عمر الزواج ما كان قرار خاطئ اختيارك كان خاطئ والا الانسان الي عنده طموح للمستقبل وتقدير للذات جذي المفروض يدور الانسانة الي تقدر هالشي لازم تسالها وتقعد تشرح ليها انت شنو بالضبط وشنو افكارك وسالفة ان ما عندك الجراة انك ترجع عزوبي خلي عندك جرأة انك تناقش وتشرح شنو تبغي وتفرض رايك ولو ما عجبك ارجع لحياتك لا المجتمع ولا اي احد بيفيدك اذا عشت سعيد وفقدت اللحظة في حياتك مااحد ينفع احد بالدنيا والانسان الي يحطمك عمره ما بيكون لك عون وسند

ليس هناك في حياتي قرار اسوء من قراري بالزواج، رغم وظيفتي الجيدة المدخول وطموحاتي الغير محدودة ولكن بمجرد ارتباطي انتهت حياتي عمليا لا مال ولا طموح ولا حتى تقدير أو شكر من بنت إبليس، ليتني أملك الشجاعة أمام هذا المجتمع لما ترددت في العودة لحياة العزوبية

كلامك بايخ

والله المرأه او الزوجه بوقتنا الحالي يبونها فول اوبشن والرجال ديكور يبونها تشتغل وتصرف وتطبخ وتغسل وتدرس وتحمل وتولد وكلشي وهو حتى مايكلف روحه يسوي شي المرأه والمرأه خل الرجال يقوم بوره اول واخر شي بعد تبونها تكشخ وماتكون ابدا حزينه ولا مكتئبه

بالنسبة لي مو لازم تطبخ ولا تنظف ولا تغسل ولا تراجع مع الأولاد والبنات....
المطلوب إبتسامة ومعاملة طيبة وتترك عنها اللگآفة والشك ... هذا منه متصل ويش يبه ... ومنهي متصلة ويش تبه وتتحمل بي في الليل وبعطيها راتب ....

الله يرزقك الزوجة الصالحة .. اذا كان عندها خادمة سوف تعطيك الوقت الأكبر للرعاية صباحا و مساءا و اهم شيء المعاملة الطيبة والأخلاق التي تكسب بها حب الزوجة لك ....

يا رب ترزقني زوج مثلك

ابغي واحد مثلك ا رب ترزقني واحد مثلك بالضبط

الطبخ له وقته و الكشخه لها وقتها و هناك شيء اسمه ثقافة و إتيكيت وفن الطبخ و الأناقة كلا على حده و هذا على مر العصور و لكننا المدرسات ظلمنا تمديد الدوام لان في السابق كنت اطبخ واول زوجي ما يفتح باب الكراج وانا في المطبخ الخارجي يشتم رائحة الطعام الطيبة جدا

الحين موضة الطباخ الالكتروني والصحي بالاجهزة خل المفادير والوقت وكل شي يجهز احلى ما يكون

والله لو يقرأ هالموضوع اي واحد خليجي يتطنز علينا. هناك اغلب بيوتهم فيها شغالة و سايق و طباخ او طباخة. لانه رواتبهم ممتازة. هني الحمد لله زين اذا يضل شي لآخر الشهر مضطرة الوحدة تطبخ حتى لو ولا احد علمها الطبخ

الطباخ شي حليو ويبيله مزاج .. مو شرط يوميا اطبخ خصوصا طول اليوم تقريبا بزي فـ وقت اللي في چانس ماكو مانع
ومحد علمني .. الله يخلي المواقع والانستقرام نشوف ونطبق للما خلاص نتقن
ويا رجال انتون تبون جميع الاستعمالات .. فحطوا اياديكم مع زوجاتكم لترتاحون اثنينكم ويصير عندها مجال (تكشخ)

لا تحبطونه عن الزواج الله يهديكم بس نمبي مره خلوقه وبنت اوادم وقفت ع البطنات الحين... الله كريم

انا زوجي يوم تزوجنا خيرني ان اجيب شغالة او ان اسوي شغل البيت بروحي تميت في بداية زواجنا بدون شغالة احين جبنا شغالة صار عندنا طفلين وانا قمت مااحب اكل من برة واجد احاسب فنحتاج شغالة بس اني اطبخ اليه اسوي الاشيا السسيطة وغدانا بس حقي وحق اولادي اطبخ خفايف ما اتعب واجد مسكين زوجي ما يجي الا المغرب اسال خاطرك في شي يقول اي شي موجود باكله مسكين ما يتشرط ولا يتفلسف الله يخليه حقي عشان جذي اخدمه بعيوني وقلبي لان هو مقدر اني موجودة عشانهم مو مثل بعض الرجال لاحمد ولا شكر مسكينة هالمراة

نفسي اتزوج بحرينية

اني وزوجي متقاعدين كل يوم على واحد الطباخ والي يطبخ الثاني يغسل المواعين لكن اذا صار يوم الطبخ للزوج الله لا يراويكم ويش صاير في المطبخ وكومة المواعين مع الاعتراف بان طباخ الرجال طعمه مميز واحلى

اقرب طريق الى قلب الرجل معدته قالوها زمن الطيبين

صحيح الزوج ما يحب المره الى تخذم وتطبخ في البيت يبي وحده كله كاشخه ولابسه ومتمكيجه مايبي وحده تخدم في البيت لان لو خدمت وطبخت وغسلت بروح يشوف وحده من الشارع وبيتكم على زوجته انها تطبخ وتنفخ وبياكل من الى تسويه عشيقة وبحي يدم فب طباخ زوحته وش لينا بعالسوالف خلنا نكشخ ونرتاح من الإثنين

احنا في زمان مافيه المفاهيم الخاطئة ان المرأة = طبخ ! ما ينتقص من قدرها اذا طبخت ولا لا ، لازم الرجال يفهم انهم يعيشون حياة ( مشتركة ) كل شي بالبيت مسؤوليتهم هم الاثنين ، يعني عادي يوم هي تطبخ يوم هو يطبخ ، لان مظهره وهو حاط رجول على رجول كأنه سي السيد ويصرخ ينتظر الاكل كلش يفشل ويدل ع تفكيره المتخلف ، لازم يتقاسمون اعمال المنزل خصوصا اذا كانو الاثنين موظفين ، محد احسن من احد !

بسم الله عليج يالمتطوره ما حد احسن من احد !! بنعيش ونشوف اعظم بأسم التطور من بنات اخر الزمان

لا عجل التطور هو انك تسوي مرتك مكينة و تدش تتأمر وتطلع تتأمر ! الامام علي وهو الامام كان يعين زوجته في اعمال المنزل ، رجال هالزمن فالحين ينفخون ريشهم ع الطل وفاهمين الرجولة غلط

نصيح إلى الشباب! لا تتزوج وتقدم على تكوين أسرة إذا كنت فقير أو غير قادر على تحمل أعباء الحياة ومسؤوليات العائلة لأن بنات هل الوقت ما منهم أمان ولا فايدة و لا تدور لك إلي بس همها الكشخة لأنها سطحية أو إلي جايفة روحها أو إلي إلسانها طويل وإلي تقول لك حقوق المرأة والكلام الفاضي الي داير يروج له مع قانون الأسرة الفاسد إلي كله موجه ضد الرجل ولا أحد يورط روحه ويرتبط فيوم أي شيء يصير بينكم القانون ما يحميك ودائما يوقف ضدك ولا تورط روحك في قروض على وحدة ما تسوى تذكر إن الحياة صعبه وتحتاج صبر و جهد.

انه بعد الحمدلله اطبخ واحب الطبخ
البارحه الساعة 2 اسوي كيك ????

الحمد لله اعرف اطبخ واعرف اكشخ لرجلي والطبخة الي ما اعرفها يا اسأل يا اطلعها من النت وبصراحة بنات الحين خياب اغلبيتهم همهم المكياج والسوق والمسلسلات التركي ولا تقصون ع روحكم هالجيل حده منتهي ما يعرف السين من الطين

هههه ضحكتيني يعني بس انتين المستثناة من هالجيل والله حالة صديقتي بنتها عمرها 16 سنة تسوي كيك يمكن انتين في عمرش كامل ما بتسوين مثله لا تعممين اكره شي بالحياة التعميم على الكل ابغي ادش مخوخكم واشوف شلون تفكرون ولد خالتي توه السنة الي طافت متزوج زوجته من كثر ما تطبخ وتنفخ اليه صار دبدوب احين يسوي رجيم صغيره عمرها 21 سنة ترى البشر مو مثل بعض حطي هالشي في بالش عشان اذا طالعتين الناس اطاالعينهم بهذاا لمنظار نصيحة

كيفي

مابطبخ والرجال شنو شغلته؟؟؟خل يطبخ لي ويخدمني بعد

انتون ما يصلح ليكم الا نتعامل وياكم نفس السعوديه هدي مشكلتكم نافخين روحكم على خرطي..ما تنعطون وجه

كل النساء الي بذلت كل الجهد اتكون شغالة وزوجة في البيت وموظفة خارج البيت كان نهايتها معروفة ياخذ عليها الي ما تشتغل بس ولا تطبخ بس تكشح وهذي النتيجة صارت كل الزوجات تكشخ بناءا على متطلبات الزوج لو تبون كل يد فيها لقمة وحدة للكرف وحدة بس تستانسون بكشختها وانا متاكدة كل الي قالو زوجاتهم ما يسووون هم عميان ما يشوف الي يسونه ليهم

كلامش صح ميه بالميه،ياما رجال طلقو نسوانهم وبعضهم عرسو عليهم لان شافو نفسهم متزوجين مره جنها رجال يطبخ ويدرس ويجيب اغراض ويباشر البيت وكل مكروف ،وراحو دوروا المره اللي تهتم بصيحات الموضه في الميك والكشخه خاصة للفراش ونسوا وكانوا عميان عن اللي شالت البيت وخلتهم يصيرون رجال مرتاحين نفسيا وخاطرهم في الزوجة الثانية ،والمشكلة تروحين بيت الزوجة الثانية تشوفينه دعايس عكس الاولى يلق بس الرجال عاجبتنه الثانية والفرق معروف،،لان الرجال عطه .... بس وبيصير عبود بللا طبخ ولا نفخ .

والله الحمدلله نعرف نطبخ والطبخه اللي خاطري فيها وما اعرفها اطلعها من النت الطباخ شي ممتع

صح والرجال بعد كل يقولون دي مو زينة ما تتحجب ودي مو زينة تكلم صبيان وديك تطلع شعرها وتلاقيهم مطيحين في تايلند أو دول أوروبا أو حتى البحرين في المراقص وويا أجنبيات مفاصيخ ???????? صدق انفصام في الشخصية عندهم ويروحون يتزوجونهم

المراة العاملة متطلب اساسي منها انها تكشخ وتلبس ملابس انيقة تليق بعملها كما هو الحال مع الرجل، ومن جهة ثانية المراة تشتغل 8 ساعات حالها حال الرجل بعدها ترجع البيت وتدرس وتنظف وتغسل ثياب وتكوي وتطبخ عشى وتقعد الصبح تبرز أولادها للمدارس وتجهز الريوق واكل الفسحة وفي المقابل الزوج مكتفي ب8 ساعات عمل وكله تتحلطمون وغير هذا كله تصرف على البيت وعلى روحها ... ويمننينون بالمهر وهي طول فترة زواجها لو تحسب الي قدمته يعادل مئات المرات من مهرها

الحمد لله أعرف أطبخ كل الطبخات التقليدية والحديثة ، و هذا ما يمنع أني أكون كشخة ومرتبة ، مع العلم أني أشتغل ، يعني لا تعممون الموضوع على الكل .
أخدم زوجي وأولادي بكل حب وأحترام وأشعر بالفخر والسعادة لما أطبخ لهم الطبخات اللي يحبونها .
الله يخليهم لي ...
كلمة حق (نصيحة )للرجال : المرأة تحتاج إلى تقدير وتشجيع وراح تشوفونها تعطي أكثر وأكثر ...
رفقًا بالقوارير .

كفايه انج تمدحين روحج !؟ بالله عليك تتطبخين ليهم بالشغل , بس جذب عاد اخدم زوجي برم

شلون تطبخ بالشغل يعني شفيك ما تفتهم انااختي تشتغل وتطبخ لاولادها ببالليل عادي اتسوي العيش الابيض الليل واذا رجعت تسوي مثلا سمج او لحم تسوي نص سواي وتكمله اذا رجعت ليش عبالك كل من ما يطبخ ويخدم بيته وانا اختي عندها مريضة سكلر وزوجها مسكين صادته اصابة عمل واكو متحملة فيه وفي بنته ليش تفلتهم في الشارع يعني شنو هالمنطق ليش تجدبون الناس وشلون تسمح لنفسك تكلم اي شخص بقلة احترام جذي هادي التربية وهدة الي تعلمتونه من الحياة الله يساعدك على روحك

واذا الزوج مقعد ف البيت لا شغل ولا مشغله ولا مصرف لا بتتطبخ ولا بتتكشخ بتقعد مفس المجنونه تشتغل وتربي وتكرف

وأما السابعة والثامنة: فالاحتفاظ ببيته وماله، والرعاية لحشمه وعياله فإن حفظ المال أصل التقدير، والرعاية للحشم والعيال من حسن التدبير.
وأما التاسعة والعاشرة: فلا تفشين له سراً، ولا تعصين له أمراً، فإنك إن أفشيت سره لم تأمني غدره، وإن عصيت أمره أوغرت صدره.
واتقي من ذلك الفرح كله إن كان ترحاً، والاكتئاب إن كان فرحاً. فإن الأولى من التقصير، والثانية من التكدير. وأشد ما تكونين له موافقة أطول ما يكون لك مرافقة.

أما الأولى والثانية: فالصحبة والقناعة، والمعاشرة بحسن السمع والطاعة، فإن في القناعة راحة القلب، وفي حسن المعاشرة مرضاة الرب.
وأما الثالثة والرابعة: فالتعهد لموضع عينيه، والتفقد لموضع أنفه، فلا تقع عيناه منك على قبيح، ولا يشم أنفه منك إلا أطيب ريح.
واعلمي يا بنيّة أن الماء أطيب الطيب المفقود.
وأما الخامسة والسادسة: فالتعهد لوقت طعامه والتفقد لحين منامه، فإن حرارة الجوع ملهبة، وتنغيص النوم مغضبة.

نصحت سيدة من سيدات العرب وهي أمامة التغلبية ابنتها أم إياس بنت عوف وكان ذلك قبل زفافها، فقالت لها:
"يا بنيّة لو كانت الوصية تترك لفضل أدب، أو لتقدم حسب، لزويت ذلك عنك ولأبعدته منك، ولكنها تذكرة للعاقل ومنبهة للغافل. يا بنيّة لو استغنت امرأة عن زوج بفضل مال أبيها لكنت أغنى الناس عن ذلك، ولكن للرجال خلقنا كما خلقوا لنا. يا بنيّة إنك فارقت بيتك الذي منه خرجت، والعش الذي فيه درجت، إلى وكر لم تعرفيه وقرين لم تألفيه، فكوني أمة يكن لك عبداً. واحفظي مني خصالاً عشراً يكنّ لك ذكراً وذخراً:

جاء عن النبي (ص):
"ايما امرأة رفعت من بيت زوجها شيئاً من موضع إلى موضع تريد به صلاحاً إلا نظر اللَّه إليها ومن نظر اللَّه إليه. لم يعذّبه"1.
عن الباقر (ع): "ايما امرأة خدمت زوجها سبعة أيام أغلق اللَّه عنها سبعة أبواب النار وفتح لها ثمانية أبواب الجنة تدخل من أيّها شاءت"2.
وعن الكاظم (ع): "جهاد المرأة حسن التبعّل"3.
وفي الحديث:
"ما من امرأة تسقي زوجها شربة من ماء إلا كان خيراً لها من عبادة سنة صيام نهارها وقيام ليلها"4.
1- 2 ميزان الحكمة،
3- الكافي،
4- وسائل الشيعة،

يا نساء تعلموا ما يفيدكم في دنياكم وآخرتكم وبدل تعلم الطبخ غير المفيد تعلموا أسس التغذية السليمة وتركوا عنكم العادات والتقاليد البالية

احسنت اخي افضل تعليق لحد الآن
المهم أن يتعلم الشخص سواء كان رجل ام امرأة اسس التغذية السليمة وحاجة الجسم من الغذاء بدل تعلم فنون الطبخ غير المفيد وبدل اكل الموروثات من الاكلات الشعبية
الآن بدأ الوعي بالانتشار والاهتمام بالغذاء المفيد للجسم والتقليل من الاطعمة المتوراثة مثل الارز والخبز

الله يخلي المطاعم ترس الديره الطبخ مو ضروري للبنت اهم شى تحافظ ع زوجها وهو يحافظ عليها ويصرف ويصرف عليها فهمتو

الله يدوم عليكم الفرح

وقليل ما هم هالايام. الله يخليكم لبعض وحطها بعيونك

المرأة اليوم تعرف تطبخ وتنفخ وتكشخ وتشتغل داخل البيت وبره البيت وسواقة ومربية ومعلمة وخدامة وتصرف من حر مالها عليه وعلى عيالها وزوجها وبعد مو بان في عين ها المجتمع وتبون الرجال قاعد رجول على الرجول وتصرف على شيشته بعد واهو معفن سنه مو متسبح

من أقرأ التعليقات أعرف طينة بعض الرجال وللأسف غالبية النساء
من تسمح بمساعدتك أعرف أنها تذمك في المواقع
يا من لا تستطيع أن تدفع تكاليف أي شي أستغن عنه ولا تسمح لها بالتطاول على الرجال، فشلتونا
هذي تعطيك فلوس لأنها تبي تكشخ تالي تذم الرجال
مافي أحد قليل أدب نفسهم
ليش مايعايرون أمهاتهم وآبائهم، لا أهلهم
يا نساء لو كان صدقة مو مساعدة لما جاز لكم ان تتبعوهابمن أو أذى
زوجك ما يسبح تفاهمي وياه وترى سبح ريحة الشيشة ما تروح الأفضل ما يشيش

تدري ليش يقولون هالكلام لأن رغم كل ما تقدمه ما في تقدير بس ذم و انتقاد ، ، المرأة محتاجة ان الرجل يقدرها
مو معقول المرة تحاول تقدم كل شي و طبعا هالشي على حساب راحتها و صحتها لمصلحة بيته و اولاده و بالاخير ما تسمع منه غير النكران و الانتقاد لها

انت تنصح من ماياخذ فلوس والا ياخذ فلوس الزوجة ويصرفها على بنات للعبه مايحس ولابيسمع اي نصيحه

الحمد لله بناتي علمتهم الطبخ أمهم من الابتدائي الإجازة الصيفية عليهم الريوق والعشاء وبعض الأحيان الغذاء ع التعلم من الصغر مو اذا شاب وده الكتاب

يعرفون يطبخون بس للفشار لربعهم وتجماعتهم بس الزوج مسكين يلحس بقايا الطباخ
ومن قال نسوان الاول ما بشتغلون شغلهم اكثر من الحين يخيطون ويسفون ويحلبون البقر
ويدقون الحب ويشحنون الماي ويجمعون الحطب والتمر
وتالي يكشخون بالمشموم ودهن السلام ويقعدون يسفون في هالحصر والزبلان والسلال
ولا تهرون انكم من احسن نسوان الاول
واولادهم طلعوا دكاترة
الحين ما في الا فشاركم في التدريس والطباخ بس للسناب شات

بالنسبة لي زوجتي تطبخ أحسن من أمهات وأجداد أجدادنا وبشاهدة كل الأهل والمعارف ،وتكشخ و.... ، الله يحفظك أم علاوي ويوفقك لما يحب ويرضى.

مشكل الحمد الله على كل حال اطبخ وانفخ ومايبين بعيونه حتى سمج اصفطه وماطلب منه شي ومافي تقدير ابسط حقوقي مصرف ماحصل يقول لي ماعندي الا عشرة دينار واذا ماتبينها باخدها ويبى وحده تكشخ وتلبس ماركات اذا انت ماتعطيني واكشخ بالي يشترونه خواتي وقايمة بشغل بيتك ومن النادر تاكل من مطعم بعد تتفلسف ليش ماقول الا مالت على حظي الردي

زوجي يقول حلات المره ريحتها طباخ ورديت عليه ان الرجال عامة يقنعون المره انها بدون مكياج احلى وانها حلاتها تطبخ لين ما تتعود على هالستايل وتبتدي تقتنع انها تدفن نفسها في المطبخ والجلابيات وحتى صالون ماتروح وبعدين تصيده يحاجي وحده عمرها 20 وماتعرف غير الكشخه والمكياج والعطور ولين قالت له ليش؟ يقول انتين ماتهتمين فروحش (للأسف واقع وشفته قدام عيني )

صادقة والله

الكشخة كلها كريمات و بودرات مادري وشصنعتها من مواد ضارة سرطنة نساء البحرين اما الطبخ الصحي و الاكل الصحي ما بسبب السمنة المفروض بعد هجمة الامراض الخطيرة المرأة تنتبه وتتطور بعمل الاكلات الصحية اللي تفيد وتغذي و تقوي مناعة الجسم ليها و لاسرتها اما الكشخة تقصر العمر وما وراها الا الفقر و خسارة فلوس وقلة الاكل الصحي البيتي يؤدي الى الهرم المبكر للمرأة وافراد الاسرة

إلا يقولون نسوان الأول يعرفون يكشخون
نبي الجواب من الأزواج مو الأولاد
لأن لو سألت الحين أولاد هالزمن
بعد بيقولون أمهاتنا كشخة ويطبخون
ههههههههههه

المراة البحرينية فاقت شامبو برت بلاس 2 في 1 .. وا صح التعبير المراة البحرينة طحين متعدد الاستعمال

ولد زويد
الحمد لله رب العالمين
زوجتي تجيد الطبخ وتتفنن في الطبخ وتكشخ وتتزين لي فقط

حافظ عليها .. و نتمنى أن يرعاها و يرعاك الرحمن بعيونه التي لا تغفوا و لا تنام .. و يبعد عنك الحساد ذوي العيون الحاره و المالحه .. و تجهز لسهام المتطفلين التي ستنهال عليك من كل حدب و صوب

ولد زويد
شكرا من القلب على الدعاء
والحافظ الله سبحانه وتعالى

اي طباخ همها كشختها وطلعتها ,و اشتغل النساء و شاركن أزواجهن في التجارة حرصا على الدنيا و علت الفروج السروج و يشبهن بالرجال فحينئذ عدوا أنفسكم في الموتى و لا تغرنكم الحياة الدنيا

لان الكشخة واجبة على المرأة والطبخ ليس واجبا عليها وليست ملزمة به المرأة التي لا تطبخ لا ينقص من قدرها كأنثى

صح لسانك

لاتعرف تكشخ ولا تعرف تطبخ

المشكلة النساء يريدون الرجل ان يعمل ويطبخ وهم قاعدين

اني وحدة مااحب الطبخ صراحة ولا من صوبي المطاعم واكيد اكشخ واتزين هذا اهم ع الأقل الكشخة بتريحنا نفسيا وأما الاكل والطبخ بسبب لينا سمنة واكتئاب وامراض

اذا كان الأكل من برا اما اذا كان من البيت فبكون غير

اني مااطبخ ولا أحب اطبخ ولا اروح مطاعم والبركة في زوجي حبيبي يعرف يطبخ عنده بس اهم شي اكشخ والتفت له وخلاص

كلام وآراء لا تغطي ولا تراعي الاختلاف بين الماضي والحاضر فالظروف كثيرة والاسباب متعددة لعدم تمكن الزوجة من الطبخ ومعلوم شرعا أنه ليس بواجب عليها ذلك بل تفضل تثاب وتؤجر عليه .. الله يخلي أمهاتنا وأخواتنا وزوجاتنا الكريمات فهم نعمة لا تقدر بثمن.

ماعندكم سوالف غير المرأة ما نشوف أسئلة عن الرجل الا ما ندر!

عجل حسابات الطبخ الي في الانستغرام مال منهو !!
الصراحة اذا تصير تجمعات كل وحدة تجيب طبخة والبنات كل وحدة تتنافس ان طبختها احلى ..
حتى الي ما يعرفون يطبخون في عندهم قابلية ورغبة للتعلم مو نفس قبل ..
هذا الي اشوفه وشكرا

بالعكس احلى شي الطبخ و التفنن فيه

لا احد يستطيع أن يوهمني بأن لزواج أحلى و أمتع من حياة العزوبيه ألتي تجعل صاحبها يتمتع بطولة العمر و الصحة و العافيه..النوم على رمال الشواطئ البيضاء و الكل يتسابق لخدمتك و حملك على كفوف الراحه و تقديم كل ما لذا و طاب أمامك بغض النظر عن الإنغماس في المحرمات

هههه ماعندك سالفة لا نوهمك ولا شي ترى الله سبحانه وتعالى يقول واهل البيت بعد اذا عندك اعتراض على رب العباد وتشكك في احاديث اهل البيت فشي راجع لك خلك على الرمال البيضة مااحد حاول يقنعك بشي هو اساس وجود البشرية وهو شرع من الله سبحانه وتعالى زاذا عندك اعتراض اعترض على رب العباد سبحانه وتعالى

تكشخ وتشتري ماركات وعندها شغالةوما تدري عن الاولاد وسيارة ومطبخ مجهز بكل الاجهزة وبعدين ما تعرف تطبخ بيض مقلي هذا اسميها زوجة !

هذا الواقع صراحة ????????

ردك في الصميم
اللي تضحي وتطبخ وتكرف ماتتوفر لها ولا شي من الرفاهية المذكوره
لها ثواب والجنة

ما ادري ليش دائما يقارنون ترى المرة اليوم بعد تسوي اشياء ما كانت المرأة في السابق تسويها فما كانت تطلع للعمل 8 ساعات و لا كانو يدرسون عيالهم كل مسؤليتها البيت و الطباخ و بس و لا عندهم كشخه و لا هرار كلها اذا بتكشخ صروال قيطان و مشموم في شعرها و كحلة

احنا نتكلم عن الخرامة

اخويي ندري ان مواقع التواصل الاجتماعي ماخلت شي الا وتعلمه للناس. لكن موضوع اليوم عن الكسل والخمول ويش الفايدة يحطون في الانستغرام وما فيه عمل

المرأة نص وكل وبعض المجتمع ؟؟ نصه اذا شاركة الزوج في التربية والبيت والعمل, هي كلة اذا تحملت وحدها تربية وتعليم وطبخ ونفخ وانفاق على البيت , ربعه اذا اهتمت بأشياء ثنوية واهملة بعض من واجباتها , لاننكر هناك زوجات لاتقدر بأكثر من 1% فقط وهناك من هي افضل من 100 رجل يدعي انه رب ربت وينفق ويعمل وفي الاخير كل هذا ولايعجبه عمل امرأه ؟؟!! اذا تعدلت قال لمن تتعدلين ؟! وان اهملت ولو بالصدفة او بأمر خارج عن سيطرتها تحلطم وخرج ليبحث عن واحد تكون على هواه !!عجبنا منا نحن الرجال ؟؟ وفي الاخير هو لاشكل ولالبس

سكن مستقل؟!

لين واحد تقدم لها ام مشمر تشرط هي واهلها سكن مستقل؟! وهي ماتعرف اسوي استكانة شاي مو مجبوس ؟! ولين بنى زوجها بيت تبغي اكثر من مطبخين وطول السنة يا الله تسوي بيض. الله يطول بعمر امهاتنا مطبخ لونه اسود من دخان البابور وتعال كل اكلاتهم الطيبة. فديت تراب رجولك يا يمه

الحين مافي بنت ما تعرف تطبخ .. الله يخلي الانستقرام البنات تتفنن منه ..

اي باين نص البنات مايعرفون يسوون بيض مفيوح

ههههه الله يهديك توي مسوية بيض مفيوم للريوق واسوي اومليت واسوي محاشي وباستا واشيا واجد واني طلعت مت بيت ابوبي مااعرف اسوي شي ما تعلمت لا تعممون اذا زوجتك جذي فانت صار رزقك جدي اعرف بنات يشتغلون في بنوك والله تقعد الصبح تسوي ريوق لاولادها وتأكلهم وتسوي ساعات نجتس وهمبرجر اني استغربت بعدين اكتشفت امهات واجد جدي المشكلة اذا شخص صاده موقف عباله كل الناس مثله يعانون كثير من العوائل عايشين مرتاحين مو شرط اذا انت مو مرتاح وعندك خلل بحياتك يعني الناس مثلك

صدق في بعض الازواج يحبون الزوجة كل رغبات ولايطلع كاشخة مو كاشخة لكن طلعي وياه عيونه تحوم حول الكاشخين مايعرفون هالنظرة ويش تالي في الاخرة عقابها

بنت الفردان

وين الاقيها هذي البنت اللي على قولتك تلتزم بترتيب البيت وتربية الاولاد وتكشخ للزوج وتهتم به؟؟! الظاهر تتكلمين عن امهاتنا الاوليين. الله يرحمهم ميتين حيين

الطبخ اليوم ليست قضية كبرى.أذا كانت زوجتي موظفة او تذاكر مع الأبناء فلا داعي تحميلها اعباء الطبخ الا اذا هي ارادت ذلك فلا مشكلة عندي . على فكرة اليوم الكل يعلم ان اغلب الوجبات من خارج البيت فما المشكلة.

خوش نفرة انته.. هئي الرجال اللي تفهم..يعني فوق تعبها اتعاب..الرجال اللي يقدر غصبا عنش بتطبخين ليه..
يعني وضع الزوجين المتزوجين يحتاج لتفهم من الطرفين في مسالة الطباخ..بس عن نفسي احب اطبخ

مرة المدام شافت الملح زايد على الربيان قامت غسلته في نص الطبخة الله يهديها

هههههه عادي الحياة تجارب

هههههه علمها هالطريقة مرة ثانية اذا شافت الطبخة مالحة تحط بطاطا وبيخف الملح

الله يخلف علينا في الآخرة
لا تكشخ ولا طباخ ولا حتى مساعدة من الراتب

يخلف الله علي ... اعرف أكشخ بس بعد الكشخة يبي لها فلوس مافي حاطه حرتي في الطباخ و اطباق الحلاوة ههههه

المفروض العنوان ينكتب شديه
تعرف تكشخ للناس ما تعرف تكشخ للزوج.
هذا الي صاير الأيام معظم النساء ما يتعدلون الى أزواجهم. لا المراة الدارسة ولا الجاهلة. والسلام

بالعكس كثير بنات فنانات يطبخون التقليدي و يطبخون طبخات حديثة ما كانو يعرفونها امهاتنا ، ، و مو غلط انها تكشختبونها تقعد مبهدلة ؟! بعد بينتقدها ابو صروال و فانيلة و بيدورها حجة يعرس عليها

التربية هي سبب هذي الفوضه بالمجتمع ،،
الازواج الاعتماديين والذين لا يعرفون الا المباريات والطلعات ،، والمعرفة من الدين قشوريات فقط لا بواطن .
والزوجات اللاتي لا يعرفن غير التظهار والتباهي ولو على نفسها ،، ومعرفتها بامور الحياة القليلة .
الرجل لا يعرف من الدين الا ما يواطن رغباته ، والزوجة لا تعرف من صعوبات الحياة الا يتناسق مع متطلباتها .
الرجل: (الزميلة متكشخه و الزوجة خدامه )
البنت :(تحرق الفلوس على التباهي والزوج مو مهم تراعية )
لازم المجتمع يعيد ترتيب افكاره وقيمة

الرجل لم يعرف من الدين الا الزواج المؤقت ههههه و هذا مشكلة ..

شدراج؟؟؟؟؟

هذا اللي تفكرين فيه وشاغل بالك كأن الحياة مافيها أمور ثانية غير الشهوات .

مو شاغل بالي .. بل هو موضة في هذا الزمن
زمن السقوط الأخلاقي بامتياز ..

القصد مو الكل اختي

قصدي مو الكل واكو اخواني لصغار توهم مزوجين والصراحة ونعم الزوجات وشايلين شققهم وبيت الوالد. ووحده منهم موظفة. وتجبر اخواني يساعدونهم

اذا بعد تقولون نسوان اول يطبخون
اكيد بيطبخون لاعليهم تدريس ولاشي
بس القليل منهم

الا تعرف تطبخ وتكشخ وتتزكرت بعد في هالزم طاغي فن الاتكيت تقديم الطعام برتابه وذوق واللبس بعد برتابة وذوق

درزن سنة؟؟!

اكثر من 12 سنة زواج وفي بيتي مطبخين ونص.و ما اشم ريحة المجبوس وغيره الا ايام الجمع عند الوالدة الحنونة. لا والقهر بنات الحين يشرطون بيت مستقل. على ويش على خرامتكم. ولين حاجيتهم قالوا انت ماتحاتي الا بطنك وتلفومها متروس بارقام المطاعم؟!

والله الرجال الا مرتاح مجود تلفونه ويتأمر
والمرة قايمة بشغل البيت
اني عن نفسي قبل لااتزوج مااعرف اطبخ ومن تزوجت من اول اسبوع طبخت واعرف اطبخ عدل من صعابة الطباخ

والله انا اشوف انكم تعبدون التراث نسوان الاول ونسوان الاول بعد من وين نسوان الاول كشخت او عرفت شي ما عندها الا الدراعة والثوب ولا كل نسوان الاول نظاف ولا كل نسوان لول ربت بالعكس نساء هالزمن افضل واكشخ واعقل واصبر نساء هالزمن ام وعاملة وطباخة ودريول وكلشي اولاد الاول يربيها المجتمع واولاد هالزمن تربيها ام فقط وهي تعمل وتصرف وتجاهد ورجال هالزمن همها في اللعب وقنوات التواصل والقهاوي ومعظمهم عاطلين ليش ما يتبادلون الادوار ...كل الاحترام لسيدة هذا الزمان المجاهدة ام الابطال

اه يا زمان الردي ، الي خل الرجال نعامه في بيته والمراة فرعون

بالعكس المراءة اليوم تطبخ احسن منا احنا نسوان زمان من الانترنت أومن الكتب تطبخ طبخات مبتكرة ب دل طباخنا احنا التقليدي

الحمد لله كشخة و طباخة والكل يشهد ولكن بعض الناس بس يبغون ينتقدون البنت البحرينية

اشوف حاطين بس على المرأة ليش ماتخلون مواضيع عدلة ليش تخلون الناس تحمل ذنوب ناقصين احنه ذنوب لو فالحين بس في جذي اقول الدنيا قرّبت تنتهي كل واحد يتلاحق عمره ويعدل من نفسه وتركو عنكم هالمواضيع اللي ما وراها غير النميمة والحش في خلق الله
استغفر الله ربي واتوب اليه

هههههه في البدايه هذا مو حش ولا نميمه لان كل واحد بيقول رايه في الموضوع ومحد قال بنت فلان ما تطبخ قالو شنو رايكم في الموضوع ويعطيش العافيه

تحولت انا شخصيا لطبخ الاسرة, وفي اليومي الذي لا اطبخو فيه اتعرضو للتعنيف والاعتداءات اللفظية بدعوى انني عامل وهي مدرسة ليس لديها الوقت على الرغم من انها ما درست الا بفلوسي افكر اطلقها وارجع لحية العزوبية احسن اليي

أنته املاء ما تعرف تكتب كلمتين على بعض ما اعتقد تقدر تعيش بدونها اكيد راتبها هو اللي معيشكم

انا جامعي وقريب بتخرج وعندي اخطا املائيه مو يعني شخص طايح حظ فهمت يا فهيم ولا تحكم على الناس لانه املائه غلط

الله يساعدك على هالحالة جذي نسوان ويع لو اني رجال جان ليي تصرف وياها ترى انا بنت بس اكره شي عندي اشوف رجال جذي وزوجته سويه طرطور او تتحكم فيه هالنوعية شلون تكون مشاعرهم هل تحس بالسعادة غريبين والله احس لازم تحسسين بالزوج ان كل شي بحياتش عشان يستمر العطاء بينكم ويحس بوجوده لااحد يدش عليي ويتفلسف ويقولماادري ويش ترى كثير من الرجال اذا قدرتينه يقدرش ترى الدنيا للحين بخير

اني اعرف اكشخ وماعرف اطبخ بس مو معناته سيئه , كاني اتعلم الطبخ بس ماعندي مطبخ , واساساً الطبخ وهالاشياء مو ملزومه اتعلمها واسويها ..

يعني الكشخه انتي ملزومه بها !!!! هذا انتون بنات هالزمن الكشخه والنفخه حق الناس تتبصبص

اكو كتبت اني اتعلم الطبخ يالاحول

كل زمان في الإيجابي وفي السلبي ومثل مافيه بنات الحين ماتطبخ في السابق بعد في نساء كانت ماتطبخ والدليل عمتي من الجيل السابق لكنها لاتجيد ولاتحب الطبخ والكثير من بناتنا الحين فاتحين لهم مشاريغ تدر عليهم الرزق من الطبخ لايمكننا التعميم لاعلى الجيل السابق ولا الجيل الحالي

يعتمد على الأم

اذا كانت الزوجة جاية من بيت كل الاعتماد على الأم والخدامة وماتسوي شي في بيت ابوها شي اكيد بيتعب الزوج وياها. لان الأساس كان في بيت ابوها كانت كسلانه وحاطين في راسها ان هذا مو من واجباتها

مو شرط انا جاية من بيت امي ماترضى نسوي شي اابدا كل دراسة لكن يوم خواتي تزوجوا قاموا يسوون كل شي وحتى الطبخ تعلموه اختي صارت فنانة بالطبخ وتسوي كيك ومحاشي وباستا ومجابيس اشيا لذيذة راحت دورات وتعلمت يعتمد على الشخص اختي تقول حرام اخلي اولادي كل ياكلون من برة مو زين واختي الثانية نفس الشي حتى الفليه والبرجر تسويه ليهم بالبيت مع ان متوفرحتى اقول ليها شاقية روحهم تقول اصح للجهال فمو شرط اذا جت من بيت ما تسوي شي تطلع خايبة وما تعرف تحتاج تتعلم والاساس الحب والتفاهم بالنهاية هي تسوي لزوجها واولادها

الأفضل نقول البعض مو الكل تعرف تتبرج وتطلع متبرجه وتظهر زينتها خارج البيت وإذا مرت بالآية الكريمة التى تنهى عن التبرج تغمض عينها هذا إذا مداها تفتح القرآن. . أسأل الله لهم الهداية.

السبب هو المدارس الخاصة، لانا في المدارس الخاصة لا يوجد تعليم مواد مثل الاسرية و طبخ و الاشياء الاساسية للمراة

تعلمت في مدارس حكومية لكن ما تعلمت الطباخ و لا اي شي من فنون ادارة البيت من المدرسة الحكومية و انما تعلمتها من مدرستي الغالية امي الله يحفظها و يعطيها الصحة

اللي يسمع بيقول الطباخات الماهرات متعلمين طبخ من المدارس! محد تعلم الطبخ من المدرسة!

صح بس تبي تكشخ وتكشت ماتبي تطبخ تحسب الزواج بس كشخه وطلعه ماتدري مسؤليه وخاصة فتيات هالجيل اب

صراحة دي حقيقة تعرف تكشخ وماتعرف تطبخ.لكن الطبخ مو شرط من الشروط اللازمة عليها تعرفها.وافضل الطباخين في العالم يبقون الرجال بلا منافس.واما من ناحية المقارنة بالافضلية التعلم انها تتعلم تطبخ بدال ما تكشخ على الفاضي على الاقل الطبخ يفيدها ويفيد غيرها.والبنات مو كلهم جدي

اليابان

المفروض يكون هناك نوع من التعاون بين الزوجين وخصوصا إذا كانت الزوجة تعمل. في اليابان الزوجين يعملون ولكنهم مايعرفون الخدم ونادرا المطاعم. اما عندنا وخصوصا المرأة للاسف هناك خمول واتكالية. لكن في كشختها للاعراس والعمل تهتم اكثر

هذا كلام صحيح بس لاينطبق على الكل لان المراة الآن تعرف حقوقها الشرعية بيعكس السابق ولكن فى الوضع الحالي لايوجد تعاون بين المراة ورجل لان الرجل في السابق يخرج لعمل وليجلب مستلزمات المنزل والمرأة كانت تستلم المسؤولية المنزلية .

من حقها تكشخ الله عطاها الجمال الانوثة حق الرجل يدللهاويرتاح اذا راها انيقة الطباخ مو مهم اهم شي اهتمامها في مظهرها

مانعمم على الجميع البعض منهم

1 2 3 هجوم يا المحرومين

جب

شي اكيد

الحين بيطلعون لينا بعض البنات وبتقول والله مو واجبنا نطبخ والشرع يقول مو واجبنا . يعني انتشار المطاعم من ويش غير من كسل وخرامة نسوان هالزمن؟! لا والقهر تبي قي البيت مطبخين و3!!؟ الله يرحم امهاتنا مطبخ واحد وتسوي وجباتنا كلها على بابور وبدون مكيف...

طبعا اصابع اليد مو سوى وانه الحمد الله زوجتي ماعليها قاصر قايمه بواجبها في جميع المجالات من تربيه من طبخ من تدريس للأطفال من كشخه .. علاوة على ذالك انها تشتغل .. يعني مو عذر ان اذا الوحده ماتحصل وقت فتقصر في جانب من الجوانب .. وانما تحتاج تنظيم الى الوقت بالاضافة ان مساعدة الزوج لها ضروريه مو عيب ولا غلط اذا ساعدها الزوج في عمل المنزل

راحت نساء همها في عيشتها .. وجتنا نساء همها في كشتها
مع تحيات : البحارنة

من رايي ان كل ما تقدم الزمن الناس يزيد الجهل عدهم والبنت الي ماتوفر الدينار على زوجها المسكين هادي لاخير فيها
يعني الا مابتدش المطبخ هادي ويش هادي مو كفء للزواج

متقاعد
مع الأسف بعض البنات لم تقول ما بعرف اطبخ في بيت الزوج و امام العمة و خوات الزوج هي تفكر بأن هذا الكلام كشخة و لأنها راقية وهي لا تعرف بأن بهذا الكلام تعطي فكرة سيئة عنها و عن أطباعها و تبدأ المشاكل مع خوات الزوج و التحريض عند الأم ووووووووو.

أنا زوجتي أذا بتسوي بيضة تخلص نص الشيتة هاه يا فلانة أستوت هالبيضة ؟ أصبر أشوي يا الله جاية! وهيه خامرة في المطبخ وبعدين أروح إلا عندها حرب ويا البيض وحدة محترقة أو وحدة أنفقشت في الأرض أو وحدة هيه بلقشور في المقلى وين نسوان أول صدق نسوان

وإلا ما تعرف تطبخ ولا تكشخ ؟؟!!

راحت نساءً همها في عيشتها وجتنا نساءً همها في كشتتها ، وين نسوان أول وألحين فرق السماء والأرض ألحين همهم الطلعات

راحت رجالٍ ترفع الدروازة
و جتنا رجال المطنزة و العازة

الصراحه ما عرفنا ليكم انتون يا الرجال احلين تبون المرة مثل هالممثله ومثل هالمغنيه وتبونها كله امكشخه وحاله والحين جايين اتعيبون انها ما تعرف تطبخ والله الي يبي الشي يتنازل عن شي ثاني خب المرأة مو فل سيرفز علشان ترضيكم وانتون كل واحد دبته شبرين وصروال مقصوض بعد

والله هالجيل لا تعرف تكشخ ولا تطبخ ما أدري شنو يعلمونهم في المدارس يعلمونهم كيف تنافس الرجل وكيف تسترجل يمكن !

نفس اللي عندي بالضبط تعرف تكشخ ماتعرف تطبخ ????

ورجل اليوم

يعرف أن الشرع حلل أربع بس مايعرف يرضى زوجته

الرجل يكشخ في العمل من اجل الزميلات و في كل وقت و يستخدم افضل العطور او يهمل نفسه و في كلا الحالتين هو دمار شامل
بس شاطر يمدح في السورية و باقي الجنسيات و الاسطوانة نفسها ما تتغير من احباط البحرينية تاج رأسه التي يجب ان يحترمها ..

على الوسط تسليط الضوء على الخلل في الازواج هذه الايام لان تفكيرهم و اهتمامهم ليس في الزواج بل في الركض وراء الفلبينيات و في تايلند و عيونهم مفتوحة على مواقع التواصل و التعارف الغلط و الفيديوهات الغلط الا البعض الذي ما زال ملتزم بالدين

وليش يركض وراء الاجانب ؟ لكل شي سبب .. اولها المهر ومتطلبات الزواج المبالغ فيها بشكل كبير ! روحو شوفو زواج الاجانب لا اسراف ولا تبذير ولا يكلف الزوج الا تكلفه البيت البحرينية .. لازم تعرفون سبب عزوف بعض الشباب عن الزواج بالبحرينيات وليش يدورون اجانب ..

الأجانب زواجهم مو شرعي يكونون علاقة ولين حملت وولدت تالي يتزوجها، وبعد العيال يحضرون العرس
يعني لين طاح الفاس في الراس تالي يتزوجها
والمهر حق من حقوق المرأة ولحد يحط اللوم على المهر

مو كل الاجانب زواجهم مثل ما تعتقد/ين .. ومحد اعترض ان المرأة ليها حق المهر ولكن اذا الشاب ما عنده المبلغ الا تطلبه البنت البحرينية ماليه حل الا يستر روحه بالاجنبية .. الا هي ما بتكلفه كثر ما تكلفه البنت البحرينية

قلنا و نعيد ان الهواتف الذكية جننت الناس و طبعا الزوجة في العصر الحديث تختلف عن الزوجة من زمن الطيبيين لن تجلس في المطبخ ٢٤ ساعة او من الفجر لاعداد وجبة الافطار و الغدا الزمن تغير و الكثير منهن الان فنانات في الطبخ

الحمد و الشكر لرب الخلايق..فقد من الله علي بامرأة كامله و ما الكامل إلا وجهه..و لكن موضوع اليوم ينطبق تمام الإنطباق على زوجة أخي التي ليس لها باع ولا ذراع في معارك الطبخ..با الكاد تلتهم طعامها با لشوكة و الملعقه و تتجه مباشرة لمخدعها تاركة ورأها الأواني ليتكفل هو بها

المساعدة زينة

المرأة ملتزمة بجميع مسئوليات البيت من طبخ و تنظيف و شراء مستلزمات و تربية اطفال و مراعاة الزوج و الانترنت و الانستغرام ما قصر في تعليم الطبخ على الهوا مباشرة المشكلة في الرجل الذي يعرف يكشخ و لا يعرف يعامل الزوجة

ليس واجبا على الزوجة شرعا أن تطبخ..بل يجب توفير خادمة لها والبيت..رفقا بها

انزين ولين ما قدر يوفر يتم البيت زبالة هذا مو منطق من سنوات طويلة امهاتنا ملتزمين بهذا الشي يعني شنو تنظفين شقة بعض الشقق صغيرة نساء يتعايرون ينظفونهم صراحة شفت واجد نسوان جدي يفشلون ويع تروح شققهم سمادة وصخة حتى ما شافت النظافة مرة اذكر شفت فيديو لشقة شخص الشرطة جاية تعتقله بالليل وهم نايمين يوم دشوا عليهم البيت زبالة زيالة بكل معاني الكلمة شنو هالبيت حتى حيوانات ما يسكنون فيه مع ان الشقة حليوة وكبيرة يبين الزوج تعبان عليها اول شي قلته لو زوجتي جدي من زمان طلقتها ترى انا بنت مو ولد

هههاي ???????? اللي تحس الكلم يطبقه
شترد ???? الحمدالله هذا ليس انتقد وليس انتقم بل لمن عقله اكبر من هذا الكلم بما انه ام تتعب بالبيت مع اطفال وتنظيف ودتدريس بس ما تطبخ

والله زمن الحين بعض البنات ما يعرفون يطبخون يعرفون بس مطالب حيب وحيب اشراء على امهاتهم ما يعلمون بناتهم على طباغ بتات هزمن همها علفها