والله مستشفى استر عندهم احسن الدكاترة الدخول بخمسة دينار على الاخصائيين و3دينار على الطب العام واسعاره تناسب و لا شخططت المراكز و لا نصب الدكاترة البحرينيين

اقول الى اللي يدافعون عن الاطباء اكيد عندهم اطباء اصدقاء او اقارب لهم ولهاي الشي تشوفه يبرر حقه سرقة جيوب الفقارى، ثانيا الطب مهنة نبيلة واذا درست فهذا حق تعالج الناس مو عشان تقصب ظهر الناس فنظرا لحالة زوجتي الصحية زرت عيادات ادفع بين 40 الى 30 عشان زيارة دقائق لكن مع هذا انا شفت دكاترة محترمين بمعنى الكلمة ويعطيك حقك وموطماعين يعني اصابع ايدك مونفس بعض

هناك فرق كبير بين الطبيب المختص والطبيب الاستشاري يدفع ٣٠ دنار لزيارة طبيب اختصاصي اطفال ولايدفع ٢٠ دينار لزيارة استشاري اطفال .
بعد التخرج من كلية الطب يمضي الطبيب سنة في قسم الاطفال ويحصل على شهادة دبلوم في اختصاص اطفال ويفتح عيادة بينما الطبيب الاستشاري يمضي من ٦ الى ٨ سنوات في قسم الاطفال وبعد اجتياز الامتحانات يذهب خارج البحرين للتدريب سنتين او اكثر ويرجع للبحرين يشتغل سنة او اكثر حتى يحصل مسمى استشاري العبرة في الخبرة والدراسة . للعلم تصل كلفة استشارة الطبيب الاستشاري الى ٢٠٠دينار

شعارنا الى الابد حامض على بوزك
الرواتب ثابته ولافلس زيادة
الاسعار فوق وفوق على السلع دون تسعيرة ثابتة
المطاعم في المجمعات واسعارها الدبل
المحلات التجارية اسعارهم خيال بحجة اجار المحلات العالية ويدفعونها من كيس الفقير
استشارة عن ضرسي تحرك الحشوة 25 دينار
باقي الهواء والشمس لو كان بايديهم لمنعوه

حرام عليهم دكاترة الأسنان خصوصا ذابحين الأودام
مو زين عليهم من الله هالمرة وديت ولدي خمس دقايق فتح ملف وخوخش في ضروسه دقيقتين أخد ٦٥ دينار وخلانه ع حصير الفقر حتى ولدي الثاني بعد يصرخ من اضروسه وهونت اعالجه عندهم نروح الحكومة ونتعالج احسن حتى لو طاحت عافيتنه من القعدة

بالفعل دكاترة الأسنان بزودهم يشلخون الواحد شلاخ

انا اروح مستشقى ..للدخول على الطبيب مع الكلام حول المرض وكتابة الدواء 5دينار والدواء بحسب سعره في الصيدلية واحيانا كشف او تصوير بالتلفزيون 10 ديناروالحمد لله رزقني الله بنت والثانية على الباب دعاؤكم لنا -الشفاءيناسبني ماديا لضعفي

بابا الكل يدرس وبحوث. بس حدث العاقل. تحصل دكتور فاتح حجرتين يروح من الأولى إلى الثانية ما يبي يضيع الوقت يحارس المريض يطلع

اشربوا ليكم اعشاب احسن اليكم من هالمصاريف اللي ما منها فايدة

استغلال حاجة الناس حرام لماذا لايكون مبلغ الاستشارات الطبية باهض في كثير من الدول بالمقارنة مع دولتنا لماذا لا يكون توحيد لسعر الاستشارة الطبية كما حصل لتوحيد أسعار الأدوية في دول مجلس التعاون لقد تم عمل ذلك عن طريق وزير صحة سابق وهناك حاجة ضرورية للنظر في هذا الامر وأما فيما يخص بأن الاستشاري قد درس كثيرا فيوجد فئات كثيرة في قد درست سنوات طويلة تفوق مدة الدراسة للطبيب ولكن لم نسمع لهم صوت برفع رواتبهم أو رفع رفع مبالغ الخدمات التي يقدمونها للمجتمع اخذين في الاعتبار النظام التكافلي للمجتمع.

لا تتوقعون انه الطب الخاص يكون خيري ، الهدف من الطب الخاص هو تقديم خدمة افضل من الطب العام بمقابل مادي ، شنو اللي يجبر دكتور انه يترك وظيفته في المستشفى العام او المركز الصحي الا اذا كان بيكون وضعه احسن. الكل يشتكي انه انصدم بقيمة الاستشارة ولكن اعتقد انه تقصير من المريض او ذويه اللي ما يسألون عن تكلفة الاستشارة والعلاجات قبل حجز موعد واللي مفروض اذا جفناها ما تناسبنا رحنا للبديل

روح الوكالة وخل يفحصون سيارتك وجوف اذا ما يدفعونك قيمة الفحص

شدخل السيارات والفحص في الموضوع حجي ، شكلك راعي كراج او مضيع او شارب شي

احنا ناخد اولادنا للتطعيم في عيادة خاصة لانه التأمين يغطي ، لكن الدكتور كان يقول لينا اذا تأمينكم ما يغطي افضل روحوا المركز لانه نفس التطعيم وما يحتاج تخسرون .

ما نقول الكل الاكثريه شغلتهم نزف الاموال.. وعلى فكرة اذا احد يعرف الاقليه اللي تعالج المرضه صح يخبرنه
اطلق عليهم ((ملائكة الرحمة)) وهم لا رحمة ولا ذمة وضمير عندهم ... اذا شخص يزورهم بدل ما يشفى يزيد من اللعبه اللي يلعبونه في الشخص
اما اذا بتقدم شكوى على طبيب او عيادة يطرشونكم الى هيئة تنطيم المهن الصحية قسم تقدم الشكاوي الطابق 10
حتى لا احد يفكر كلام من عندي يمكن سنتين وانا اراجعهم عن اخطاء طبيه متعمده ...اكتشفت انا الهيئة مسويه تاخذ فلوس من عيادات ما ادري مال شنو الضبط بس الشكاوي يحقرنك

بعض الأطباء المتخصصين ما يطلبون مبالغ مادية إذا كتبوا أي وصفة، يقولون لك تيسر..
وبعضهم يأخذ بس أول مرة، والمتابعة ما يطلب أو اذا طلب بيكون اقل
مو الكل تهمه الفلوس

حرص بعض الدكاترة على معرفة ان كان المريض تحت مظلة التأمين أو لا لكي يستغل الوضع هو أكبر دليل على فقدان مهنة الطب للجانب الإنساني و وضع الإعلانات التجارية للعيادات و الأطباء دليل أخر و الله يساعد الناس.

محد يعترض اذا طلب الدكتور و الاخصائي مبلغ على استشارة او وصفة علاج فهذا حقه والمريض ما يروح له إلا حاط في باله أنه راح يدفع لكن
ياخذ مبلغ استشارة بدون تشخيص او أي فائدة ويحولك على دكتور ثاني وترد تدفع ذاك الصوب هذا الحرام بعينه .يعني ياخذ أجر من غير مقابل .
أنا صاحب كراج ويجوني أحيانا زبائن تكون شغلتهم ما أسويها اقولهم روحوا لفلان أو ما أقدر أفيدك (هل معقولة أطلب منه يدفع لي أجر !! )
الكلام في هذا الموضوع
في مستشفيات اذا ما نفعك العلاج تراجعهم مرة ثانية ببلاش قبل لا ينقضي اسبوع

الحجي بفلوس هالايام

الله يكون في عون الناس اللي تعاني من امراض مزمنة مثل أمراض القلب والضغط والسكر والربو وامراض الحساسية والجيوب وخاصة أمراض الربو والجيوب اللي ما يقدرون يستغنون عن العيادات الخاصة.

ويش الي حادنا على هالعيادات غير المواعيد البعيدة بالله عليكم نروح متكسرين مشدخين حدنا يحولونا للسلمانية السنة الي بعدها الموعد وين صارت هذي

انا اتعالج عند دكتور ادخل عليه ب45 دينار ولا 1%حسيت في فايدة او عنده منطق ويوم نومني بالسلمانية اسبوع ولايوم زارني

انزين اني مرة رحت عيادة ودخلت على الدكتورة وكنت ابي أسوي تقشير بالليزر وعاد لازم اول تقرر احتاج او لا و طالعت المكان وقالت لي لا ما يحتاج تسوين لان مو غامق واجد وانتين بس آخذي كريمات ورطبي وانزين عجل ليش أخذت ثلاثين دينار بس على حساب تطالع وحان خفضت السعر يوم عرفت مااحتاج

كل شي صار تجارة وحتى مهنة الطب وارواح الناس صارت للربح المادي

إدا طبيب عام مو اختصاصي بياخد 10 .
وإدا إختصاصي تتراوح أسعارهم بين ال25 وحتى ال40 حسب ظني .

وفي بعض العيادات اذا بتفتح فقط فايل عندهم ياخذون زيادة عشرة دينار تضاف إلى قائمة دخولك على طبيب ????

المشكلة مو قضية فلوس فقط !!!! المشكلة انه اذا تدفع وما تطلع بنتيجة ايجابية من عند الدكتور!!!!!!!!!!!!

بالضبط صار واني مودية بنتي عيادة لدكتور أطفال أقل من خمس دقايق دفعت 25 دينارو مشيت وفي النهاية الأدوية والجرعات خطأ ومااستفدت ولاشي، بس بالمقابل أروح لدكتور ثاني يقعد وية الجاهل نص ساعة يفحصه من فوق لتحت اللي فيه واللي مافيه ويتسأل عدل عشان يوصف الدواء صح،، البعض حرام عليهم حتى ربية،، والبعض يستاهلها

وهذا اللي يسمونه بفتح الملف
او الاستشارة الطبية
المفروض الاستشارة بقيمة اقل لكن اكيد بياخذ عليها اذا الكل بيستشير ومحد بيتعالج
معناته ما حد بيدفع له وبيخسر وقته وجهده
لكن االاعتدال مطلوب
ثلاثين مبلغ كبير بالنسبة ل5 دقائق بدون تقديم علاج وانما اقتراحات ووصفات طبية انت بتدفعها
وهذا اللي صار مع ولدي

أنا صموني في تختون ولدي
أخذ المستشفى ٩٥ دينار

أنا في احدى المرات رحت عيادة نسائية على شارع البديع قبل ٨ سنوات تقريبا
الموضوع نتأكد زوجتي حامل لو لا
فقط وصفت الدكتورة حبوب لتنزيل الدورة بعد فحص الحمل عن طريق البول
والكلفة كانت ٥٠ دينار بينما اذهب الى دكتورة اخرى في مستشفى خاص تكلفة الكشف بالسونار ووصفة الأدوية ٢٠ دينار
وعيادات الأطفال ١٠ دينار الاستشارة غالبا والمستشفى الامريكي قد يكلف فحص الطفل مع ادويته بين ١٢ الى ١٦ دينار
من خلال تجاربي

استغلال واضح للمرضى ، نص الأطباء يملكون عمارات من ورى فلوس الناس الى الله المشتكى

فيه دكاتره يعرفون حالتك حاله فماياخذون فرجاء بدون تعميم

نسبتهم لاتتعدى ١٪‏ مع احترامي لشخصكم الكريم

فعلا يجب ان تكون هنالك ضوابط ورقابة على اسعار الخدمات وعلى

انا اعرف الكثير من الدكاترة اللي تابعت معاهم فحوصات او مرض اولادي يعطونا حتى الواتساب مالهم ويردون في الانستقرام .

تبون الدكتور يشتغل بلاش ، لازم تعرفون انه في مصاريف للعيادة من ايجار وكهربا وانترنت ورسوم ومعاشات الممرضين وموظفي الاستقبال والاجهزة. وثاني الشي الدكتور قضى عمرة في دراسة وبحوث لين صار استشاري ما يصير بعد يشتغل بخسارة. الدكتور يدرس ست سنوات وبعدين يتدرب سنتين ويدش اختبار وبعدين يتوظف ، ويضل يدرس ويقدم امتحانات ويتابع اخر التطورات عشان يفيدكم.

بعد يبالغون في المبلغ
يتقون الله في المرضى

تختون الأطفال صار اب 50 دينار انا اقول اذا حصلت دكتور بهالديره ويشتغل بأنسانيه تعال !!

الناس تشتري مضرتها بأنفاق لفلوس .. والدكتور يرجع ليكم الصحه ب الفلوس

غريب امركم يالبحرينين الطبيب الاجنبي افضل من ابن البلد وباخذ اقل الي تعتفدونه اقل هو اجرة كبيرة بالنسبة لبلده هو مليونير مقابل الطبيب البحريني الذي يدفع اجرة العيادة واجرة العاملين والاستشارة لها اجرة اﻵن كل شيء بثمن نتيجة المعيشة الصعبة افضل الاطباء اﻵن خارج السلمانية خيرة اخصائينا يعملون في مستشفيات خاصة والمستشفى الخاص بذاك المبلغ الكبير ولكن لاننا نعلم بأنناىسنستفيد ونأمن على حياتنا لذا لا تضعوا ملحا على جراحهم وتشوهوا سمعتهم على صفحات الجرائد

السلام عليكم. صباح الخير. أنا أنصح كل مريض لا يضيع أمواله إذا الأمر لا يستدعي مشورة أخصائي لأنهم لا يعملون كخدمة إنسانية إنما يعملون من أجل المادة والجشع

احنا اتصلنا للعيادة وسالنهم كم يكلف تنظيف الادون قالو ستة دينار وبفتح الملف سبعة..لما وصلنا .. اخدو 12.. ليش 12 واحنا متصلين لكم قلتو سبعة.. قالو لا استشارة بعد...بووق ونصب ..وهم حتى عشر دقايق ما اخدو

واجد من عيال ديرتي مطبقين المثل من عنده حيلة فل يحتال

أين هي هيئة تنظيم المهن الصحية من مبالغ الاستشارات الطبية ؟

احنا

احنا ماقلنا لايأخذ هذا حقه بس طمع والقهر منش وفيش بحريني اني وديت بتي لاستشاري مال دم بس استشرته في حال بتي اخذ عليي ٣٥

اذا عندكم مشكلة صحية اسألوا حجي قوقل وهو بخبركم العلاج الصحيح وبلا عيادة ودفع فلوس بلا معنى

من حق الدكتور ياخذ فلوس على الاستشارة بس يكون المبلغ معقول

استغلال لظروف الناس الصحية

زرت عيادة لدكتور و كنت حامل ويايي التحاليل و الاشعة .. دخلت خربش عليهم و قال ما تحتاج عملية و تعال زورني عقب شهر
حتى دقيقة ما قعدت وياه
و طلعتي الموظفة تقول صار عليك 30 دينار
3 ويش يا حسرة

بصراحه واجد ٣٠ على استشارة فقط
انا عندي مشكلة صحية وأمبي اروح لدكتور وبس عشان استشارته ٢٥ دينار وتالي شوف على العلاج والجلسات الي بعدها كم يمبي .
والعلاج في السلمانية يمبي لك شهور تنتظر..
المشكلة معاشي ما يبقى منه الا ١٢٠ وعندي عائلة !!

للاسف...تجاره وليس علاج للمريض يعني لين تروح عيادة خاصه وعندك تاميين ركزو على كلمة تأمين يعطيك اجازة قد ماتبي بس اهمشي عندك تامين يستانسون حدهم

للحين الدكتور (...) موجود البداية ياخذ 10 دينار مع فتح ملف
وبعدها مع اي مراجعة ياخذ 5 دينار انا اودي عيالي عندة
اذا مالي خلق اروح مستشفيات الحكومية ولله يبارك

الواحد ايروح يتعلاج يتفاجئ بلأاسعار المفروض ايكون المستشفى الخاص فيه قائمة أسعار

اوافقك الراي بس مو كل البحرينيين ترا مايعرفون يشخصون بعضهم يجيب المرض بس لهنود والفلبنيين احس خبرتهم ودراستهم وتشخيصهم احسن

استغلال وبكل وقاحه ولا حسيب ولا رقيب ،، قبل فترة دشينا ع دكتور يمكن مايجي حتى ٣ دقايق فقط قالينا المشكلة يحلها ليكم الدكتور ... واخذ ٣٠ دينار !!

يعني كل عياده لو تستقبل 30 مريض في اليوم بثمان ساعات .. اعتقد صاحب العياده بصير مليونير بظرف سنه

اذا هذا الدكتور بفيدني بشيء فبدفع له مااملك

فلذالك تشاهدون الدكاتره من اغنى فئه في مجتمعنا

فعلا هذا الكلام صحيح
بعض الدكاتره يعتبر شرحك الى المشكله هو تدخل في عمله

وضعتون ايدكم عالجرح، فعلاً هالكلام صحيح وخصوصاً الدكاتره البحرينيين والعرب اما الأجانب فهم الأفضل وقتوعين بالمال، انا ماادري اولادي الالدكاتره اجانب أرخص وأفضل بالعلاج

فعلا" موكل طبيب أخذ المهنة بإنسانية، أنا التقيت بالطبيب الانسان والمفروض إذا كانت الزيارة في خلال أقل من أسبوع لا يدفع ثمن الزيارة خصوصا" إذا كان مجرد متابعة تحليل أو استشارة كلامية. أما إذا تجاوزت الأسبوع فيأخذ ثمن الدخول على الطبيب. هذا في أغلب المستشفيات الخاصة المعروفة بسمعتها حتى لو كان في تأمين صحي. التقيت في الطبيب الانسان بحريني بخبرة عريقة وعراقي والاخر هندي فلا يمكن التعميم لكن الأطباء الهنود لهم ميزة في الرعاية الصحية وإنسانية واحترام.

اي والله

اقسم بالله مرة في عيادة مشهورة جدا ،، رحت مع الوالد كان عنده مشكلة فدخلنا ويمكن اقل من ٢٠ ثانية شاف صور الاشعة قال روحوا العسكري وطلعنا الا السكرتيرة تبي ٣٠ دينار ،، حتى باي الدكتور ما لحق ينصك ،، هذا حرام ياكلون اولادهم جذي

ومن يعرفون ان عندك تأمين يلعبون لعبتهم

مستشفى هندي تدخل على استشاري خمسة دينارواي مرض موجودله استشاري

الصراحة الهنود واجد ارحم وافضل من الأطباء البحرينين والعرب.

لازم نعرف انه في فرق بين الاستشارة والعلاج ، الاستشارة هي اخد رأي الدكتور في الحالة المرضية او في التحاليل والاشعة ومن حق الدكتور ياخد مبلغ على هذي الاستشارة لانه يعطينا من وقته ، وفي بعد فرق بين الزيارة الدورية والزيارة العاجلة لحالة معينة.
لما تزور الدكتور لحالة مرضية عاجلة فالدكتور بخبرته يجاوب علينا ـ في نفس الوقت لازم نكون احنا حاضرين باسألتنا واستفسارتنا عشان يرد علينا.

انا عكسكم اكثر من موقف لي وللاهل اذا الدكتور عاين المريض وحولة على دكتور ثاني او ماعطاه علاج مايرضى ياخذ قيمه الاستشارة.. وانتون يالي تتشكون المفروض تكلمون السوبرفايزرزز ترى المستشفيات الخاصه اكثر مكان منضم ومايضيع حق رغم كثرة المشاكل

كلام الدكتور صار أغلى من الذهب
دخلت على دكتورة بس سألتني ...من شنو تعانين ..وذكرت ليها طلبت فحوصات
من شنو تعانين ب30.د والفحوصات 30.د

للأسف مهنة الطب أصبحت تجارية أكثر منها إنسانية. والدكتور صار همه الفلووووووس اكثر م الرعاية الصحية.
وين راح مبدأ الدكتور !!

الدكتور حسن الوزير السابق
الله يرحم والديه

كان حط يده علي الجراح بس (........) ما وافقوا

المشكلة فيكم مو في العيادات ولا في الدكاترة المستشفيات الحكومية فيها كل شي وأحسن من واجد عيادات الا بعض التخصصات وأغلبها ما تحتاج تروحها بشكل دوري ، بس تلعبون بالفلوس وتصيحون ما عندكم

هههه هذا هم جماعتنا افلوسهم حق المطاعم والدكاترة واخوانهم وخواتهم يحتاجون منهم القليل ما عندهم وما عندهم ،، اتودي افلوسك ع شبعك يطلع عليك في سقمك وبعدين فجج

المطاعم والسفر
والدكاتره والسيارات الجديده راتبه 250 ويروح يتعالج بهديك الحسبه ويركب سيارة قسطها وش قد
ولين انتقدت طحنتهم
قالوا فلوسنا وكيفنا
درينا مو من جيسنا
بس جوزوا عن الطحنه

واذا العلاج غير موجود في الحكومي ؟

مو هذا الاستشاري صاحب العيادة الخاصة أصبح تاجر.
لهذا يعالج بمنطق التاجر فعنده الربح السريع وتكوين الثروة.
ياحيف على المهنة الإنسانية.

يالطيب المستشفيات الحكوميه اكثر الاوقات يقولك خلصت المواعيد واذا تدخل على المسؤل يقولك لا انت مافيك شي ويقولك انا مو مسؤل ويقولك الممرضه اهي الي عندها الصلاحيه علشان تدخلك.. بس يدخلون الي من صوبهم.. وهم اهمال بعض الاطباء.. من جدي الواحد يطر يروح الخاص..

أغلب الدكاترة اللي التقيت معاهم في الخاص والعام تنقصهم مهارة الاستماع الجيد. كأنه واحد متملل يبي يخلص شغله بسرعة. حتى تبي تشرح يا زعم هو عرف من أول كلمة خلاص.

الطبيب البحريني يريد يكون عنده ثروة بيل گيتس.
لازم يعرف أن مهنة الطب مهنة إنسانية مو تجارية.

أي والله بالظبط جبتها ع الجرح ،،، كله قوم عنهم اللي فاهمين كلشي ومتمللين من عمرهم، رحت لأستشاري عظام الله يستر علينا وعليه اني اتكلم وهو يحوس فالاوراق ويتلفت يمين ويسار ماسألني اساسا عن الحاله واخذ 180 دينار ،، قلوب قاسيه تعلمت على شوف آلااام الناس

ايي دكرتني بلي كنت اروح ليه في
كل أسبوعين قال تحليل واسويه واجيبه وكل مره 25 لوية يعني
يقوليي وش عطاش لي قبلي ويراويني الأدوية لي عنده عشان اطلع الدوا لس كنت امشي عليه

أنا مرة دخلت ويا زوجتي على استشاري بحريني في عيادة، وبس عطانه الدكتور استشارة، من غير علاج أو أدوية، يمكن مهلنا وياه 6-8 دقايق، بعدين تفاجئنا ان المبلغ هو 40 دينار

لازم
لازم الطبيب ياخذ فلوس على (الاستشارة) مايصير تدخلون على الطبيب ببلاش سواء قعد معاكم دقيقة او ساعة كتب لكم علاج او لا
واجد منهم احيانا ماياخدون فلوس ولو ان من حقهم ياخدون

40 دينار عاااد
..اكيد دكتور انت

أشكركم على هالموضوع. تدخل على الدكتور وتنسى سؤال بسيط ترجع أو تتصل تقول أبي أسأل الدكتور عن شيء يقول لك ما يصير تكلمه ولا تدخل عليه لازم تاخذ موعد وتدفع من جديد!! لو بتقابل وزير أسهل واجد.
نحترم الخبرة والعلم لكن الواحد يتواضع وياخذ الفلوس عن جدارة.

فعلا بعض الأطباء يقعد أطرم ما يتكلم يخليك أنت تشرح بعدين يعطيك كلمتين وخلاص، يا أخي أنت طبيب المفروض انت تسأل المريض بالتفصيل وتطرح احتمالات معاه لين توصل لقناعة معينة، بعض المرضى ينسون وقت الدخول مع شبحك يالغالي.

ولدي عمره شهرين وكل يوم والدته تقول ابي اروح اتأكد من شغله فيه .. نروح لطبيب مصري الزيارة حدها دقيقتين ويأخذ مني 30 دينار لمجرد مقترحات طبية مثل ما قلتوا .. ومرة من المرات اعطوني مضادات حيوية .. وهو ممنوع ان يعطى الطفل اي مضاد حيوي .. هناك عيادة جديدية في بوري للاطباء البحرينين المفصولين ابان الازمة .. يطلبون منك 15 دينار فقط ومعاملاتهم للاطفال جدا لطيفة .. وكلهم استشاريين

رداً على الزائر ١٨
هؤلاء الاطباء من خيرة الاستشاريين وليسو مفصولين من السلمانية كما ذكرت..العيادة جديدة والخدمات والأسعار رائعة الله يوفقهم

استغلال واضح للمواطن البسيط
الله يرحم الدكتور التحو كان رغم ارتفاع اغلب دكاترة العيون و اسعارهم المرتفعة مصر على سعر كان ذلك الزمن معتدل مقارنة بالآخرين 10 دينار
تركت العيادات الاستشارية الخاصة و العامة منها و صرت ابحث عن ادويتي في النت او مستشفيات الهنود او محلات الاعشاب لا حاجة لي لدكتور يشاهدني 5 او دقيقتين و ياخذ 30 او 20 دينار وندمت على الايام التي كنت فيها جاهلا و دفعت المبالغ لمن لا يستحق

٣٠ دينار اذا اعطى المريض حقه في الاستشاره فأظن ان مبلغ معقول ، بالذات بالنسبة الى استشاري بخبرة ٣٠ سنة و اكثر ، اعرف احد الاستشاريين في تخصص جراحي دقيق جدا استشارته ٤٠ دينار لكن اقل وقت ياخذ مع المريض نص ساعة واي وقت يدخل عليه خلال نفس الاسبوع لمتابعة ببلاش ، سعر عادل

رحم الله الاطباء السابقين سواء في مستشفيات الحكومة او الخاصين

ولدي مرة سوو له عملية بسيطة بمبلغ كبير وقال لي عقب شهر أروح له عشان يعاين الجرح .. الله وكيلكم أقل من دقيقة بس شافه قال الحمدلله مافي شي واخذوا مني 20 .. لييش ؟؟ والله ماله داعي ومرة سويت مع دكتورة هندية قالتلي مايحتاج تخبرين المستشفى انك بتجي بس طقي علي الباب حق أجوف

انا تعاملت مع هنديه
في حملي ببنتي الثانيه ممتازة
شحلاوتها
و3 دينار ببطاقة التخفيض لي عندي

انا رحت لدكتور عطيته تقرير الاشعه جافه وقال لازم عمليه واخدو عليي 20 دينار

حمدوا ربكم كلمكم 3 دقايق .. أني رحت عيادة كل اسبوع يقول لي سوي تحليل حق شي ادخل أقل من دقيقة يقول لي نتيجة التحليل سليمة ويكتب في ورقة اني اسوي تحليل حق فيتامين ثاني وأمشي وياخذون ذيك لحجاية

هذا هم الدكاترة انا مرة ولدي صاده كحة قوية وديته دكتور قال هذه الادوية وتعال ليي بعد اسبوع حق الوقاية ،،، وهذا هم يبونك اداوم عندهم كانك ادخل فلوس في البنك لحساب غيرك

لو يطبقون عليهم قانون تسعير
لا بالله طاح سوقهم
أغلبهم طلعوا من السلمانية وفتحوا لهم عيادات خصوصاً بعد ما شافوا الضيم والظلايم في السلمانية
ما نعمم على الكل لكن فعلاً في دكاترة استغلاليين مبتزين وفي دكاترة بالعكس علاج زين وسعر معقول
ولو الوزارة تسوي قانون للقطاع الخاص بحيث ما يصير ظلم لا للطبيب ولا للمريض واااااجد زين
علأقل تحط سعر معقول للإستشارة والبعض اصلاً الاستشارة يخليها مجانية
أصلاً بندخل في تشعبات في هذا الموضوع لا يسع المجال لذكرها

في أحد العيادات الطبية وديت بنتي عمرها سنه تقريبا وتصرخ من اذونها انتظرت ساعة للدخول وبعد الدخول في أقل من دقيقتين كتب الدواء واخد 30 دينار

ذهبت لعيادة خاصة الدخول على الدكتورة 30 دينار وتحليل الدم 15 دينار والأدوية 20 دينار والمواصلات 7 ديناروالمجموع 72 هل يعقل هذا ولمجرد اسئلة وفحص لايتجاوز الدقيقتين

هذه ما تسمى بالاستشارة الطبية ، والمبلغ يكون ثابت ومحدد مهما كان قصر الوقت ، فأنت بامكانك اخذ دقيقين او اخذ 15 دقيقة حسب الكلام الذي في جعبتك الذي تريد الاستفسار عنه للدكتور ، المبالغ التي تُؤخذ مبالغ فيها بصراحة لكن للامانة المستشفيات الحكومية بالوقت الحالي عديمة الفائدة ومعاملات اغلب الدكاترة الذين تعاملت معهم سيئة بالرغم من انهم بحرينيين ، دائماً مزاجهم يكون عكر جداً ، الشخص اصبح مضطر لزيارات العيادات بالنظر للوضح السيئ للمستشفيات الحكومية.

موضوع مهم للغايه اغلب العيادات ياخذون 30 دينار وفوق وعانينه من هالامر والمشكلة ان المراكز الصحيه لا تهتم ايضا وتعاني في انتضار الدخول على الطبيب الغير مختص ايضا ناهيك عن انتهاء المواعيد خصوصا للاسنان القسم الصحي في البحرين دمار على الرغم انه اهم قسم يجب ان يهتم فيه

دكتور الاسنان يقصب المريض بيمنشار كهربائي ولا في رقيب ولا حسيب حسبي الله ونعم الوكيل

ذكرتني بدكتور بحريني خلع سن واحد لابنتي مقابل 40 دينار على ويش؟؟؟ اخذوها قاعدة من تدش عيادة كشخة كانها فندق حط في بالك ان بيقصبونك بالفاتورة عقب انتهاء الزيارة

حجزت موعد عند دكتوره نسائيه للعقم بعد شهرين من الإنتظار اخيرا رحت الموعد طبعا دخلت على الدكتوره بعد ساعات إنتظار حتى ما قعدت على الكرسي عدل إلا تقول علاجك مو عندي وأخذت مني 30 دينار واني كنت بحاجه لكل دينار لعلاج العقم بس الله كريم الله الرزاق يرزقاللهمن غير حساب يا رب

الله يرزقك انشالله ويشافيك ويعافيك ويعطيك الذرية الصالحة امييين
السيدة

لو منش مادفعت اخليها اتولي ما سوت شي

عادي ودينا ولدنا عمره شهر وقالوا حالته سخونه ما نسوي لها شي لازم طوارئ السلمانية تودونه انزين بنوديه الطوارئ بس ليش خذيتوا ٤٠ دينار مو حرااااااااام عليكم مافي علاج ليش تاخذون فلوس من اساس الناس ما ترحم هالايام

وديت بنتي دكتور خاص لعلاج اذنها.. انتظرنا اكثر من ساعة عقب وقت الموعد.. يوم شافها، قال ما فيه وقت الحين تعالوا بكرة.. وكنت دفعت 20 قيمة الاستشارة.. رحت اليوم الثاني، فحص البنت وأخذوا مني 30 دينار.. احتجيت، ردت علي الكيشر، اذا شفت الطبيب...لازم تدفع.
سرقة ويطالبون الناس تحترمهم

لان واضحة رقابة الصحة و حماية المستهلك .. لا قانون و لا شي عدل بهالديرة

بعض العيادات !!! الا قولوا اغلبهم لازم يسوون هالشي
ما اقول ويا كل المرضى وعلى طول بس تصير ومو شوي

من غير ذكر اسما احد الدكاتره الجلديه المعروفين حت ماخلاني اكمل كلامي ووصف، ليي وصفه خاطئه واخذ 20 دينار في، اقل من 5 دقايق ويوم رجعت ليه قال هذا الموجود