فوجئت ولية أمر طالبة في الصف الثاني الابتدائي من هروب ابنتها من المدرسة من الباب الخلفي الذي كان مفتوحاً على مصراعيه، في الوقت الذي كانت فيه ابنتها قد خرجت بحثاً عن والدتها، في حين أن ولية الأمر لم تعلم بالحادث إلا نهاية الدوام، وذلك بعد العثور على ابنتها عند كوبري السيف بعد الساعة 12 ظهراً.
وقالت ولية الأمر في حديث إلى «الوسط»: «إن المدرسة ابتدائية وإعدادية، لها بابان أحدهما خلفي، ودائماً ما يكون مفتوحاً، على رغم أنه لا يوجد حارس لهذا الباب، فهو باب يستخدم لمواقف السيارات، فوجئت عند ذهابي إلى المدرسة الساعة الواحدة وتسع دقائق، باتصال من ولية أمر من المدرسة، تبلغني بأن امرأة أحضرت ابنتي إلى المدرسة وسلمتها إدارة المدرسة».
وأضافت «فوجئت مما قيل لي وتوجهت على الفور إلى إدارة المدرسة وطلبت رؤية ابنتي، إلا أنه تم منعي من ذلك، وبعد لقاء مع المديرة أبلغتني بأن ابنتي هربت من المدرسة، وأنه تم تشكيل لجنة للبحث عنها».
وتابعت «كان من الأولى أن تقوم إدارة المدرسة بالاتصال لي أو لزوجي فأرقامنا مسجلة، وبعد سؤالي لابنتي عن كيفية خروجها وسببه، فوجئت بأن الباب الخلفي كان مفتوحاً وقد خرجت بحثاً عني للعودة معي للمنزل... كيف يترك باب خلفي لمدرسة مفتوحاً، والمدرسة تضم طلبة في المرحلة الابتدائية والإعدادية».
وأضافت «المديرة أكدت بأنه اكتفت بتشكيل لجنة للبحث عنها، في الوقت الذي لم أتلق اتصالا يفيدني بما تعرضت له ابنتي، وخصوصاً أنها وصلت إلى كوبري منطقة السيف، وفوجئت بها إحدى النساء التي قامت مشكورة بأخذها إلى المدرسة، التي اكتفت بأخذ الطالبة فقط والطلب من المرأة التي عثرت على ابنتي الخروج من المدرسة».
وقالت: «كيف لباب خلفي للمدرسة أن يكون مفتوحاً أمام الطلبة، وخصوصاً أن هناك طلبة في المرحلة الابتدائية فهم ليس لهم دراية بأهمية عدم الخروج من المدرسة، إضافة إلى أن هذا الباب تخرج منه السيارات فهو يعرض أيضاً حياة الطلبة إلى الخطر».
وأكدت ولية الأمر بأن إدارة المدرسة وعلى رغم من اختفاء الطالبة من المدرسة لم تقم بالاتصال بمركز الشرطة، على رغم من أن معلمة الفصل الدراسي بعد غياب الطالبة بشكل مفاجئ أبلغت الإدارة مباشرة، مشيرة إلى أن معلمة الفصل اتخذت الإجراء بشكل مباشر، إلا أن الإدارة لم تقم بإبلاغ ولي الأمر الذي هو مسئول عن الطالبة، ولم تقم بالاتصال بمركز الشرطة وخصوصاً أن اختفاء طالبة في هذا العمر يعد خطراً على سلامتها.
وطالبت ولية الأمر بفتح تحقيق فيما حدث وخصوصاً أنه قد تتعرض له أي طالبة في المرحلة الابتدائية، لاسيما أن الباب الخلفي للمدرسة في أغلب الأوقات يكون مفتوحاً.
العدد 5176 - الإثنين 07 نوفمبر 2016م الموافق 07 صفر 1438هـ
احنا مدرستنا باب الخلفي مخلين منوابات عاملات ما يتركون الباب لان الحارس بكون عند الباب الرئيسي واقف هذا الحل جدا مناسب لان المعلمات يطلعون رعايه او ورش وووو ف الباب يتم مفتوح بس في عاملات مناوبات مايتركون مراقبة الباب طبعا هذا يعتمد على ادارة المدرسه
احتمال هذه الطالبة صعوبات تعلم وما تفهن ما يدور في المدرسة معقولة صف ثاني وما تفهم سنة الجاية بتتكلف وهي الى الحين ما تعرف متى يكلعون ومتى يدخلون المدرسة امهات الحين ما يربون كلش
لا الطفلة مافيها شي وهذا تصرف طبيعي جدا .. البوابة مفتوحة معظم الوقت كل يوم واحنا نمر على المدرسة يوميا في مختلف الاوقات لو ولد بنفس العمر دخل المدرسة بتقولون هذا طفل ومايتحمل المسؤلية واحين صارت البنت بنفس العمر ذوات صعوبة!! ثمنوا كلامكم قبل الاتهامات الادارة تتحمل كااامل المسؤلية لو اي شخص يقدر يدخل المدرسة من يتحمل مسؤلية سلامة الطالبات!!
مسؤولية الاشراف الاداري والتربوي وخصوصا بعد ان اخبرت المعلمة الادارة
يجب وضع أكثر من حارس أمن للمدرسة
ويجب على الأهل تعليم أبنائهم عدم الخروج من المدرسة أبدا
والطفلة في الصف الثاني وليس الأول يعني تعودت على المدرسة وخطأ خروجها من المدرسة
حارسات وليس حراس... ما نبي رجاجيل مش قاصرين
وليه الامر اللي اتصلت في الأم وشدراها؟
واللي حاط على السكيورتي فهذي مو شغلته ولا شغله المدرسات
واللي معلقين على انها هربت في الفسحه من وين جابوا هالكلام ارجعوا الى الخبر واقرؤا عدل
واواحنا كأولياء امور ما نقلون ما يفهمون لازم نعلمهم لان مو اي مكان بيتودون الجهال بيطلعون يدورن على امهاتهم
حمدلله على سلامه البنت والله يحفظ الاطفال
حقا، بعض اللوم يقع على عاتق إدارة المدرسة و المشرفات لكونهن غير منتبهات للطالبات.
ولكن، الجزء الأعظم من اللوم يقع على عاتق والدة الطفلة فهي من المفترض أن تعلم ابنتها بأن الخروج من المدرسة دون اذن تصرف خاطئ و تحاسب عليه.
فلو علّمت الأم الطفلة لما حدثت الحادثة علما بأن الطفلة في الصف الثاني أي أنها تعي المسموح و الممنوع.
وتقبلوا مروري، أخوكم عسوامي
من صف لصف
وين يراقبون الطالبات بس همهم يراقبون المعلمات قي صفوفهم من صف لصف الادارة بقيادتها الوسطى بمشرفاتها رايحين جايين يطلون على المعلمات في صفوفهم او يحضرون مو مهلين المعلمات في حالهم وكأن اهم شي في المدرسة بصيدون المعلم ويراقبون ترى من راقب الناس مات هما
المسؤلية بالدرجة الاولى يجب ان تتحملها الوزارة التي وضعت حارس واحد فقط لكل مدرسة علما بان جميع المدارس بها على الأقل بابين فكيف تتوقع الوزارة من الحارس ضبط بوابتين؟
يوميا اشاهد في مدرسة بنتي خروج البنات بعد نزولهم من الباص و وضع شنطهم في المدرسة خروجهم الى البقالات القريبة من المدرسة فلو كان يوجد حارس لمنعهم من الخروج
مشاكلكم ما بتخلص يا وزارة التربية
متى بتحلون مشكلة منقولي معهد البحرين للتدريب اللي انتوا السبب فيها ؟
انا ما الوم لا الهيئة التعليمية للمدرسة ولا الحارس
انا الوم المهندس اللي خطط وبنى مدرستين متلاصقتين ولا يوجد لا مواقف ولا شوارع عدلة
والمدرسات الكريمات اذا انت عندش فراغ وبتطلعين لا توهقين الحارس وتقومين ادخلين سيارتش داخل المدرسة
والله حاله الناس همها التفلسف والتعليقات
اذا مدرسة بها أكثر من مدخل وحارس واحد ماذا يفعل يقطع روحه
والمفروض تواجد المشرفات على المداخل في الفترتين الصباحية و المسائية واذا كان هناك إهمال من المشرفات وعدم مراقبة المداخل فيقع اللوم عليهم والإدارة المدرسية لا على الحارس الفقير الذي لاحول له ولاقوة
ويجب عليه فتح البوابه الثانيه بأمر من الادارة المدرسية مع عدم وجود المشرفه لمراقبة البوابة
والله ما أقول إلا يساعد الطلبه والحارس
اني صاحبة التعليق 13 اكلتوني بقشوري ودعيتون عليي بعد عموما شكرا لكل من دافع او وضح وجهة نظري وثانيا الحمد لله اولادي شباب وشابات متخرجين جامعيين وموظفين يعني من زمن الطيبين ربيناهم بقلوبنا وارواحنا بعيد تصوير السناب وباقي البرامج وفي الاخير موقف مثل هذا ما تحطون عليها اللوم لا ياعمري البنت غلطانه وتتحمل جزء من المسؤليه ولازم تفهم الغلط الا سوته ولا ترمون الغلط كله على حارس او ادارة مدرسه
في هذا المقال لم يتم ذكر موقع المدرسة بوضوح ولا اسمها!!! لماذا لم تهتم إدارة المدرسة ببلاغ المعلمة التي نبهتهم بغيلب الطالبة المفقودة؟ ولماذا لم تبلغ مديرة المدرسة أهل الطالبة والشرطة في ذات اللحظة؟
ماكل هذه اللامبالاة بالاهتمام بوجود الطلبة والطالبات وتأمين سلامتهم في مؤسسة تعليمية حكومية؟
نفرض لا سمح الله حصل مكروه لتلك الطالبة ، من يدري عنها؟ من يتحمل الجزء الأكبر من المسؤولية؟
واا أسفاااه على قومٍ نسوا ماقاله سيدنا الرسول (صلى الله عليه وسلم) : "كلكم راعٍ وكلكم مسؤول عن رعيته".
طريق الحق.
الف شكر للمرأة وقلبها الرحوم كلمة شكر ما تكفي ..هنيئا لها فعل الخير في ميزان اعماله
من خلال تجربه سابقه اعتقد انه الاداره هي المسؤوله اولا واخيرا بالاضافه للاطراف الاخرى بس الاداره اللي تحاسب بالبدايه
الوزارة والادارات بس فالحين يبطون روسنا بالتعمميات
وين عندهم فضاوة ينتبهون لطالبة والادارات همها بس تلاحق المعلمين وتطلع تعميم بخصوص التمديد وتراقب من تاخر ومن طلع ومن تاخر ع الحصة ..
على حسب الخبرة في هذا المجال بعض مدارس البنات مواقف السيارات تكون في داخل المدرسة وخروج المدرسات يكون لا نظير له فكل واحدة يكون لديها فراغ لا تتوانى باالخروج من المدرسة فكبف إذا كان عدد الحصص اليوميه حصتان فقط والمسؤلون ليس لديهم اي مانع لاي مدرسة بالخروج بعذر مقبول او بدونه؟وهناك حارس يذكر ان من يؤذن الأذان يطلب منه فتح باب مواقف السيارات وما ان يفتحه لا يغلقه للخروج المتوالي تقريبا، كما أنه يجب ترتيب من قبل المديرة عاملة تقوم بفتح باب مواقف السيارات وغلقه لاجل العاملون في المدرسة فقط.
من قالك لا يتوانون عن الخروج بعذر وغير عذر شلون تسمح لنفسك تتبلى على العباد انا اختي مدرسة مسكينة بالغصب مديرتها تطلع وهي عندها حالة خاصة اخر مرة موعد ولدها طاف لان المديرة ما طلعتها عبالك المدارس فوضى شلون تحملون فوق اكتافكم وزر هذا الكلام ويا ريت صحيح يمكن في محسوبيات وناس تطلع بس هذا ينطبق على الي المديرة تحبهم او اعوانها اما الباقي فمستحيل يكون مثل ما تقول قال ويش يطلعون وثانيا انتون تقولون سكيورتي وماادري شنو ترى الوزارة توفر واحد بس ويكون قدام عند البوابة بيجيبون الثاني من وين يعني يصنعونه
حصتين ، و نطلع على كيفنا وين احنا!!!
حتى مواعيد تطعيم لأولادنا ما نقدر نطلع
و مواعيد مهمة مانقدر
من كثر الضغط نفسياتنا تعبانة عدل من هالإدارات و سجن و الوزارة
الله عليك و بيجي لك يوم تندم على الوزر اللي قلته
الي مو قد المسؤوليه هم الاداره و المدرسات و خصوصا المديره ... اذا ما تتبع الإجراءات و تتواصل اولا ويا اهل البنت و عقب الشرطه و الوزاره .. فرضا مختطفينها او صايدنها شي ? من يتحمل المسؤولية?? اذا المديره و الاداره مو قد المسؤوليه خلهم يرجعون مدرسات لو هو بس واسطات ! اني احس ان البنيه يمكن كانت متضايقه و من جدي طلعت من المدرسه .. اذا البيئة المدرسية ممتازه و الطلبه مرتاحين ما بيطلعون .. و ثانيا اني ما أؤيد دمج مرحلتين اعدادي و. ابتدائي او اعدادي وثانوي لان هذا يعرض الطلبه للتحرش من الي اكبر منهم
غريب
غريب كيف المدرسة عرفوا انها طلعت و شكلوا لجنة للبحث؟؟
كيف يعرفون ان هالطالب ناقص هو حضر وهرب او غائب عن مدرسة؟؟؟
شلون ما يعرفون سهل جدا احين اذا خلصت الفسحة وراحوا الصف وهي ما رجعت يعني اكيد رايحة مكان مني مناك خاصة اذا كانت صغيرة مو صعبة ترى
من صدقك
اكيد ليس في مجال . التعليم
لازم تعرف عدد الطالبات والغياب والتأخي . في كل حصة تحضرها المعلمة ويتم اخبار الاشراف الاجتماعي في الحال وبسرعة
لا تكبر المشكلة وتصبح المعلمة. المذنبة وتحصل لفت انتباة وهواش بعد
اولا الحمدالله على سلامه الطفله
ثانيا المسؤليه مشتركه بين الاداره والحراس والاهل يعني لازم الاهل يفهمون عيالهم شنو الغلط من الصح وشنو يعني مدرسه ودوام وبالنسبه للاداره طفله عندكم مداومه الصبح وتختفي مايتم التبيلغ عنها من قبل معلمه الصف اللي اصلا ما دروا عن الطفله الا بعد ما جت وليه الامر الثانيه اللي سلمتها المدرسه
طول هالفتره وينكم يا اداره طفله توصل للكوبري وبالنسبه للباب هذا يدل على كثره تأخر المعلمات واستأذانهم والحراس وينكم ليش ماتوقفون علم على هالبيبان بشكل عام مافي رقابه ولا حزم
شلون تطلع طالبة والادارة ماتعرف شي ،، من بيكون المسؤل لو صار البنت شي .. الادارة فاشلة
كلمات الشكر والعرفان قليلة بحق من عثر على الطالبة وسلمها الى ادارة المدرسة
فجزاك الله خير الجزاء
يااالله تخيلت بنتي لو مكانها من قدها ... الله حفظها عورني قلبي ... لازم الباب مصكوك و اذا لزم فتحه يخلون سكيورتي ... جهال ما يفهمون معنى الخطر ... مسؤولية الادارة
ترى احنه اولادنا في المدارس وباب مدارسهم ساعات يكون مفتوح وعادة للبوابة الي ورا ما يكون عليها حارس يعني شنو اخلي بس المسئولية على المدرسة لا لازم اعلمهم ان ما يطلعون من المدرسة لاي سبب من الاسباب الا ويايي وا ويه ابوهم او احد ثقة اوكي لاي درجة المدرسة غلطانة لكن الغلط الاكبر من البنت شلون تطلع من المدرسة وثانيا مااظن هالوقت حزة نهاية الدوام عشان تروح تدور على امها انا ولدي صف الاول ويعرف وقت الفسحة متى ووقت الطلعة لاخر الدوام متى علموهم صح ترى الحياة هالوقت ما تتحمل اخطاء
المفروض يوظفون أكثر من سكيورتي للمدرسة هو بيدور للباب الأول لو الثاني لو للمدرسة ،المدارس الخاصه تطوف صوبهم السكورتيه مالين المكان
اهمال ثم اهمال من ادارة المدرسة
اقولها ان ادارة المدرسة مهملة هل يعقل طفلة تخرج ولا احد يكترث اذا كانت الطفلة موجودة ثم اختفت يجب علی معلمة الفصل ان تخبر الإدارة ومن هنا يبدأ عمل الادارة بالبحث عنها واخطار ولي امرها ومركز الشرطة للبحث عنها
الوزارة المفترض توفر سيكورتي للباب الثاني
الطفلة هي بمثابة الامانه عند المدرسه وهي التى تتحمل المسؤلية الأكبر
الحمد لله انه بنت حلال الي شافتهامو اي احد ثاني ركبها السيارة وخطفها الشكر الجزيل للي رجعتها للمدرسة
عندي ولدي وبنتي ياخذون كورسات انجليزي في البرتش كونسل ...لما يطلعون من الكورس مستحيل يخليهم السكورتي يوصلون الباركات إللين ما احضر انا واستلمهم وهذا الشئ مطبق على الجميع.. لكن المدارس... يبي ليها تضبيط ..بس شاكرين وقت الفسحه ممنوع الخروج لشراء الاكل من خارج المدرسه ..
هل تعلمون ان وزارة الضرب والتعليم الفاشلة لا يوجد عندها اي اكتراف في الطلاب السؤال يقول من حاسب او حاكم المدرس اللذي صفع بيدة طالب جامعي لم ولن نسمع عنه اي كلام فهل ستتوقعون بأن هذه البنت وعقلها قاصر بأن لاتحتاج الى رعاية من جهة هذه المدرسة للأسف لا
عندما كنت في المرحله الثانوية لايستطيع المدرس رفع صوته على طالب واحد وذلك بسبب ضخامة الطلاب في زمني وكنا من الأقوياء في ذلك الزمن اما الآن المدرس البحريني لايتجرأ ان يمد يده على طالب والحكومة تأتي بمدرسين حيوانات مفترسة فقط للضرب
العبها ياولد
ليش تتصل باالشرطه وش لهم خص أصلاً الشرطه في الموضوع ولله حاله ياحبكم لتكبير الموضوع والموضوع فقط يخص حارس الأمن السكورتي وهذا أهماله وهو المسؤول الأول والأخير
بنتك طلعت من المدرسة وما يدرون عنها .. بتروح للسكورتي يدور عنها ولا بتروح دايركت للشرطة ؟؟
الظاهر ما شربت كوفي الصبح.. مخك للحين مقفل
ليش من الحارس
للعلم الحارس مسئول عن البوابة الرئيسية للمدرسة ولا يترك البوابة الرئيسية اللا مع توفير البديل سواء حارس ثاني او شخص من المدرسة كالمشرف
المسئولية وكل المسئولية تقع على إدارة المدرسة لتركها بوابة مفتوحة بدون رقابة
يبلغون الشرطة يسمى تكبر المواضيع ،يقولون لك ياولدي البنت مالها وجود ،وبدل مايتصلون الى ولي امرها يتم التكتم على الموضوع ،وفوقها مايتصلون للشرطة للبحث عنها ،مديرة المدرسة تتحمل هذه المسؤولية ويجب فتح تحقيق حول الموضوع ،قبل اسبوع طالبين يتم ضربهم بطريقة وحشية ولم تتم محاسبتهم واليوم مديرة مدرسة تستهتر بارواح الطالبات ،وزارة التربية تعاني ويجب اعادة هيكلتها
لا مو بس السكورتي مسئول ،مديرة المدرسة هي المسئولة عن كل ما يحدث في المدرسة والا ليش خلوها مديرة؟؟؟ طفلة في الصف الثاني شلون تطلع وقت اللي مو نهاية الدوام ؟؟ وين المدرسة؟؟ وليش الباب مفتوح أثناء الدوام؟؟؟؟
ماهذا الكلام؟!!
يعني لوبنتك اختفت مابتتصل للشرطة يبحثون عنها؟!!
البنت صغيرة واذا طلعت في الشارع ممكن تضيع او احد يختطفها، الحمد لله شافتها هالمرأة ورجعتها ولا يمكن صار شي موزين
حارس الامن معرض انه يغفل لحظات او ينشغل لقضاء حاجه لكن الاداره وينها احسب المسافه اللي بتجتازها طفله لين توصل للكوبري وبعدها يجيبون الطفله وبعد يتم التستر على الموضوع شتسميه
هذا تستر من الاداره والكل مشترك في هالقضيه وعلى فكره الموضوع فيه مغالطات
السكورتي بس يقعد في البوابة الرئيسية اما البوابة التي خرجت منها الطالبة ليست رئيسية
استهتار من الادارة
طبعا الكل بحط اللوم على المدرسه اوكي تتحمل جزء من المسؤوليه والتلميذه تتحمل الجزء الاكبر شنو في ثاني وماتفهم ممنوع تطلع واذا طلعت خطوتين ماشافت امها ترجع وانتهى الامر فهموا اولادكم لا تخلونهم مايعرفون يتصرفون
صح الكلام انا عندي نفس الفكرة شلون تتجرأ بنت في هذا العمر تطلع تدور امها برة المدرسة المفروض تفهمون اولادكم ان ما يطلعون برة المدرسة لاي سبب من الاسباب المدرسة مو غلطانة كثر البنت واهلها
انا بعد اشوف مدرسة اولادي ساعات بابهم مفتوح يعني جذي على هالحالة هالشي بيتكرر مرات ومرات
ترى هالزمن يخوف لازم يقعدون مع الاطفال ويفهمونهم عدل وشلون تمشي بالشوارع لحد ما وصلت لصوب كوبري السيف شلون صار هالشي هالبنت عندها جرأة مو طبيعية
احلفي يالحلوة
لو بنتش او ولدش صادهم نفس الموقف بتغيرين كلامش مئة بالمئة
ادارة المدرسة مسؤولة تتصل في اولياء امر الطلبة حال حدوث شي لهم
اختفاء
مستشفى
حالة مرضية
اي حالة طارئة
اول شي مفترض يسوونها اخبار اولياء الامور
لا تتكلمين من راسش وبس والله يحطش في الموقف
وتقولين ما خبروني
وانا ما كتبت شي الا من تجربة يوم رحت اخذ ولدي من الشخص يقول ولدش ما رضى يركب ويايي بس تم واقف في الشارع ينطر لما اروح اليه لازم الطفل يتعلم هالشي مرة ومرتين وثلاث اني معلمتنهم ما يروحون ويه احد ولا ياخون من احد شي ولازم يكون حافظ رقم تلفون سواءا اني او احد ثاني وهو كان حافظ رقم تلفوني ترى هالزمن لازم تكرر الدروس على الطفل مرة وثلاث والف عشان ما يصيده شي ولو المدرسة ما انتبهت للاطفال خلاص يضيعون بس تصيدهم البلاوي قال ويش لو ولدش او بنتش اذا مقتنعين ان ما تعلمونهم ولا توجهونه خلوهم الحياة تعلم
احين انتين اقراايي عدل بعدين تعالي علقي احد اعترض ان بلغوا الاهل ما اعترضنا حبوبة شفيش شاطة عمرش واكلتينه
وبس سيدة تدعون على العباد هذا مبدأكم بالحياة الله يعينكم على روحكم مشكل حالات مرضية
وترى الدعوة تلف تلف وترجع لصاحبها لا تخافين الدنيا سلف ودين حتى الكلمة الي تقطينها
تلميذة في الصف الثاني تتحمل جزء من المسئولية
وين عايش انت
احلفوا انتون لا تتفلسفون واجد ما قلنا تتحمل المسولية كامل ولا انك تحط على المدرسة المسئولية مشتركة اولادنا في المدارس ولا يطلعون برة عبالك المدارس ما يكون بابها مفتوح جان كل الطلبة احين برة روح خذ فرة على المدارس وطالع انت لازم تكون معلم الولد او البنت ان المدرسة ما يطلع منها لاي سبب من الاسباب ولا يروح لاي احد حتى يوم تركب مع المراة السيارة هذا اكبر غلط سوته لو طلعت هالمرة مو زينة شنو كان بيصير في البنت انا ولدي ضاع مرة وحصله واحد ما رضى يركب وياه عطاه رقمي واتصل فيني ولدي كان عمره 5 ونص
ماعندكم احساس!
لوكانت بنتك ماكنت قلت هالكلام!
المدرسة مسئولة عن سلامة الطالبات، الابواب لازم تقفل ولازم يكون في حارس امن
وين المدرسات وين الأمن مال التربيه وين المديرة ومساعدتها 'اطفال مستحيل بكل أوقاتهم يقدرون يركزون عدل
في العام الماضي ولدي كان في الصف الاول الابتدائي، طلع آخر الدوام على طول للشارع ساح شنطته ولا أحد من المعلمات يدري عنه مع أنهم كلهم يعرفون اني اروح اخذه كل يوم. لقيناه عقب نص ساعة وسط السيارات يمشي ولما خبرت المدرسة ثاني يوم ولا احد اهتم وحطو اللوم على الولد !! وين المراقبة والمتابعة والاهتمام والخوف على التلاميذ؟ّ
والله لو يحطون الغلط على من أهم شي يفكون روحهم من السالفة والمسؤولية
فاهمين شغلة المعلم غلط!! المعلم من ينتهي دوامه خلاص ما يتحمل اي شي يصير بالطلبة من بعد الجرس .. اللوم ع الحارس في هذا الموقف.. و انتون بعد علموا اولادكم ما يعبرون الشارع بروحهم .. ذيلا اطفال يحتاجون توعية في عبور الشارع من البيت والمدرسة
شدخل الحارس يحرس بوابتين شلون علمني يالذكي ههههه ترى هي طلعت من البوابة الي الوزارة اساسا مو موفرة ليها حارس فهمت والا شلون تحتاج تقرون عدل
صياغة الخبر في بدايته ملخبطة ( فوجئت ولية أمر طالبةهروب ابنتها في الوقت الذي كانت فيه ابنتها خرجت للبجث عن والدتها)
الحمد لله على السلامة والله قدر ولطف
والله يكفي الجميع الشر
الله يستر علينااا
الحمدالله على السلامة
درسنا بمدارسنا السور هبيط وبوابة السيارات مفتوحه. بس ويه الزحمه والكل يضيع. والبسيط صار ممتنع
الحمد للة علی سلامة الطفلة
هذا اهمال من ادارة المدرسة وفي هذة الحالات يجب اخبار ولي امر الطالبة باختفاء ابنتهم من المدرسة ومن الاخطاء باب مفتوح لدخول الطالبات والسيارات وبدون حارس ارجو من مديرة المدرسة الحفاظ علی سلامة الطالبات وعدم استخدام بوابة لدخول الطالبات والسيارات ويجب التحقيق في الموضوع لكي لا يتكرر مرة ثانية
السالفه افنشون السکورتي ويقطعون لقمه عشه وخلاص
لا والله
حمدلله على سلامة الطفلة