أنهت إدارة التعليم الابتدائي بوزارة التربية والتعليم أمس الأربعاء (30 نوفمبر/ تشرين الثاني 2016)، تسجيل الطلبة المستجدين من مواليد شهر نوفمبر 2011، حيث خصص يوم أمس لتسجيل الطلبة من مواليد 21 إلى 30 نوفمبر 2011، فيما تم الانتهاء من تسجيل الطلبة من مواليد 1 إلى 20 نوفمبر 2011 يومي الاثنين والثلثاء الفائتين، فيما لايزال أولياء أمور الأطفال من مواليد ديسمبر/ كانون الأول من ذات العام يترقبون فتح باب التسجيل لهم أسوة ببقية الأطفال من مواليد العام 2011.
إلى ذلك، جدد أولياء أمور الأطفال من مواليد شهر ديسمبر 2011، مناشدتهم وزارة التربية والتعليم الإسراع بتحديد مواعيد تسجيل أبنائهم المستجدين للعام المقبل، لافتين في حديث لـ»الوسط» عن أنهم «يعيشون جوا قلقا منذ قرابة الشهرين؛ «بسبب تأخر معرفة مصير أبنائنا»، وعما إذا كانوا سوف يلتحقون بالمدارس الحكومية أم لا، لأن استمرار تأخر تسجيلهم «يجعلنا نجهل كيف سنتعامل مع تعليمهم العام المقبل». وعما إذا كنا سنعيدهم إلى روضاتهم مجددا، وفي هذا الأمر مشقة عليهم وعلينا، فضلا عن انه سيضيع عليهم عام كامل من الدراسة فيما أقرانهم من الأطفال المولودين في ذات العام سيلتحقون بمدارسهم الحكومية العام المقبل».
وكانت إدارة التعليم الابتدائي بوزارة التربية والتعليم أعلنت عن فتح باب التسجيل للطلبة المستجدين من مواليد شهر نوفمبر 2011، حيث خصص يوم الاثنين الموافق 28 نوفمبر 2016 لتسجيل الطلبة من مواليد 1 إلى 10 نوفمبر 2011، فيما خصص يوم الثلثاء الموافق 29 نوفمبر 2016 لتسجيل الطلبة من مواليد 11 إلى 20 نوفمبر 2011، أما يوم الأربعاء 30 نوفمبر 2016، فقد خصص لتسجيل الطلبة من مواليد 21 إلى 30 نوفمبر 2011.
العدد 5199 - الأربعاء 30 نوفمبر 2016م الموافق 29 صفر 1438هـ
المشكلة موقاعدين يطمنونا انهم بيسجلون مواليد ديسمبر حاقرين ..وهذا ظلم بحق مواليد ديسمبر مايتسجلون يتاخرون سنة بسبت تخطيطهم الفاشل
سندرونا ..جت على حظ اولادنا وزارة متخبطة اسرعوا في تسجيل ديسمبر
و متى بتنتهون من تسكين ٣٥١ موظفا من معهد البحرين للتدريب على جداول الخدمة المدنية يا وزارة التربية؟
راحت خمس سنوات من اعمارنا ع الفاضي
لا ترقيات
لا حوافز
لا زيادات
ننطر خمس سنوات ثانية بعد؟
موظفي معهد البحرين للتدريب
يالله هانت باقي مواليد ديسمبر ونرتاح واطفالنا يستانسون
التعليم من سيئ لأسوأ.. بدل مايتطورون خطوة بالعكس يرجعون 5 خطوات .. كتب مستعملة مافي معلمين حرمان المستجدين من دخول صف الاول .. الدوام طوييل ومتعب وشاق
ننتظر تسجيل مواليد 12
وظفوا معلمين وافتحوا صفوف زياده في المدارس ..وهو ماعتقد بيصير كثافه لانه مواليد يناير شلتونهم من القائمة .. انجان في مناطق الدخلاء فيها كثافه اي اما مناطقنا فيها مجال.. لو قصدكم بتجيبون لينا طلاب من مدارس الرفاع لمدارس السنابس!!!
انزين ادا مدارس الصبيان خلاص امتلأت ومدارس البنات فيها شواغر بتسجلون البنات ومابتسجلون الصبيان الا من نفس المواليد!!!
حالتكم حالة .. جان سجلتونهم كلهم وفكيتونا
وديسمبر لمتى شكله نعاية ديسمبر بتسجلونهم .. اتمنى بسرعه تفتحون التسجيل
خلصونا وافتحو التسجيل خلونا نرتاح بس شاغلين بالنا وخايفين الاطفال يخسرون سنة .. العالم تتطور وانتون على ورى ...
ننتظر تسجيل مواليد ديسمبر
اتمنى هالشي اللي صار السنة يتعدل للجاية وتسوون احصائية للمدارس واللي فيها عدد زايد يفتحون صفوف زياده وخلاص كل الاطفال يتسجلون في سنتهم .. لانه ده مو حل ادا ما اخدتون مواليد ديسمبر بحجة الكثافه الصفيه معناته الجاية بتاخدون من ديسمبر لنوفمبر وبتصير كثافه وفائض .. ياليت اتعدلون القرار
اتمنى صوتنا يوصل للمعنيين ويفتحون التسجيل لمواليد ديسمبر .. كفاية تعطيل
مابنرضى ينظلمون مواليد ديسمبر مابنسكت لين تسجلونهم كامل.. وادا بتطلعون قرارات مو فجأة على الاقل طبقوها عقب 3 سنوات جوفو رأي الشعب في هالقرار مناسب او لا مو الحين يوم دشينا اولادنا وصارو مستوى تمهيدي ومستوى ثاني خلاص فاهمين وعارفين .. ومانبيهم يظلون في الروضه 3 او 4 سنوات
ياليت تستعجلون وتسجلون مواليد ديسمبر بأسرع وقت واجد طولتون في هالسالفه
اطول تسجيل في العالم من شهر 10 للحين وانتون تسجلون .. ما اجوف باقي دول الخليج مسوين هالسالفه
لاتحرمون مواليد ديسمبر الفرق بينهم وبين مواليد سبتمبر 3 اشهر واقل ادا قبلتون تاخدون مواليد سبتمبر يعني تاخدون مال السنة كلها .. او تاخدون فقط لشهر 8 .. نطالب بالعدل كلهم مولودين في نفس السنة
مو معقوله اطفال يدخلون عمرهم 6 سنوات صف الاول والا وياهم في سنة يتاخرون للجايه ويدخلون صف الاول عمرهم 7 سنوات .. فرق 3 اشهر اتاخرهم سنة كاملة عن الدراسه .. لاينظلمون مواليد ديسمبر..
مواليد اكتوبر كامل وفي مجمعاتهم السكنية ونوفمبر بعد .. افتحو التسجيل لديسمبر وفكونا .. مدارسنا فيها شواغر ليش هالجمبزة...
سجلو مواليد ديسمبر والغو القرار .. جدي مانعرف ندخل اولادنا الروضه لو ويش ومواليد 2012 الحين هم مستوى ثاني يعني بتردون تسوون لينا هالسالفع الجاية .. اتمنى الغاءه وتسجيلهم كل واحد في سنته
اولادنا فاهمين وعارفين ومستعدين للمدرسه ننتظر فتح باب تسجيل مواليد ديسمبر
ياليت اتعدلون القرار وكل طفل سنة بسنته خلاص
صدق مللتونا من هالسالفه خلاص اسبوع الجاي افتحو تسجيل ديسمبر
يالله افتحو التسجيل بسرعه
شلون عن اولاد 01 يناير 2012 ؟
فرق ساعات فقط
رجاء النظر في ذلك
في الامارات يسجلون لين شهر مايو