لو كان مو مسرع ما كان انقلب الباص. مو مشكلة ان يترزق الله. بس لازم يحافظ على الأرواح الي عنده. هذي روح مو جماد

الحين ابي افهم الي متعاطف مع سائق الباص. ابي اعرف ردة فعله لو كانت بنته متعوره و راقدة في المستشفى للحين تتألم

أكثر سواق الباصات الصغيرة يسوق مثل سيارة الإسعاف تلاقي يبي يضوف باي شمل من الأشكال وأكثرهم رخص جديدة . فارجو من إدارة المرور التشديد على الباصات الصغيرة وعدم التهاون معهموشكرا

اي تشديد أزيد من اللي مشددينه عليهم ...

هو مسكين معصب على الحادث يمكن و اللي في ذمته الطلاب يحاتيهم مو بوده بعد يصيدهم شي وباصه تكسر يعني راس ماله راح والام جايه تلومه يمكن فقد اعصابه الفقير
هبابه على مخالفة الرخصه تروح تزيد عليه شكوى بعد
لا تنسى انه خدم جهالهم وخدمهم طوال هالفتره واعتقد هي ما ودت بنتها في باصه الا وهي عارفه ان ما عنده رخصه باص
العفو عند المقدره ....

الحمدلله على سلامتهم
ويعني الحين الرخصة بتوقف الحوادث وثانيا المرور الي موقفين الرخصة انزين شركات المواصلات يخلون سايق هندي ولا عنده رخصة بعد واذا ما كان فري ويزة بعد لو واوي والسيارات العادية ما يصيدهم حوادث يعني ؟؟ لو واوي حلال واوي حرام

انا كنت اسوق باص تاتا ادا ادوس بريك يزحلق في الرطوبة ، ومع هذا الحمد لله لم اصب بأي حادث حتى في الضباب امشي مستعين بخطوط الشارع الارضية لازم اتحاسب وتسوق بسرعة مناسبة لان معاك ارواح حتى لو تتاخر بس اهم شى انوصل الناس سالمين .

ويش بتسوي الرخصة بتنهي الحوادث يعني ؟؟ وأكيد هو ما اخد رخصة لأن المرور ما عطوه والسبب موقفينها يقولون والحين شركات المواصلات يخلون اي هندي يوصل ولا عنده رخصة واذا ما كان فري ويزة بعد والحين رعاة السيارات العادية ما يصيدهم حوادث موت يعني ؟؟ لو واوي حلال واوي حرام على كولة امي سلام الله عليها

لازم تدقيق اكثر من إدارة المرور عليه هل باصات كل واحد أخذ له باص وقعد يوصل ولو صار حادث لا هو يتحمل مسؤلية ولا تامين

الحمدلله على سلامتهم .. اذا كان المرور منصف ويريد تطبيق القانون ، انا شخص صادني حادث مع واحد من الجنسيه السوريه عند شارع الملك حمد المتوجه للدره .. وهرب السائق ومسكناه في بوابة الدره ولما قدمت عليه بلاغ المفروض يوقفه لانه الرجال في حاله سيئه ويشتم ويسب .. وخبرت المرور لا تمشيه لا يقتل ليه عائله ما سمع كلامي ١٠ دقايق ما شفته الي نفس الشخص مسوي حادث ومنقلبه سيارته وانا اتحدى ادارة المرور

صح مو الكل بس أكثرهم سرعه جنونيه
تعال اذا واحد صك باب البأص بقوه يشتم الكل والهرن المزعج من الصباح أو في اليل

دائما مينى باص في سرعة فلا استغرب الحوادث حتي لو في ضباب

نتقدم بالشكر الجزيل إلى الأخ الممرض حسين القلعاوي على ما قدم من مساعده إلى الطلاب في شارع سلماباد وكما أتقدم بالشكر إلى الآسيوي الذي ذخل في الباص وانقذ الطلاب واللهم اجعل هذا العمل في ميزان حسناتهم

ولد البلاد

الله يعين راعي الباص فهو لازم يكون ملاك أو معصوم لا يخطأ اويخالف أو ينسى ولاكنها الحاجه اللي تجبره على تحمل مسؤولية كبيرة وياليت منها فايدة مجرب

هذه الشغلة للأجانب لكن الزمن اغبر كلشي عكس

لا حول ولا قوة الا بالله العلي العظيم
سلامتهم ماعليهم شر ان شاء الله

لو كان الفقر رجلا لقتلته .. سلام الله عليك يا ابا الحسنين .. لو لم يكن سائق الحافله فقير محتاجا و يعيل عائلة في هذا الزمن الأغبر و لو أيضا الوظائف الحكوميه لأبناء الوطن متوفره لما كلف نفسه و خرج منذ أذان الفجر ليكسب قوت يومه وسط تعقيدات ادارة المرور عند منحها الرخص للمواطنين

فعلا هو الزمن الأغبر في بلاد غبراء !!!!!!

صحيح بعض السواقين يسوق الباص كأنه يسوق طيارة air bas 320 يا عمي خف علينا عندك باص على شنو شايف نفسك يفكر روحه ملك الشارع .

ياحبيبي الصبح اليوم ضباب و الرؤية منعدمة و بالذات هذا الشارع و انت ماتعرف شنو ظرف الشارع و المناخ فلا تحكم على الناس و تجمع الكل

معقولة ماعندة ليسن ويوصل الطلبة لي المدارس؟!

مو ليسن ،
رخصة نقل طلاب

لا ما عنده رخصة لقيادة الباص و توصيل الطلاب

عنده ليسن بس المرور يصدر ترخيص نقل طلاب مثل بيج السيارة بس مربع وهاي يعطون السواق الي ملكه الباص. وعن الحادث في حالة الجو الضباب الكل يحذر السواقه ولايسرع الوقت المدرسة مومهم مثل سلامة الطلاب وهو مسؤل عن ايصالهم سالمين للمدرسة والبيت.

الشارع الممتد من اشارة ابوقوة و امتداد الشارع الى ابو قوة و كذلك الشارع المحاذي لقرية اشبيلية من جهة الشرق يحتاج مراقبة صارمة من المرور او وضع كيمرات سرعة عليه لان في مراهقين متهورين واجد الشارع سرعته مثلا ٥٠ و هو يبغي يمشي ٨٠-١٠٠ ارواح الناس مو لعبة اوقفوهم عند حدهم يا مرور فعددهم مو بسيط

انا كل صباح استيقض على اصوات هرن خاص فيهم كل مستعجلين حتى بشوارع فلت ياعمي اروح معاكم

بالمناسبة مهنة توصيل الطلبة والعمال هي من اختراع الناس ودفعتهم الحاجة للعمل كما بيع الماء العذب اذا كنتم تذكرون ولكن تأتي الجهات الرسمية بحجة التنظيم وتخترع رسوم ما أتى الله بها من سلطان وتضع قوانين مجحفة بحق المواطن بالتحديد .

مسألة ان السائق ما عنده تصريح نقل طلبة فالتصريح لن يمنع الحادث والمرور الله يحفظهم يوم الناس راحت تطالب بتصاريح امتنعت الإدارة عن إعطائهم وكأن التصريح هو رقم تكسي !! .
سؤال : يوم منعتون الناس من العمل بدون تصريح لماذا لا تعطون الناس تصاريح ؟ .

اغلب سواق الباصات لصغيرة كله فلت يمشوون عاد ان كانوا بحرينيين او اجانب والسبب يبون لحقون على شيل الطلبه والعمال من كذا مكان وهم بدون رقيب ولا حسيب يعني مافي دوريات مرور واذا المرور يبون يصيدونهم يتخششون لهم الصبح وبيصيدونهم وخل سياراتهم المرور مدنيه وتعال خذ مخالفات يمكن باليوم ١٠٠٠ مخالفه.

لا تعمم على الكل .. هذلين الباصات خدمو المجتمع.. وعلى فكره الي مسوي الفوضه هو التلفون .. استخدام التلفون اثناء السياقه .. ومن اشوف مرور خشاه .. خشوك في زريبه ..

لا تسوي روحك انك ما تخالف ولا مرة في حياتك

القضاء والقدر اذا بيجي بتصريح او بدون ودائما هلسطوانه هسواق مستهترين يااخي اذا بتتكلم فهم مواطنين ماعندهم شغله الا هي الشغله خله الحكومه تعدل وضعهم وتعطيهم تصاريح لو بس شاطرين على هلمسكين المواطن روحو شوفو الاجانب كيف لاعبين لعبتهم يتكسون وعندهم باصات ولا احد يكلمهم لو بس قادرين على هلفقاره الي ماعندهم مصدر رزق غير نقل الطلبه اتقو الله بناس وخلهم يترزقون

الحوادث تحدث في اي مكان وفي اي وقت زراعي الباص ماليه ذنب في اللي صار بغض النظر عن الرخصة يعني كم شهر هو كان اوصلهم او كم سنة ما شوف أحد تكلم وقال خوش ريال ويوم صاده هالظرف انكرو أنه سائق والله عجيبه هالناس والله يحفظ الجميع وسلامات