شي عادي ان الواحد يجود ايد زوجته .. حلااال مدبوح حلاال
حتى لو الناس ما تدري زوجته او لا ( 60 سنه لا تدري الناس )
اذا بتحاسب لنضرة الناس والمجتمع اقعد في بيتكم لا تطلع وتذكر ( كلام الناس غاية لا تدرك )
دام انك ما تعصي الله سبحانه وتعلى وماشي على خط اهل البيت وما قاعد ترتكب اي معصيه خل كلام الناس وراك كلام الناس لا يودي ولا يجيب
تخلي زوجتك تمشي وراك كانها خدامه !! لو تمشون ويه بعض كانكم غريبين ماتعرفون بعضكم خل مسافه بينك وبين زوجتك 30 سم مسافه قانونيه ????????????

نبي موضوع عن الرجل اللي يحمل شنطة زوجته

لو مسك ايد اخته او بنته او امه؟
بتقولون عادي
بس لان زوجته يشتغل الحسد والغلط و و

اني من النوع الملتزم العادي و الغير متزمت بعكس زوجي كل شي عنده عيب ... أوقات أحسه يفكر بنظرة الناس اكثر من كونه حلال او حرام ... لما نطلع مع بعض لازم يمشي قبلي بأمتار لدرجة ان ثقتي بنفسي اهتزت لأَنِّي بكامل حجابي و عباية الرأس ما اشوف فيها شي لو مشينا مع بعض بس هو ما يبغي احد يعرف اني زوجته... اللحين اولادنا كبروا و بدأ شوي يتغير و يتقبل فكرة ان احنا نمشي كعائلة بدون ما نمسك يد بعض .. احس ماله داعي و اذا صارت تكون بشكل عفوي ... هذي الحركات الرومانسية خاصة بالبيت و ليس الأماكن العامة

انا شفت أزواج في العشرين في ... الطابق الثاني يصورون سناب شات و يطرشون و هما ملتصقان ببعض و مسك ايدي و حركات حميمية في مكان عام عليها علامات استفهام لأننا في مجتمع محافظ مسلم و ليس متحررا مثل بلاوي الغرب .. ام محمود

ع رأي المثل العربي
إحترنا يا قرعه من وين نبوسك

احس شي عادي وخصوصا وهي مرته واحس وهذا واجب انه يجود يدها اذا اسولف معه او يسولف معها وهم يمشون ...عجل شلون بعيش حياتي وبستانس مع مرتي

ايه بس اتخيل لا داعي لعمل ذلك في العلن لإثبات الترابط.

مو كل الناس تعرف انها زوجته
لذا فانها في غير محلها

كله مواضيع عن زواج واحنا شكلتنا عمرنا مابنتزوج ... انظرو للفئه العزوبيه المنطحنه يالوسط خلنا نستفيد عاد من الردود ههههههههه

ابغى افهم ويش بضركم اذا جود ايد زوجته، ما اجوف فيها اشكالية. خلو الناس في حالها ال يبى يجود ايد مرته يجودها و الي ما يبي لا يجودها و خلاص .

مسك الأيادي أكثر يصير شيي عفوي غالباً لما تكون الحميمية زادت حزتها، يعني حتى اللي يعتبره عيب وما يجوز يصيده الموقف بلا شعور ، فخلكم من التشدد ترى ما ينفع في الحياة

صراحة الواحد بلا شعور ممكن يسوي حاجات اكبر واكبر من مسكت ايد زوجته - سلامات يا أخي على اي اصل مايمسك حالة واذا زادت الحميمية على قولتك يعني يسوي الي تملي ليه عليه حميميته! وين المخ وقتها!

ما فيها شي..بس المجتمع اللي خله هالعادة غلط...

هههههه

شعب متعود على الجفاف

رومنسية ولكن قلة ادب بالاخلاق العامة والعادات والتقاليد الاسلامية والشرع الاسلامي

اصبحنا مجتمعات متلقية كل ما هو معيب بالقاء نظرة بسيطة على المجمعات التجارية نرى ما تناولة الموضوع من مسك الأيادي و الملابس الغير لائقة من الطرفين و كذلك قصات الشعر و اتشكيلة باستخدام الجل فترى الديك و البعير يمشيان مع بعض وغيرها من التقليد الأعمى البعيد عن الآداب الإجتماعية و التعاليم الإسلامية.

على حسب الموقف والمكان
مو عيب ولا حرام لكن العرف يحكم

اكثر الأزواج الذين يمسكون أيدى بعض ما يحبون بعض بس شو أمام الناس حبيبي انا عمري ما مسكت يد زوجتي فى الشوارع وحتى في البيت أمام الأولاد بس أحبها حد الجنون وهذا هو الحب الحقيقى ومسك الأيادي للأطفال وتركو عنكم الحب الاصطناعي

مسك يد الزوجن او الاخوان والخوات والابناء لا يوجد مشكله به لا التقبيل والاحتضان ربما يكون غير لائق بالاماكن العامة

كلش في غير محلها ولا عاد اذا كانو في المجمعات يبطون جبدي على الاقل على البحر قلنا فيه رومانسية او ربما متهاوشين وراحو يمشون على البحر ويتصالحون لكن في الشارع او ممشى كلش منزهقين .

مرة في الستي شفت هندي وياه رفيقه مجودين ايادي بعض هههه

ايام الخطوبة فقط يمسك بيدها وعقب الحمل والولادة تشوفه هو جذام يمشي متر وهي وراءه

بعدين قولوا السورية تدلعكم انتون يد ما ترضون نجود شلون ندلعكم؟ السورية لو تحببك وسط الشارع حلو وبارد عندكم. البحرينيات كل شي حرام ومصاخة تالي يتهمونا بقلة الرومنسية

ناس تقول لا مو عدل الوحدة تجود ايد رجلها قدام الناس
وتالي تطلع وصابغه روحها بالمكياج على اساس هذا عادي
واجد تعليقات توحي انها محافظة من ناحية دينية و عرفية بس وينهم ما نشوف الا القليل منهم في المجتمع
حتى العباية صارت كلها زخارف والوان وتجذب الانظار وكل هذا مو عيب ولا حرام!

والله اذا انتين جذي تكلمي عن نفسك سوءا بالاصباغ والطلعة والفرارة لا تعممين يا عيوني عندنا كثير من العوائل للحين محترمة وتمشي ورا الضوابط الشرعية لا تخورونه واجد وتخلطون الحابل بالنابل واعرفوا شلون تعلقون مو بس خذوه فغلوه او تبنون تكتبون وبس مهزلة

بارك الله فيك من تعليق و ترى يا ناس شنو الفائدة أجود يد زوجتي امام الناس شنو الي بستفيده من الموضوع اصلاً اذا قعدنا لحالنا اهني اجود يدها اما امام الماس فما له داعي اصلاً صحيح انا احب زوجتي و احترمها بس مو شرط اجود ايدها قدام الناس علشان يقولون اي و الله شوفوا الرومانسية اذا قعدنا بروحنا او في السيارة اوكي او مكان ما في احد اوكي ترى الحب و الاحترام ما بين الزوجين افضل من امساك يد زوجتي امام الناس اذا كنت تحترم زوجتك او تحترمي زوجك فهذا الشي خاص بكم فقط و لا تخلون الناس تطالعكم شنو تسون الستر زين

قسم بالله فشلتونا انا انحرجت وانا قاعد اقرا التعليقات في المكتب قدام زملائي المصريين والشاميين , يعني الحين شفيها اذا الواحد مسك ايد زوجته سواء في مكان عام او مكان مغلق مافيها اي شي بالعكس شي جميل و رومنسي ويدل على قوة العلاقه بس للاسف انتون مرضى كل شي عندكم حرام ويفشل ,, استغفر الله العلي العظيم سويتوني بيزه ما اسوى قدام زملائي الاجانب في العمل حسبي الله عليكم يالمتحجرين اتطورو شوي عاد احنا في القرن العشرين

اشدخل راي الأجانب طيب في السالفة، معروف عن مجتمعاتنا الخيجية عموما ً التزامها اعلى من باقي الدول وكون اي مجتمع على غير وفاق مع الي نشوفه صح يخلينا نغير نهجنا وعاداتنا والتزامنا!

انا قول ذي كله مفوشر جدام الناس يعني تعالو شوفو زوجتي حلوه ،، آخر زمن

بالعكس اتدل على الحب و المودة بس في ناس اتزودها وااااجد باقي اشوي و تحضنه او يحضنها قدام الناس يعني كلش سخافة اذا وصلت الى هالحد

مسك يد الرجل الى زوجته لانه يعرف من ترك ايدها بتشتري شارع كله هههه فالاتفكرون انها رومنسيه

عادي اهم شي ما يمصخونها و يقعدون يسوون حركات غريبة كنهم في مسلسل تركي ..

الكلمات والمبادرات البسيطةتدل على المحبةبين الزوجين الذي حثنا الله عليها، هنالك ضوابط طبعاً ولكن ذلك لايمنع أن يجلس الزوجان كحبيبين بدل أن يكونان غريبين ويتصرفان بحكم المكان والزمان الذين يفرضان مايسمى بالعيب والأنظارالمتجهة علينا، فلنكون واقعيين خروج الزوجة والزوج مع بعض لا يتعرى من الكلمات الجميلة واللحضات التي تعزز المحبة والمآخاة بين الزوجين وترسم ذكرى جميلة لهما،فلا نجعل أيامنا محصورة في أعين الآخرين بل أجعل حياتك بتلك اللحظات البسيطة أجمل، فتلك الوجوه والأعين الموجودة لن تكون جزء من حياتك

مسك الأيادي بين الزوجين أو الحبيبين عادة جميلة وتدل على رابط المودة بينهما، لكن ليس بأي مكان وأي وقت ، فلا من مراعاة المكان والناس المتواجدة والمناسبة كذلك

كأنك مأخذ ولدك الروضة ومجودنه بيدك . يعني مااصير الانسان متحضر الا اذا مسكت يد زوجتي وما اصير الحنان الا به .

الرومانسيه بين الزوجين الأفضل أن تكون في المنزل وبعيد أن أعين الناس الله ساتر على عبيده.. أحيانا حتى أمام أبنائنا يجب أن نبتعد عن بعد الأفعال التي تدخل في نطاق الرومانسية.

صحيح

يعتمد ما في شي محدد يعني يجيك مثلا ناس يمسكون ايد بعض شي عادي بس ساعات يجيك ناس يمسكون ايد بعض ويتمسحون في بعض صراحة عيب وقلة ادب اشوفهم في ممشى عالي ساعات يجون انزين انت تبغي تحضنها وتتمسح فيها خلها بالبيت مو برة قدام الناس مسكت ايدها عادي شي طبيعي هالشي لا حرام ولا شي بس الاشياء الاخرى اظن الكل متفق عليها انها عيب
ولا يجي واحد يتفلسف ويقول ما شاف ولا يسوون شفنا منهم واجد هالنوعيات وصراحة قلة ادب وقلة حيا

بالضبط كذا مرة اروح الممشى واجوف هالشي بدون حياء ولا احترام وغير اصوات الضحك العالي لكل مكان حدود والتزام لكن للاسف بعض الناس ماعندها احترام

انا ماحب قدام الناس اجود ايد زوجتي وزوجتي من نطلع مجمعات تشبص في ايدي احس موفن كمجتمع محافظ الزوجين يمسكون ايد بعض في اماكن علمة

هذي حق اللي امشيته مرته واللي ما يستحي واهي ماتستحي ولا هذي عيب جدام الناس اكو عندكم بيتكم سوو اللي بسوون والستر زين .

مافيها شى ليش متعقدين ومن قال حرام وما يجوز تقدحون من راسكم عادي يمسكون يد بعض ليش مسوين منكر الله يخلف عليكم يالبحارنه

إِذَا أَقْبَلَتِ الدُّنْيَا عَلَى أحَد أَعَارَتْهُ
مَحَاسِنَ غَيْرِهِ، وَإِذَا أَدْبَرَتْ عَنْهُ
سَلَبَتْهُ مَحَاسِنَ نَفْسِهِ.
???? صباح الخير ????

خل زوجتك في الصندوق او الفريزر واقفل عليها مجتمع متخلف كل شيء حرام نسوا قبل ويش كانوا!!

هي مو ساديا اخليها بالفريزر هي الزوجه هي الأم هي رفيقة الدرب فمن غير الائق ان لا احشمها في الاماكن العامه
وحط يدي بيدها مراعاة لعاداتنا وتقاليدنا الا تربينا عليها وهذا مو تخلف والتخلف في مجاراة الغرب في تقاليده

ليش نحرم ما احل الله?
بالعكس شي طيب يمسك ايدها بس يكون وفق ضوابط معينه

مو احنه نقول جذي وفق ضوابط معينة يجيك واحد مخه جوتي يذم ويلوح ويقول تبا وهرار تبا اليكم ياالي ما تفهمون يعني شي صحيح واحد يجود ايد مرته ويتمسح فيها مثل ما نشوف احين بعض الازواج كل شي بالاعتدال يصير من يزيد عن حده خلاص يصير ماصخ وسخيف ومليق لا وال يقول شعب متخلف والي يقعد يهر ويمر ويع ويع سيدة هجوم وثانيا كل انسان ورايه مثل ماانت تسوي الي تبغيه غيرك يسوي الي يبغيه والدنيا ماشية انت شكو بغيرك وشكو تذمه او تعيب عليه سواءا الراضي او الي مو راضي مرض والي بيكتب يكتب بشكل مؤدب مو هالكلمات يفشلون

مجامع ماخلف كل شيء حرام وحلال ..حتى المراجع يقولون انت في بلد مسلم اكل حلال عليك و في ذمت المستورد لا تسأل عن اللحوم بعد وسواسي ويسأل مجتمع مريض أكتئاب عنده

مايصير انغير الموضوع بس يمكن ياخوي تطلع انت النفسية والمريض ههههههه لأن هذا دين مو لعبة .. يعني لا تسأل عن اللحوم في السوق الاسلامي اللي يربون الماشية فيه ويذبحونه هم فبالتالي اكيد حلال أما اللي صاير هني خلط الحابل بالنابل واستيراد من أي مكان سواء حلال او حرام

يعني صج اكتشفت من الردود انه احنا شعب متخلف. يعني شنو تبون الناس تعيش مثل الروبوتات!

توك تدري تخلف تخلف والخافي أعظم

انت ويش تبيهم يصيرون مثلاُ
باقي فرار الكبت

يقول أحد المشايخ
امساك الرجل ليد زوجته في المحافل العامة جائز في حد نفسه الا أنه غير الائق بالمؤمن و المؤمنة لمنافاته لما ينبغي أن يكونا عليه من وقار وحشمة وحياء.

وإذا هالمشايخ واحد عنده جفاف عاطفي خلاص بس قال يعني هو الصح يمه شنو هذا

احنا محتاجين شوية رومانسية في هالزمن الكئيب، ليش نقصر على روحنا و نجي و نقول عيب و كأنا مطوعين على ما ميش

لا امسك يدها ولا تمسك يدي كلا حجي فاضي بلارومنسية بلا هرار

الأصل في الحركه وهي مسك اليد مافيها شي بتاتا ولكن عرفيا وذوقيا حسب المجتمع البحريني بشكل عام تعتبر غير لائقه.

انا معاك في هاي الرأي الصائب
تجود ايد مرتك ما فيها شي لكن اعتقد مو مناسب في الشارع
انا مع الرمنسيه والعواطف لكن ليس في الشارع

الي قاعد يقول مصاخة وافشار هذا ناقص عواطف وعنده فتور عاطفي .. لها دخل مسكة اليد في ونفوس الازواج حتى ابائنا وأجدادنا اذا موجودين بالعكس يزيد الاحترام والتقدير شي عادي ولا بد منه .. وشكراً

مجتمع جاهل تحسسوني انكم تعيشون في القرويه

في البحرين من زمان اليوم اعرف كل شيء والمراجع لا يحرمون مسك اليد عادي

مجتمع البحرين مريض اغلبهم مكتأب بسبب التزمت و السياسه خرب عقله

ولد زويد
بارك الله فيك لقد كتبت ما كنت أريد أن أكتب لرد على هؤلاء الجهال قصدي هؤلاء جيل العصر الحجري القرآن الكريم يتكلم عن المودة والحب والرحمة مسك اليد ليس فية خدش للحياء ولاهو عيب عجل لو تروحون أوربا وتشوفون التقبيل الحار ويش يصير فيكم

واللك تكلم عن نفسك اذا انت مريض والي حوالينك جذي هذا انت ومجتمعك اما يا حبيبي مجتمعنه والمكان الي اعيش فيه الحمد لله والشكر انت اصلا من عشان تقول مجتمع مريض صدق ما تستحون والله عيب عليكم المريض هو الي يذم الناس وينتقدهم بهذا الشكل المبتذل اللاخلاقي وهذا طبعا يدل على طبيعة تفكير صاحب التعليق المريض اظن الكل يعرف من المريض المريض هو الي يشوف الناس مثل بعض ويفرض السوء فيهم وعادة هالنوع من الاشخاص دائما يكونون مكتئبين وعدوانيين مسكين الله يعينك تحتاج علاج

على ما يبدو أن الموضوع أصبح موضوع جدل وليس طرح وتبادل آراء, الكل يرى رأيه سديد بينما أغلب ما قرأت من الآراء تنم أما عن نقص أو مشكلة نفسية لدى أصحابها.
الإمساك بيد الزوج أو الزوجة هو مظهر طبيعي جدا وبعيدا عن العواطف والرومانسية فإن هذا التصرف يوحي للآخرين وللزوجين أيضا بدرجة التمسك بالعلاقة التي تربطهما، وكل من يرى أن هذا الفعل هو تصرف لا اخلاقي، فهو يعاني بلا شك من مشكلة أخلاقية مع ذاته، حيث ليس هناك ما يلفت النظر أو الإنتباه بتلك الحدة والشدة اذا ما شوهد أحدهم أو إحداهن ممسكا بيد الطرف الآخر

اي والله صدقت ال يسب والي ماادري شنو انزين يا عمي كل واحد ورايه انت تربيت في مجتمع هالشي عنده عادي غيرك عنده عيب يعني ليش مستغربين ترى العاقل الفاهم يدرك ان الناس اشكال وانواع واطباع وملل مختلفة ما في احد مثل الثاني وكل واحد وتفكيره ما تجيانت تفرض رايك على غيرك سواءا الموافق والا الرافض انت ليك وجهة نظر والثاني اليه وجهة نظر ودام هالفعل ما يخدش الحياة وتحت ضوابط ممكن الي مقتنع فيه يسويه والي مو مقتنع خلاص يتركه مااحد يجبركم ال يقول تخلف والي يقول تبا لكم انت من اصلا عشان تتكلم مع الناس بهذا الا

عجيب ردّك يتولد النبيه صالح! اعرف مفرداتك من بين ألوف ! التوقيع الرادار

الموضوع مو فن انا اقول شوفوا ليكم موضوع علمي احسن من الهرج والمرج والمهاترات

قبل عامين نشرة صحيفة الرياض عن احد اعضاء الهيئة الامر بالمعروف و النهي عن المنكر انهو اعتدى على زوجين ماسكين يد البعض في ساحة الحرم المكي كان الاثنين يشكرون الله على انهم اصبحو من نصيب البعض و كان يتمشى في الحرم المكي ويده في يد زوجته رجل الهيئة ضربهم .. لكنه حوسب على فعله

اي عادي دام مسك ايدها بالمعقول مافيها زوجته وحلاله في بعض الردود مشاء الله عليهم معقدين عقلينا ودينيا

رومانسية في غير محلها يعني ماعندهم مكان يلمسون بعض في البيت ؟ بعدين الواحد يخجل امام الناس لان التصرف ملفت للنظر .

اعتبره فشار وزمط وقلت رجوله

اللهم صل على محمد وال محمد وعجل فرجهم

لا الاه الا الله...كل هالزوبعه وهالتعليقات اللي تفشل على واحد مسك ايد مرته.. الله يعينكم جميعا. الواحد حر في تصرفاته ترة تركتون كل الظواهر اللي تدمر المجتمع ووقفتون على هذي.. حتى ماتعرفون تنتقدون بطريقه حضاريه لمتى بتصيرون اوادم مؤدبين وكلامكم مؤدب..

اي والله مادري متى بيعقلون هالمجتمع

والله تضحكون !!! ناقص بس تقولون مسكة اليد حرام !!! نكته انتون يادافع البلا

أنا لا أستطيع أن أعملها أمام الناس ، لكن هنيئاً للزوجين الذين عندهم جرأة و يسونها

تصنع جدام الناس اما في البيت أتحصل كل واحد بروحه قاعد ذول الوقت

الا امسك ايدها زين ما زين وخلك رومانسي عشان هي تصدق روحها انها جولييت وتركز معاك وتنسى السوق وتخرج من السوق بأقل الخساير. وعلى طول عبر عن حبك لها. وكيفك اللي يهمه كلام الناس والناس تطالعنا خله الناس تفيده. واللي مو متزويج هذي نصيحه لوجه الله امسك ايد خطيبتك زبن ما زين واسحبها سحاب وخلك سريع وخفيف في الحركه.

هههههههه عفيه عليك خوش اقتراح .
والكل داخل حرب حلال ولا حرام وعيب ومادري شنوا
بس يا خوك النسوان لين راحوا السوق محد يغلبهم . ماتغلبونه.

يا ربي .. أغلبكم تفكيره سللبي .. عيشوا حياتكم ومحد عليه من احد
مسكة يد بس .. روحوا أقروا شلون تأثيرها عالزوجين محد قال سووا شي مخجل قدام الخلق
مو حلوة يمشي الزوج بعيد عن زوجته ولا مسكة اليد بتصير مدتها ساعات .. حشى هي كلها لحظات لدقايق
برأيي لا لفت انتباه ولا استثارة ولا ولا .. شي حليو اصلا ويعطي شعور ايجابي

عن نفسي انا خجوله استحي يمسك يدي في الشارع مع ان شي مو عيب ولا حرام.
احب اكون طبيعية بلا تكلف او تصنع على مرآة الجميع.

لاعت جبدنا من الزواج
ترى احنا عزوبية طروحو مواضيع متنوعة للمجتمع كله
لا ينط واحد ويقول مهمة ومفيده
واللع عن نفسي ماجوف الا حرب وشد وجدب بين النسوان ولرجال

ههههه ماعليك منهم كل واحد مستانس بس هني ينفخون ويزئرون
اخذها تشجيع وعرس وستانس بالحظات الجميلة وترك عنك هرارهم

عجبني ردك على الأخ

اني عندي تحفظ واجد بس زوجي يعرضني لمواقف محرجه مااحب حركات المراهقين اقول ليه عيب هالحركات حت بالسياره بمكان عام بس هو يقول حلالي بس اني مايعجبني هالشي مع ان زوجي من الفئه الملتزمه جداً بس يخليني بمواقف بايخه اقول ليه كبرنا ع هالحركات خلاص بس هو مو جاي يفهم

حكويش عيب حتى بالسيارة اختى حتى مع زوجك بالسيارة بتمنعينه من ابسط حقوقه وين يروح عجل واذا لاسمح راح الريال وتزوج او لعب قمتين تصيحين صج يعنى

بعدين قولي عرس عليش لش ، دام الرجال يحبش حافظي عليه مو تقولين ليه كبرنا

خله يعرس عليش وخل تفيدش حركات العجايز

فشخره وتلاقيهم بالبيت صراخ ومايتكلمون بعض كل واحد عايش بروحه

مجتمعنا اسلامي عربي خليجي ولنا تقاليدنا وعاداتنا وتربيتنا وخصوصيتنا التي نفتخر بها وهي لاتقبل هده الحركات !! فمن اراد غير ذلك فله مطلق الحريه .. لكن من دون ان تتهجم علي هذه العادات والتقاليد.. اعتقد واضح !

مسك الزوج لزوجته حالة مرضية .. سواء في بلاد المسلمين او غيرها .. فيه محاولة من الزوجين اشباع النواقص العاطفية بينهما وربما تخفيف حدة الخلاف القائم بينهما ولهذا يلتجئون الى هذه الحركة الغير سوية امام الناس.

واذا هالشي يخفف الخلافات الي بينهم انت شنو يعورك بالضبط؟ مالك ومال الناس ! اذا المنظر مزعج بالنسبه لك لاتطالعهم :)

صارت مسكة اليد حالة مرضية وحركة غير سوية؟؟؟؟؟؟!!!!!!!

وقرن في بيوتكن ولا تبرجن تبرج الجاهلية الأولى مع الأسف الشديد نسينا كلام الله واتجهنا إلى التقليد الأعمى الذي روجه لنا أعداء الإسلام ماهكذا تورد الإبل فالله سبحانه وتعالى أمرنا بالستر وكذلك أهل البيت عليهم السلام أعطونا نماذج في القيم كفاطمة الزهراء عليها السلام حينما دخل رجل كفيف على رسول (ص) فقامت فاطمة ودخلت حجرتها فلما ذهب ذلك الرجل سأل رسول الله فاطمة لماذا رحلتي حينما دخل الرجل الكفيف فهو لا يرى فقالت سلام الله عليها إذا كان الرجل لا يرى فأنا أرى واليوم حدث ولا حرج

ها هاا باقي بس تسوون الحلال حرام والله لمسك يدها وتبا للعادات والتقاليد الوضعية، محد له شغل باحد دعوا الخلق للخالق،

انا اقول لا مانع من مراعاة الي مطلق والي فاقد زوجته والأعزب على الخصوص .. انا افضل خصوصية المشاعر بين الزوجين من ناحية لغة الجسد مع أنه مافيه شي الواحد يجود ايد مرته

احس مسكت اليد كالبوسة يعني تركها احسن

انا انسانة احب الخصوصية و احترمها
و المفروض الانسان يراعي الاخرين. الشارع فيه مراهقين و في ناس تعاني مع الطرف الاخر في حياتهم الزوجية و احنا نقدر نعبر عن حبنا لبعض بطريقة لا تستثير الاخرين فليش نلجأ الى هذه الطريقة

حركات مصرية .

مصاخة مو رومنسيه..الحين الرومنسية وقفت على تجويدة الايد قدام العالم لو زين بس تجويده ايد تجوف اوادم متدلدلين في بعض تقول لاحد يبوقهم .

طبعا اللي معترض اتحصله ما عنده ذره حب لزوجته أو طالع من القرن ال9 الميلادي أما أنا بكيفي امسك يد زوجتي واحتضنها واللي مو عاجبه عادي يكشف على نفسه في الطب النفسي اشوف سبب الحقد والكراهيه لكل ما هو راقي وجميل !هل تفضل أن ترى الشجار والعراك في الشارع ?

والله انت محتاج طبيب نفسي
شنو ماعنده ذرة حب وهرار كلامك يبين انك جاهل بالعمر والتفكير
يا أخي مثل ماكب الاخ مراعاة في مطلقين في ارامل في عزابيه يراعون مشاعرهم ياعديم المشاعر

ولد زويد إلى زائر 112
إنت الي مفروض تروح الطب النفسي لأنة مافي آية أو حديث شريف يتكلم عن تحريم مسك يد الزوج إلى زوجتة إنما يأمرنا الله سبحانه وتعالى بالمودة والرحمة والحب ولاتطلع فيها مو عاجبك انرزح في بيتك

اتفق معك 100%
احب زوجتي وعندي اولاد بطولي
والله امسكها ولما كنا في الدراسة بلندن 4 سنوات كانت اجمل ايامنا مع البيبي الصغير وللحين نشوف الالبومات ونظحك
اجود ايدها وكيفي

اشبع وياها رومانسية بالبيت
بس هالحركات قدام الناس مالها معنى الا ياناس شوفوا او يا زوجة شوفي
اثبات حبك لها يكون بالاهتمام المستمر بها مو المفوشر قدام الناس لانه ما بيقدم لها ولا بيأخر ولو قصيت عليها بهالحركات فبعد فترة بتكون الحركة تمثيل ومافيها روح
الحب امر عاطفي جميل واظهاره يكون بالكلمات والمشاعر والاهتمام
اما الحركات الجسدية فهي امور ثانوية قد تؤثر في الزوجة ولها محلها الخاص في البيت فقط
في الخارج احترمها واذا تحبها احشمها عن هالمصاخة عشان ما تكون محل ازدراء وتعليق الناس

خف علينا يا روميو!

مسكين صراحة ردك انت الي يكسر الخاطر ونعرف منه ان عندك عقد نفسية للناس ترى مااحد منعك تمسك يد زوجتك واذا شخص تربى ان هالشي ما يسويه فمو انت الي تجي تقول هالكلام عنه انت من اصلا عشان تقول هالكلام وشلون تسمح لنفسك تقوله حيالله شخص في المجتمع مثل مااليك رايي تستميت عشانه وشوي ويضرب لك عرق وانت تعبر عنه كيفهم الناس اظن التخلف والرجعية هو انك ما تستوعب اختلافات البشر هذا انتون حفظتون جم كلمة والا درستون برة وعبالكم جبتون الديب من ذيله على قولة الشيخ ناس من شدة حياءها للحين اذا طلع المذيع تغطي وجهه

قال ويشالطب النفسي اظن احين استوعب الطب النفسي حق من خاطري ادش مخوخكم واعرف شلون تفكرون دائما جذي ملافظكم هلاقة ما في احترام هههه سلم ليي على لندن هذا الي تعلمتونه منها
وترى عادي بتحضنها والا بتبوسها والا اي شي بتسوي ليها ليكون عبالك احد بيوقف ويقول لك شي هي مجرد اراء والكل يبدي رايه عاد لا تنسى تجيب ثياب النوم بعد هههههههه صدق شر البلية ما يضحك

طاح حظ الاثنين منهم نسيتون لو نذكركم الريال أبو سروال وفانيله والمرأة أم ركبة سوده احنا مانبي تناقض ولانبي نفاق اداع اياها في بيتكم وانتين تمايعي ليه في بيتش وخلو الشارع هذا مكان عام مايصلح لهذي السوالف وصيروا عاقليل جدام الناس

انا اشوفها عادية،، نتكلم عن مسك اليد ، انا مو ويا مسكها من خصرها و التمايع في المشي،، اما يمشي وياها و يمسك يدها اشوفها عادية ما فيها شي،، بالعكس لها انعكاساتها الايجابية، يمشي وياها و هي جنبه و ماسك ايدها، الغريب ادا واحد يمشي ويا زوجته وهي وراه مثلا ،، شرعا ما فيها شي ولا فيها جرح للذوق العام ،، واحد و يمشي ويا زوجته و ماسك ايدها ، مكبرين الموضوع لان من متعودين،،

طبيعي

لازم يجودها لا تضيع

قلة آداب وعدم أحترم وقلة دراية بالأحكام وجهل ليس فيه أتزان

مادري ليش الناس يموتون قهر بعد حتى المتزوجين يبون يدخلون في خصوصياتهم ويحسسونهم انهم يسوون شي غلط! والله مسك يدها محد له شغل اللي محتر بدل مايتبع نفس الاسلوب لا ينتقده من حرته

خل يسوونها في البيت علشان يسوونها بره
رجال آخر زمن تجيب الجلطة
تبالكم

ليس كل الرجال مثل زوجكي ، تبا لكي????

خل يسوونها في البيت اول علشان يسوونها برة
رجال آخر زمن

ترى جود ايدها كلش عادي مرته ومافيها شي البعض يتحجى جنهم جايفينهم متحاضنين

مسكة ايد جي ويش هي ؟؟ بالعكس حركة جدا طبيعية وحلاتها جي تكون عفوية وبدون تصنع مسكوا ايدين بعض ما تباوسوا مو أحسن من كل واحد يمشي ف وادي واذا ع قولتكم رومانسية مو ف محلها مع ان ما يدخل ع الاقل يمشون ف صف بعض

اهم شي حلال في ناس نعرفهم اسوون الحرام باسم الحب؟؟؟

هذا التصرف هو لفت انتباه بأن هؤلاء يعيشون حياة سعيدة وشاهدت اكثر من مرة فتاة تمسك بيد زوجها في الحدائق للأسف هي فقط تريد لفت انتباه الفتيات الاخريات ومع مرور الوقت عرفنا بأنهم انفصلوا بسبب كثرة مشاكلهم داخل المنزل وان الفتاة كانت فقط تحب المظاهر الخادعة

ويمكن من عيونكم

الحركة ما ليها داعي

مسك يد الزوجين في الاماكن العامة طبيعي في جميع انحاء العالم ما عدا الدول المتخلفة

في المجمع.....
أيها الزوج
امسكها جيدا، وإذا عندك حبال اربطها حتى تسلم على هالكم فلس اللي بجيبك.

كلام زوج منهوك

ولد زويد
حب بعض جودو بعض الليلة الجمعة

افشار ودلاعة طالعونا ترى احنا انموت في بعض ويع حده

هالشئ مفقود بينهم في البيت ويسونه برا للشو لو كان في شوية حيا ما تسوي جذي

هذي جلة حيه

خسي اخليه ايجود ايدي بره البيت ماعندنا بيت في البيت وبعد يستأذن مني قبل مايسوي اي شي اني زوجته مو لعبه عنده هذا الي قاصربعد

اتحداش متزوجة واقسم بجلال الله

الحمدلله والشكر.. الله يساعد زوجش عليش بس

ههههههههههههههههههه ياعلي مو من صدقش ، يستأذن ؟ مسكين وينهو بدور ليه مرة

بالعكس تظهر المحبة بين بعض وشغلة ثانية تحس الزوجة بأمان وانهو معها ، وانا أشجعها هذا الفعل

لو سواها أوربي في بلاده كلش طبيعية، لأن هذا السلوك غير ملفت في مجتمعهم (رغم وجود فئات متحفظة)، لكن بحريني يسويها هني، هذا يقينًا لفت أنظار ومصاخة وقلة عقل وذوق.

عموما في بداية الزواج أو الخطوبة تكون الحركة أفضل طريقة للتقارب.. مسك اليد..
كلها جم شهر.. و يوقفون

شدخل ... خمس سنين الله يحفظنا وعين الله تحرسنا

مو شغل احد.. حتى في مسكة الأيادي بتضغطون عليهم

ويش هالتعليقات اللي تفشل يعني شفيها اذا واحد جود ايد زوجته،، تفكيركم جنسي بحت،، شنو اللي يثير مشاعر المراهقين والكبار!! يعني الرجال لازم يسطر مرته في الشارع عشان يصير رجال!! او المرأة لازم تمشي نفس الغنمة ورى رجلها عشان تصير خوش مرة!!

حركـة غير اراديـة لدقائق معدودة / اما البعض على قولتنا يشبص وتشبص فيه ولا يلوح بيدة طالعوني انا متزوج / الظرف والمكان يحكمان على الموضوع

الغالبية العظمى شو علاقتك مع زوجتك في بيتك سو الي تبيه في الشارع ما اليها داعي الوقار افضل

صباح الرومنسيه - هههههههههه / بشكل عام احس هالشي يصير قبل لايكون عند الازواج اطفال و من بعدها
هالشيء يختفي , وكل شخص له معنى بلي يسويه , يا رومنسي او مجنون بحب الزوجه او يبي حنان و اسباب اخرى
واذا تزوجت بقولكم زوجي اذا مسك يدي او لا ؟؟؟ و ليش يمسك يدي راح اسأله ^_^

انا اشوف انها دلاعة ومصاخة

ما اشوف مسكة اليد فيها شي ... لا خدش حياء و لا شي بالعكس تقدير و حب لبعضهما .... تعالو شوفو في ايران شياب و كأنهم عصافير حب بس مجتمعنا كل شي يعيب عليه و متعودين ع التحبيط و الانتقاد

أنا أتصور أنها عادة غربية مكتسبة, المشاعر بين الزوج والزوجة لا بد أن تكون ذات سمة خاصة وفي محلها الخاص وليس أمام الناس وفي المجعات العامة وما الغرض منها وما هو الهدف . الحب والشوق بين الزوجين ندعه في البيت لا في الاماكن العامة لان الاسلام والرسول علمنا العفة والاحتشام حتى في حركاتنا وسكناتنا وحسن السلوك.

شي طبيعي وعادي ولا يبون يلفتون نظركم ولا يدرون عنكم بس خلوهم في حالهم وخلكم على عقليتكم الي تحارب كل شي غير

حتى مسكة اليد بين الازواج صار فيها كلام؟ هذا ابسط مظاهر المساواة بين الزوجين ، بالنسبة لي ... زوجتي ما تكتفي بمسك يدي أثناء المشي ، بل تمسكني من ذراعي وتضع رأسها على كتفي ، لا تهدف لا لفت الانظار ولا لأي شيء آخر لانه هذه هي طبيعتها في كل مكان معي.

لا عاد مو حلوة مياعه قدام العالم

هي تتعلق فيها لايهرب والرجال ماوده يجودها

ليش يبي يجود غيرها

وين يهرب! ! مجودة مجودة أسد هي

زوجي ...
لا يحب أن يظهر مشاعره أمام الآخرين ويحب الخصوصية كثيرا" ... لكنه يمسك يدي عند عبور الشارع خصوصا" في السفر للبلدان الأخرى ..

تماماً مثل زوجي .. :)

مو شغلكم!!!

انا مع الشرع وفي هذا الجانب لا يوجد ما رأيك

عاديه وحركه حلوه وتقهر البعض إلا عندهم جفاف عاطفي مع بعض.

حبكت يعني العاطفة والحنية ما تطلع الا في الشارع والاماكن العامه خلو عندكم خصوصيه وترى العرض والشوو ما يقدم ولا يأخر بس قلة احترام للنساء

اني قبل ماتعجبني هالحركة اذا اشوف متزوجين ماسكين يد بعض
لكن عقب ماتزوج وشفت زوجي يمشي في وادي واني في وادي تمنيت انه يمسك ايدي ولاانحط في هالموقف الحرج

علاقة الزوجين علاقه خاصه بينهم فماله داعي أبينها قدام الناس ،عندك اياها طول الوقت موبس فلحديقه ،عاد في ناس مول باقي شوي يسيحون فشارع هههههههه

رومانسية في غير محلها الهدف منها لفت انظار الاخرين

دلاعة ...عندكم البيت امسكو بعض لين تعجزون

في البيت مشغولين كل واحد مجود تلفونه

كلش مب طبيعيه لان احنا مجتمعنا ربانا على هيبة ووقار الحريم والا يسونه اليوم يتنافى مع سترهم واحترامهم من لبس وضحك وحركات ومسكة يد والقائمة تطووول

وش يدخل الوقار في أن الزوج يمسك يد زوجته؟

اني اشوفها مبالغات لا اكثر ولا اقل حبكت يعني في الشارع تجود ايدها بتهرب مثلا لو شنو ...

لا حرصا عليها وحبا فيها

كل واحد ينام على الجنب الي يريحة

تقليد ماله معني (شو)

إذا مسكت يد أحد تحبه نعتبره تقليد؟

طبيعي واشجع عليها ..

قعدوا ف زاوية بروحكم و جودوا ايادي بعض راعوا مشاعرنا ???? قلبي الصغير لا يتحمل

تزمنا مع اليوم العالمي للقضاء على العنف ضد المرأة ، يا أخي إذا ما تبقي تمسك يد زوجتك في الأماكن العامه وعندك عداوة مع الرومانسية ، على الأقل وانت تمشي معاها إحترمها ولا تخليها دائما تمشي وراك وكأنها خادمتك ، إمش في صفها وخلك مهذب في تصرفاتك .(نصير النساء )

فعلا
وهذا اللي يسونه اغلب الرجال
هو في وادي وهي في اخر الوادي

زائر ١٩ هههههه عجبتني عباره " عدو الرومانسية"

خل الحلوين يعبرون عن مشاعرهم

ولله هي طبيعة علاقة الزوجية جدي والمفروض تكون جدي بدون تصنع. وفي ناس اعرفهم قبل كانو يقولون ليي انه دي الحركة من الزوجين للفت الانتباه لكن انا عن نفسي اقول انها طبيعية والمفروض تكون جدي.وعلى اي حال انا للحين ماتزوجت ادا تزوجت ان شاء الله بجود ايد مرتي حتى في المطبخ.

اشرايك....تتزوجني؟؟؟

انا على استعداد لأتزوجك.. الكل يتمناك

شقواية هالعيون

ههههههههههه اي يالله له صفر اكو قريب يخلص.. ربيع جاي الكل يبغي يتزوج.

خذني الثانية

ذكرتني بايام شبابي قبل الزواج كنت اتخيل ان راح امسك يد زوجتي طول الوقت ولكن الواقع مختلف. الزواج مسؤلية ومعترك قبل يكون رومانسية و احلام وردية

زوجتك نفسي

إلى زائر 16 الرومانسي:
منو قدك؟...بس عشان راح تمسك إيد مرتك حتى بالمطبخ..بنات أثنين يبون يتزوجونك!
ويل قلبي
ما في ثالثة؟!

يعتمد على طبيعة المجتمع
في مجتمعنا البحرينيأمر غير طبيعي
و معظم الناس لا يحبون أن يكونوا محط أنظار الآخرين
أما في المجتمع الغربي فهو طبيعي و لن تجد أحد ربما ينظر إليك

vip
هههههه
ضحكتونا من الصبح
زيادة مشاعر بس في المكان الغلط

رومانسية في غير محلها و تقليد اعمى

هذا الانطباع من الأجانب الغرب وليس في مجتمعنا

هذا مجود ايد زوجته مو ايد صديقته الغيرل فرند.. وما له علاقة بالغرب..

رومنسية فايضة وجذب الأنتباه ولا في بعد زوجات يلزقون لزقة تقول بيهرب الزوج وتحصلهم في بيوتهم فار وسنور وكلا هواش ومشاكل بس فيهم حب للشو يعني شوفونا نحب بعض وأنا شخصياً أذا أمشي ويا زوجتي أمشي قدامها بخمسة متر وهيه كل شوي تقول أنتظرني

الله يساعدها عليك يا ابن زيدان

مو عدلة منك
ولا هي مرجلة وتفاخر... استوصوا بالنساء خيرا
ليش هي تزريك يعني لو تستحي يشوفونها معاك
بصراحة تحطيم للمشاعر والاحاسيس
انجان طلعت بروحك احسن

يجب أن يكون هناك قوانين رادعة اتكلم بشكل عام و ليس الأفعال المخلة ل الأزواج لان قبل ١٥ سنة كنت اشوف الشباب البحريني مع زوجاتهم في سوق واقف و هو يمسكها و كأنه في لندن او باريس

بل بل بل
باقي اشوي واتكفر الي يمسك يد زوجته.. صدق جاف وعقلية متعصبة

هناك نوعين أزواج بحرينيين صغار السن تحدث بينهما رومانسيات في المجمعات و الأسواق يحضنها من خصرها او عناق و قبلات في الأماكن العامة و هذا لا يجوز اما الأجانب و علاقاتهم الهابطة بالاضافة الى انهم مفاصيخ بعد حركات لا تناسب

مصاخة ومفوشر ومالها معنى
درينا انكم تحبون بعض بس عاد اركدوا وانضجوا
واذا تلقاهم شوي ويتباسون مثل الاجانب
وطبعا من يصير بينهم خلاف تلقى المسافة بينهم مترين هو جدام وهي وراه
وفي البيت يمكن حتى ما يعطون بعضهم ويه اللي مشغول بالتلفون واللي بالتلفزيون
واغلب الحركات للمراهقين اللي توهم متزوجين ومنزهقين من الخطوبة

في مجتمعنا وللاسف تعتبر ظاهرة غير اعتيادية، يعني مومتعودين على الرومانسية لذلك هي تعتبر عيب لدى البعض ، عاداتنا وتقاليدنا ماتتقبل هذه الامور .

تعتبر الرومنسية إحدى اساليب التعبير عن الحب,و تنقسم إلى قسمين,رومنسية أقوال و رومنسية أفعال,أما هذه الرومنسية ألتي نرى فيها البعض ممسك يد خطيبته أو زوجته أمام الناس و على الملأ فهي دخيلة علينا نحن شعب البحرين المحافظ,فمن ناحيتي أعتبرها جمبزة مخجله و تقليدا غربيا أعمى ..

يجودهه عشان لاتخم السوق وتحرق معاشه

رومنسية في غير محلها .. ما اعارض دا الشي لنفسه .. اعارضه لأن تمثيل وأكت أغلب الأوقات

ياناس شوفونا نحب بعض
عمرها المحبة ماكانت بالشو احس عدهم نقص والحركة ماتناسب مجتمعنا

نظرا لمجتمعنا المحافظ ..
تعتبر رومانسيه في غير محلها
لان عندنا الرومانسيه ( لو كانت موجوده)
يجب ان تكون في البيت فقط
في نظري ..
اغلب الي مساكين ايد بعض
مخطوبين ..
خلهم يستانسون في ( هالجم يوم )
قبل ما تجيهم البلاوي
ويكتشفون عيوب بعض ..
ويجيبون اولاد..
وتصير المره اذا قالت لرجلها جود ايدي
يرد عليها ادور لش ادور لش لو لولدش
ما ينفعش ي قدعان نبئى احنا
والزمان عليهم .. وسنك يو

قله ادب وعدم احترام للاداب العامة وسلوك مشين ينتج عنه تحريك مشاعر المراهقين والكبار من الجنسين

روح اتعالج احسن لك، اذا مسك يد الزوجة لزوجها اتحرك مشاعرك فعندك خلل..

الرومانسية مطلوبه في اي وقت ... ويعني شفيها اذا تحنن الزوج على زوجته ومسكها ... وحسسها لچم دقيقه انه يحبها ... اجر وثواب

انا اقول مو جذي السؤال الاهم هل مسك اليد هذا يعبر فعلا عن حالة الود الموجودة داخل البيت وبالتالي انعكست على الخارج او ان الزوجين هذول بس يسوون هالشي امام الاخرين ؟ اذا كانت الاجابة عن الشق الاول من السؤال نعم فمعناه ان ماكو اي مانع من مسك اليد بالخارج بس لاتجي تمسك يدي برى واحنا علاقتنا اساسا فيها مافيها

عدنا احنه عيب اجود ايدها. جاهله بضيع. تقليد الغرب. خاصه في المجتمع الخليجي عيب عدنا.

مافيها شى اذا كانت مريضة او عمية لاسمح الله او مساعدة لاعبور الشارغ وغير ذلك اجوفها نقص فى الرجال