كل تلك القضايا التي ذُكرت من أذى الجار يعكس الخلل التربوي و النفسي والمزاجي كما يعكس السلوك العدواني
المسيطر على الجار المؤذي و كما يعكس عن خلل في التنشئه الإجتماعيه و يعكس عن ضعف في السلوك الإيماني و العملي على ما صدحت به الشريعة الإسلاميه من مكانة الجار و أهمية الجار و وصايا الشريعة الغراء باحترام الجار بعضهم لبعض و صون عرض الجيران بعضهم لبعض لما لهذا الترابط الإجتماعي من فوائد و نفع يعود على المجتمع و هذا ماتميزت به الشريعة الإسلاميه عن باقي المجتمعات الأخرى في علاقة الجيرة و الجوار .

الجار مصيبه القرن الـ21
بذكر لكم حادثه بسيطه عن جاري العزيز طبعا ما راح اذكر اسماء و لا مناطق بس جارنا الله يستر عليه قاعد فالفريق حاله حال الرادار يشوف الطالعه من سيارتها و الراكبه لسيارتها ما يقول هاذي عرضي مثل ما هي عرض جاري ، مره من المرات كان في نسوان ( مو بنات بعد ) مضيعين طريق الماتم اللي في فريقنا ، و قعد يسولف وياهم و يتضحك و كل ما يبغون يمشون مو مخلنهم بالأسئله و انتبن زوجه من و من اي منطقه و تعرفين فلان بن فلان ، الى ان اطرت تمشي وهو حاط يدة عالجامه !! ؟

الجيران إلا أمام البيت كل واحد في حاله لا تواصل ولا معرفه لكن الجيران إلا خلف البيت وهي زريبة بقر وغنم ودجاج هنا المشكله من روائح وحشرات وزواجف

جيران آخر زمن

انا ماعندي علاقة مع الجيران وعندي جارة 24 ساعة تراقب من الشباك حتى ماترضى احط أكل للقطاوة

احنه جيرانه ولايستحون سياييرهم كله صوب بيتنا حتى الوالد احط حاجز اقومون اشيلونه ووقفون وغير هذا اسرارنا كلها تطلع برا

لا يوجد خجل و لا حياء و لا أخلاق بل انحطااااااط من بعض الجيراااااان مثل انحطاااااط بعض القراء الذي يكتب ضدي ... ام محمود

بعض القراء الذين يكتبون ضدي وليس بعض القراء الذي ، تحتاجين كورس في اللغة العربية .

بعد الثورات العربية انعدمت الثقة في الاصدقاء و الأخوة و الجيران إلا البعض
و بعد الهواتف الذكية انعدمت الثقة في الأزواج و الزوجات
و بعد داعش انعدمت الثقة في سياسات الدول هذه هي الحكمة الذهبية ..

اعتقد تقلصت العلاقات بين الجيران للحفاظ على الخصوصية لان في ناس اذا دخلوا البيوت يكشفون الأسرار و ينشرونها و اذا في زوج مثل توم كروز قاموا بسرقته من زوجته و اذا في بنات قاموا بلعب دور الخاطبة ووصلوا المواصفات للشباب ...

ويش تقولين انتين ويش تخربطين وين عايشه في البحرين لو المريخ

اولا اكتب رأيك و اصمت لان الجريدة فتحت الباب ل جميع الآراء ثانيا هناك بلاوي حدثت من تطفل الجيران و دخولهم البيوت ووصل ل الاعتداءات الجنسية ثالثا المريض النفسي الذي يكتب ضدي استفحل عنده المرض ووصل ل الجنووون هههه

عادي هذي خرابيط ام محمود الله يهديها

الراصد

معروفة بالخرابيط لكن معذورة شكلها مو صاحية

الله وكيلكم عندنا جيرنا على قد ما ساعدناهم وعطيناهم كهرباء وماي طول ما هم يبنون والحين بعد ما حصلوا اولادهم ليسن وسيارات ما نلحق نطلع لو دقايق نجي ماخذين الباركات صوب البيت ومرات حتى قريب مدخل الباب ..عجزنا نكلمهم بالطيب يردون كلها شوي ونطلع او مسامحة دقايق وبنتحرك ولمتى هالمسامحة وهالدقايف اللي توصل مرات 6 او 7 ساعات ..والحل وياكم . السيد

جارنا المحترم
كون علاقه مع خدامتنه وعجزنا نكلمه استح انت متزوج وولد طولك قال هي تتعلف فيني لين ماهربت الخدامه الله يغربله وياها

ماعندنا جيران في هالزمن كل واحد..... من غيرة وناس ماتستحي شغلتها لمطالع والحسد
ابويي دعم بسيارته مرتين بسبه هالحسود جارنا كل ماحد من بيتنا جاي طلع من الدريشه يطالع برة وكله نفس الدعمه ف لطبيله
وصارت بينا مشاكل وصلت للشرطه بسبة اسلوبه

مافي شي اسمه جار في هالزمن. الجيران قبل مال اول مال اصحاب الفزعه . الحين الجار يطوف عليك بسيارته حتى مايسلم. احنا جارنا الثاني دايما يغسل بيته بالماي وينضف صوب بيته والماي يطلع من بيتهم ويصير برجه عند بيتنا . وساعات حتى برجتهم بعد يكت الماي اللي فيها برى الطريق ويتلايم الماي كل عند بيتنا. ويجوف هالشي بس يغاور. هادلين انواع الجيران مال هالزمن ماعندهم احساس بالجيرة. مع انه يدري ان زوجي مشلول مايقدر ينضف صوب البيت. المشتكى لله

جيرانا اغلبهم ويع وشايفين عمرهم وكل هواش على الباركات بس للامانة مااشوفهم خير شر كل واحد صاك بيته عليه بس جدي أبرك لينا من القيل والقال

لو خليت لخربت... الحمدلله رب العالمين الله أنعم علينا بجيرة ما في منها وهم و الأهل سوى وعساني ما احتاج غرض او حاجة إلا الكل لبى المساعدة وعدنا معاهم قروب وتس آب نتواصل فيه بشكل دائم واحيانا نجتمع مع بعض ليالي الجمع أو المناسبات ونحييها بالأدعيةز

المجتمع البحريني خاصة مجتمع متآلف مع بعضه خصوصا في القرى ولكن التوسع العمراني من خلال المدن الجديدة والتجنيس ودخول الأجانب في عرض المناطق السكانية والقرى ادى الى تفكك هذه العبارة شيء فشي فالتغيير الديموغرافي التي تمر به البحرين سيضرب عمق العلاقات الاجتماعية ويفككها قريبا

جيرانا لا سلام و لا كلام و حتى لما ابوي توفي ما جو لينا البيت عزونا

انا معك ولكن كل يوم يتغير الزمن والناس وبوجه عام كل شئ يتغير الا الله سبحان الله فالانسان يتغير على حسب زمانه والتغييرات التى تحصل كل يوم وكل ساعة وحتى كل دقيقة

الجيران هالايام والله المستعان صوبنه بيت بحاحير يصفطون السمج ويرمونه فالشارع لي ماتجية سيارة البلدية احنه طفرنه من الريحة مره كان عدنه بني وحاطين حاوية صوب البيت لكسار الطوف مانجوف الادبان يغاوش شقد علينه الجماعه قاطين سمجهم فحاوية البناي وهادين حاوية البلدية وتعلمو يرمون الخمايم بعد يثيقلون يتمشون لحاوية البلدية تغربلنه لين ماخلص البناي.

الجار اقرب لي من الاخو العيد وحق الجار على كبير وهذا ما امرنا به نبينا الكريم صل الله عليه واله وسلم

الحكمه في حد ذاتها صحيحه، واذا تبي تسأل اسأل اللي عنده جار مأذيه وهو يعلمك قيمة الجار الجيد

(كان) الجار قبل الدار. و(أصبح) شتم الجار ليل نهار :)

عندي انواع من الجيران
ذو اخلاق عاليه
ذو اخلاق عاديه
ذو اخلاق تحت الصفر
وللافضل في التعامل كلا حسب تعامله ههههه

ياريت جيرانا يقرون الموضوع لكن للاسف انصدنا بجيران جهلة ما عندهم لا ذوق ولا حمية .،النسوان باحثين متلصصين اكل قلبهم الحسد والرجال غلبوهم في هالشي لدرجة ان مسوين ليهم بسطة في حلق البيت يطالعون الرايحة والجاية ٢٤ ساعة هذي حالتهم واذا كلمتهم قالوا مافي فتوى تحرم .. وفي جار من جهله ووصاخته كان عنده قمامة كمية ملحوظة وصل عند الحاوية وفلت قمامته في الشارع رغم انه وصل للحاوية وكانت عبارة عن زجاج صغار ومساكين في اطفال وسيايير تعوروا هذي اذية

الحمدلله جيراننا بالسابق عسل عسل عسل
فريق قديم وناس كبار وطيبين مالهم شغل بشي وكنا نتزاور علطول
وفريقنا الجديد ماعندنا علاقة بهم ما عدا بالمناسبات وما شفنا منهم شر
اما حاليا بعد الزواج ماعرف ولا جار او جارة ولا عمري شفتهم وخاطري اتزاور وياهم بس هم مو من هالنوعية
مع ان متاذين بسالفة الباركات بس مانشوفهم اصلا عشان تكلمهم عن التوقيف الغلط

جار السوء هو الذي رأي خير كتمه و اذا وأي سوء نشره ، مو لازم تتداخل وَيَا جارك بس اكفه شرك

قال الامام الحسن المجتبى (عليه السلام ) : رأيت امي فاطمة (عليها السلام ) قامت في محرابها ليلة جمعتها ، فلم تزل راكعة ساجدة حتى اتضح عمود الصبح ، وسمعتها تدعو للمؤمنين والمؤمنات وتسميهم وتكثر الدعاء لهم ، ولا تدعو لنفسها بشيء ، فقلت لها : يا أماه!.. لم لا تدعين لنفسك كما تدعين لغيرك ؟.. فقالت(عليها السلام ) : يا بني !.. الجار ثم الدار .ص82
المصدر: العلل

محد لأحد في الجيرة الحين، كل واحد في حاله ومشاغله ، لكن ما يمنع تكوين علاقة جيدة مع الجيران عند الأشخاص الاجتماعيين خصوصاً وهذي حالات قليلة تصير في المناطق السكنية الجديدة

نشب خلاف عادي بين جارة وجارتها فقامت الجارة بعمل سحر لعائلة جيرانها بالكامل ويمتد حتى لأحفادهم مما تسبب في وفاة بعضهم ومرض وأذية الآخرين فهل خلاف بسيط بين جارة وجارتها يستدعي كل هذا الحقد والكره؟

.حقوق الجيره وما حقوقالجار جبرائل اوصه الرسول ص على الجار وهذا غير التجمع امام الابواب خصوص الشباب الله يهذي الجميع

يهدي وليس يهذي .

الحمد لله القرى البحرانية تتطبق هذه المقولة بكل حذافيرها لان الجيران في القرى يكونون امام اقارب من الاهل او جيران من زمان .. اما بعض المدن في البحرين فتروس تسأل عن جاره يقول لك ما عندنا هالاسم هني .. اما اللى ساكن وجيرانه من الجدد فالله يعينه

و الله ويش اقول ليكم كان صوبنه جيران و يش حلاوتهم .. طلع ليهم بيوت من الاسكان و اجرو البيت على بنقالية و هنود .. الله وكيلكم خياس ليل و نهار .. و غير السكارى اللي يجون .. خصوصا الليلة ( ليلة الجمعة ) ... اهو البيت طابقين بس يمكن ساكنين فيه 20 او 30 شخص ... بالله عليكم هذي مو اذية بعد ... المشكلة ان تستحي تكلمهم ... ان سكت مشكلة و ان تكلمت مشكلة
الله يعين

.الموضوع مهم جدا وبعض الجيران اشجار بيوتها على طوفة جاره واوراقها على جاره واذا كلمته عن اوراق الشجر في بيتي مثل القمامة يزعل ولا يسلم عليك الله المستعان هذا حقوق الجار

قبل يا حبيبي اذا قالوا الجار قبل الدار الحين لا يايبه كل شي تغير الناس تغيرت ونفوسها تغيرت ,, استغفر الله العظيم ابتلينا بجيران الله وكيلك ماخذين الشارع كله باركات ليهم وفوق هذا اكياس الزباله عزكم الله ما لذ وطاب كله عند بيتنا والي اخس واطقع يطوف عليك انسى يسلم ولايفكر حتى ناهيك عن الوجه الي دايم عابس ولافي ذرة ابتسامة والغريب ان بعضهم محسوبين على انهم ملتزمين وكذا (طبعا نفس الشخص تشوفه في محرم في العَشَرة في المضيف يصب جاي ويخدم الحسين أن صح التعبير) لكن النهايه نقول الله كريم والحشيمه لل....

هذي اللي فالحين قيه على طول في الحسينيات .. بس ما تعلم من الحسين ولا شي ،، لا اخلاق ولا مراعاة للناس ،،

هذلين اللي ينخاف منهم
المطاوعية
ما عليك من المسبح اللي في ايده
و استغفر الله اللي ما تفارق لسانه

كلامك صحيح .

الحمدلله رب العالمين على الجيرة الطيبة والأخلاق الراقية وبعد مسويين لنا قروب على الواتس يجمعنا نناقش فيه آخر الاخبار ونتعاون ونساعد وقت الحاجة
والمناسبات الدينية نقيمها في بيوتنا لتبارك حينا الجميل

ويكون وضع الجار أسوء وإستضعافه أكثر حينما يكون فقيرا!فالبعض أسود على الضعاف وأرانب أمام الأقوياء! وفي أغلب الأحيان يكون الجار الذي يؤذونه نسيبهم أو مقرب من عائلتهم بالمصاهرة!(فهل عسيتم إن توليتم أن تفسدوا في الأرض وتقطعوا أرحامكم أولئك الذين لعنهم الله فأصمهم وأعمى أبصارهم)

هذا سؤال رائع من جريدة الوسط, وبالأمس أيضا كان السؤال رائعا حول أذية الوالدين للأبناء وتعنيفهم! شكرا للجريدة! والحق يقال أن هناك من وضع الدجاج في قفص صغير ليستمتع بصراع هؤلاء مع بعضهم البعض بسبب ضيق المكان وقلة عدد الإناث!

زمان أول الجار قبل الدار احين مافي اهتمام حتى بالجار .. !
للأسف نعاني من جيران يسببون لينا الأذية بشكل منقطع النظير.. أحدهم يربى الغنم والدجاج والبط والأرانب في كراج المنزل والرائحة والأوساخ لا توصف .. وغير ذلك ما يجمعه من بواقي الطعام والفتات واللتي ترمى على باب منزله وتنثر وتنتشر الروائح والأوساخ .. وكل ما حادثناه اعترض ولم يفتكر ولكثرة الأوساخ وتربيته للغنم تتجمع الفئران وتعيث في بيوتنا الفساد غير الأمراض اللتي تنتشر ونفسيتنا اللتي تدمر ..

اوووو... ياوسط اليوم سؤال حساس
الله يستر

الجار قبل الدار هاذا في السابق أما الان الجار بعد لحمار إذا كان الجار مثل جاري الجديد.

اكثر مشكلة مع الجيران هي مواقف السيارات لذلك علي البلدية وادارة التخطيط و المساحة ان تراعي ان تكون مواقف السيارات عند كل مخطط جديد ان يكون الموقف طوليا نصفه من ارض المالك و نصفه من الرصيف لتكفي المواقف اكثر عدد .

اي الماضي مايعود ولا جيران الاول بتعود... مافي الاتحسنون الى جيرانكم لكي يحسنون اليكم واذا جيرانكم مثل ماتقولون عنهم ،، كون انتم احسن منهم ليتعلمو منكم الجار قبل الدار.... سلام الله عليها سيدتنا فاطمة الزهرء تدعو الى جيرانها قبل اهلها اخلاق لم نصل اليها بعد

هذاك أول الجيران ينطبق عليهم هذا المثل.. أما اللحين والله الجيران صاروا أخس ناس ما يرحمون أحد ومؤذيين .. فالأحسن الواحد يقعد في بيته ويصك بابه ولا به بالجيران أحسن له

احنا مبتلشين بجار لايخاف الله كل يوم يأذي ويسوي تصرفات ناس ماعندها مخافة الله وبرأيي ينطبق عليه المثل ؟ كوم حجار ولا هالجار
ريم

ويش فيكم عليي من تكتبون شي قلتون أم محمود خلوني مافيني شدة اهواشاني الحين ما أكتب شيوالسبب تعلقاتكم سكتو عني احسن ليكم

خلف جبدي انتين

الله يحفظش من كل حاسد وراصد

تسلمين حبيبتي ..♡♡

جاري يضايقني وكأني بايق حلال ابوه.
السبب الوحيد اني فقط بنيت لي بيت في ارضي
وفي السابق كانت ارضي باركات لسياراته ولسيارات ابناءه.
كل يوم مسوين لي مشكلة
كل يوم عوار راس
ووصلت لمركز الشرطة
حتى اني ساعات افكر ابيع البيت بسبب المشاكل
الله اكبر على كل ظالم
ومشكوين

هذي الناس هالأيام يغلط في حقك ،، ويتحلطم عليك

خل يعرفون حقوق بلدهم عليهم اول شي بعدين يشوفون حق الجار

ويش بعد حقوق بلدهم يالحبيب هل تعتقد أن البلد هو الماء هو اليابس هو الهواء وشروق الشمس وغروب القمر ومزاولة عمل معين أو تعليم والعيش تحت سقف وسفر ووجاهة... أليس الوطن هو جارك وجارك هو وطنك وفق الضوابط والصايا التي جاء بها الحبيب رسول الله صلى الله عليه وآله وسلم في شأن الجار حيث على ما يخطر ببالي بما مضمونه قال (ص) : ما زال جبريل يوصيني بالجار حتى ظننت أني سأورثه وذلك لتوثيق أواصر التلاحم والتآلف والتعاون والمحبة وللإبتعاد عن الشحناء والبغض والعداوة

اخلاق البعض للاسف معدومه لانريد منهم سلام اوكلام نرجو كف اذاهم فقط

الله يرحمهم ايام زمان اذا قالوا الجار قبل الدار مو جيران الحين زين اذا يمر عليك يمكن يسلم او يغاور كنه مايشوفك حسافة

سيارتي متوقفة بجانب منزلي حيث أنه قد قام أحدهم بعمل تشطيب فوق السيارة.... ليش وين الجار وهؤلاء الذين لديهم رحمة ومن خوف الله سبحانه وتعالى وهؤلاء الحاسدين وين كلام الرسول (ص)

اكتب من واقع تجربه جيرانه ادونه ادية العالمين سنين صبرنا على ازعاجهم وتحملنه والشكوى لله عدهم صبيان من كانو فالإعدادية مسوين بيتهم قهوة اومركز شبابي من الظهر يجمعون ربعهم وليتجمعو واكتمل الفريق ضرب الكورة فشارع زرنوق ولامب مفتكرين بنسوان تطوف وعجايز وتشلخ سياير الفقارة الى الواقفه ومن يستوى ظلام ضرب باليس والاغاني حدها شغاله وفي رمضان يحطون خيمة وشيشة الحمد لله الحين كبرو وعرسو بس للحين الاخلاق اعودبالله يفلتون سيايرهم وسياير ربعهم والخمايم فالشارع ويضايقونه بس اكيد ارحم من اول وللأسف بحرينين .

ادا جاك جار ......نفس الاصوبنه

نعم .. الجار قبل الدار .. في جيران يقلبون حياتك جحيم ويخلونك تهد الدار بالفريق باللي فيه .. جيرانا يا ستار استر .. منغصين علينا عيشتنا .. كل يوم حجايج وهواش .. وصلت المشاكل وياهم للشرطة .. حتى سياراتنا ما نجو منهم .. يوم شامخينهم ويوم مفلتين عليهم زيلة الخمام .. حتى جهالنا نخاف يوقفون عند باب البيت من سواياهم .. والله لو جيرانا جلف اهون علينا منهم اللي يزعم منا وفينا .. لا بارم الله فيهم ولا في الساعة اللي سكنوا فيها جنبنا ..

ل الاسف 12 شهر في السنة و 365 يوما و الجار و لا مرة يسأل عنك و حتى لو شافك من بعيد بسيارته او بسيارتها اذا كانت جارة ما في سلام و لا كلام هذا في الأماكن الجديدة اما مناطق الإسكان و الفرجان الشعبية العلاقات أفضل .. ام محمود

يمكن من علاقتك معاهم وسوء أخلاقك منجديه مايسلمون ولا يبغون يشوفونك

سوووووبر لايك وكلام صحيح هذي هنيه ماتعرف تتعامل و تتفلسف وطبيعي مع جيرانها متفلسفة و أخلاقها سيئة

ما عندي علاقات مع الناس من عشرين سنة

انا اخلاقي ممتازة مع الجميع و ابادر ل فعل الخير و هذا شيء معروف عني من سنوات و كان الجيران في م ح اجتماعيين و يوجد تواصل يومي معهم و تزاور و تبادل اطباق و شراء هدايا انا اشتري و اعطيهم و هم أيضا كانت سنوات جميلة و عندما انتقلنا للمنطقة الجديدة اختفى كل ذلك .. ام محمود

لا لست متفلسفة و لا مغرورة و لا اخلاقي سيئة حتى الإنسان الذي لا أعرفه اساعده و اتواصل معه المشكلة احنا الموظفات نقضي ثلاثة ارباع الوقت في العمل و نعود البيت للراحة لهذا السبب لا توجد علاقات اجتماعية لان هناك روتين معين .. ام محمود

للحين مصممة بأنك موظفة ومعلمة بعد و اصلا المعلمات للظهر شغلهم بس وعندهم يومين في الاسبوع اجازة غير الاجازات الكثيرة و اغلب المعلمات اجتماعيات و انتين لو تفكينا من كذبك احنا بخير

كلام متناقض توش تقولين ماعندش علاقات مع الناس من عشرين سنة واحين صرتين اجتماعية وتساعدين لاكن صدق الي يعلق عليش بقاتل الله الجهل

العن ابو الكذب تقضين ثلاثة ارباع اليوم في العمل وتقولين معلمة ودوام المعلمات من سبع لثنتين الظهر يعني سبع ساعات لو عندش ثلاثة ارباع اليوم سبع ساعات يا ام لشلخ

بنيننا بيت في .... ولكن بعض ابناء واخفاد بيت الجيران غير قابل و قام باعاقتنا اثناء البناء وما زال كذلك بعد ان سكنا
فقام هو واولاه باعاقة الكراج صباحا وعصرا وليلا ! وهو ساكن قريب لبيت ابيه الذي هو جارنا ؟! مع انه شخصية محسوبة على الايمان والتقوى والورع وابنه الورع التقي

جارتنا الله يسامحها عندها صناديق يم بيتها تربي فيهم دجاج والضحيه نحن جيرانها ريحه كريهه وإزعاج يعلفون على الزرع اللي يم بيتنا وفضلات الدجاج تملاء عتبات المنزل
هذي جاره مثاليه اعتقد الكل يبي مثلها

كثرت الصفات السلبية في أهل هذا الزمان و العاقل من يبتعد عنهم و يبعد عن شرورهم و منهم الجيران نحن لا نعاني لان منطقتنا كل واحد في الفيلا الخاصة به و لا يعلم عن الآخر و لكن فى البيوت المتقاربة هناك معارك على مواقف السيارة و لعب الأطفال .. ام محمود

قاتل الله الجهل .

ما قالت شي غلط.. ركز على نفسك شوي لان الظعوة واضح انك اول من يحتاجها

هذي مايحتاج تقرأ تعليقها من تشوف اسمها تعرف بأن التعليق هراء و كذب و سحب من النت فالأفضل كتابة قاتل الله الجهل وعدم إضاعة الوقت في قراءة هراء لامعنى له .

قاتل الله الجهل هههه

الجار في الماضي كان احسن من الاهل اما في الزمن الحديث قليل جدا من الجيران من يسأل عنك او فيه شيمة و أخلاق و يساعدك في الأوقات الصعبة .. ام محمود

لاتزال الدنيا بخير ولله الحمد عندي جيران ذهب أصلي ويعتمد على المعاملة و الأخلاق و أنتين هنيه محد متحملنك فما بالك على أرض الواقع أكيد الخلل منك وماينلامون لين صدوا بوجوههم عنك والله يساعدهم على مابلاهم .

ما عندي علاقة مع أحد وهذا متعمد لا اريد ان ارى أحد او اسمع أحد ...

خير تفعلين ان ابتعدتي عن الناس في هالزمن الضغوطات كثيرة والناس مو قاصرين وحده مثلك مشدخه تجننهم و تجيب لهم الضغط و السكر وكل أمراض العصر ، هذا في ميزان حسناتك اذا فعلا مبتعده عن الناس لأن أمثالك ماوراهم إلا الهم و الغم و النكد .

لا طبعا ليس كل مايقال من مثل صحيح
الدار يعتبر هو الوطن الذي يأوى ويرعي ويستر -ومستحيل يقارن بالجار انما هذا كلام ولكن وقت الجد ترى الحقيقة

شكلك عايش في لصخير

جيرانه وطاويط لاينامون سهر للفجر وازعاج

احترام الجار واجب. هي كان زمن الاول الحين قله قليله الايحترم الجار جاره.