المعلمة والده في السابع والمديره مالها خص كلش اهيه ياها الطلق وولدت واحد في الحمام والثاني سوه لها قيصريه

يعني الناس اللي قاعده تنتقد الموضوع ! المره تره ولدت في مدرسه مكان مستور كله نسوان ! وين العيب ؟ وين الغلط ؟ مو هاي قدره الله . قدر الله وماشاء فعل . يامه في نسوان تولد في السياره تره هاي الحياه يعني لاتقعدون تنتقدون الشي لان حطو مكانكم في موقفها اكثر إنسان يتعب المدرس ! تره طلاب احين غير طلاب قبل اللي كلمن يقدر عليهم .

هذي مدرستنا والله المدرسة اكشن وناااااسة ههههههه اهم شي ضاعت الفسحة وخذينا وقت من الحصة اللي عقبها رياضيات

الحمد لله على سلامتك يا استاذه وسلامة المولودين...سأل الله لكم العافية ودوام الصحة.

هذا حال المديرات المتسلطات لارحمة ولا ضمير انتقام مو ادارة فاشلاااات في التعامل عدا ربعهن الرادارات اللي يوصلون لهن الاخبار والهدايا ويقضون اشغالهن مثل ن ع ع تعرف نفسها

لا اهي والدة فالسابع السالفة مو بسبة المديرة

الحمد لله ع سلامتها وسلامة الأطفال

الحمد لله على سلامتها

المفروض الحامل العامله تعطى اجازه طوعيه بد مرور اسبوع على دخولها الشهر الاخير لتفادي مثلما حدث وهذ حق من حقوق المراه ولا وينكم يا حقوقيين

مافي تقدير و لا احترام للمدرسات
انا سويت عملية في الرأس لإزالة غدة و يومين غبت و داومت بالخيوط في راسي لكن كان اكثر يوم اشتغلت فيه كاني معاقبه على اجراء عمليتي
بعض إدارات المدارس ماعندهم رحمه ولا أعرف السبب

الحمد لله على سلامتها ووضعها جداً صعب مع أنها في مدرسة بنات فما بال عاملات في مصنع براتب بخس ما تقدر حتى تجيب شغالة ولو بتولد في وسط هنود ورجال اذا فيه كلام و حلول تتطبق للكل مو بس المدرسات تعاني إحنا عندنا في شغلنا أمهات في بداية إجهاض تروح تتوسل المسؤلين علشان تطلع ومتحيرات شلون يحطون عذر مقبول للخروج وياها اما طلعوا أمهات علشان ولادة بس المعلمات يفكرون روحهم بس هم تعبانين بقية اللي يشتغلون متنعمين إحنا ننذل علشان 300 دينار مجبورين لحاجتنا الملحة
أرجو من المجلس الأعلى النظر للعاملات والموظفات

تحية اجلال واكبار لهذه الام العظيمه التي لم تأل جهدا حتى يوم ولادتها في ان تمارس أعظم مهنه عرفتها الانسانيه فألف تحية لهذه الام والمدرسه العظيمه والحمد الله على سلامتهاوسلامة الرضعين

كنت اعاني الام الطلق واني في المدرسة ما تكلمت وكملت ساعات دوامي ...رجعت بيتي ومباشرة على المستشفى.كانوا يشفوني اعاني من الالم والتعب والارهاق لكن الانسانية ميتة

غلطانه اختي المفروض تتحركين على روحش ما تنتضرين الرافه من احد.
تبين توصلين رساله انك متفانيه في العمل محد يحس جربت وسويتها وانا مريض بس احساس مافي

الحمدلله على السلامه ومبروك التوائم ويعطيش الف عافيه

الحمد لله على سلامتها يتربون في عز أمهم و أبوهم

انا الولادة تعبتني جدا خلاص حسيت روحي بتطلع وفي ناس الالم مثل اسهال وتولد بسهالات وبدون الم قاتل
الله يستر علينا وطمنوا الشعب الفضولي شصار عليها

ههههه مثلي بالضبط وبعد الولادة تميت بالعناية
الحمد لله على سلامتها ومبروك ما جاها

ماينعرف لكم اذا صرتوا مدرسين تحلطمتوا من الدوام والتعب والكرف واذا صرتوا عاطلين تحلطمتوا بعد !! ماينعرف لكم تبون شغل او لااا ؟؟ قبل ماتتخصصوو بهالمجال لازم تكونون عارفين طبيعة العمل وانا كنت راضية اشتغل مدرس بدوام اوروبا الى الساعه ٤ العصر بس الله كتب لي اصير طبيبة ..الحمدلله

الله يوفقك ويعطيك على قدر نيتج

اي مدرسه

الحمدلله على سلامة الوالدة و المولودين الله يحفظهم ليها ويجازيها خير ان شاء الله يتربون بعزهم ودﻻلهم
اللهمَّ صل على محمد وآل محمد وعجل فرجهم ياكريم

حبيبتي هالمدرسة الحمد لله على سلامتها وإنشاء الله أطفالها بخير .
والله صراحة هالمدرسة تستحق التقدير والتكريم من قبل الوزير فبالرغم من المتاعب اللي تشعر فيها داومت

السلام عليكم ...مدرسة ولدت بالمدرسة!!! ليش هالضجة ؟؟؟خير ياطير. ... في العالم ...تولد المزارعة الأفريقية بالحقل وتولد نفسها وتحمله لبيتها سلاما سلام ... هل تعلمون إنكم قد تحولون حسناتكم للمًدرسة وأهلها وهم يقرأون ماتكتبون وتنشرون عنهم ... والله يجازيهم على صبرهم رفعة الدرجات وهي لاشك إنها إمتحان من الله لطيبة هذه المعلمة وأهلها ..

الحمد لله على سلامة الوالدة والمولود ...كفاح وجهاد بعين الله

صح هذي الكلام كان أمس

هنيئا لتلك الأم المكافحة .. نعم الأم حقيقتا
اسم على مسمى
الأم مدرسة اذا اعددتها اعددت شعباً طيب الأعراق

شيء مبكي والله .. احنا المعلمات نعاني من ضغوطات مو طبيعية .. الوزارة من صوب والمديرة من صوب والطالبات واولياء الامور من صوب ..
عاد ما يفتكرون فيش حامل ولا لا مافي رحمة كل كرف !!!!
الحمدلله على سلامتها

خل تفهم هل وزاره اشلون خال المعلماتمايخلونها تاخذ اجازه وان خذت قصو من هل التزام المغشوش

ليست اول مره .. قبل اكثر من ١٠ سنوات عندما كنت اعمل في مدرسة (..) نزل جنين معلمة معنا في الحمام في الشهر السادس منذ الصباح الباكر و ساعدتها احدى العاملات .. سلامات للمعلمة و مبروك عليها التوأم ....

الحمدلله ع سلامتها وسلامة عيالها

الحمدلله على السلامة. .فعلا المعلمة مكافحة داخل وخارج البيت
يتربون بعز والديهم

نصف قبوركم من عيونكم. صدق محسودين هالمعلمين بس فعلا كل إنسان ليه الظاهر مهنة شاقة تتعامل فيها مع عقول مختلفة لطلاب واولياء أمور. من غير المعلم يحمل شغله الى البيت، حتى حصص فراغه ما يقدر ينجز فيه شغله،ولا من بيعد الانشطة والامتحانات من بيصححها. وفي النهاية بدون تقدير وهناك فئات رواتبها اعلى من المعلم تحترم اكثر من المعلم المكروف.

هذا ليعلم الناس كيف تتعامل وزارة التربية مع منتسببها والجور الحاصل على من يبحث عن لقمة العبش
هذه الأم المسكينة وإن
كانت تشعر بمدى الألم إلا أن الخروج إلى المستشفى محسوب عليها والاستئذان والخروج من المدرسة محسوب كذلك بالدقائق ولا يمكن إنجاز الأمور الخاصة وإلا قامت الدنيا ولا تقعد
تهديد مستمر للمعلمين والمعلمات باستقطاع مبالغ من رواتبهم على كل نأخبر أو استئذان
فليس هناك أسوأ من الحمام تضع مولدها فيه
عموما الحمد لله على السلام والله ينتقم من الظالمين

التدريس رسالة ومن غير المناسب ان تعامل المعلمات بهذه الطريقة المهينة هي في شهرها التاسع على وشك ولادة وبتوئم فلماذا لا تمنح إجازة ماقبل الوضع الموضوع هذا لايمر مرور الكرام في بلد يحترم الإنسان ...عار على جبين مديرة المدرسة وكل المسؤلين في وزارة التربية والتعليم وديوان الخدمة المدنية. ..مهنة التدريس أجلها واكرمها الإسلام فماذا صنع وزير التربية بهذه المهنة

الحمد لله على سلامتها وسلامة جنينيها ويتربون في احظان والديهم

الحمد لله ع السلامة ومبروك قدووم التوأم ( ومن شر حاسد اذا حسد ) يا زائر 165 اذكر الله

الحمدلله على سلامة الأم والمواليد التؤام. ودعائي لهم ( استودعتكم الله الذي لا تضيع ودائعه )

| منذ 5 ساعات 2
وين المجلس الاعلى للمرأة عن هالخبر ، نبغي قوانين صارمة بحق المرأة العاملة ، جزاكم الله خير عطيتونها ساعتين رضاعة و اجازة بعد الولادة ، بعد نبغي اجراءات اكثر لحماية المرأة ، لان انتون أعلى جهة رسمية في البلد لحماية المرأة .
اضم صوتي لرأيك رأي سديد????????

تحية لكل ام ولكل ام عاملة سواء معلمة او وظيفة اخرى فالام العاملة حملها ثقيل ومسؤولياتها اكثر سيما المعلمات

بصراحة المدرسات من يدخلون شهر ٩ وتبدي عندهم مسلسل الاجازات سواء من عند طبيبتهم في الخاص او المراكز الصحية حتى لو هي ما فيها شيء وهذا الشيء شفته بعيني فهاي الطريقة ناس تخرب على ناس والمدرسات يستلمون مبالغ وقدرها لا اكذبون ما نستلم صح مقابل شغلكم بس لا تنكرون اللي تحصلونه الله اعينا احنا في القطاع الخاص شلون متلتهين وأنتون المدلعين يا مال الحكومة

المشكله ان الي برع مجال التدريس مايعرف تعبه ومشاقه احنا نداوم لاخر رمق انا لي قبل الولاده بيوم مداومه لان عندنا ذمه وضمير وهالمعلمه فقيره الله حفظها والله يخلي عيالها لها والي مايعرف مشاق المهنه لايعلق لان مايشتغل في الشغل والبيت نفسنا ومع اصناف واشكال وثقافات مختلفه من الطلبه انا مع ذلك احب شغلي والماده الي ادرسها

ما يحس بالنار إلا واطيها
الحمد لله رب العالمين على كل حال

حسوووووودة يا دافع البلا.. اني مو مدرسة و انققققهرت من كلامش يعني ما كنتين طالبة في يوم من الايام و شفتين اي قد يتعبون!!! حرام عليش

اي رواتب الي تتكلم عنهم شكلك جاهل بوزارة التربيه المعلمين والمعلمات من اسوأ الرواتب يبي لك تسال وتتاكد

الصراحة ردش على الموضوع يعد قمة الحقد على المعلمين فاين انتي من دين الله و اين انتي من هذه المهنة التي تعد متعبة جدا حتى ان من يخرج منها متقاعدا يكون شبه مقعد تتناوله الامراض من كل جانب .. فالكل يحسد المعلم على ما هو عليه بينما لا يتناسب ما يتقاضاه على المجهود المبدول لكن لا يتناسب ولا يوفيه حقه

لا حول ولا قوة الا بالله العظيم

الحمد الله للشهر التاسع واني صايمة وتعبانة كنت أدوام وأراقب لجان خاصة فترة الأمتحانات ولا أحد رحمني وفي الاخير اولد في أول يوم من اجازة المعلمين أهم الشي السلامة والضمير في العمل واللي متعود على الشغل مايعرف يأخذ إجازات ويقعد

ي علي جان تجيني حومة لو اولد اول يوم من اجازتي

الحمدلله على سلامتها .. الله يعينها

وين اللي يتشدقون بحقوق المرأة وحقوق المرأة ؟!
وين حق العاملة الحامل ؟
صديقتي تتمنى تچوف طفل وتحمل وتطرح ثلاث مرات بسبب ضغط العمل وعدم الرحمة وعدم مراعاة ظروفها الصحية
ومن النقص وقلة المعلمات يصير ضغط ع باقي المعلمات ،وظفوا الخريجين له

وزارة التربية بمهامعا الكثيرة تنهك المعلم و بشدة و من جهتي كمعلمة متقاعدة أصبحت اليوم شبه مقعدة و السبب النشاط الزاىد و الانهاك بالمدارس لم اكتب هنا لايضاح قضيتي و إنما لاوجه رجاء لوزير التربية بان يضع قانونا إضافيا يرحم به المعلمة الحامل و هو إعطائها الشهر الاخير من حملها إجازة عانينا الكثير بسبب العمل بوقت الحمل و خاصة الشهر التاسع ألا يحق من باب الرحمة وضع مثل هذه القوانين الإنسانية التي تؤكد على مبدا التراحم بيننا و نحن كشعب معروفين بالطيبة لكن ينقصنا بعض الوعي بمثل هذه الامور

الحمد لله ع سلامتها وسلامة المولودان ويتربون في عز امهم وابوهم والي منقهر ع المعلمين ترى لو نخليك حصة وتدرس جان عرفت قيمتنا احنا محد راحمنا الوزارة تبي وتبي ولا تعطي شي ما عندها ميزانية بطبقين شي دفعي ايه معاشنا ما يحتاج والادارة الي تبينا وكل يوم وحضوور ومناوبة ورش وووووو وش نعدد حتى من كثر الضغط علينا صرنا نفكر بالتقد بنموووووت ولا احد يدري فينا تنكت الي تقول معاشنا فوق 700 ما تدري ان الي توظفوا هالمرة معاشهم ما يوصل 400 دينار

الحمد لله على سلامتها الله مسهل عليها

الحمد لله ع سلامتها.. صراحةً حقيقي ان يكون ف ضغط كبيير ع المعلمات الحمّل وما يكون في مراعات وا اجراءات تخفف عنها..
اذكر ايام كنت ف المدرسة ان احدى معلماتي ولدت في الشهر الثامن بسبب الضغط والتعب ومعروف ان الولادة ف الشهر الثامن خطيرة.. لكن الحمد لله ع سلامتها والله يجازيها الخير كانت خوش معلمة وحقانية وتشتغل بضمير

الله يكون بعون كل امرأة عامله..انا عن نفسي توني مارة بتجربة الحمل اثناء العمل وهي تجربة مريرة للامانة..ابتداءا من اشهر النساة والترجيع اليومي في الشغل ..انتهاءا بالثقل وقلة النوم والالام في الاشهر الاخيره وطبعا لا مراعاة ولازم تقضي عمل حالك حال غيرك..وقضيتها دوام لاخر اسبوع في التاسع ..على الاقل يعطون اجازة اخر اسبوعين من الحمل !! بدل هالشحططه الي نواجهها..لو ما الحاجه الكل قاعد في بيته معزز مكرم

الحمد لله على سﻻمتها ومكتوبة ليها توضع بالمدرسة .

ي الله..
الحمد لله ع سلامتها وسلامه المواليد

ترى مو كل مديرة تضبط المدرسة.. اني مدرسة بتي المعلمات لاعبين لعب كله غياب ويوم كلمنا المديرة قالت شسوي اذا هم ييبون عذر طبي !

كلام المديرة صح .. اذا هم يجيبون عذر طبي ما تقدر ترفضه.

الله المستعان

المفروض أن تكون قوانين وتعطى المرأة الحامل في آخر شهر أجازة قبل الولادة لكن للاسف عندنا لازم نداوم لآخر ساعة قبل الولادة وبعد ساعات الرعاية ألف من يطالع إلا عندها ساعة رعاية

لا إله الا الله

ألحين المسكينة كفاية والدة في دورة المياه الناس خلوا الموضوع الأصلي وهو أن الأطباء ما يعطون أجازة حتى لو كانت فيها آلام الولادة لازم تولد أول وبعد المدراء ما يعذرون الا قولوا صبوره ومسكينه لأنها بكر ما تعرف للآم الولادة بس قولوا الله يحفظها ويحفظ الأطفال

الحمد لله على سلامتها وسلامة المواليد ويتربون في عزهم ودلالهم

الحمدلله على سلامتهم، أي موظف أو موظفة صحتهم أهم من الشغل، فلا تتردد أي لحظة للذهاب إلى المستشفى أو البيت في حآل التعب أو أي عارض غير مريح.
والله يسلم الجميع
الصحة من الله لا أحد يفرط فيها.
أماكن العمل أول ناس تتخلص من الشخص العليل، فصحتك أهم شيء.

ولدت مبكر وين المشكله والحمد لله على السلامة

الحمدلله على سلامة الوالده والمولود الله يسهل للجميع

تحية إكبار و اجلال لهذه الأم ..و ألف الحمد لله على سلامتكم

اول شي الحمدلله على سلامتها
والي يقول المدرسات مكروفين المفروض بس حصتين اقول لك اسكت وخلهم ينكرفون يستلمون رواتب تصك ٧٠٠ وفوق وتبي بس ساعتين تشتغل ف اليوم خلهم يحللون رواتبهم
ويشتغلون بضمير ليش صارو مدرسات اذا يبون يدلعون

منبطة جبدش من المعلمات

شنو هالحقد على المدرسين جرب او جربي تدرسين يوم واحد وشوفي شنو التعب والجهد بعدين تفلسفي

ومن قال ليش اذا المعلمة عندها حصتين معناتها بس تشتغل ساعتين وراها تحضير وطباعه ولجان وانشطة ...شكل قلبش شايل على المدرسات ياانش كنتين حدش متفوقه او كنتين تحلمين تصيرين مدرسة

رد سخيف بصراحه ..و لا يكون ال 700 من مخباتك؟

احلف بس لا لا احلف ابغيك تحلف عشان تصدق الكلام الي تقوله ويع زادوا المرضى النفسيين يا كافي الشر الاول محبوسين في المستشفيات احين قاموا يطشرون من مكان لمكان
كل انسان بالحياة اليه احترامه سواءا المدرس والا غيره وهم يشتغلون على حسب المتعارف عليه فلا تتفيرخ واجد وعليهم بالعافية بالساعتين الي يحصلونهم والاجازة والي مو عاجبنه يموت قهر وحسد ترى الحسد يقصر العمر للعلم يعني

يأخذون الراتب من تعبهم وعرق جبينهم ليش ماصرتوا مدرسين

ردك يدل على حقد دفين

الحمدلله و الشكر ..وش هالحقد... تحسب/ين الشغل بس شرح و تصحيح ؟ بس جاهل\\ة معذور/ة

اخي الكريم تخيل روحك مكانهم .. تطالعون هالمعلم على الفلوس و هو اكثر واحد يشتغل شغله في البيت و المدرسة و تمديد دوامهم مجان ..ما يدري المعلم عن اولاده و لا يقعد وياهم و من كثاره هالمعاش اللي تطالعونهم عليه

سنابسيون
والله عيب هالكلام والله عيب استح على وجهك تقول هالكلام لوحده مكروووفه من الوزاره ومكروفه من المدرسه اهم الحمد لله على سلامة الوالده والمولودين

وين يقدرون يشتغلون بضمير اذا هذا ردش!!!
هم بشر حالهم حالش وابسط حقوقهم مهضومة!
حاسدتنهم على هال 700 جان راويتينا شطارتش ودرستينهم نفسهم واشتغلتين!
ماحصلو هالشغله الا طالعه روحهم جان هم بحرينين
بطلي عيونش بس
كفاية عليهم الطلبة قليلن الادب!

الحمد لله ع سلامتها انما وهذا يدل على التفاني و العطاء رغم تحمل آلام الحمل وهذا التفاني لا يوجد الا عند من اخذوا رسالة الانبياء عاتقهم فكفاكم اهانة وتحقير وتنقيص من شأن هذا المبجل عند الله ورسوله وارتقوا بأخلاقكم لترتقي انفسكم فلو قارنا بين أجر المعلم في بلدنا بدولة شقيقة لعرفنا كم هذا بمعلم

مووووووووت قهررررر يبوو ربيتيين ووونص

اقول دامك مو مدرس فلاتتحجه انا معلمه وكل يوم ادش اربع حصص وكل صف داخله ٣٨ طالبه وفي الفسحه عندي دور مراقبه الطالبات و في الطابور لازم اطلع ارتب وانظم التلميذات ماعندي مجال اكل في المدرسه اشغالي كلها اسويها بالبيت من تصحيح و اختبارات وانشطه فلاتحط في ذمتك و ٧٠٠ دينار ولشي مقارنه لساعات العمل الي نشتغله بالبيت والي ماتنحسب شي

أشعر انه يجب إعطاء المدرسات بل جميع العاملات الحوامل اجازة في الجزء الأخير من الحمل

اتفق معاج اختي خصوصا الشهر الاخير

اي والله عانيت اخر شهر من الحمل واني اداوم ومريضه وحالتي حالة كلامك نفس الي كنت اقوله قبل ما اولد اجازتي السنة خلصت واني اخذها مقطعه والله حرام ومستشفياتنا قوانينهم فاشله يقولون اذا قبل ما تولدين بجم يوم نعطيش 3 ايام بس وكل مرة لازم تجين ونجدد الثلاثة ايام يعني اسوي المستشفى مزار بدل ما ارتاح رايحه جايه هالمستشفى عشان يعطوني 3 ايام

الحمدلله على سلامتها اهم شي ما تضرر المولود الاول ولا الثاني والله يسلمهم من كل شر

الله يكون في عونها وعون اطفالها

اذا ما اشتغلت النساء ابوي جيب رجال يدرسون الطالبات في ثانوي وخد بعدين المشاكل الله سهل على المعلمه وولدت بسرعه وين المشكله
الحمد لله على سلامتها وان شاء الله تومها بخير

مافهمنا شيء ????????????

واذا الحريم ما اشتغلوا من يولد زوجتك اذا ولدت ومن يعالجها ادا مرضت

الحمد لله على سلامة المعلمة و هذه فرصة لوزارة التربية ان تعين مدرسات بالانابة للمعلمة الحامل و يرافقونها في الاشهر الاخيرة لمتابعة العمل من تدريس و تصحيح حتى يخخف عنها التعب و في نفس الوقت يستفيدون من التدريب و ما تصير مشكلة للطالبات .

الله يقومها مع اولادها بالسلامة

المدرسات الي علاقاتهم زينه بالمدرسه الأولي جدولهم خفيف و الي ما عندها مصالح مع المدرسه الأولي جدولها طول ايام الاسبوع اقل يوم اربع حصص او خمس في باقي الأيام زوجتي مدرسه و تعاني من الظلم الي نازل علي المدرسات في فتره حملها ما خففو لها الجدول الا بالعكس زادو عليها حصص الاحتياط حسبي الله و نعم الوكيل علي الظالم .
و المدرسين مساكين نفس الشي و كل هالكلام بتطبق بس علي المدرس و المدرسه البحرينين و الأجانب لا حرام هذلين مساكين .

اني مدرسه متقاعده تقاعد مبكر حالتي نفس زوجتك وكان معاشي مايزيد عن 500 دينار وكان نصابي لا يقل عن 20 حصه في الاسبوع و4 مناهج وتربية صف ومسئوله على معمل واني حامل ولما كلمت المديره واني تعبانه واحتاج تخفيف زيدت الحصص 25 وظلموني وقت اللي تقاعدت واللي تقول 700اني اشتغلت 25 سنه وتقاعدت ولا وصل 700 حسبي الله ونعم الوكيل.

نحن في المركب ذااته بس مع احترامي .. احس مبالغة فيها كثيييير 25 حصة ؟!!!!!!!!!!!!!!!!!!!!

صح كلامك هناك من يخفف عنهم و هنااك من يزيد الحمل عليه .. بس مو المدرس الاول اللي يخفف او يزيد ... الجدول من الادارة وليس المعلم الاول .. يعني مثل ما تفضلت اذا الادارة لها مصلحة مع المدرس رح تخفف عنه

المهم الحمد لله على سلامة المعلمة والمولودين

أقروا التعليق من غير تفلسف

المعلمات المنتدبات مكتظه في إدارات التعليم الخاص والمستمر وغيرها بوزارة التربيه والتعليم ، وكل يوم موظفات جدد يتم مقابلتهم للعمل في الإدارات لماذا التكدس في الإدارات وترك المدارس / في الوقت نفسه في نقص في عدد المعلمات في المدارس ، وفي معلمات محتاجه الى راحه من امثال المعلمات الي على وشك ولاده ( ارجوا إعادة النظر في تعين موظفات جدد في الإدارات لأن المدرسه محتاجه لهم اكثر

وين المجلس الاعلى للمرأة عن هالخبر ، نبغي قوانين صارمة بحق المرأة العاملة ، جزاكم الله خير عطيتونها ساعتين رضاعة و اجازة بعد الولادة ، بعد نبغي اجراءات اكثر لحماية المرأة ، لان انتون أعلى جهة رسمية في البلد لحماية المرأة .

نناشد المجلس الأعلى للمرأة بإعادة النظر في قانون وزارة العمل الذي لا ينصف المرأة العاملة في القطاع الخاص .. حيث أن المرأة تحصل على ساعتين امومة في أول 6 أشهر من عمر المولود وساعة واحدة فقط إلى أن يصبح عمر المولود سنة.. والساعتين لا يمكن الاستفادة منها بشكل فعال اصلا وذلك لأنها اول شهرين في اجازة وضع مدة شهرين ..
وعليه فإننا نناشد المجلس الأعلى للمرأة بالتدخل السريع شاكرين ومقدرين جهودكن المبذولة وما تمنحونه من إيجابيات ودعم للمرأة البحرينية .. وفقكن الله لما يحبه ويرضاه

صحيح نطالب بتدخل المجلس الاعلى للمرأة في هذا الموضوع وحماية المرأة العاملة سواء معلمة او غير ذلك وخصوصا في القطاع الخاص مبهدلينه تبهدل

للعلم المدرسة كانت حامل في الشهر السابع و حدثت لها ولادة مبكرة .. نحمد الله على سلامتها وسلامة التوأم

مافي اي وزارة ولا اي قطاع خاص يعطي المرأة الحامل اجازة في الشهر التاسع ... يعني الوضع مو مقتصر على المعلمات فقط.هذا حال كل امرأة عاملة

أحدهم يقول الولادة تمت في الشهر السابع

اول شي الحمدالله على السلامة بعض الكلام يقولون في الشهر السابع هاي زين في السابع مو في الخامس لان المدرسةماتراحمهم لازم يعطون الحامل حصص أقل وبعد في الشهر التاسع إجازة عشان لا يصير مثل هذا الموقف هذا جزاء اله يداوم ولا يغيب مافي على الجمزه لازم تتجمز بقدرونك وبيحترمونك جدي تصير مخلص في العمل بدوسونك ولا ترقيه ولا زياده شكرا على اخلصج في العمل وتقديرج وعلى الوزارة تكريمج

الحمد لله على سلامتها وسلامة المولود .. بغض النظر عن كل الظروف .. المعلمة هي أدرى بنفسها وبالتأكيد الذي حصل خارج عن ارادتها .. الله يعطيها الصحة والعافية وألف مبرووووووووووووك ما جاك يا أستاذة

المفروض تكافيء نظير اخلاصها وكفاحها الحامل لو ماتت فتموت شهيدة . بعض المعلمات بس تنتفخ الدبة خلاص اشتغلت العيارة وراش ولد راعي رزقه يكون حلال البعض مايفتكر

عيب هالكلام ما تدرين بظروف الحامل كله تعب اكيد انتين تعانين من مشاكل اجتماعيه حاده

الحمد لله على سلامة الوالده والمولودين يتربون في عز والديهم

الحين بيجون المعلمات يلطمون

عاد المعلمات يبون جنازة ويشبعون فيها لطم ...
انا معلمة واقولكم ان المعلمات من الثامن يقضونها سكليفات بالاسبوع والاسبوعين... اذا مو قبل ..
طبعا غير السكليفات يوم او يومين في الاسبوع ...
لكن خل معلمة مو حامل تغيب لانها مريضة كان قامت القيامة بسبب الاحتياط

الحامل حالة خاصة
و الشهور الأخيرة الله يعين المرأة الحامل على الثقل مو غلط تاخذ إجازة إذا مجتاجتنها
وواجب الوزارة توفر معلمة

بل بل بل في ذمتش ليوم الدين ورقبتش وبتتحاسبين عليها لان قلتين الحوامل جمعتين الكل اني حملت وتميت صامدة لاخر نفس طلعتينه ما نشتغل ولا نسوي شي الله يحاسبش على كلامش بيتم في رقبتش لا محللة ولا مبرية الذمة حسبي الله ونعم الوكيل عبالش كل من ما يراعي الحلال والحرام وثانيا ليش تفرضيين انها عيارة ليش انتون سيئين ظن سبحان الله يا دافع البلا

ليش التعميم يمكن انتين جفتين وحدة اوثنتين كله ياخذون اجازات بس مو الكل البعض لاخر يوم قبل الولادة يداوم ثاني شي عيب انتين مربية وهذا مستوى تفكيرش واسلوبس

يمكن انتين وربعش تقضونها سكليفات بس اللي نفسي ويكرفون لآخر رمق انقول ليش لاتعممين لو سمحتين احنا نولد بعد رجعتنا من الدوام وفي عينات واجد منا

صباح الخير وتغريد الطير
حمدالله على سلامة الوالده والمواليد
قدر الله وماشاء فعل والولاده تاااتي بشكل مفاجئ متى اراد الله خروج الاطفال من بطنها
ولادتها امر من الله كن فيكون سبحان الله

اي تغيب من المدرسة . تعالو شوفو ويش نعاني نحن المدرسات .احنا مرضى وعندنا تقارير طبية ومن اللجان الطبية مخفف عملنا والكل إذا شافنا من طالبات وعاملات في المدرسة ومدرسات وأولياء الأمور يقولون عنا مرضى بس المديرة تقول كذب . عمية قلب وبصيرة أزادها الله عمى لأن عندها ربع مخففه على ربعها وهم كذابين يقولون لها أخذنا احتياط وهم يعطونه مدرسات الرياضة وهي نايمة. ما ادري متى بتصحي من نومتها العسل وعلى فكرة مدرستنا مو اول مديرة يسون لها شدي ولا احنا ثابتين على مديرة والله يراوينه قدرته فيها

والله اني كنت اداوم اسبوع وعندي الام الولادة ونحد يرحم ، وعقب ماخلص الاسبوع ولدت الجمعة

نفسي بالضبط

طبعا ماراح نسمع او نشوف بالتلفزيون ان وزير التربية راح يطمن عليها ويشكر جهودها وحضورها للمدرسه ع الرغم من مواصلتها للدوام لين الشهر التاسع ولا بحمل ثنائي ...
لله صبرها ولها تحية من القلب حقيقا ولكن عزيزاتي المعلمات الفاضلات صبركن وعملكن صح مهضوم حقه في هالديره لكن تأكدوا ان جهادكم مايضيع عند ربكم ???? نأمل خير لعل الي صار ل هالمعلمة الكريمة يكون فرج لكم ويسون حل لكل الحوامل ...اعني كل المسؤلين الله يهدي ويوفق الجميع

اعظم واشرف مهنة ...بارك الله فيكم وفي جهودكم لتربية ابنائنا قبل تعليمهم .... الحمدلله ع سلامة التوأم ...واتمنى انها ولادة مكتملو وليست مبكرة ... لان المدرسات الحوامل تعطى اجازة قبل موعد الولادة

الحمدلله على سلامتها وسلامة المولود. ..والرجاء إعادة صياغة الخبر ...

بالعكس انا مديرتي كلش كانت متعاونه معاي ومسؤولتي بعد وعطوني تخفيف عمل لان فيني ضغط مرتفع وانا حامل وخذت اجازه اسبوعين قبل الوضع والحمدلله ولدت بالسلامة

المشكله في وزارة التربيه والتعليم ماترحم اذا غابت لمدة عشر ايام من متاعب حمل حولها لجان طبيه واذا غابت لانها قريب توضع وتعبانه خصوم من راتبها شتسوي المسكينه لازم حل هي ماتتغيب الا بعذر طبي من الطبيب نفسه فلماذا تحول الى لجان طبيه يا وزارة

في السابق تعطى المرأة الحامل اجازة مرضية لمدة اسبوع منذ دخولها الشهر التاسع و لكن الان لا تعطى الا قبل موعد ولادتها بأسبوعين .. لذلك تضطر لزيارة المركز الصحي كل يومين طلبا للاجازة المرضية .. و هذا بحد ذاته جهد مضاعف تتحمله المرأة الحامل و التي على وشك الولادة .. و تتحمل كذلك تذمر الأطباء فمنهم من يقبل باعطائها الاجازة المرضية بتفهم و منهم من يتذمر لذلك و لا يرضى باعطائها الا يوم واحد .. بالتالي تتكبد عناء الدوام بدلا من ذل المراكز الصحية ... الله المستعان ... الحمد لله على سلامتها و سلامة التوأم

عدلو كتاباتكم يالوسط .شنو تعتذر عن عدم الحضور.قول تعتذر عن الحضور

يا عزيزي ما كُتب هو الصح وما كتبته أنت هو الخطأ وهو شائع للأسف، فالاعتذار يكون عن عدم فعل الشيء وليس عن فعله، فنقول عن عدم الحضور وليس عن الحضور

الحمد لله على سلامتها وسلامة التوم ويتربون في عز والديهما

الحمدلله على سلامتها وللأسف هذا حالنا احنا الموظفات ف جميع القطاعات لاتوجد رحمة ولا يعطونا إجازة مرضية ولاغيره

نحتاج إلى قانون لتنظيم عمل المرأة، فالمرأة المدرسة والممرضة وغيرها تضطر للدوام إلى آخر لحظة من حملها وبعض المدراء والمديرات لا يسمحون لها بأخذ إجازة حتى وإن طلبت ذلك فتضطر للعمل وقد يفاجئها المخاض في أي لحظة. لا بد من مراعاة ظروف المرأة العاملة وإجراء التعديلات المناسبة، نحتاج لمرونة في ساعات العمل ولا بأس باحتساب ذلك من الراتب دون ظلم المرأة، والحمدلله على سلامة المعلمة المذكورة

ما يعرفون الا اللوم .....كان المفروض وكان المفروض ....مايقولون مخلصة وتداوم رغم التعب

لا نستغرب ما يحدث من مفاجآت في وزارة التربية، فكل يوم تتحفنا بأخبارها التي تعكس التخبط الوزاري، وبالنسبة لما حدث كان من المفترض أن تعطي المرأة الموظفة الحامل إجازة في الشهر التاسع بأكمله ولا تحتسب ضمن إجازة الأمومة... ولكن أين الإنسانية في وزارة تدعي التربية وهي أحوج ما تكون إليها.

غالبا التوأم ينولدون في الشهر السابع او الثامن مايكملون الي التاسع فيمكن مو حاطه في بالهاا ولاده

هنيئا لها بهدا الاخلاص في العمل الله يعطيها الصحه والعافيه ويتربون في عزها ان شاء الله واريد ان اوضح لكم ان الاجازات المرضيه صارت كأنها صدقه من الدمتور اني رحت واني حامل وتعبانه حدي حتي مشي ما اقدر امشي عندي شد قوي قلت الي الدكتوره ابغي اجازه قالت ما اقدر لازم ادخلين على المسؤله اول لانش تشتغلين في وزاره الصحه لماذا هذا التضيق من الاطباء ؟

جريدة الوسط.... لو سمحتون اكتبوا الخبر بطريقة افضل... الاسلوب جدا ركيك.. و مطلعين المدرسة الغلطانة و اصلا هي مو في الشهر التاسع!!!. يا تكتبون عدل يا تمسحون الخبر.

فعلا الخير مصاغ بطريقه ان المدرسه هي الغلطانه بدل مايكتبون عن اخلاصهه في العمل

الحمدلله على سلامتها .. كأقتراح من المفترض يوم حست نفسها تعبانة تاخذ اجازة او في نفس الوقت تتصل بأحد اقاربها او زوجها يجي ليها بأسرع وقت ينقلها للمستشفى بس شكلها ما حست بالالم .... الله يعينها و يقومها بالسلامة
او شكلها خافت من كلام النائبة من مقترحاتها الفاشلة عن تخفيض رواتب الموظفين و قالت اداوم لا ينخفض راتبي

الحمدلله على سلامتها .
وزارة التربية في تخبط كبير فمعظم المدارس تعاني من نقص في عدد المدرسين مما حدا ببعض المدارس الى اعطاء موظفين الادارة حصص لتخفيف الضغط على المدرسين ولسد النقص الحاصل . لا ادري متى سيستمر الوضع على ما هو عليه وهل وصلت خطة التقشف لتقليص عدد المدرسين والطلبة !

توأم محب للعلم ههههه

الحمد الله على سلامتها واتمنى ان اي ام حامل تطلع اجازه قبلها بشهر عشان ما تتعرض لمثل هالمواقف اللي تهدد سلامتها وسلامة المولود

الله يحفظها هي والتؤام ....صدق طريقة عرض الخبر مجحفه بحقها ليش يالوسط ...هذا تقديريكم لجهود المعلم ...الرجاء اعادة صياغة الخبر

الوسط!!!!!! صياغتكم الى الخبر غير موفقة
انتبهوا الى روحكم

هاكو بخلي حصتين الرعايه اللي يازعم عاطيني اياها علشان اروح اكمل شغلي لان بكل بساطة مو عاطيني حتى حصه علشان اصحح فيها دفاتر البنات وبعدين بيحاسبوني لييييش الدفاتر مو مصححه لاتعورون قلبنا بالتعليقات ويتربون في عزه وحمدالله على سلامتها .بس بقول ليكم ويش بيصير بتتصل المدير تسألها صححتين المنتصف ورصدتين العلامات انجيب ليش الاوراق تكملين تصحيحهم بالرغم انها مخليه الاجابة النموذجيه طبعا هلشغلة صارت ليي ولو فتحتون الباب للتعبير عن مابداخل المعلمات لصبح لكم جبلا من الهموم والمعاناة وزارة خرطي

اولا يتربى بعزكم - نقدر جهودكم يالمعلمين و المعلمات لو ان في من كرهونا بالدراسه طلع مو منهم من الراس العود الله لا يوفقه والله يكون بعونكم

غلطانة انش تتخلين عن ساعتي الرعاية .. هذي من حقش وحق طفلش .. لازم تطنشين اي شي فوق مقدرتش وخارج عن وقت دوامش الرسمي .. الادارات الي ما تقدر موظفينها ما ينفع وياها الا جدي

الله يعطيها الصحه والعافيه . حمدلله ع سلامتهم

الحمد لله على سلامتها الف تحيه شكر واجلال هي قدوة بالرغم من موعدولادتها مااتخلت عن واجبها التعليمي الحمد لله على سلامتها وسلامة الاولاد

انسانه تستحق التقدير والتكريم...الحمد لله على سلامتها ويتربون بعز والديهم

مساكين المعلمات من قال نغيب انا في الشهر التاسع غبت وودوني لجان طبية فيداومون للرمق الاخير

صراحة المدرسات لهم كل الفضل والاحترام والتقدير يكفي أنهم مربيات اجيال .وانه مو مدرسه بس كلمة الحق تنقال يدرسون اعيالنا بس مافي تقدير ولا احترام لهم. خل كل واحد يحط نفسه مكان اي معلمة سواء في اي مرحله من المراحل . وثم لو تكلمنا عن الرواتب فهم على هالتعب يأخذون أدنى رواتب . قبل لا تتكلمون عن المعلمات شوفوا كيف يحترم المعلم في اليابان ويقدر.فالمعلم راتبه يفوق راتب القضاة ... الله يرحم أيامنا وكيف كنا نحترم المعلمة حتى لو شفناها برع المدرسة.
تحية لكل معلمة والحمدالله على سلامة المعلمة .

الحمدلله على سلامتها وسلامة البيبي
وهذا يدل انها جادة ومخلصة في عملها
ولو وزارة العمل تتعطف على الحوامل وتعطيهم اجازة قبل الوضع ولو بأسبوع او أسبوعين
لان المدراء كل ما أخذت الوحدة سكليف ذلوها عليه فتطر الحامل انها تداوم بكرامتها

من التعب والدوام الطويل وشغل المدرسه غصب تنهار وتولد قبل يومها...... ارحمونا بأرجاع الدوام القبلي تعبانين والوقت مايكفينا نكمل واجباتنا والدراسه والجسم اصلاً يحتاج راحه ????

من يطّلع على بنود الحضور والغياب وبرنامج إلتزام في المدارس يدرك مدى المعاناة والضغط التي يعانيها المعلمون عامة والمعلمات خاصة، التغيب يعني عقوبة، الاستئذان ممنوع، الأعذار غير مقبولة... الوزارة تتعامل معنا وكأننا لسنا بشرا ولا نملك حق التعب أو التعرض إلى الظروف الحياتية، رحمة بنا فلم يعد هناك تربية ولا تعليم...

مديرة رفضت استئذان معلمة في الشهر التاسع وكانت المعلمة مرهقة بعد الدوام ذهبت للمستشفى الجنين توفى كل شي بيد الله ولكن هذه الكتاتورية ماذا استفادت

يعني افهم من الخبر ان يلومونها لانها داومت للنهايه !!!! اصلاً مافي اعذار للحوامل في المدارس انا وحده كان ضغطي ينزل والمدير ارغمني اجيب لهم رساله من الدكتوره وبما عطيته التقرير قال لي طلعي اجازه بدون راتب وتعب نفسيتي واوقات يقول لي داومي واذا حسيتي بتعب استأذني يعني هذا أسلوب !!؟ وهالمعلمه الله يكون في عونها صراحه حامل بتوأم وكانت تداوم لآخر يوم بدل ما تلومونها اشكروها وكافئوها

الف حمدلله على سلامتها والله يجعلهم من مواليد السلامة????

هضا حال كل المدرسات ..ممنوع الغياب حتى تلد المعلمه وما يقبلون اي اعضار والمستشفى ما يعطون احازة يقولون غير مخولين والحمل طبيعي حتى تلد ..عن نفسي جاني الطلق في المدرسه اتصلوا الى زوجي جا اخضني ..حالنا مزري مع وزارة لا ترحم ...

مدرسة و تتكلمين بالضاء ???? قلت شكلش غلطانه بس ما يصير في كلامش كله بتغلطين????????

ههههه

ههههههههه

متأكدة انش معلمة
اخطاء املائية واسلوب ضعيف
وانا اقول ليش طلابنا بخير

حقيقة، في اي مدرسة تعملين . للاحتياط طبعا .حتى لا يتعلم أبنائي تحت يديك . فحتما مستقبل طلابك باهر ومشرف .. اذا كان هذا املائك وتعبيرك الفذ.

الحمد لله على سلامتها وسلامة التوائم ويتربون في عزها وعز والدهم أعتقد انها المفروض تكرم على حضورها الى الدوام وهي في الشهر التاسع وولادتها بالمدرسه

"المفترض عدم الحضور للدوام"
او "ان تعتذر عن الحضور للدوام"
ماينفع تعتذر عن عدم الحضور
المهم الحمدلله على سلامتها

يووو مسااااكين توكم تدرون ان المعلمات يداومون واهم فيهم الطلق اخذوا مولودي الاول داومت والساعة السادسة ولدت والمولود الثاني حضرت اجتماع في صالة الوزارة وطبعا بالليل ولدت لان خلوني اخذ كل الحصص وبعدين امثل المدرس مولودي الثالث نفس اخوانهاخلوها على الله وحتى لو بروح المركز علشان يعطونااجازه لان مايقدرون يعطون ازيد من يومين وخلكم من الولاده احناالوحيدين اللي مالولادناحق ساعتين الرعايه لان يعطوناعشرين حصه واحنا نداوم عشرين حصه يعني متى بنصحح طبعا من حصص الرعايه أقول خلها في القلب تجرح ولاتطلع بره ..

لازم الوزارة تعطي الحامل اجازة طول فترة الحمل او على الاقل من الشهر السادس لان شلون تداوم وتشرح وتراكض لثمان ساعات وهي حامل ؟؟؟!!!الحامل الي ما تداوم وقاعدة فالبيت تتعب تعب مو طبيعي شلون الي تداوم والله عفية عليها الي صبرت طول فترة حملها

يمكن بعد من جنسيه عربيه مصاريف الغربه

الحمد الله ع سلامتهم والله كاتب لها جدي ناس بالبيت ويولدون وصادتها ولادة بدون سابق انذار

هذا جزاء مربية الاجيال لدى وزارة التربية
يمبونها تداوم ليحزة بتولد المفروض اجازة قبل موعد الوضع بسبوعين اواسبوع تضاف لاجازة الوضع

باااال مسكينة الحمد لله على سلامتها
بس غريبة يعني ما حست بالطلق !! اذكر كان عدنا معلمة دوامت و بدا عليها الطلق و استأذنت طلعت يوم ثاني سمعنا انها ولدت

الحمدلله على السلامه

يقولون انها في السابع، يعني ولادة مبكرة

كل المدرسات يداومون في الشهر التاسع اذا ما عندها مشاكل صحية .. من سنين هذا الشي و ولادة المعلمة ف المدرسة حادث لا اكثر .. الحمد لله على سلامتها و سلامة اطفالها و تباركت المدرسة بالولادة :)

الحمد لله على سلامتها وسلامة الأولاد ويتربون بعز والديهم .. تحية كبيرة لهذه المدرسة .. ومافي داعي تلومونها .. أكيد لها ظروفها اللي خلتها تداوم .. ويمكن جاها الطلق مفاجئ ..

الوزارة تعطي اجازه للاجانب

والله الله يعطيها العافيه مسكينه .. المدارس في حالة تقييم و جودة وشكلها ماحبت اتغيب

الحمد لله على سلامتها اني منها اغيب ولا افتكر محد بيفيدها لو كان صاير ليها شي هي او البيبي لا طالبات ولا ادارة محد يقدر هالايام

المجتمع الذي لايقدر المعلمين والمعلمات فلا خير فيه

مفروض اتكونون اكثر مصداقيه وتتأكدون من الخبر قبل لاتنشرونه لان الاستاذه في الشهر السابع وليس التاسع وكان مفاجأ الطلق لها يعني مبينبن ان المعلمه اهي الغلطانه واهي مداومه في التاسع !!! تحروا من الخبر قبل لاتنشرونه

يعني مو حلوة هالخبر يا جريدة الوسط الي معظمه جذب في جذب ... المرة كانت في السابع ولم تتوقع الولادة بلاحجي فاضي

ترهيب الوزارة للمعلمات بانها لن تاتي بمدرسه بديلة وعليهم ان يكملو المنهج جعل هذة المعلمة المسكينه للولادة في المدرسه الضغط الكبير من ادرات المدارس على المعلمات ادى ايضا لحالات اجهاض لمعلمات حوامل وتضرر حملهم او نزول دم

المفروض من تدخل المعلمة الشهر التاسع يعطونها اجازة راحة ، مسكينة ايام امتحانات وتلاقونها تراكض ورا اشغالها تكملهم قبل لا تولد ، الله يعينها ،الوسط يا ريت تصيغون الخبر بأسلوب ثاني ، ناشرينه كنها غلطانة يوم تولد في المدرسة و خوفت الطالبات!!

الحمد لله على سلامتها الصراحه يبغي ليها تكريم من المدرسه ووزارة التربيه بعد على اخلاصها وحظورها في هذا الظرف

على جميع المعلمين والمعلمات الدوام كل يوم حتى يوم الاجازة وحتى يوم القيامة

الحمدلله على السلامه وتعليق على شاهدة العيان مو بالضروره الوحده تحس انها بتولد عشان تعتذر عن الحضور احيانا الولاده تجي بدون سابق انذار ويمكن تكون اول ولاده لها

( وكان من المفترض ان تعتذر عن الحضورللدوام ...ولادة معلمة فيالمدرسة)
اقتبست جزءا من مقالكم لأريكم كيف هي نظرتكم الدونية للمعلم ،، الم تتسآلوا لما موظفة في نهاية حملها تداوم لأن وزارتها الموقرة لا تقصر في توفير لها سبل راحتها و لا تترصد لها في حال غيابها باتهامها بالتقاعس و أدعاء التعب و إدارة مدرسية تتعاون في إرهاق المعلم و تنغيص عليه عيشته ،انا معلمة كنت اداوم لقرب ولادتي وعندما راجعت المستشفى لاطلب اجازة راحة خشية ولادتي بالمدرسة كان رد الطبيب الرفض مع انه بعد يوم من مراجعتي له وضعت مولودي

التوائم شكلهم محبين للعلم من جدي طلعو في المدرسه الله يحفظم والحمد لله على سلامة الجميع

كتبوا الموضوع عدل فضحتون المره ويش هالحاله استغفر الله

مسكينة كم مرة نقول لكم وزارة التربية ما تستاهل تعبنا

ما تقدر تغيب ما فيه بديل ومسؤولة عن منهج طويل ولا تقدر تغيب والكل يطالب بعملها ولازم تكمله قبل لا تولد ومحاسبه على كل شئ هذا حال المدرسات

تلومونها لانها داومت؟ بدل ما تشكرونها !!!
مو احسن من اللي بس تطلع حامل تخرش الدنيا وما تسوي شغلها

بعض إدارات المدارس الحكومية تعتبر غياب المعلم - الذي هو حق طبيعي أقره المُشرِّع - تعدياً وظلماً لها! فلا غرابة أن تحصل هذه الحالة بينما كان لها الحق في تقديم إجازة الوضع

على عمري عنها الحمد لله على سلامتها والله يعطيها الصحه والعافيه

بيكتبون وين منطقه الولاده في المدرسه ????

هههههههه ضحكني السؤال.. مكان الولاده المدرسه.. يحبون العلم يهالها يارب يصيرون علماء

انا بنتي نولدت في البيت في منطقة سار
وجاء الاسعاف هناك
و وقت كتابة مكان الولادة كتبو حسب العنوان في البطاقة
كتبو (سند) لان عنواني في البطاقة سند
وهالكلام قبل ١٢ سنة

واحد مكان الولادة في المدرسة الفلانية والثاني في المستشفى الفلاني والحمد لله على سلامة الوالدة والمولودين

هذا جزء بسيط من الإرهاق و الضغط ع المعلمين و المعلمات يعملون رغم تعبهم و ووزارة من أسوء الوزارات و أكثرها ظلما لا تعبأ بتعب المعلم بل تكيل له يوما بعد يوم بكل ما يرهقه ناهيك عن بعض الأصوات النشاز التي تحمل الحقد و نكران الجميل للمعلم فدائما ما تقف ضد المعلم و تراها تحسب عليه كل فلس يحصل عليه من راتب لا. يرقى لأن يكون راتب معلم تحترمه دولته لأنها تراه سبب رفعتها ،، أتمنى لكل من ينتقص المعلم ان يوظف ولو ليوم واحد كمعلم و يحمل مسئولياته و يمارس عليه الضغط و القهر الممارس ع المعلم

الحمدالله ع سلامتهااااا.. يتربون بعزهاااا

مساكين المعلمات ذالينها الادارات ومعيشينهم في رعب

الحمدلله على سلامتها
هذا دايل على تفانيها في العمل

الحمد لله على سلامتها يتربون في عز أمهم و أبوهم

هكذا هو مربي الأجيال

اللي مستغربة من دوام المعلمة هذا ابوي من المر اللي في المدارس لاخر يوم نداوم حتى لو على كرسي متحرك المديرات حسبي الله عليهم يرفضون القبول بغيابنا دون عذر طبي في ذمتهم يومين شهريا للموظفة على وزارة التربية مراعاتنا واعطاءنا حقنا القانوني

مافي قانون جذي عند المديرات النسوان

حسبي الله عليهم ...كل وحدة تطلع احقادها على الثانية ...شوفوا المدراء لرجال شلون مرنين

وبعض الموظفين يغيب 7 شهور من غير محاسبة ... أين العدل يا وزارة التربية؟!

هذه المعلمة مثال للالتزام المهني والأخلاقي ... لماذا الإصرار على ذمر النماذج السلبية من المعلمين والمعلمات فقط ؟!

الله يقومها بالسلامة

الحمد لله على سلامتها
حبها للعمل جعلها تتعرض لهذا الموقف

اه يا قلبي اكيد هالمعلمة المخلصة تستحي تغيب بس وين اللي يقدر

قمة الاخلاص عندها .. الحمد لله على سلامتها وسلامة المولود

الله يعين المدرسين و المدرسات ويثيبهم على صبرهم وتعبهم

علي جميع الاعمال الخاصه ولعامه يعطون المرئ الحامل في. الشهر. التاسع اجازه. ماتدري اي وقت اجيها مخاظ الولاده

صموود للتاسع
الله يعطيها الصحة و العافية

بعد اذا ما بيعطونها اجازة وبيطالبونها تكمل شغلها قبل لا تولد هذا اللي بيصير

دليل على حبها واخلاصها للعمل الحمدلله على سلامتهم

السبب تضييق الوزارة و تهديداتها المستمرة بعدم الغياب وبالخصم !

الحين بلومون المعلمه المسكينه ..بدل ما يعترفون هالادارات انهم يمصون دم المعلمه لاخر نفس.....المااااسي متكررة بشكل مختلف

ما احد من الاطباء يعطي الحوامل اجازات لمجرد انهم في الشهر التاسع ولا حتى ادارات المدارس تعفيهم عن الحضور
ولو كان عندها علم بالولادة ... فآلام الطلق لا تحتمل ما اتصور ابدا انها تداوم وهي تطلق ابدا الحادثة مفاجئة نوعا ما ....

وزارة الهم والنكد
المعلم عندهم آلة

الكاسر
حمد الله على السلامة
هده ان ذَل إنما دل على اخلاص هدة المعلمة وتفانيها وحب العمل لابد من تكريم هدة المعلمة تكريم يليق بها

وما خفي أعظم!!!

كما شهدت المدارس حالات وفاة...كذلك ستشهد حالات ولادة...
والقادم أكثر!!! أعباء لا حصر لها!!!لا حول ولا قوة إلا بالله العلي العظيم...وحسبي الله ونعم الوكيل

حرام عليهم المفروض من الشهر التاسع ماتداوم هذا حالنا موتوا بس أهم شي يمشي الشغل. لا احترام للإنسانية ولا للامومه

والله هم لي يخلونا نداوم
لآخر يوم حتى يوم الولاده
والمحظوظه لي تولد في بالليل أو العصر أو حتى الصبح الفجر
أو يوم إجازة
فقيرة هالمعلمه

شكلها. من. النوع. الا ماتتالم بعض النسوان وقت الولاده تحس. كأنها. رايحه الحمام وبعضهم. يكون. مثل. احتضار الروح من الالم

المفروض الي يعلق يحس بالخرين قبل أي كلمة يقولها قالو اليكم في شهر السابع والدتها يعني ما تحمل أخاك المسلم على سبعين محمل والحمد الله على السلامة ويتبع في عز والديها والله يعطيها الف عافيه ورحم الله والديها على تأسيس أجيال وتعليمهم

مساكين هالمعلمات حالتهم حاله مضطره تداوم علشان تكمل المنهج ..ارحمو المعلمات من الأعباء اللي ماليها داعي ولاتخدم التعليم صفر بالمئه حرام عليكم قامو يولدون في الحمامات حسبي الله ونعم الوكيل

الحين في ذمتكم بعد هالتعب في ناس تلوم تقول المعلمة غلطانة ???? الله يجبر بخاطر جميع المعلمات والمعلمين مع هالجهاد .

للاسف ليس المعلمات هم الفئة المظلومة بل العكس نحن اللاتي يعملن في شركات دوام 10 ساعات ولنا فقط 6 شهور ساعتين رعاية تبدأ من يوم الولادة وستة شهور اخرى ساعه واحدة فقط

بصراحه صار العلم والتعليم لايطاق والمعلم والطالب مرهق منهج موسع بحوث انشطه لاتنتهي منع طباعة الملخصات بسبب ميزانية الدولة الي تروح وتصرف على غير المواطن الاصلي واجبات بلا نهاية كتب مستمله ساعات دوام طويلة مناهج شبه معقدة وعقيمه كمادة الاجتماعبات للاعدادي وغيرها توظيف الاجنبي
متى سوف تتحسن هذه الظروف ونرى البحرين عالية بقوة وعزم شبابها

حرام والله بعض الردود تذبح ....المعلمة في السابع ومن التعب ولدت ...مفروض الوزارة تراعي الوحدة الحامل الموقف كان جدا كريه واني شهدت الواقعة ....

احس هالمعلمة من هالخبر والتعليقات بجيها اكتئاب بعد الولاده بيم لله عليها عيب يعني وصلنا ٢٠١٦ وهي صياغة خبر فجريدة وتعليقات تقهر كل شي بارادة لله لو تدري انها بتولد فهاليوم اكيد مابتروح المدرسة ولا بأفتكر حتى لو خصمو راتبها اي وحده مجربة الولادة تعرف انه الطلق يجي فجأة سوا فالتاسع او السابع

الحمدلله على سلامة الوالده والمولودان يتربون في عز والديهم
الحين خلصت مواضيع المجتمع الا مسوينها قصة ولادة المدرسه الله يساعدها وين احترام الخصوصيه مااليه داعي نشر هالخبر الانسان معرض الى كل شي
وبعدين اغلب النقاشات تنمي عن انطباعات الشخص المفروض نحسن الفاضنا اين الاخلاق الفاضلة المتبادله وين حسن الظن وليش نعيب في بعض شئ محزن ومؤلم بالفعل ????