رسوم للهواء الي يستهلكه المواطن في عملية التنفس
لازم يحافظون على كل ثروات الدولة حتى الهواء لازم مايروح هدر

الهواء ملوث ما يحتاج ضريبة

لا تستعجل، انتظر لنرى المواطن لا ماء لا هواء ، لا غذاء...

موجود ولد عمي بس بطريقة غير مباشرة.
خفوا علينا يا مطار دبي الدولي ويا هالخدمات الخايسة
مو لازم تسافرون شباب ترى الجو واجد خلو في الديرة.

مانا عارف شلون بنعيش نحن رواتبنا 250 دينار وساكنيين في شقق ايجار .
شكله بحريني صار بنغالي

هههههههههههههههههههه

الرسوم كانت موجودة قبلا كنا ندفع 3 دنانير وبعدها تحولت على شركات الطيران وتاخذها من المسافر من حيث لا يعلم ، فما الذي استجد في الأمر ؟!! .

الي استجد في الامر ... انه صارت اضعاف

عزيزي اول كان شركات الطيران تدفع الحين بدفع الثلاثة الأولى من سعر التذكرة وإضافة للسلعة الدنانير الجديدة يعني صارت عشرة كاملة ذلك لمن كان من اهل المدينة. خربت كامل

قراراتهم من فاشل الى افشل

ما هي الخدمات و التسهيلات التي يقدمها المطار؟!!

الزوليه مالت المطار مقحلفة

باقي شوي بس يقولون خلتنا وطلعتنا من بيوتنا عليها رسوم بعد

يمكن رسوم تبديل الزوليه لمعفنه الا من زمن جدي

مطار دبي الاكبر والاحسن مافيه رسوم ... مقارنه بمطار البحرين .. الزوليه صار لها دهر مفروشه بالمطار

بدفعون الناس بدل استخدام الحمام و الكراسي صدق ديره دايخه

حلو جوهم شكله بيبنون المطار الجديد على حساب المسافرين ???????? كل شي ندفع عليه فلوس مرافق عامة وحمامات بالشارع فلوس ، مطار فلوس ، يعني حتى لو خدامة شاردة وماعندها فلوس الا شردتها تهون هخخهخه والله ديرة فلم ????

والله شر البليه ما يضحك ههههههههه
زين زيدو الرسوم شوي عشان توفرون أسرة للمسافرين بدل ولا يحتاج يسافر، يطلع سياحة في المطار ههههه

ماشاء الله على هالحسبة بكون مشروع توسعة المطارعلى حساب المسافرين

من سنين نسمع خطة توسعة المطار للحين ما صار شي

أعتقد أن هذى رسوم بدل ....

حق ترتفع اسعار التذاكر
نطلع من مطار الدمام ارخص عالحسبه

والا بسافر باللنجة بجم اكول ماليكم الا ترزمون ببيوتكم ابرك ليكم ترى الجماعة صايرين يا الله من مال الفقيرو

هل تريدون أيضا مبلغ معين عندما يحلم المواطن حلمة جميلة ؟

صح كلامك
حتى الحلم با السفر عليه رسوم

اه مشكل

عن طريق البر قلنا تأمين ماعليه أما عن طريق الجو 7 دينار عشان استخدام المرافق يعني الله والمرافق .. ليش هالقرارات اللي تطلع كلها ضد اامواطن

لاحول ولاقوة الا بالله العلي العظيم .. فوضو امركم الى الله يالبحرينين

لا حول الله ههههههه

وين جديد في ذلك كل يوم زيادة في الأسعار و ضحية ناس الي تبي تسافر اي مكان ... وش هالحالة

مفلسين

توقعت اسونها من سمعت الأردن فرضت ضريبة على المسافرين قلت بيتلقفونها بسرعة البرق توهم من اسبوع فارضينها. ياية عطلت الربيع جم بحصلون؟

هههههههه هاي الرسوم بمناسبة دخولكم بالسنة الجديد وكل عام وأنتم بخير ????

قرار فاشل وماله داعي .. مب عارفين شيسوون في هالديرة نتفة ووين ماتروح يدفعونك .. كفاية انها افقر دول الخليج بدل مايريحون المواطن يزيدونه هم

هههههههههه

في بلدان عربية أخرى، وضعها الاقتصادي أقل،يدفعون قيمة عشرة دينار بحريني (مواطنون وأجانب)
الحمد لله هنا ماكو مشكل، تصرف كم مئة دينار وربما ألف في سياحه وفسحه، وسبعة دينار حق بلدك تستكثرها

ما نستكرثها لكن وش الي وصلنا لهالوضع غير التجنيس ما كنا محتاجين شي وثرواتنا تكفينا للابد الحين ما في شي

هم بلدهم تعطيهم وظائف بدون تفرقة هذا شيعي وهذا سني وهذا موالي وهذا معارض وليش المواطن يتحمل أخطاء مدمرة كان في الإمكان تلافيها. وعندهم المفسدين خل يصيدونهم وبتتوفر مليارات الدنانير

وش تقول

مواطن دايخ من وين له يدفع كل هذي الضرايب اذا انت مقتدر في ناس ما عندهم ياكلون في بلد البترول ؟؟ وثاني شي الفقير في البحرين عيش في غربه مو في وطنه .. وقريباً الكهرباء بتخليك تحس بالضرايب ٤٠٠ % نسبة الزيادة .. الحمد لله ..

يمكن المسافر رايح إلى علاج اومتسلف علشان يغير جو مع عياله الله يساعدنا هذا بداية السنة الجديدة الله يساعدنا على القرارات الجديدة

اي استكثرها،، بلد خيرها للاجنبي والرسوم علينا!!

اما انت ما تحس على دمك أو انك من هذيل الي رواتبهم فوق ومتنعمين شنو هالخربطة ييب لي اسم الدولة شرط انهم بلد فقر وضعهم مب شي احنا عندنا بتررررول افهم يبى

اصبحنا أسوء من الدول الأوروبية في جانب الضريب، مع فارق الخدمة طبعاً

من 3 دنانير الى 5 في 2015 و الان 7 ,,, ما شاء الله بقرة حلوب جيب المواطن

ويش هالسالفه بعد
ليكون صارت البحرين جمهورية واحنا ماندري
الفساد المالي والاداري ليش مو المسؤولين الا يتحملونه بدل المواطنين
والا بس الارباح في مخابيهم والخساير على المواطن ????????

هذا اللي فالحين فيه

الميت ما تضره الطعنه و انت مسبية على كل حال

للأسف الشديد نسمع بهذه القرارات التي في نهاية المطاف ستصيب المواطن بسكتة قلبية، كل يوم نرى ونسمع عن زيادة في الضرائب و رفع الدعم ولا نسمع عن زيادة في الأجور والرواتب، الحمد لله أن الله موجود والمواطن ماله الا الله ونعم بالله.

قرار فاشل

سبع دينار ليش بتعطوني شنو ياحسره

ههههههه شسسالفة خيووو

لحد يسافر

الله يخليك لي

هههههه من زينه مطار عاد اخس مطار بالخليج وبعد وسوم

اقترح بدلا عن 7 دينار تكون الضريبه علة قد الخدمه مثلا استخدام الحمامات ديار مشى الخطوه بخمس تسال بربيتين

تنحسب اوتوماتيك في سعر التذكرة

على هذي الضرايب كأن العملة فقدت نصف قيمتها…. يعني مقبلين على فقر….... و الشعب صار الضعف في فترة قياسية!!! بنرجع لأيام الجريش بس ما عندنا ماي،و لا زراعة و دمروا مصائد الاسماك… يعني نهاجر !!!

هذا الي يبونه شكلهم

احنا مانستخدم إلا الحمامات اذا مضطرين او للوضوء والصلاة في المسجد 7دينار وايد .ليش مايكون رسم للحمام ورسم للمسجد لا مو شرط نستخدم مرافق المطار واحنا مسافرين يمكن هب وقت صلاة

كيفكم سبعه دنانير او سبعين دينار انتو السكين واحنا اللحم

هههههههه ما شاء الله الرسوم في الطالع ... لماذا؟ في مطار جديد و لا خدمات جديدة .... والله حالة

هههههههههه

الزوليه جديده يا جماعه شكلها كلفت 200 مليون

شفط
شفط من المواطن من كل جهة والمعاش مثل ماهو مايزيد، ماعليه اخدوا رسوم بس زيدوا المعاشات او لاتاخذون رسوم وتشيلون الدعم وتزيدون الاسعار

حلوه في مقابل استعمال خدمات المطار .. ياحسره من حلاته مطار

هههههه

ادفع من المهد الي اللحد وعليك انتخرس ولاتتكلم وين النواب وينهم

نايمين في العسل وعاضين شفايفهم خايفين يقصرون رواتبهم مثل ماصار في أعضاء مجلس الشورى بالديار الجيران

حسبنا الله ونعم الوكيل
انا لله وانا اليه راجعون
يوم البترول سعره فوق ماستفدنا شي
يوم قل سعره بنفطس من التكاليف
البحرينين الجدد هم السبب

ناقصين بعد

كل العالم ما في ضرايب مثل البحرين ؟؟
هل هذا تخبط .. أم ماذا .. سيقل عدد المسافرين عن طريق المطار .. والخاسر الأول طيران الخليج .

لله يا محسنين البحرين محتاجة انقدوها من الفقر ياناس

????????????????????????????????????????????????

مو طبيعي هاي القرار

حسبي الله ونعم الوكيل بسكم ذبحتونا فلسنا يا دوب قادرين نعيش و ناكل عيالنا حرررررام عليكم هالديره خلاص رايحه