الحين حتى النقل العام مايركبونه .صارت عندهم سيايير واستغنو عنه.

الحل في البلاد هو القضاء على العمالة السائبة المتسكعة في كل مرافق الحياة العامة والشوارع وليس التمميز،،،
يجب تفعيل الدوريات الأمنية لمسائلة العمالة السائبة في البلاد وخصوصاً أوقات العمل،،،، أسوه بدول الخليج
صيرة الديرة فوضى وحتى الإجنبي المنضبط يهرب من العمل ليلتحق بجاليتة من العمالة السائبة.
في خطر جوهري على الإقتصاد وجميع المرافق،،،
أذا استمر هذا الحال ستكون البحرين كحي من أحياء الدول الأسيوية الفقيرة والعشوائية.

زائر43 ذكرني كلامك بالثنتين الي دشو البرادة وحدة كشفت وجهها ومن دش البحريني تغطت عنه قالت لها صديقتها...ليش تغطيت عن البحريني وراعي البرادة ما تغطيتي عنه؟ ردت عليها وقالت لها إلا هندي...يعني بالله عليك الهنود والبنغالية معصومين وما عندهم شهوة! يا أخي تدري أن البنغالية والهنود أزيد ناس يبحلقون في النسوان ويسون لهم حركات؛ مرات أجوفهم وصدقني لو في يدي خذيته وكسرت له ضلوعه لكن ادري بنتقلب عليك القضية؛ ثم هل تقبل على أهلك وانت في منتزه وكل اشوي على راسك 20 هندي عزوبي

كلامك هو الواقع الاسيويين دائما يبحلقون بالنسوان والبنات فماياخذون العوايل راحتهم بالمنتزهات

ماينعرف ليكم ماتبونهم لا يمشون سيارات ولا يروحون اماكن عامه ولا يطبخون بالمطاعم ولا يروحون المستشفيات وعقب تنقذون الدول الاجنبيه لين قالو وطالبو بعدم السماح للمسلمين دخول اراضيهم ... عيب عليكم

شدخل جاي زاير في الي قاعد على جبدك وغاثنك شوفي شلون تفكير الناس وين مركب مخهم الدول الاجنبية بروحها كلها جم يوم واني رادة غير الي بقعد على جبدي شخص عشرين او ثلاثين سنة ياخذ خير الديرة لا وما يتم عجوز وشايب ما يجيبونه تدري جم تكلف ادوية الجاليات الموجودة احين الي احنه ادوية ما نحصل قلناها الف مرة وبنرد نقولها للمخوخ الي مسكرة ما تفكر ابدا احنه ما نمنع وجودهم ولا نمنعهم يترزقون بس ما ياكلونه بالمقابل واذا انت قاعد ومرتاح عطني شغلك واقعد عاطل بشوف شنو بيكون مشاعرك حجي الهرار خلكم عنه

وثانيا يا الفهيم كل دول الخليج عندها هالقانون ما يعطون الليسن لاي احد انا عشت بعمان والكويت هالقانون معروف عندهم يعطون من له صلة بالسواقة او المدراء الكبار ذو الرواتب العالية اما الاشغال المتدنية فدائما تشوفهم يستعملون النقل العاام كل شي باي مكان اذا زاد عن حده طفح واحنه زاد وطفح ولاعت جبده خلاص وصل حده صار عجين بنغوص فيه وبيدبحنا وبكرر طلبي للمرة الثانية عطني شغلك واقعد عاطل وبعدين قولي مشاعرك شنو اذا تشوف ولد البلد ضايق الويل والاجنبي متنعم واستريح بس

الهدف من جلب الأجانب في أي بلد هو البناء والتعمير وحسب شروط وفترة معينة، أو إلى أي من من أصحاب الأموال والخبرات، ولا تنطبق هذه المواصفات مع العمالة السائبة بالبلاد التي ملت الشوارع والمرافق العامة لحساب عيون ناس تتاجر بالسجلات مقابل مبالغ زهيدة أخر الشهر،،
وما خفي أعظم
روح أي شارع تجاري بالبحرين، أحسب لي كم محل يديرة بحريني بشكل فعلي؟
٩٥٪‏ من المحلات التجارية بالبحرين يديرونها الأجانب لحسابهم مقابل مبالغ زهيدة لصاحب السجل،،،
كله بسبب تمكين الأجانب قانونياً من رب العمل وإنعدام الرقبة

واللة ماشوف أزعاج من الاسيويين العزاب كثل ماچوف الإزعاج من المواطنين الجدد.

هذا يسمونه تمييز عنصري بكل المقاييس ، وبما أن الأجنبي يسكن في البلد فله حق العيش مثل باقي البشر ، وإن كنتم لا تريدون الأجانب في البلد فذلك في أيديكم ، فمن حقكم كذلك منعهم من القدوم للبلد من الأساس ، لكن إن أتوا بشكل رسمي فلا يجوز لأحد التضييق على الناس مهما كانوا

يا حليلك ىعجبتني والله صدق احلف بس والله لو في ايدنا ما جبناهم ليكون عيالك الوضع عاجبنه ومستانسين عليه بنجيبهم بالحد الي تحتاجه الديرة مو نجيبهم يمسكون مفاصل الدولة من الالف للياء ما تم شركة ووزارة وبنك ما دشوا فيها وين قاعدين ووين المواطن منهم
عطني الحق الي تكلمت عنه وبتشوف شلون بنظم الديرة ونحط قوانيين تحفظ المواطن مثل دول الخليج مو هني الوافد قبل المواطن
يالله راوينه الحق الي تتكلم عنه عشان نعرف شنو بنسوي قال ويش من حقكم تمنعون من القدوم للبلد وين قاعد انت حلمان عفر

والله بصراحة الوطن وطنا، ولما نروح منتظه نبي نشوف مجتمعنا مو تحس انك في دلهي، ماكلينا يكول، مع احترامي للجالية الاسيوية ما نقصد تطاول او استصغار بس انا اؤمن ان لو يكونون في منتزهات خاصة ليهم اريح لينا وليهم، خصوصا اغلبهم عنده عادة البصق

ما نبي اجانب يكونون هم على البحرينيين

كل شي بالتنظيم يصير ممكن يسوون ايام وساعات معينة للعزاب الاسيويين بدل ما الديرة جدي متروسة حتى ما تحصل مكان تقعد فيها مرة رحت البلاج والله بلا مبالغة احنه العائلة الوحيدة البحرينيين والباقي كلهم يا عزاب يا عوائل اسيويين صراحة الواحد صار يخاف هالزمن فتقدر تحدد ايام للعوائل واايام تكون مكس للجميع عاد الي بيجي يوم الجميع يتحمل وترى دول عربية كثيرة تسوي هالشي يعني لا تسوون روحكم كلش وتتفلسفون وشوي وتطلعون لينا من الشاشة تضربونا شوي شوي

عادي المقترح شفيكم هبيتون وسويتون روحكم ماادري شنو كثير من الدول تنتهج هذا النهج العزاب ما يدخلون الحدائق العامة الا في ايام معينة حسستوني ان مسوين مصيبة والي يشلخ والي يقول عنصرية والي يفتي من عنده شوي شوي لا ينط ليكم عرق كل شي يجي بالحجي السنع والا عاجبنكم ما عندنا مكان نروحه زحمة يا دنيا زحمة والي يقول تعيبون على دول ثانية اقول عن نفسي لا عيبت ولا شي كل واحد حر بديرته اذا انتون تعيبون على العباد والبلاد كيفكم

راجعوا انفسكم

هل يوجد في بلادي متنزه او حديقة عامة بالمفهوم والشكل المتعارف عليه عالمياً ؟ فكروا جيداً قبل الإجابة !!

ما هذا ؟!؟!؟

قمة الجهل والتخلف .. انه التمييز بعينه .. لن اتعجب عندما تطرحون مستقبلاً منع السود من دخول أماكن معينة.. عنصريوووووون

تمييز واضطهاد

يجب منعهم من كل شيئ أستحلوا. كل شيئ من عمل وسكن ومجمعات وطرق ويقتلون المواطن بدم بارد

البحرين وضعها خاص، البلد صغيرة والهوية في خطر، يكونون في مكان بروحهم افضل، جان نجوف ويه بحريني يمشي عالاقل !

ما اتخيل تمنعونهم مساكين حالهم من حالنا يبون يرفضون عن نفسهم ادا بيمنعونهم يرجعونهم ديارهم احسن

استغفر الله ربي .. ترى هم بشر حالهم حالنا .. شنوًً هالعنصرية !!

الصراحة ضد هذا الشي
مساكين ما عندهم الا يوم الجمعة يطلعون فيه
طول الاسبوع يلفحون من الصبح الى الليل
صح ان فيه بعضهم مزعجين
بس بعد فيه من البحرينين اللي يسوي اعظم منهم

هذا تمهيد على اساس يصير دخول المنتزهات وغيرها بفلوس والا العزابيه موجودين بكل مكان

هذه عنصرية
ضد الأجانب الذين نحن نجلبهم
ثانياً هل تقبلون المعاملة بالمثل في الدول الأجنبية ؟
أما أن كان بحجة النظافة فحدث ولاحرج من المواطنين.

بلدان الاجانب شاسعة وكبيرة، ومجتمعاتهم فيها قوة عددية ضخمة فالطابع العام والهوية الاصلية للبلد تبقى مثل ماهي في المنتزهات وغيرها، هني الوضع يختلف

من اهداف الرئيس الامريكي ترامب ان يحد مو وجود الوافدين عندهم وتقليل عدد الزظائف الي يشغلونها وخاصة غير المصرح ليهم ولان هالافكار عجبت الشعب الامريكي فصوت الى ترامب لان ضاقت الدنيا فيهم لاعت جبدهم من وجودهم جوا واحتلوا كل شي اراضي اشغال كل شي والمواطن الامريكي طلع من الباب الشرقي فوز ترامب نسف الحلم الامريكي الي كثير من اغبياء العرب يتغنون فيه كنت اتمنى يفوز عشان تعرفون شنو وضع الدول الاجنبية وشلون الشعوب صارت ااتفكر بعد ما ضاقت فيهم السبل مثل ما ضاقت فينه بالمختصر المفيد لاعت جبدهم خلاص

اقترح ان يعملو لهم حدائق خاصه ومراكز صحيه خاصه وتوقيف اعطاء اللياسن لكل من هب ودب منهم. طبعاً الحدائق والمراكز الصحيه من حسابهم وبإسم الجاليات خل دولهم تتكفل

صرت ما احب اروح منزهات والسبب .......... كل واحد جايب عائلته ومبسط والمراجحين حاجزينهم لولادهم واحنا كأنا الغرب ننتظر حظراتهم يتحننون علينا لا ويصارخون على جهالنا
لكن الشره مو عليهم الشره على اللي جابهم وعطاهم وج

وشي ثاني ان هم وضعهم مختلف ويانا .. احنا مو مكودين ببلادهم او ببلاد غيرهم الا القلة القليلة المقيمة بدول ثانية .. حدنا نروح كم يوم وراجعين .. وعددنا لا يقارن بعددهم .. بعكسهم هم ..
قالوا لكم العزاااااب او جماعات الشباب وليس العوائل .. لا بنهضم طفل ولا بنضيق على نسائهم
وجودهم بهالعدد الكبير بوسطنا بحديقة يخوّف اصلا!

أني مع الاقتراح .. كفاية عايشين حياتنا ومتحملين الظلم والقهر اذا بغينا نتنفس نروح حديقة ونشوف الجمع الغفير منهم شنحس؟ احنا الغرباء وهم اولاد البلد!
بكل مكان يزاحموننا ومن حقنا نتنفس براحة شوي بعيد عن الضغوطات.. دام كلما لهم عددهم يزيد فهذا افضل حل .. هم اي حشيشتين سووها اليهم بسطة وتصوير يعني ما بيتأثرون، وين الغلط بالاقتراح؟

على الاقل لا يجون في الويك اند

المشكلة أختنا صاحبة الاقتراح انه للأسف حتى بعض الشباب منا ومن نفسنا يتسببون بمشاكل وربما أعظم من الآسيويين، ففكرة أن المشاكل فقط من الآسيوين ظلم إليهم خصوصا إن بعضهم لا يُحس بوجوده من عدمه...
رغم أن الفكرة بحد ذاتها جيدة من ناحية راحة العائلات وحفظ خصوصيتهم وأمن الأطفال، إلا أنها مجحفة في حق الباقين بغض النظر عن جنسيتهم.
ربما يكون من المنصف إما تخصيص أيام معينة فقط للعائلات أو تخصيص أماكن معينة في المنتزهات والسواحل الكبيرة أو خليط بين الإثنين

أكيد تمييز
ليش مو بشر؟؟؟ مو ذنبهم انهم في البحرين يترزقون ‘ ذنب اللي جابهم وحلهم محل البحرينيين

الى زائر 15 يالحبيب انت خلط لشعير بالبعير هاي الي يقول بابا زابط مب اجنبي.......................

اضم صوتي لصوت الزائر رقم واحد كلام جد صحيح يسلم من كتبه

غريب في وطني اصبح المواطن يمثل ١٠٪‏ بالنسبه للاجنبي

باجر الحكومة بتسوي ضريبة على الجميع ????????????

أقترح منع المواطنين وعوائلهم من ارتياد الحدائق والمتنزهات حفاظا على سلامتهم من هؤلاء

المنع لمن يخالف القانون فقط

هذه حدائق عامه ولا يجوز منع اي شخص الى اذا كان مخالف الى القانون وكلنا بشر ونتمتع بالقانون بعيدا عن السياسه

ممكن تخصيص ايام معينة تكون للعوائل فقط يومين في الاسبوع مثلا و باقي الايام يسمح بدخول الجميع اسيويين و غيرهم عزاب و غير عزاب .

سلمت يداك جان زين والله بس ماخدين خيراتنا وهم المتنعمين وولاد الديره في ضيم

رحت محمية العرين وكنت لابس ثوب وصراحة حسيت روحي غريب من كثرة الاجانب وقلالة ادب وحركات بايخة بس تخاف تتكلم وتروح سجن لان اغلبهم من جماعة بابا زابط

الله يساعدك على تفكير البايخ

متقاعد
نعم وجود العزاب الاسيويين مزعج للعوائل

اقتراح

بل المفروض منعهم من سياقة السيارات ... البحرين لا تطاق من الزحمة بسببهم ...

ولد زويد
أضم صوتي % 100وبقوة معاك عجل بالله عليكم في ديرته سيكل ما يملك وعايش في خربة مع الحشرات والقوارض ويجي البحرين سيارة آخر موديل بحريني ما يملكها وسكن ومميزات حتى في الجنة ما يحصلها الي جابة يوفر ليه مواصلات

معكم معكم ١٠٠٪‏

اضم صوتي ليكم او ع الأقل تقنين وتحديد شروط مو كل من هب ودب يتدرب ويخنقناا في الزحمة من جد صار الوضع لا يطاق صارت الناس تفضل تقعد ببيوتها بسبة الزحمة بالشوارع والمجمعات والمطاعم

صحيح أتفق معاك
والأزيد من هذا أنهم ما يعرفون يمشون
كل يوم نتأخر في الدوام بسبتهم

صرنا ما نشتهي نروح المنتزهات من كثرهم بل اصبحنا اقليه نحنو مع فرض قانون عدم دخول الأجانب العزاب الي الحدئق العامة وشكراً

الصراحه يبي منع المواطنين العزاب من دخول المنتزهات بعد

من المفترض تمنع العوايل والمواطنون من دخول الحدائق
يجب ان تكون للعزاب والاجانب مساكين ما عندهم شي

زائر 12 يبتها صح هههههه، وش ي

يعتبر تمييز طبعاً قبل لايكونون وافدين بالنهاية هم ضيوف عندنا تارك أهله وجاي متغرب مع الغربة وضغط العمل تبون تضيقون عليهم زود ؟ تراهم بني آدم يحسون ولهم مشاعر عيب الانانية بحجة شعور شخصي
أنا ضد هذا الكلام مثل ما متعايشين معاكم تعايشو معاهم
واعتقد هذي صورة غير جيدة ان عرفو طريقة تفكير البعض عنهم
تعيبون على الدول الثانية الي كل أماكنها السياحية للعوائل وتقولون محكورين ومتخلفين انتو شنو؟ تبون المكان ملك خاص لكم
طبعاً الكلام موجهة للي يوافق الأخ او الاخت الي اقترحو

ضيفهم في بيتك ملعوزين حياتنا ومضايقيننا في كل شي ياكثر مشاكلهم وقرفهم

ولد زويد
والله محد قال ليهم يتغربون ويجون ديرتنا وبعدين بس لأنة البحرين تعطيهم مميزات ما يحلمون فيها حتى في الجنة وإذا تبي ضيفهم عندك في بيتك

عذراً لا أحب النقاش مع هكذا عقلية
بس حبيت أعقب ع كلمتك ان لهم مميزات، اذا كلهم مثل ماتقول عيل الفري ويزا من وين جايين؟ حركة افتح سجل وأجيب عمال أشغلهم كم شهر واسحب عليهم بالشارع هذي شنو؟ خلك منصف

يا عزيزي ربما انت تستطيع الذهاب الى جنة ديلمون او غيرها من الأماكن الكشخة والتي تخلو منهم بالطبع، نحن لا نستطيع، أينما نذهب نجدهم يزاحمونا بسلوكهم و طريقة أكلهم و بصاقهم .. لقد ذهبنا مرة الى ما يسمى الحديقة المائية، فوجدتهم ينظرون لي مستغربين! لأنني كنت الوحيد البحريني بينهم ..لا احقد عليهم ولا لدي شعور بالفوقية، ولكن موارد بلادنا نحن احق بها في المقام الأول .. فلتقم دولهم بإنشاء حدائق لهم ..فالبلد صغيرة ولا تحتمل كل هؤلاء.. ترى للحين ما قلت كل شي ..

المنطق الي تكلمت فيه أنا انساني وحيادي حب لغيرك ماتحب لنفسك،هم وافدين منهم في مناصب عاليه ومنهم ع قد حاله أنا اعتراضي ع التمييز صح العدد صار مبالغ فيه بالبحرين ومثل ماتفضلت انك ماتقدر تروح أماكن ثانيه وكمثال الحديقة المائية رخيص وقوي أكيد كطبيعتهم متعودين ع المناظر الطبيعية وترفيههم ببلاش بدولهم ،اما بالبحرين هذي اماكنا الي يقال ترفيهيه فالأغلب مثلك سواء بيوفر او لا راح يتوجهة لهالاماكن للمشي وتغيير جو والمعيشة غالية مااعتقد في مشكلة انهم يرفهون عن نفسهم ، حط نفسك بوضعهم هل راح تتقبل ؟ أكيد لا

تمييز واعتبار جميع العزاب خطر على المجتمع وانتهاك لحقوق الانسان

هههههه تعبير حلو شنو حقوق الإنسان ليش هم شنو

مع الاقتراح الذي يقول تخصيص ايام للعوائل لترفيهه في الحدائق العامة .. المنع لاينحصر في الاسيوي .. المنع يشمل العزاب بشكل عام حتى لو كان بحريني ..

هي وقفت على المنتزهات الاجانب العزاب غزوا المناطق السكنية و القرى و كل مكان يجب وضع حل لارتفاع إعداد الاجانب في بلد محدود الإمكانيات و المساحة

بالعكس ليس تمييز فكرة الحدائق الخاصه للعوائل فقط فكره جميله لان الاسيوين العزاب يشكلون خطر على الاطفال والعوائل هؤلاء عزاب وهم ليس في وطنهم ماذا تتوقعون نظرتهم الى المواطنين؟ كثيرا سمعنا عن قضايا اغتصاب وتحرشات وسرقات ونصب وو غيرها يكون السبب فيها الاسيوين

لقد اصبحت المنتزهات مرتع للعزاب من العمالة الاجنبية و خصوصاً البنغاليين و الهنود ، اصبحت معظم الاسر البحرينية تتجنب الذهاب الى المنتزهات بسبب هائلاء ، يجب اخد الضرائب عليهم ان ارادو استخدام المنتزهات بحيث لا يقل الشخص دينار ونصف عن كل اجنبي اعزب و خمس مائة فلس لكل اجنبي متزوج بشرط ابراز وثيقة الزواج (عندما تذهب الي المنتزهات تحس روحك انت الاجنبي وليس هم بسبب كثرتهم )

شهالهرار ترضون تروحون بلادهم يعاملونكم نفس المعاملة ؟ و لا بعد اللي قاهرني ترفعون شعار هيهات منا الذلة و تذلون البشر

ولد زويد
بكرة لين واحد منهم تعرض إلى بنتك أو ولدك أو أحد من عائلتك بتحرش جنسي راح نشوف ويش ردك

شدخل شعار هيهات منه الذلة في الخرابيط الي تقولينا ترى الدنيا مو سبهلله ولا عبط نحتاج نقنن وجودهم ونقللهم عشان تسلم ديرتنا من بلاويهم يعني عاجبكم حال الديرة احنه يوم وافقنا بشروط وقبل هالشروط نطالب الحكومة بتقليل عددهم خاصة من يشغل الاعمال الي يستطيع البحريني شغلها الانسان يطالع الوضع شلون صاير ويتكلم مو بس جذي تبغون تصفون حجي وكلام ما تفقهونه حتى مثل وجودهم في الاماكن السكنية احين غربلونا غربال روحي المنامة او منطقة مثل عالي يوم جمعة ما تقدرين تمشين بالديرة من كثر ما يحيطون فيش هذا الي تبغونه

@

تمييز بإمتياز !!! هل تقبلون عندما تذهبون للخارج في دول أخرى ومع عائلاتكم يتم طردكم من الحدائق ؟؟!! إقتراح فاشل وفي قمة العنصرية والتخلف والتمييز ويجب شطبه من سجلاتكم فورا .

نتمنى ليس منعهم من المتنزهات فحسب, و إنما ترحيلهم من حيث أتو .. هذه غاية كل بحريني عانى ضنك العيش و مزاحمة هؤلاء له في رزقه و قوته و قوت عياله بعد أن أضحوا كا لطاعون ألذي ما برح يفتك بشعوب الخليج دون هواده ..

هل تقبل العمل في جمع النفايات براتب 80 دينار. أو في الانشاءات في الصيف الحار. يجب ان يكون الاقتراح انشاء مزيد من اماكن الترفيه لهم لفضلهم علينا. بعض الناس في قلوبهم كبر ما هم ببالغيه كما وصفه رب العالمين. #كبر#تميز#حقوق الانسان

ولد زويد إلى زائر 36
أولا يشتغل 80 دينار + تذكرة كل سنتين على حساب جهة العمل + سكن على حساب جهة العمل يعني ويش تبي أكثر يعطونهم هذا بعد ما يحولهم إلى ديرتة راح تسوي ليه خبر فرق العملة ولا تطلع فيها

بمشاركتك المتواضعه هذه يا (بن زويد) قد كلفتني عناء الإجابه و النقر على شاشة تلفوني لأوضح للمشارك ما قمت أنت بتوضيخه ..… الف شكر لك مني و ألف تحيه

لا كبر ولا هرار ولا خرابيط ترى تحتاج الديرة نصفي كثير من الجاليات الي فيها مو شرط نشيل الي رتبه مثل ما تفضلت 80 دينار او الانشاءات ويكون في علمك اختي تشتغل وراتبها اقل من هالراتب سبعين دينار وينكم عنهم لو ما في جاليات تاخذ اشغالنا ما صار حالنا نحتاج تنظيم للديرة مو نخليها سبهللة للنطيحة والمتردية وهم فعلا خلوها طالعوا حالنا اشغال ما في تكدس في المستشفيات ادوية ما تحصل رحت المستشفى دوا 400 فلس قالوا روحي الصيديلة اشتريه طالع بعض الشركات الكبيرة يحطون اسيويين في اشغال للبحريني القدرة ان يكون افضل

مافيها شي إذا هم طلعوا من بلدنا أولادنا بيحصلون أشغال من ضمنها هالأمثلة اللي انته ذاكرنها ، اللي مخلينا ما نشتغل هالشغلات إن هم ماخذينها فرسموا صورة للمجتمع إن بس الآسيوي يشتغلها

أقبل العمل في جمع النفايات اذا كان الراتب مجزي مثل الدول الاوروبية ... العمل مو عيب
الكن العيب في 80 دينارة هل ستوفر لي احتياجاتي المعيشي .. ياخوان المشكلة موب في المواطن البسيط بل في الشركات وبعض الموسسات الرسمية تبحث عن الرخص

جيب لي بحرينيين بنائيين و نجارين و عمال إنشاء و كهربائية و بايبفيتريه وفنيين ألمنيوم و صباغة و جبس .... الخ بعدين قول سفروهم لأنهم ماخذين وظائف البحرينيين و رزقهم ، أصلا البلد قائمة على هؤلاء .

شفيكم ما تستوعيون مااعرف لمتى بنتم نكتب ونتكلم مو شرط اذا طلبنا بتخفيض العمالة الاسيوية يعني نقصد الوظايف الي انت طرحتها صراحة تبطون الفاد ماادري متى استيعابكم بيكبر شوي الديرة متروسة منهم واجد واشخاص ماليهم داعي انا شغلي قوامه اسيويين وعندنا بحرينين يقدرون يغطون هالاشغال ليش ما نوديهم ونجيب بحريني تدري ان يوم صارت حركة التنفيش فنشوا عدد من الاشخاص عندنا والله العظيم الاجنبي حصل شغل بعد فترة وجيزة والبحرينين ما حصلوا الا لما مدراء عندنا شغلوا واسطات هادي حالة الي وصلنا ليها مااحد لمس هالاشغال

خله بحريني يقدر يشتغل شغلهم مساكين موزين هم بعد بشر. يحتاجون راحة بعد بس واجد صايربن اكثرمنه خاصة الجمعه كانك في الهند تخاف تروح السوق يوم الجمعه ماشوف وله بحريني كله اجانب

كل دول الخليج الاشغال الزينة والوزارات يشغلها المواطن الي عندنا الاشغال العدلة والوزارات اكتسحت من الوافدين سواءا عرب او غيرهم روح خذ لك فرة على الصحة اي كثر وظايف ممكن نشيلهم منها ونقعد بحرينيين خذ لك فرة على وزارة الاسكان حدث ولا حرج شوف الشركات الكبرى من الي يشغلها بيطلع لك واحد مخبل بيقول البحريني ما يشتغل احين البحريني يشتغل في المجمعات وملتزم اوكي بس في الشركات الكبيرة والوزارات ما بيشتغل حسبي الله عليهم نشرح بعد والا استوعبتون الفكرة والطلب اوووف ماساة

ضحكتني عند في الشركه بايب فيتر وكهربائين ونجارين وكلهم بحرينين وعددهم اكثر من30من البحرينين مايشتغلون هالشغلات

صحيح كلامك بس احنا نقول ان المفروض نجيب عمال بحسب الحاجة فقط يعني للأشغال اللي محد يقبل يشتغلها لأنها شاقة وراتبها ما يسوى . والحاصل ان كل والوظائف اللي مخصصة للمواطن مشغولة بالأجانب والمواطن مو لاقي شغل . والنتيجة = بطالة+ زحمة شوارع+ زحمة في المتنزهات وغيرها

لو كان من البداية ف ياعتدال في استقدام الوافدين جان ما وصلنا لهذي المرحلة الديرة تحتاج تنظيم فقط وبتصطلح الامور لكن وين التنظيم ووين الي يقدر يسن قوانيين تحفظ حق المواطن والوافد الكل يعرف الوضع شلون صاير تعال شوف شركاتنا والشركات الي مساندة لينا والله اشغال لوافدين حرام المفروض ابناءنا يشغلونها وين الرقابة وبن حق مواطن تحصله يركب افضل السيارات ويلبس افضل لبس ويعيش في فلل وعندهم حراس بعد طبعا استثني الاشغال الشاقة للحين في مجال للصلاح اذا كانت النية موجودة اذا قل عددهم بنحس روحنا بالبحرين مو دلهي