زائر 90 الله يهديك شلون مو مجبور اذا ماتم مفتوح مخلينه لاهل الميت المقربين بدل ما يروحون بيوتهم والناس قعدت ما راحت يطردونهم مثلا والا هم يقعدون يتغدون ويتعشون والناس قاعدة اطالعهم شلون ما يكون مجبور في ظل هالظروف بيضطر لان الي قعد قصده ان بتغدى والا شخص بيقعد من الصبح لليل جدي بس قعدة بدون عشا وغدا ما يجبرونهم بالقول بس بالفعل اكو مضطرين يجارونهم

هذه الظاهرة تحدث عنها أحد الخطباء في خطبة جمعة قبل 5 سنوات حيث كانت الضيافة تقتصر على علب العصير والشاي والقهوة والماء، فطلب من المؤمنين عدم إحضار العصير، فتلقت دعوته القبول والترحيب

جاي على الدنيا، عشا، مختون، عشا، داخل الروضة، عشا، داخل على المدرسة، عشا، متخرج من الثانوي، عشا، حاصل رخصة سياقة، عشا، متخرج من الجامعة، عشا، حاصل وظيفة، عشا، مشتري بيت، عشا، خاطب، عشا، متزوح، عشا، وأخييييييييييييرا مُتَوفَّى= عششششششششششششششاء

مشكلة مجتمعنا كل من يقلد الثاني حتى في الخطأ إلى أن تصبح ظاهره وعرف والا مايعمل أكل وتوزيعات تعال إلى الهمز واللمز في المجالس من بعض الرجال والنساء

ما في احد مجبور يسوي كل ده كل شخص عنده عقل و يدري ويش يسوي

الشاي بس !! و الله زين
أنا إذا توفيت باوصي بمنع توزيع ولا شي
حتى الماي ممنوع بعد >__

بل،،،، بدل ما يقولون الله يرحمه بيقولون الله .....

مع هالردود حسستوني إن بيجي يوم بيكون حضور الفواتح ببطاقات دعوة
\nمع عدم اصطحاب جولات الكاميرا ^__^

انا اذا توفيت اوصي بتوزيع شاي فقط.

أني رأيي من رأي الزائر 78. اتمنى الكل يتفق وياه. مافي داعي للملايه صبح وعصر كفايه الصبح والعصر قرائة القرأن وأهداء ثوابها للمتوفي. والتوزيع فقط شاي وقهوة وماء

حقيقة هذه عادات يجب التوقف عنها والأمر ليس رياء وإنما شيء تحسبه عند الله سبحانه وليس بنظرات الناس ، وهذا أمور يجب التوقف عنها ، والاكتفاء بشيء بسيط وباقي المبالغ تصرف في وجوه الخير والمصالح العامة ليكسب الميت الثواب والأجر

المفروض اتباع تعاليم الشرع والفقهاء ..

انا بفاتحة ابوي الله يرحمه استغربت من الاوادم وخصوصا النسوان تجي تتغذى وتتعشى كأن عزيمة .. الشي اللي يألم مو ماديأ ولكن نفسيا لأن هالجمعات لاتخلو من العقرة والضحك وحتى احترام لذوي المتوفي مافي

نريد برنامج للفواتح وطرحة في المساجد والمأتم والمجالس ومناقشته للجميع
مثلا
1..تقام 3 ايام للتعزئة
2...قرآءت القران
3..يوم واحد صبح او عصر قرآءة حسينية
5....التوزيع فقط شاي وقهوة
6..الليل تمنع الزيارة لاهل الميت الا لابد منهم الاهل لاعطاء الاهل وقت من الراحة والهدوء
سأل الامام علي مااعظم من الموت قال فقد الاحبة
يكفيهم حزن بعد انزيدهم هم على همهم

انته مبدع

معظم اصحاب الردود فاهمين الموضوع غلط.. بس حبيت أوضح من وين جت هالبدعة .. قبل من كل المناطق يجون يتعنون للتعزية ومايقدرون يرجعون بيوتهم فيضطر ذوي المتوفي توفير الغذاء وشوي شوي لما صار للفريق كامل .. استحوا ياناس

واجب على أهل الدين يتكلمون في هالامور على المنابر واقامة المحاضرات لعل وعسى يوتعون الناس من هالبدع .. صرف ماله معنى سواء في العزاء أو الزواج .. الله يهدي الجميع ...

بدع دخيلة تصبح فرض واجب من المعيب تركها

زائر 65 انت تتوقع يعني الناس تسوي دعوة ليهم عشان يتغدون ويتعشون بعد اذا في فاتحة وناس تبغي تقعد لليل ويش تقدر تقول ليهم روحوا بيتكم وتعالواما يصير فطبيعي بتصير المخاسير لازم الناس هي تستحي على دمها اذا كانوا شيوبة ونسوان كبار ليهم عذرهم ما يقدرون يروحون ويجون فيقعدون في الماتم بس اذا شباب وعندهم سياراتهم يروحون بيوتهم يتغدون وينامون ويرجعون لازم الناس تقدر هالامور اني امي من سنوات طويلة ما تحب تقعد في غدا او عشا تقول مو زين نكلف على الميت واحين مسوينها عرس واكل وبسطة والميت راح من جيس اهله

يكفي في العزاء شاي وماء فقط

المفروض مجلس التعزيه ما يكون طول اليوم يعني صبح وعصر وليل ليش،، قاني شي مافي داعي قرايةرالملا عصر وليل ،، كفايه العصر بس،،، مع توفير الشاي والقهوة فقط وبالمكان اضافة التمر ،،

وصيتهم الي بجي الفاتحة وبطول بقعدته على امل انه الغذاء والعشاء بوفيه ابشره انت جاي تعزي وتمشي كاس لبن وجم فردة تمر واحسن الله عزاك ...
اما الا لازم تحطون بوفيه والا طلعتون بخلاء طيب الارملة واليتيمة من عقب شهر من راح يجيب لهم الخبز وقلاص الماي من بدرسهم على حسابه من بيكفلهم وبيكسيهم بالاعياد
خافو ربكم يا آتالين الاوتلة يااا اكالين عيش المرحوم
حسو عاد لمتى الانانية والفشار

المفروض من اليوم و رايح ... أهل المتوفى لازم ما يصرفون و لا شي على الفاتحة .
الإسلام لم يكلف و لم يثقل على أهل المفجوعين بوفاة قريبهم !
فاتحة ثلاث أيام مع قراءة فرآن .

لا حول الله الناس صارت تبالغ في العزاء وتصرف مبالغ اكثر من الف دينار المطلوب من الجيران والاقارب يوفرون وجبات الطعام لاهل المتوفي وتكون مقتصره على اهله فقط حتى لا ترهق احد

ام بالنسبة للحريم فحدث ولا حرج صرف بدون معنا كل وحدة اشوف ويش سوت افلانه سوت أزيد منه

أولا. ليش ما يكون مجلس واحد بالنسبة للقراءة ، ثانيا. وجبات الطعام تقتصر على الأهل فقط مثل الغداء و العشاء ، ثالثا. تقديم الماء و الشاي و العصير أثناء الفاتحة هذا احسن برنامج وشكرا لكم

افكر اوصي قبل الله لاياخذ امانته
مصاريف الملا والملايه والولائم تدفع صدقة عني
فالصدقة عن الميت سنة مستحبة مؤكدة

الدين اتباع وليس ابتداع / الحمد لله على نعمة الأسلام

كلها بدع مأنزل الله بها من سلطان ....والسبب الاعراف والتقاليد الخاطئة والابتعاد عن التعاليم الاسلامية فى هذا الشان .

مصاريف الملايه والملا أكثر بكثير جدا
وهي بدع

ماكسر ظهري هو ليس فقط الوليمة عند وفاة الوالد الله يرحمه
بل اسعار الملا والملايه للقراءة الحسينية طوال ٣ إيام
٨٠٠ دينار كلفني احضارهم غير الوليمة ٣٥٠ دينار
المجوع = ١١٥٠/ اخ يالقهر فوق الحزن قهر ندفع

ولد زويد
كذب وافتراء على الخطباء ليس دفاع عنهم ولكن الحق يقال أكثر الخطباء لا يتشرطون ولا يحددون سعر القراء إلا بين قوسين (ربما القليل جدا ) من يضع سعر القراءة وأنت مخير بين ذلك ليس مجبر على أن تأتي بمن يتشرط الخطباء ما شاءالله كثيرون الله يزيد ويبارك

يتبع ........
أما النساء الملاية فعلا يوجد هناك من تضع سعر القراءة منهم ولكن أيضا يوجد منهم من تقول على مدت أيدك ويش قال 800 دينار الله ما شفناه بس بالعقل عرفناه

سبحان الله تكلفة الفاتحه توصل 1000ديناروازيد ويمكن المرحوم كان محتاج اقل من هالمبلغ للعلاج

أنت و أخوك ما عندكم سالفة، فكرت الميتة مرت أبوك!

رحنا تأبين لميته الله يرحمها حاطين بوفيه استغفر الله
والبعض يقول يلا اللي مااكل في عرسها ياكل الحين ويتبسمون

أتركوا البدع ياناس البدعه حرررررام والفقير إلا مايملك إلا وقت يومه شنو يسوي ارحموا من في الأرض يرحمكم من في السماء

توفت والدتي وانا صغير ومن اول ومن اول يوم الفاتحه انا واخي في السوق المركزي منذ الصباح كي نقوم بشراء متطلبات العزاء لك ان تتخيل

ما دام ما نتبع شرع الله نوصل لمثل هالامور ...

شر البلية ما يضحك .. لما يتوفى شخص المفروض الناس تعينه مو تزيد همه..

زائر 35 وين صرفت 300 خبرني شلون اذا الي تقرا الفاتحة اقل مبلغ تاخذه 200 وبعد ناس تاخذ اكثر غير المصاريف الثانية يعني مثلا القارئ للرجال جم بياخذ كل مجلس قولي مو نفس النسوان ماادري بس احسب الغدا والعشا لثلاثة ايام اذا عدد بسيط ما بيكلف صحيح بس اذا عدد واجد بيكلفك ومو بس جدي احين مااحد يبغي يخدم في الماتم يعني شخص ما عنده عزوة واحد لازم يجيب بعد ناس تصب قهوة وجاي وماي ترى كل شخص يختلف وضعه عن الثاني يعني مثلا احنه فواتجنا بعيد الشر ما نحتاج احد بس رحت لناس ما يقومون يسوون شي فيضطرون يجيبون ناس

اني بعد استغربت
في فاتحة شابة صادتها سكتة قلبية قبل شهور
بناتها مفلوتين على الارض من الصياح والصراخ
وطلعتنا عالطاولة حلوى وبقلاوة وغريبة وسمبوسة وخنفروش
ماكان له داعي
ماي عصير جاي بانواعه كفاية للمعزين

على كل منطقة عليهم الاجتماع ووضع عريضة تنزف وتشجب بالنصح كل هالعادات اللي ماليها داعي
الاسراف في الزواج بدل البوفية مثلا ..حلاوة قهوة شاي واشياء خفيفة ..والاقتصار على حفلة واحدة وقت المعادلة وليمة..الملجة وليمة..الخطوبة والعقد وليمة وسفرة جديد...وحفلة الزواج بالصالة .واصحاب الصلات لطفا بالعربس تخفيف اسعارها
الاسراف في الولادة ..مثلا توزيعة بسيطة وشاي وقهوة
الاسراف في حالة الوفاء..على الجميع ان يرفض الاكل وبهذا ستقل وستختفي ..ويتم اقتصارها على الشاي والقهوة

على الجرح

والله احترت مادري شعلق بس هذا برودكاست وصلني امس وكنت اقول بتأسف إي والله
فقط في البحرين
توصل تكاليف الفاتحه الى الف دينار وفوق
والمرحوم يوم كان مريض محتاج الف دينار ... محد يعطيه
يعني خل كل فرد في المجتمع يصير مسؤول .. كملت عزا جزاك الله خير ارجع بيتكم بالسلامة مو من طول المسافة بين المناطق في البحرين والحقيقة ان تم احد يواسي اهل المتوفين إلا ان فيه من يسولف ويضحك وين حرمة المتوفي واحترام اهل المتوفي لذلك رحم الله من زار وخفف ماله داعي نثقل ع الناس واحنا ماندري عن ظروفهم فبلاش نح

لو تصرف هذه الاموال صدقه لروح المتوفى افضل له من هذه الولائم

ولكن بعض الناس تجي من مكان بعيد والاهل ايام الفواتح ما يمديهم يروحون ويطبخون واذا حان وقت الغدا مو حلوة ما نضيفهم وحتى لو بالسلف بعد

تخلف وقلة وعي وماراح تتعلم الناس لأنها همها علفها

امي تقول ترى سالفة الاكل والشرب من ايام اول بس الفرق على قولة امي ان الاول اهل المتوفي ما يطبخون الفريق او القرية يطبخون الغدا والعشا ليهم ويودونه يعني يصير كل شي شراكة ويشاركون بعض في كل شي احين لا خل يجون الفاتحة اول عشان يشاركون في هالشي
فصار اهل المتوفي يتحملون كل شي بس ، ناس كتبت ان اهل المتوفي يكلفون على روحهم انزين انت تشوفها عدلة ناس قاعدين لوقت الغدا للعصر او في الليل لوقت متاخر تخليهم بدون غدا او عشا مو حليوة صراحة بعد الناس المفروض هي تقوم تروح بيتهم يا وجه استح

بالضبط كما سمعت ذلك من أحد المؤمنين .. بأن أهل المتوافى لا يطبخون وأن أهل القرية هم من يقومون بإطعام أهل الفقيد .. ولكن حال الدنيا تغير وقامو بهذا التصرف .. وهو في رأيي الشخصي بذخ وإسراف وليس له معنى .. نتمنى أن تنتهي هذه العادة

ايهما اوجب علينا اتباع نهج وقول الرسول صل الله عليه واله وسلم ام اتباع العادات والتقاليد نحن مكلفين بتنفيذ النهج النبوي الشريف في كافة مناحي حياتنا وليس مكلفين بتنفيذ عادات وتقاليد اجتماعيه تخالف ما امرنا به الرسول صل الله عليه واله وسلم

ياخي سلامات انت شكلك مسوي بوفيه من فندق خمس نجيوم سلامات شنو الف دينار أمي العودة توها متوفيه انا تحملت مصاريف مع للرجال و نساء لثلاثين شخص ماوصل 300 دينار مع بيبسي الا اذا بعد سالفه جديده تعالو خلو ناس تروح بيوتهم ويردون يرجعون

لا ياولدي توصل ل الف والفين طبعا مع سعر القارئ والقارئة للماتم مو بس اكل واذا عايله معروفه يعني شاي وماي وعصير ومن هالقبيل

أكيد مأكلهم روتي سمبوسة أو سندويشات جبن أو شاري لهم نخي من آلو بشبر

يا زائر 56
الروتي و السمبوسة أكل و نعمة من نعم الله .
مو عاجبك روح سوها في الريجنسي !

في شي بعد ماذكرتوه وهو حساب القارئة المسماة الملاية بلهجتنا معظمهم يطلبون مبلغ كبيير يصل الى 600 دينار للقراءة ثلاثة ايام هذي بعد مشكلة

خلوها تولي هدي بعد ناقصينها تجي اتقص غلينا

ساعات أهل المتوفي هم الي يكلفون على روحهم

اصنعوا الطعام لآل جعفر؛ فإنهم قوم مكلومون... الرسول (ص)

.ائر 27 اني مثلك لا شاي ولا ماي ولا قهوة ادش اسلم واطلع مااحب ماادري ليش سبحان الله وناس تقعد تاكل وتشرب وتهول كانهم قاعدين في عرس الله المعين

الحاصل اللي يصير ان البعض ساكن في اماكن بعيدة
ومايقدرون يرحون ويرجعون للماتم لتادية التعزية طوال اليوم
فيبقون من الصباح لليل او ينامون حتى
فالاكيد ان اهل العزاء بيقدمون ليهم الطعام والشراب
غير الماء والعصير والجاي للمعزين
وهذا الي صار في العزاء عندنا من فترة بسيطة
ولكن حتى ما يصير الثقل على احد بس تعاوننا بالمبلغ
كون النساء تقريبا 30 شخص مع الاطفال
والرجال 25

هذا اللي صاير

أنا عندي طبع أني ما أكل في الفواتح. حدي شاي. يوم كبرت أكتشفت أني ماخذ الطبع من الوالد، وكان السبب ماله أنه ما يحب يثقل على أهل المتوفين.

الناس هي الي تفتح هالباب على روحها الحل ان ما احد ياخذ وثانياً الناس جايه تعزي وتمشي مو تاكل ما ايها داعي السالفه

بعض البلدان يسوون هالشيء لأنهم يبعدون عن مكان العزاء مسافة بعيدة، أما في البحرين فحتى من هالناحية مالها مبرر لأنك من الحد لبلاج الجزائر مابتاخد نص ساعة.

والمطاعم تارسة الديرة وكذلك الفنادق والشقق المفروشة العائلية وإجارها باليومي، يعني حتي اللي جاي من مناطق بعيدة مالهم عذر

الصورة شهتنه من الصبح ، على اي الأحوال دام مزروع حُب الدُنيا في قلوب الناس فالفشخره ما بتوقف حتى في الوفايات

هذا ارهاق وعبأ على اهل المتوفي في وفاة أم زوجي صرف ما يقارب 2500 دينار مقابل جلوس بعض المعزين للغذاء والعشاء والضحك الثرثره بأحاديث لا تراعي حتى مشاعر اهل المتوفي .. أعارض وبشده واطالب بأثارة الموضوع بصوره أوسع ليعي الناس مساوئ هذه العادات الحديثه

الموضوع قد لا يكون بصورة المهولة المذكورة.. وجبة الغذا ليس إجبارية وإنما تقام لأهل العزا فقط.. وذلك لكونهم مشغولين في المجلس للتعزية من الصباح للمساء وليست لعموم الناس.

يا جماعة وضعنا مأساة ، استوت عاداتنا وهمومنا كلها توجيب الناس . وهموم الناس كلها شنو بعشينا شنو بغدينا وما عشانا ولا غدانا

استغرب من البعض بربط الموضوع بالدين لان الدين ما له دخل في الموضوع الظاهرة اجتماعية والناس تتبع العادات والتقاليد
فالعادات والتقاليد اذا اكتشف انها ضارة ولا تتماشى مع زمننا فيجب تركها
موضوع التعزية هي للتخفيف على اهل الفقيد نفسيا وليس لتكليفهم نفقات اضافية

توفى والدي قبل سنين واخذنا وجبات غداء فقط لنا كأهل المصاب , من بعدها استشهد ابن عمي وكذلك كانت الوجبات فقط لنا للغداء او العشاء .
المعزين لهم الماء والعصير والشاي والقهوة .. وعقب عطونا بقفاكم

انا ابي افهم ياناس غدى وعشى ليش ليش؟!!

فعلا معاناة مررت بنفس التجربة ، اكثر من ٢٠٠٠ دينار بين مجلس التعزية ومتطلباته ووجبات المعزين ، يجب وقف هذا الاسراف

ولد زويد
لقد قمت بأخبار أهلي أنه إذا جاء أجلي وتوفاني الله إلى رحمتة أن لا يقومون بهاذي الأعمال البدعوية يكفي الماء والشاي والقهوة وقمنا نلاحظ في زماننا هذا أن أثناء التواجد في مآتم العزاء ناس ومن الأهل يجلسون في زاوية ما ويضحكون ويمزحون دون مراعاة مشاعر أهل الفقيد

ولائم الفاتحة ظاهرة جديدة وغريبة على مجتمعنا وليست من العادات والتقاليد، فقبل 30 سنة لم تكن موجودة بتاتاً، والمصيبة أن رجال الدين دائماً ينبهون الناس أن هذه الظاهرة بدعة لا تجوز إقامتها لكن الناس لا تسمع وتسوي اللي في راسها

شنهي هذي البدع ناس مفجوعين في عزيز اروح اسوي ولائم وغديات وعشيات حق المعزين شنهو هالكلام هذي بدعة جديدة تنتشر بين الناس لاني استغربت من احد الجيران سيارة ولائم احد المطاعم تجي كل ظهر وتنزل غناج وصحون والله اني وقفت متسمر مكاني هذا عندهم وفاة والا عرس ليش يا عالم حرام عليكم الميت محتاج الدعاء والترحم عليه والجماعة بلع وضرب بالخمس هذا غير الحلويات والقهاوي ما قاصر غير البخور والعود وكملت ... لا احساس ولا مشاعر .... خلاص قهوه سادة واحسن الله عزاكم وعظم الله اجركم والبقا في راسكم وخلاص ..

صحيح غير الولائم استغربت مرة كنت رايحة اقدم واجب عزاء شابة و كان من ضمن التقديمات بقلاوة !! ليش و لما بنطلع يعطونا اكياس فيها فواكه و عصير كلها شكليات مالها داعي شاي و قهوة و ماي و عصير كفاية

الاطعام في العزاء ليست من العادات والتقاليد وإنما هي بدعة ابتدعها الناس والجميع رضي بها أو سكت عن انتقادها حتى أصبحت عادة التخلّص منها أمر محرج .

اشدعوه رايحين يخلفون ويعزون العائلة لو رايحين ياكلون هذي بعد بدعة جديدة

هم جاين يعزون لو معزوين على ضيافة .. وتحميل أهل المتوفي مصاريف لايعلمها الأ الله سبحانه وتعالى .. ولا يوجد فتوى او راي شرع بعمل ضيافة للعزين .. والله يحفظ الجميع ، فكفايه مصاريف الحياه والتزاماتها ..

المفروض اهل المتوفي افهمون يعني لازم كل واحد يذهب الى بيته وقت الوجبات من تلاقاء نفسه لكي يجنب اولاد المتوفي الحرج لأن اذا في احد موجود ليس من الذوق القول لهم اذهبو لايوجد وجبة غذا اوعشاءاو الحل الثاني مساهمت كل اهل المتوفي في المبلغ ويكون هذا انسب هذا رأيي المتواضع

صح .. احنا صار عدنا عزاء الاقارب غير القريبين من الدرجة الاولى موجودين مواصلين من الصبح يعني مو عدلة ما تغديهم فأحراج لازم تسوي او بتصير بخيل و قليل أصل

أنتون كل مرة تطلعون لينا بشي حتى في الوفيات لازم جدي ولازم جدي هو عزه وخلاص هم بجون أعزون لو يأكلون
والله فشلتونه

للأسف .. واقع مؤلم ان مثل هالظروف تتحول لمناسبات و ينسون الميت

انا خبري بس شاي و بعض الاحيان عصير, من وين طلعت عادة الولائم!

بدع والسيد السيستاني دام ظله نها عنها

ولد زويد
هذا الأعمال لا يحتاج أن نرجع فيها إلى العلماء حفظهم الله جميعا بل قليل من التعقل والتدبر وحتى لو كنت إنسان أمي لم تدخل المدارس فالعقل يرفضها وهي بدعة

انها معظلة .. مع هذا الحضور من قبل الأهل. .. فان تركتهم بدون وجبه ..فهذا عيب .. وان عملت وجبه فهو مكلف.. عائلتنا تقترب من 200 رجل قريب من الدرجه الأولى .. نتمنى ان تحظى هذه المسأله بحل

عطهم خبز وروب واللي مايعجبه أكو المطاعم مليانة الديرة مو مثل أول ، خل يروح ياخذليه شوارما أو وجبة همبرغر وليّ يصير رزيل يقعد يثقل علي أهل المتوفي الاقربون .

كلام صحيح وقد مررنا بمثل ذلك

امقت وارفض هذه البدع فهي مرفوضا شرعا وعقلا . توجهنا الى الإحساء لتقديم واجب العزاء منذ شهر تقريبا حيث كنا وصلنا عصرا وقدمنا واجب العزاء واختفينا عن انظار اهلما في الاحساء عائدين للبحرين حتى لانحملهم كُلفة العشاء وان زعلوا فأنهم سيستوعبون مافعلناه للمصلحة العامة . حفظنا الله واياكم من كل مكروه
خادمكم أبو الشيخ

صارت مجالس العزاء نفس الأعراس وجبات غذاء وعشاء وصحن بقلاوة رايح وصحن سمبوسة جاي

أحد زملاىنا من الجالية المصرية جاي يعزي لما شاف الشاي والعصير والماي والقهوة قال :يخرب بيتكم... في العزا بتوزعوا شربات امال في الفرح بتوزعوا ايه؟!! .... قلنا ليه غوزي....فسألناه انتو في مصر بتعملوا ايه في العزا..... قال فقط قهوة سادة.!!