الحمدلله علي سلامه الجميع،،، بس نقول لو رعاه الباصات شوي يخففون للسرعة لانه هالسرعه ما راح توفر عليهم حتي خمس دقايق خاصه و يا الزحمه، لازم يحسون بالمسءوليه

قدر ولطف والحمد لله على سلامة الجميع .. واعتقد الحادث صار بسبب الضباب الكثيف .. في سلماد الضباب تقريبا بشكل يومي مخيف في الصباح الباكر ، كأنك تمشي في غبة لايبان شي حتى من مسافة قريبة .. ما الحل .. انا اسكن في سلماباد وأعاني من هذي المشكلة .

ادارة المدرسة مسولة عن الباصات اللي هي توفرها لنقل الطلاب اما اللي الاهالي يختارونهم بروحهم ما للمدرسة شغل بها

إدارة المدرسة مسئولة و لازم تحاسب لانها تخلت عن مسئوليتها في نقل الطلاب و تركت أولياء الأمور مجبرين على قبول التعامل المباشر مع الباصات

ترى الرخصة ما بتمنع حدوث الحادث بسكم هرار وتفلسف ناس مخها مركب غلط سنوات هالشغلة موجودة احين تبغون تصاريح وهرار ولو بيصير الحادث بيصير لو هي كانت في مصفحة ، اما بالنسبة للشكوى الي صارت من الام للشرطة ويش نقول عنها شي طبيعي ان ممكن يصيده حادث بغض النظر عن انه سايق سريع او لا اكواحنه نسوق شوي شوي لكن ما تضمن من يجي يسبب لك الحادث ليش تروحين تعصبين على الرجال وتتهاوشين ما اظن بيوصل بينهم تلاسن الا اكيد راحت تصرخ وتزعبج ويمكن اصلا هي تتبلى عليه شدرانه وين الحق لحووول ناس تحب المشاكل قضي القضاء

ابصراحه تهور الباصات في المشي وسرعه غير طبيعيه غير ان هم ينسون الاطفال في الباص بعض الاوقات المفروض يخلون مشرفات في الباص انشان يراقبون ارعاة الباصات

بعض السواق أستغفر الله كأنه في سباق ومعظمهم صغار ومتهورين ما أدري شلون هالأهالي يأمنون لأي سايق
أتفق مع إدارة المرور في هالجانب يجب الحزم وأرواح الطلاب مو لعبة

اولا الحمد لله على سلامة الجميع بما فيهم سائق الحافلة - وسواء كانت عنده رخصة سياقة ام لا لا يمنع هذا من القضاء - واما بالنسبة الى ما حدث بين ولي الامر والسائق يجب اخذ الحيادية في الموضوع - فاذ جائت وقامت بسب وتوبيخ السائق في الوقت الذي هو فيه في حالة من ما حدث له من حادث وكما هو مبين حدث تلاسن بينهما فيجب اخذ الشي في حالة خوف هي على ابنتها وهو مما حدث له اي الصلح بينهما افضل وذلك حتى لا تكون ولية الامر قد تسببت في حبس الشاب وذلك مما يسبب ايضا في حوبة لها في شفاء ابنتها او تعافيها بسرعة - ان الله

اطالب الحكومة بوضع دورة تدريبية اجبارية لمن يريد رخصة سياقة لنقل الركاب واعطاء رخصة القيادة لمن يجتاز الدورة بنجاح ويتم تجديد الرخص السابقة بعد اجتياز الدورة التدريبية
وتكون الدورة شاملة لجميع ما يمكن أن يحتاجه السائق كتعليم مبادىء الاسعافات الاولية
فبهذا سيكون جميع السواق مؤهلين تأهيلا كاملا لهذه المهنة وبهذا تقل عدد الحوادث والمشاكل

من قال ليك ما في .. الشخص يخضع لمحاضرة. وعلى أساسها يعطى الرخصة. .لا تقعد/ين. .تتفلسف ..

الاخ قاعد يقترح انا اشوفه اقتراح ممتاز

الأخ يقترح باحترام ، بس ردّك متهور و احمق مثل سياقتك و شكرًا ......

اللي يمشون الباصات الصغيرة سرعة غير طبيعية وتهور
صلوا على النبي واله ويش صاير طيارة مو سيارة الشارع للجميع احترموا عاد انتون مستعجلين واحنا مستعجلين بس مانسوق مثلكم السياقة فن وذوق
معظم سواق الباصات صغيرن في السن يا اولادي اتحملوا بروحكم ولي اتوصلونهم امانه في اعناقكم ولي بالشارع حالهم حالك احترمهم كما يحترموك

ياخوي المشكلة مب في التصريح المشكلة عدم السرعة والرؤية الواضحة للشارع بسبب كثافة الضباب

المشكلة من الضباب وعدم الرؤية والعجلة السريعة

المشكلة لها عدة جوانب :
شباب قليلي الخبرة يحتاجون للقمة عيش
يرون في امتهان سياقة الباصات ملاذا لهم من الجوع والحاجة وسدّ العوز
في نفس الوقت عليهم القيام بايصال اكبر عدد ممكن من الطالبات لتحقيق ما ذكرته اعلاه
وفي هذه الحالة يسوقون بتهوّر ومن دون تأنّي وتمهّل لكي يوصلوا اكبر عدد في اقصر وقت
فهم في سباق مع لقمة العيش ومع الزمن ومع ازدحام الشوارع وفي نفس الوقت تنقصهم خبرة
التعامل مع نقل الطلبة وما يحتاج من عناية بالأرواح

هذا ما يعني انهم يمشون في حلبه سباق.... الغايه لا تبرر الوسيله

المدرسه بعد لازم تسائل ليش ماتدققين على السواق اذا عندهم رخصة او لا .. و اصلا 60 % باصات الطلاب الخاصه بدون رخص و انتون موقفين الرخص و الحل ؟

بعض السواق وقد سمعنا عن الكثير سياقتهم متهورة .. يقطع بداية البحرين للجامعة في ربع ساعة .. والبعض تستانس به يسوق بهدوء وتالي تكتشف أنه يستخدم التلفون وقت السياقة .. السياقة تحتاج تركيز والطلبة أمانة ..

اول شي الحمد لله على سلامة جميع من في الباص وثاني شي رب ضارة نافعه اخواني سواق الباصات ديروا بالكم على روحكم وعلى غيركم واتركو السرعه وطبعا هالشغله تحتاج صبر والمفروض وليه الامر تراعي بعد الظرف الا فيه السايق وما تكثر هدره على راسه وإن شاء الله سلامات ويرجع يترزق الله

ياجماعه لاتهدون بناتكم مع هل الأشكال بدون تصريح خاص

لولا الحاجة لما عمل في هذه الوظيفة الشاقة خصوصا في ظل هذه الزحمة الشديدة...نتمنى من الحكومة توفير وظيفة أخرى له و لجميع العاطلين

ما ليه دخل التصريح اذا هو متهور بيصير هالحادث يعني التصريح بيمنع الحوادث صار الي صار الله يشافي الطلبة ويفرج عن السايق الله يهديه يبين ان كان مسرع هالجو ما يتحمل تروح سرعة او يمكن صاد السيارة شي الله اعلم

الله يشافي المصابين ويفرج عن صاحب الباص ... عيب تتشمتون مو قصده الرجال يسوي الحادث ماتؤمنون بالقضاء والقدر .... فطع الأعناق ولا قطع الأرزاق

اي قضاء وقدر من السرعه امبطح

عطوه رخصه

وخلوه يشتغل والا بس الأجانب تعطونهم رخص واشغال

الحمدلله على حفظ الله لأرواح الطلبة .. والا لكان من الممكن ان تتسبب السرعة في ازهاق الأرواح

السبب دائما السرعة
الرجاء من ادارة المرور متابعة ( بعض ) سائقي حافلات
خاصة عند انتهاء الدوام الرسمي للطلاب فالبعض منهم يعتقد انهو في حلبة سباق .

حاسبوا المدرسه الخاصه
لي مخليه سايق بدون رخصه

مستحيل يحاسبون المدارس الخاصة يحاسبون الفقير مسكين لامن الباص الي اتكسر وفوق هادا بعد موقفينه يالله بساعة فرج

صج مايستحي فوق شينه قوه عينه وكثير راعيين الباصات ينقلون الطلبه بدون تصريح

وانت شدراك يمكن الحرمه استفزته وهو في وضع صعب

شدراني ويش دراكم كلامها صح يمكن تتبلى عليه .....

الحين ويش جاب الحادث الى عدم امتلاكه رخصه نقل

اكيد يحتاج إلى رخصة نقل هذي ارواح مو لعبة
لابد يكون عنده رخصة نقل طلاب أو غيرهم
مو كل من هب ودب ينقل الطلاب بلا رخصة
وتصير السالفة حالها حال سواق التكسي
ما يضل بنقالي ما يضل باكستاني إلا يتكس فيها
والعتب على إدارة المدرسة لازم تدقق في هالمسألة
وأولياء الأمور يتاكدون من الا يتعاقدون معاهم ورخصة أو لا.
وأيضا يجب أن يدقق على السائق من حيث سنوات الخبرة هذا حق لأولياء الأمور للإطمئنان على فلذات الأكباد

هرار وخرابيط يعني الرخصة بتمنع الالحوادث سنيين واحنه نروح مدارس مدينة عيسى مع سواق بدون رخص الحمد لله لا صادنا حادث ولا شي ساعات ناس تتكلم ولا كانها عايشة بالدنيا غريب امر العباد ترى معظم سواق الباصات ما يملكون رخص واكو نودي اولادنا والحادث مثل ما صار للباص يمكن يصير لاي واحد ليكون عاطينك الرخصة عن الحوادث بعد
عجيب والله الشي الوحيد الي ممكن قلته ومفيد يتاكدون من ان الساق عنده سنوات خبرة في السياقة وبعد ما يضمن

الشي اللي ماتعرفه اذا كان عنده رخصه وهو مئمن طرف ثالث شركة التامين تعوض المصابين بس السائق ماتعوضه لانه طرف ثالث حتى لو كان هو الغلطان اما اذا ماعنده رخصه مايتعوضون عرفت ليش الرخصه
ضروريه الحين وروح اسئل اي شركة تامين عشان تتاكد من صحة كلامي اي حادث باص طلاب يصير والباص غلطان وفيه طلبه مصابين اول ماتسئل
شركة التامين عن الرخصه اذا موجودة يعوضنهم بدون السائق واذا لا عليه العوض طبعاالموظفين مايحتاج رخصه لنقلهم لانه روحته الدوام او طلعته له ساعه للطريق اذا صاده حادث التامينات يغطون تعتبراصابة عمل

الحين بيحطون اللوم ع السايق... الي الله كاتبه بيصبر... وبسكم انتون الزمن عليه

اوكي فهمنا القصد من الرخصة الي الناس نفخت راسنا عليها بس اظن هالمعلومات كثير من الناس ما تعرفها بس يقولون رخصة ورخصة ورخصة يتكلمون مثل البغبغاوات عبالهم الرخصة هي الي تمنع الحوادث لو كانوا يتحدثون من مبدا قانون مثل ما تفضلت جان الواحد تقبل منهم
احنه سنوات نروح في باصات واولادنا احين بعد عمري ما سمعت عن هالقانون يعني اكيد كثير من الناس مثلي اذا مو معظمنا ما نعرف